خروج الصحافية لبنى متخفية في حجاب أفغاني..صفعة قوية لمؤيديها

Quote: هلا يا احمد.. قضية لبني كانت قضية في الفضاءالسوداني العام وهذا الفضاء به قضايا كثيرة تتشابك وتتداخل فيه اجندة كثيرة.. وعشان كده بنلقي الجانب السياسي والصراع الاجتماعي ما بين العلمانية والفكر الديني وكذلك قضايا جندر وااشياء اخري عديدة كلها اشتغلت تش في القضية دي... فعشان كده ما بنقدر نقول عليها سياسية فقط رغم وجود بعض الجوانب السياسية فيها...والصراع ده يا احمد ما بقيف علي محطة لبني بس (عشان كده قلت ليك القصة ما مربوطة بلبني) الصراع ده مدور وماشي وما لبني الا محطة فيه... حدث فيها تنوير كثيف وبيان للعمل لواحدة من جزئيات هذا الصراع كلووو عبر صيحة لبني... في موضوع لبني ده بتفق معاك بانو هنالك الكثير من الاخطاء والمفاهيم التي ضرت القضية فالمعركة اديرت في بعض الاحيان بوووعي استقطابي اضر بالقضية التي كان مردودها ممكن يكون اكبر من كده كثير... ولكن دوما نشكر لبني كونها ساهمت في هذا الامر الخلافي العميق بين مكونات فكرية وسياسية قاطنة في وطن واحد