|
Re: خبر عجيب (Re: mohmmed said ahmed)
|
الأخ العزيز محمد سيد أولا أنا لست برجل قانون ولست من المدافعين عن الإنقاذ أنا لو فهمت تعجبك صاح Quote: شخص مدان وليس فى استطاعته رد الاموال المنهوبه يعاقب بالسجن |
إنك مستغرب من كونو نيابة المال العام رفضت إطلاق سراح هؤلاء وتعتبرهم (أنت) لسبب من سببين أطلقت سراحهم المحكمه
Quote: محكمة الجن دى
شافت الناس ديل عشان معسرين سرقوا وهى قدرت ظروفهم الحرجة
ولا
عشان ما قاديرن يسددوا المبالغ المختلسة برضو قدرت الظروف |
إذا سمحت لي بالتعليق على هذا الموضوع خاصة أن هؤلاء الخمسة (وفقا للخبر الذي بين يدينا) مدانون وليس متهمون بداية شوف معاي الخمسه ديل (خمسه اشخاص) شوف معاي إختلسو كم يعني ديل ما إختلسوا خمسمائة ألف ولا مليون ولا خمسه ملايين ولا خمسين مليون ديل إختلسوا نص مليار!!!!!!!!!!!!!!!!!!!!!!!!!!!!!!!!!!!!!!!! يعني بمعدل الواحد فيهم إختلس 100 مليون !!!! ياخي الزول المعسر البيسرق عشان هو معسر النقول يسرق ليهو ماية ألف ياخي يقوم يسرق 100 مليون ده والله عين الإفتراء عشان كده ما ممكن يكون بسبب الإعسار إحتاج يسرق المبلغ ده كلو وبالتالي أعتقد أن النيابة يمكن أن تكون إستبعدت هذه النقطة أما النقطه التانيه عشان ما قادرين يسددوا القروش أنا الزول البره السودان لي فوق لي واحد وعشرين سنه مرت علي قصة واحد إختلس ليهو مليون جنيه سوداني (زمن المليون كان مليون) قبل حوالي خمسه وعشرين سنه كده أها صاحبك ده قبضوهو وأودعوهو السجن وقضى فترة حجزو كامله وهسه متجدع بالقروش بمعنى آخر الجماعه البيختلسو مبلغ قدر ده ما تتخيل حايكون عندهم الرغبه إن يسددوا المبلغ أو يردوه أكيد معتمدين علي موضوع الإعسار ده وبعدين يجو يتجدعوا بالقروش علي أساس إنها ماحقتهم (يعني مكتوبه كأملاك لي آخرين تربطهم بهم صلة ما)
أنا عموما بعتقد إنو التساهل في مثل هذه القضايا هو ما سيجعل المال (سايبا) أكتر من ماهو (سايب الآن) عشان كده لو في طريقه كمان ديل يسجنوهم أعمال شاقة حتى يدفعوا تمن السرقه عمل عام حتى يكونوا عبرة لغيرهم من الجشعين آكلي مال الشعب
|
|
|
|
|
|
|
العنوان |
الكاتب |
Date |
خبر عجيب | mohmmed said ahmed | 11-11-09, 08:56 AM |
Re: خبر عجيب | mohmmed said ahmed | 11-11-09, 09:08 AM |
Re: خبر عجيب | كمال حسن | 11-11-09, 09:54 AM |
Re: خبر عجيب | مريم بنت الحسين | 11-11-09, 10:32 AM |
Re: خبر عجيب | أسامة عبد الجليل | 11-11-09, 10:44 AM |
Re: خبر عجيب | Abd-Elrhman sorkati | 11-11-09, 12:26 PM |
Re: خبر عجيب | ودقاسم | 11-11-09, 01:01 PM |
Re: خبر عجيب | mohmmed said ahmed | 11-11-09, 05:53 PM |
Re: خبر عجيب | mohmmed said ahmed | 11-11-09, 06:47 PM |
Re: خبر عجيب | BAKTASH | 11-11-09, 06:54 PM |
|
|
|