ليه جاي فاتح صدرك وبتقول شكل للبيع؟ وليه ما بتفرّق بين الهروب والاستخفاف؟ وليه ما بترد على أسئلتي بالمقابل؟ هل ممكن أقول إنك بتتهرب أو إنك عجزتَ؟ ده شنو أسلوب الشفع ده؟
المثل بيقول: الما بيشوف من الغربال أعمى
إذا البوست بي طولو وعرضو ما بيجاوب ليك على أسئلتك الغريبة دي فيبقى بالجد ما في فايدة
11-03-2009, 09:50 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
يا هشام انظر إلى هذه الصورة Taken by NASA's Applications Technology Satellite 3 (ATS 3) at 1402 UTC on July 21, 1970. Note that Tropical Storm Becky can be seen in the Gulf of Mexico near Florida.
SOURCE: NOAA Photo Library.
11-03-2009, 02:59 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: خلينا معاك للنهاية في حكاية الكروية دي، لأنها للأسف بيناقض حقيقة علمية مثبتة بتقول إنو الأرض "مفلطحة"
مفلطح في اللغة العربية تعني :
Quote: في لسان العرب : المُفَلْطَحُ الذي فيه عِرَضٌ واتساع وفي القاموس المحيط : َلْطَحَ القُرْصَ : بَسَطَهُ وعَرَّضَهُ . ورَأْسٌ فِلْطاحٌ ومُفَلْطَحٌ : عَريضٌ . وفي تاج العروس : المُفَلْطَح : الذي فيه عِرَضٌ واتِّسَاع . ورَأْس فِلْطَاحٌ بالكسر ومُفَلْطَح أَي عَريض. وفي النهاية في غريب الأثر : المُفَلْطَح : الذي فيه عَرْض واتِّساع. وفي غريب الحديث للخطابي : المفلطحة وهي الرقاقة التي قد فلطحت أي دحيت وبسطت يقال فلطحت الرقاقة إذا بسطتها. وفي معجم البلدان : يقال رأس مفلطح أي عريض.
على ضوء المعاني الواردة في قواميس اللغة العربية نخلص الى أنه يمكننا وصف أي جسم عريض وفيه اتساع بكلمة (مفلطح) بما في ذلك الشكل الـ(بيضاوي) والذي هو في حقيقة الأمر مفلطح. أما قولك :
Quote: فطالما الآية بتقول بكروية الأرض وفي أكتر من عشرين عالم من علماء المسلمين بيقول بكروية الأرض، فلماذا تخالف رأي جمهور العلماء وتدعي بيضاويتها؟
فعليك أن تعلم بأن الاجسام مهما كان وصفها بيضاوية أو مفلطحة حسب وصفك أو ما شابه طالما أن لها محيط كروي فهي في النهاية كروية وأنت زاتك ما قصرت معاي في الحتة دي بالذات وجبت لي انو كلمة كروي
Quote: أَصله من تَكْوِيرِ العمامة،
ومن المعلوم أن العمامة تلف بأشكال مختلفة مفلطحة مثل وصفك أو بيضاوية (تشبه البيضة) أو ما شابه ولكن في نهاية الأمر الامر يتعلق بالتدوير. بالتالي يمكن أن يطلق على الشكل المفلطح لفظ (كروي). أما بخصوص الصورة الجبتها انت وقلت انها الشكل الحقيقي للأرض حسب وكالة ناسا سنة 2002 فأنا اطلعت على التقرير ولقيت انهم بيتكلموا عن حدوث تغيير في مجال الجاذبية الأرضية بدا سنة 1997 وفي سنة 1998 أكدت بيانات الأقمار الإصطناعية انو في زيادة في انبعاج الكرة الأرضية ، وهم بيتكلموا انو التغييرات دي ممكن تغير شكل الكرة الأرضية من الشكل البشبه كرة القدم (سوكر) للشكل بتاع كرة القدم الامريكية وده الشئ الجبتو انت في الصورة ، يعني يا هشام ما كان في داعي تجيب الكلام ده وانت عارف انهم عاملين تشبيه للشئ الممكن يحصل مستقبلاً ، بإختصار الصورة الشمال هي الصورة الحقيقية للأرض والصورة اليمين لشكل الأرض بعد مرور سنوات طويلة جداً وفي حال عدم حدوث تغييرات في مناخ الأرض.
