|
Re: للاطباء فقط ! (Re: معاذ منصور)
|
الحبيب / معاذ منصور الجزولي ود الدفعة اولا: كفارة وسلامتك وناس المنبر كلهم كرامتك ووين انت مسجل غياب عن المنبر وجع الضهر ده اكيد من القعاد الطويل امام الكمبيوتر وهاك يا مقالات وشمارات وخبارات وسودانيزاونلاين ماتكتر من كل ذلك ثانياً: طبعا انت قلت للاطباء فقط ونحن كلنا اطباء لكن اطباء من نوع آخر وكثيراً ما اقول لطلبتي وطالباتي بالطبع انتو اهم من الاطباء الاطباء بيعالجوا حالات بسيطة ولكن خبر منكم ومعلومة واحدة منكم ممكن تعالج امة بحالها والعكس بالعكس ثالثاً: حديثك الاول ذكرني باخونا الشهيد الطيب عبد الله ود الزريبة زريبة المناقل ما زريبة الابيض فقد قال لى انه مجرد ان تم اعلان اسمه في الراديو وكان ذلك ايام العز وايام قبولوه في الجامعة انه مقبول في جامعة امدرمان الاسلامية وطبعا هو كان مقبول في كلية الاداب شعبة الصحافة والاعلام وقف جده في نص جامع الحلة الوحيد ومسك ايد الطيب وقال لى اهل الزريبة اها يا جماعة الخير ود ولدي قبلوه في الجامعة الاسلامية بكرة يتخرج ويجي يكون امام جامعكم ده. رابعاً: انا ما عارف التأمين ده حيث انت في السعودية ام في السودان على العموم نفس الاشكالية دى عندنا في ماليزيافقط الصيدلية على طول يعني لا اشعة ولاتحاليل طبية كما هو الحال في السودان واحيانا في السودان بدلا من ان تذهب الى الطبيب تذهب مباشرة الى الفحيص وتكتب انت الروشتة براك وتذهب تقول للصيدلى اديني الدواء داك لا الاحمر مو اللبني مودتي
|
|
|
|
|
|