|
Re: صيوان جاهز بعد الدفن النهائي والضحك الجماعي (Re: Talal Halfa)
|
هدية من خالد عزالدين..والكلام ليك يا المنطط عينيك
مريخ مازيمبي .. الراسو دايش منو ؟!! اتهمني الكاتب الظريف بابكر سلك بـ( لفة الراس) بعد هزيمة مازيمبي.. وقال فيما قال أنني فقدت الوعي وسكيت ضلي !! وأنا فعلا (ساكي) سلك من زمان.. وبالتالي أنا فعلاً ساكي (ضلي) يا ضلنا !! لكن راسي تمام التمام.. وأنا واعي وصاحي ومفتح كمان يا سلك.. ممكن تقول علي حزين، ممكن تقول علي (صابر) في بنك السودان !! ممكن تقول علي أي حاجة عشان ( تكاوي ) إن شاء الله تقول علي (مكاوي) بس ما (تقطع) بصحة أني دايش وتعمل فيها (اسامة) عشان انت (حمامة) وواضح جداً انك انت دايش ومعاك ناس كتار خلاااااص.. والله الأنا شايفو انو المريخ كلو (دايش) إلا من رحم ربي .. في دوشة يا سلك أكتر من انكم تتخليو المريخ هو مازيمبي !!! في دوشة أكتر من انكم تفرحوا وترقصوا لهزيمة الهلال وكأن المريخ انتصر !! في دوشة أكتر من انكم تشيلو (الجنازة) وتمشو عشان تدفنوها تلقو انتو ذاتكم ما عندكم مقبرة !! انتو قايلين قصة العنقريب دي ساكت ! ما لازم يكون عندك مقابر مسجلة بي اسمك عشان تدفن.. لو ما إنتو راسكم دايش في زول مدفون بدفن ليهو زول !! هو إنتو طلعتوا من المقابر عشان تدفنوا !! نحنا أول حاجة عملناها دفناكم.. بعدين لعبنا مع مازيمبي.. يعني لو انتو راسكم دايش ومتخيلين انكم (حييتو) وغيرتو اسم المريخ كالعادة من فكتوريا والاهلي والمسالمة والمريخ وسميتو المرة دي مازيمبي.. احسن تصحو !! شايفكم بي قوة عين كده.. عاملين فيها ولا مازيمبي ذاتو !! بتتكلمو عن (موبوتو) زي التقول وارغو !!! وبترقصوا مع حارس مازيمبي زي التقول اكرم الهادي سليم .. يا سلك انتو عقلكم ما سليم !! خلي بالكم الدوشة دي نستكم إنكم مغلوبين من الهلال بتلاتة وإن أقصى ما توصلتم اليه من الدرونات تلاتة ومن النقاط تلاتة ومن الهزائم تلاتة وبالتلاتة !! البشوفكم ترقصوا وتغنو كده يقول انتو الغالبين تلاتة ..عليك الله الدايش منو هسة يا سلك !! في زول في بيت بكاء برقص جنس رقيصكم دا ؟ إلا يكون راسو دايش فعلا .. يعني فريق طيش المجموعتين وبدون انتصار وبهزيمة علي أرضه وهزيمة خارج أرضه ودفن في المقبرة بثلاثية ومجلس ادارتو لا فيهو نائب رئيس ولا مساعد رئيس والمعارضة بتطالب باقالة الرئيس والرئيس بطالب بعدم التعاون مع الاعلام السالب وبجتهد أيما اجتهاد وبـ( الكربوني ) عشان يبقي زي الهلال.. والرئيس معترف بالطيش وانتو بترقصوا جنس رقيص وبتقولو خالد فكرو طايش !! يا طيش .. قال ليك يا سلك في واحد (فلسطيني) عمل (شكلة) مع (بنغالي) بي حركة حركتين بتاعة ( كراتيه ) كده رمي ليك البنغالي .. البنغالي قام ومشي هناك و(كورك) ليك للفلسطيني .. فلسطيني .. فلسطيني .. اسرائيل كيف !! هلالابي هلالابي .. مازيمبي كيف .. دي ما بتحلكم مننا.. أول وآخر انتصار في دوري الأبطال لصالح الهلال.. أول وآخر هزيمة للمريخ في دوري الأبطال من الهلال .. ثلاثية المقبرة حدث تاريخي بعمل أكتر من الدوشة الحاصلا ليكم هسة دي ومخلياكم تتخليو مازيمبي المريخ !! في واحد مريخابي كترت ما اتخيل مازيمبي المريخ .. بتكلم معاهو قال لي جمال الوالي قال ما بخلي (موبوتو) يحترف في الرائد السعودي !! أصحوا يا سلك وشوفوا الحاصل للمريخ دا قبل مباراة الدوري الممتاز.. عشان نحن لو جينا زعلانين.. بندفنكم المرة دي دفن الليل.. بتعرف دفن الليل كيف ؟!!!! (غسّل) وشك و( بل ) راسك وتعال بوريك ؟!!!