صورة للأرض من القمر -الصورة من موقع وكالة ناسا الفضائية :
حاجة تانية ، والله تقريرك الجبتو ده ريحني راحة أصلو ما تتصوره ، عليك الله شوف ناس وكالة ناسا ديل بقولوا شنو :
Quote: as the difference between a football and a soccer ball
يعني يا هشام بإختصار شديد ناس وكالة ناسا زاتهم أطلقوا على كرة القدم الأمريكية المفلطحة لفظ (كرة) .. وهو المطلوب إثباته. أما بخصوص ما ذكرته أنت أن علماء المسلمين يقصدون بكروية الأرض شكل العملة المعدنية فأنا أول مرة أعرف انو العملة المعدنية شكلها كروي كدي يا هشام اقرا الكلام ده واتمعن فيهو كويس ، قال الذهبي في (مختصر العلو) ص73 :
Quote: الأرض في وسط السماء كبطيخة في جوف بطيخة، والسماء محيطة بها من جميع جوانبها،
أها رايك شنو يا أستاذ؟ بعدين لو سمحت ما تقارن بين ناس قالوا انو الأرض زي القطعة المعدنية وسابحة في موية ولا ما عارف شنو وبين علماء قالوا انها كروية وتسبح في الفلك ، وبرضو حرام تقارن بين ناس بيفترضوا مجرد افتراضات وبين علماء قطعوا الشك باليقين بنص آيات القرءان الكريم وقالوا انو الأرض كروية وتسبح في فضاء الكون ، وبرضو غلط كبير انو تقارن بين ناس طلع كلامهم غلط (مجرد تخاريف) وبين ناس طلع كلامهم صاح 100%.
تخريمة جوه الموضوع : غاليليو قال انو الأرض (كروية) ، حسب مداخلتك الأخيره معناتو انو غاليليو بيعني انو الأرض زي القطعة المعدنية طالما انو ما قال انها (مفلطحة) بالتالي غاليليو ده كلامو بيطابق كلام علماء المسلمين يعني نهايتو انو زول مخرف ساي!
Quote: وده الكلام الكان مكتوب في مقال جواد البشيتي (الأرض ليست كروية في القرآن) القلتا إنك قريتها، وما عقبتَ عليها أبداً خلال النقاش
والله يا هشام الزول ده uncounted ، ما عشان شخصو لأني ما بعرفو أصلاً لكن عشان انو زول جاهل وعامل فيها أبو الحروف ، والله لو أنا شفت انو بستحق الرد والتعقيب عليهو كان رديت ، لكن عشانك انت أنا اديك نموذج واحد من الهرطقة بتاعة الزول ده :
Quote: إذا كان "دحو الأرض" هو جَعلها "كروية"، فهل يجوز ويصح أن نقول بوجود الليل والنهار "قَبْلَ" دحو الأرض؟!
عليك الله الزول ده ما جاهل؟ ياخ ده ما عارف معنى (دحو الأرض) وجايي كاتب ليهو مقال طول في عرض ، ببساطة الرد على النقطة دي -عشانك يا هشام- في التالي : دحو الأرض لا يعني خلق الأرض (وانت وافقتني على النقطة دي) ، فقد خلق الله عز وجل الأرض وكورها ووضعها في مدارها فظهر الليل والنهار ، ولكنها كانت ذات طبيعة قاسية وبالتالي لا تصلح ليعيش عليها البشر والدواب ، فلما أكمل الله عز وجل خلق السماوات قام بدحو الأرض أي بسطها ومدها وتفجير الأنهار وإلقاء الجبال فيها وتنزيل المطر وخروج المرعى تمهيداً لظهور الكائنات الحية عليها من الإنس والدواب والانعام وغيرها.
Quote: على ضوء المعاني الواردة في قواميس اللغة العربية نخلص الى أنه يمكننا وصف أي جسم عريض وفيه اتساع بكلمة (مفلطح) بما في ذلك الشكل الـ(بيضاوي) والذي هو في حقيقة الأمر مفلطح.
هاهاهاهاهاهاهاهاهاهاهاهاها غايتو يضحك أيامك يا محمد مختار ما قلتا ليك إنتا داير تكسر رقبة اللغة؟
يا زول أنا مارق من البوست ده وكل زول والفي راسو
11-03-2009, 03:37 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
تصدّق بإيه إنتا اللي حريف؟ ولذيذ كمان قلتا لي على أساس إنهم خواجات من قبيلة بن فزارة يعني ولا شنو؟ حسي "الكرة" الأرضية دي بالإنجليزية اسمها Ball Earth ؟ هاهاهاهاهاهاها
11-03-2009, 03:47 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
لكن ما أحرف منك يابوالشوش كدي عليك الله يابوالشوش الخواجات ديل خلينا منهم ، اهو انت زول عندك ماجستير بتاع لغة عربية ، الحاجة الفلطحة البيلعبو بيها الأمريكيين ويشوتوها بي كرعينهم ممكن نسميها شنو باللغة العربية؟ اهو برضو عشان نستفيد منك
11-03-2009, 03:58 PM
هشام آدم هشام آدم
تاريخ التسجيل: 11-06-2005
مجموع المشاركات: 12249
Quote: كدي عليك الله يابوالشوش الخواجات ديل خلينا منهم
وخلينا منهم ليه؟ ما برااااك قلتا الاتنين Ball يقطع يومك ياخ :):) :):) كدي وريني إنتا كلمة كُرَة" في المعجم العربي عندو معنى وله لا؟ يمكن نستفيد من المعلومة دي
11-03-2009, 03:59 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
وبرضو يا هشام -للفائدة العامة- أنا قمت بإقتباس جزء من التقرير الجبتو انت من وكالة ناسا :
Quote: During the last ice age, glaciers covered much of the land, reaching down far into the United States, deforming the solid Earth," Dickey said. "As the ice age ended, the ice sheets gradually were reduced, leaving remnant glaciers. The Earth is inelastic and responds to changes by slowly recovering on time scales of tens of thousands of years, resulting in a redistribution of mass toward the higher latitudes, effectively making the Earth more spherical. This phenomenon, called post-glacial rebound, still continues today, due to the slow response of the Earth's mantle."
كدي عليك الله يا هشام ركز فيما تحته خط ، الخواجات قالوا (جعل الأرض أكثر كروية) ، طبعاً انت عندك الكورة دي حاجة واحدة ، طيب ممكن على ضوء فهمك للكروية الواحدة دي تورينا (أكثر كروية) بتعني شنو ؟؟؟
11-03-2009, 04:28 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
Quote: الكروي المفلطح (بالإنجليزية: oblate spheroid) هي عملية دوران متجانسة لسطح ناقص بحيث طول محوره القطبي (ويسمى المحور الثانوي) أقل من طول قطر دائرته الاستوائية والتي تقطعه في منتصفه (ويسمى المحور الأساسي)[1]. حلوى "أم أند أم" (بالإنجليزية: M&M) هي من الأمثلة الحية لشكل كرة مفلطحة. يمكن تشكيل كرة مفلطحة عن طريق دوران اهليلج حول محوره الثانوي ليشكل مدارا استوائيا مع أطراف المحور الأساسي. ومثل كل الأسطح الناقصة، يمكن تحديده بحسب طول محاوره الأساسية الثلاث المتعامدة مع بعض: خطين متعامدين استوائيين والخط القطبي المتعامد معهما.
زي ما قلت ليك قبل كده ، الموضوع للنقاش والفائدة العامة ما أكتر من كده ، وأنا شايف انو أحسن نتجاوز النقطة بتاعة كروي ومفلطح وما شابه لأنها طلعتنا بره الموضوع .. ممكن نبدا النقاش في قصة ابراهيم عليه السلام. اذا اتفقت معاي في تجاوز النقطة بتاعة كروي ومفلطح وما شابه فمن بكره النقاش ان شاء الله عن قصة نبي الله ابراهيم عليه السلام.
تحياتي
11-03-2009, 04:46 PM
هشام آدم هشام آدم
تاريخ التسجيل: 11-06-2005
مجموع المشاركات: 12249
أول مرّة أعرف إنو Wikipedia معجم معتمد للغة العربية! على العموم كويس إنك وصلت لنتيجة إنه في "كرة" وفي "كرة مفلطحة" وإنو في فرق بيناتهم، ده في حدّ زاتو إنجاز كبير جداً
11-03-2009, 04:52 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
يا أستاذ هشام .. ممكن أرد على مداخلتك الأخيرة لكن كده النقاش بيبقا بره الموضوع ، لو وافقتني على الإنتقال للنقطة التانية أكون شاكر ليك جداً ، لو أصريت على إكمال النقاش في حتة كروي ومفلطح دي أنا ما عندي مانع لكن ما شكلنا حنصل لي نتيجة والنقاش في حد ذاتو حايبقى غير مفيد.