|
|
|
|
|
|
|
العنوان |
الكاتب |
Date |
صيوان جاهز بعد الدفن النهائي والضحك الجماعي | Dr.Elsadig Abdalla | 10-18-09, 09:04 AM |
Re: صيوان جاهز بعد الدفن النهائي والضحك الجماعي | شمس الدين ساتى | 10-18-09, 09:08 AM |
Re: صيوان جاهز بعد الدفن النهائي والضحك الجماعي | Dr.Elsadig Abdalla | 10-18-09, 09:14 AM |
Re: صيوان جاهز بعد الدفن النهائي والضحك الجماعي | مزمل خيرى | 10-18-09, 09:25 AM |
Re: صيوان جاهز بعد الدفن النهائي والضحك الجماعي | Dr.Elsadig Abdalla | 10-18-09, 09:32 AM |
Re: صيوان جاهز بعد الدفن النهائي والضحك الجماعي | Abdlaziz Eisa | 10-18-09, 09:42 AM |
Re: صيوان جاهز بعد الدفن النهائي والضحك الجماعي | Dr.Elsadig Abdalla | 10-18-09, 10:27 AM |
Re: صيوان جاهز بعد الدفن النهائي والضحك الجماعي | abdalla osman | 10-18-09, 10:29 AM |
Re: صيوان جاهز بعد الدفن النهائي والضحك الجماعي | Abdlaziz Eisa | 10-18-09, 10:49 AM |
Re: صيوان جاهز بعد الدفن النهائي والضحك الجماعي | Dr.Elsadig Abdalla | 10-18-09, 11:11 AM |
Re: صيوان جاهز بعد الدفن النهائي والضحك الجماعي | محمد عيد | 10-18-09, 11:33 AM |
Re: صيوان جاهز بعد الدفن النهائي والضحك الجماعي | abdalla osman | 10-18-09, 11:39 AM |
Re: صيوان جاهز بعد الدفن النهائي والضحك الجماعي | العوض المسلمي | 10-18-09, 11:52 AM |
Re: صيوان جاهز بعد الدفن النهائي والضحك الجماعي | Dr.Elsadig Abdalla | 10-18-09, 12:54 PM |
Re: صيوان جاهز بعد الدفن النهائي والضحك الجماعي | Dr.Elsadig Abdalla | 10-18-09, 01:07 PM |
Re: صيوان جاهز بعد الدفن النهائي والضحك الجماعي | Talal Halfa | 10-18-09, 01:07 PM |
Re: صيوان جاهز بعد الدفن النهائي والضحك الجماعي | حسام هارون | 10-18-09, 01:11 PM |
Re: صيوان جاهز بعد الدفن النهائي والضحك الجماعي | Abdlaziz Eisa | 10-18-09, 02:03 PM |
Re: صيوان جاهز بعد الدفن النهائي والضحك الجماعي | Dr.Elsadig Abdalla | 10-18-09, 06:52 PM |
Re: صيوان جاهز بعد الدفن النهائي والضحك الجماعي | جلال عثمان | 10-18-09, 07:24 PM |
Re: صيوان جاهز بعد الدفن النهائي والضحك الجماعي | Dr.Elsadig Abdalla | 10-18-09, 07:27 PM |
|
|
|