تحياتي
11-03-2009, 05:13 PM
هشام آدم هشام آدم
تاريخ التسجيل: 11-06-2005
مجموع المشاركات: 12249
محمد مختار ياخوي البيحصل هنا ده ما اسمو نقاش أساساً، ده اسمو غلاط، مرّة تقول لي الأرض بيضاوية وتجي تلوي عنق اللغة وتدعي إنو دحا دي ممكن يكون معناها كده، وتاني تجي تقول لا كروية مستديرة، وحسي جاي تقول لي كروية مفلطحة، وما عرفتك إنتا شايت وين بالضبط. على العموم، زي ما إنتا قلتا شكلو ما حنصل لنتيجة، فالأحسن ننتقل للنقطة التانية.
11-03-2009, 05:39 PM
محمد عبدالله مختار محمد عبدالله مختار
تاريخ التسجيل: 08-20-2009
مجموع المشاركات: 2896
أشكرك جداً يا أستاذ هشام ، وما حأرد على كلامك الأخير عشان الترانزيشن يكون شكلو جميل .. عن نفسي حأرد عليك بكره ان شاء الله من خلال كلامك الفي بوست أستاذ عزام فيما يخص قولك باللامنطق في قصة إبراهيم عليه السلام وحادثة إحياء الموتى.
* ضيوف البوست الكرام ، ياريت ما نرجع لي ورا ، نطمع في إثرائكم النقاش ولكن في الموضوع الجديد وهو ما زعمه هشام بشأن اللا منطق في قوله عز وجل :{وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِـي الْمَوْتَى قَالَ أَوَلَمْ تُؤْمِن قَالَ بَلَى وَلَـكِن لِّيَطْمَئِنَّ قَلْبِي قَالَ فَخُذْ أَرْبَعَةً مِّنَ الطَّيْرِ فَصُرْهُنَّ إِلَيْكَ ثُمَّ اجْعَلْ عَلَى كُلِّ جَبَلٍ مِّنْهُنَّ جُزْءاً ثُمَّ ادْعُهُنَّ يَأْتِينَكَ سَعْياً وَاعْلَمْ أَنَّ اللّهَ عَزِيزٌ حَكِيمٌ }البقرة260
الأستاذ هشام آدم تحية طيبة .. قبل ما نبدا النقاش في الموضوع الجديد حبيت أديك هدية بسيطة رداً على ما أهديته لي من فيديوهات ، ملف فيديو واحد مسجل من برنامج وثائقي تم بثه على قناة ديسكفري ، ما حياخد من وقتك كتير ، وقارن بقول المولى عز وجل : {لَقَدْ أَرْسَلْنَا رُسُلَنَا بِالْبَيِّنَاتِ وَأَنزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ وَأَنزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَن يَنصُرُهُ وَرُسُلَهُ بِالْغَيْبِ إِنَّ اللَّهَ قَوِيٌّ عَزِيزٌ }الحديد25
أشكرك على الإهداء الجميل وأتمنى لك –بكل صدق- امتلاك القدرة الكافية للتخلّص من الأوهام، والاقتناع بأنه لا يوجد إعجاز علمي في القرآن ولا ينبغي للقرآن أن يحتوي على مثل هذه المعجزات التي تحاولون إلصاقه به. أُهديك في المقابل فيلماً قصيراً مدته تتجاوز العشر دقائق بقليل عمّا تظنه معجزة قرآنية خالصة. كثير من المسلمين اليوم ما عادوا مقتنعين بأن القرآن يحتوي على إعجاز "علمي" ولم يُؤثر ذلك في اعتقادهم بالله أو حتى بالإسلام، لأنهم عرفوا زيف هذا الإدعاء ومصدره من عقول وذهنيات تسعى دائماً إلى اصطناع مثل هذه الإدعاءات والأكاذيب.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mohamed E. Seliaman
هشام آدم
محمد عبدالله مختار
فيس بوك
تويتر
انستقرام
يوتيوب
بنتيريست