الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
دعوة مفتوحة لشيخ شيوخ العرب .... ود شيقوق
|
عزيزنا الشيخ
سبق لي عدة مرات دعوة شخصكم الكريم لزيارة الدوحة
ولكن قالو : القدم ليه رافع
والآن
هناك دعوة خاصة لكم لزيارة الدوحة وتشريفنا مقدمة لكم من اخي وصديقي وزميلي الدكتور ادريس جميل
فهل من استجابة سريعة
نامل ذلك
|
|
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
مولانا المستشار حسن طه
صباحك ورد
Quote: هناك دعوة خاصة لكم لزيارة الدوحة وتشريفنا مقدمة لكم من اخي وصديقي وزميلي الدكتور ادريس جميل |
انه لشرف عظيم ان تكون الدعوة من الاخ الصديق وزميل الزمن الجميل الدكتور ود جميل
وانه لشرف عظيم ان التقيكم شخصيا مولانا حسن طه
وسانحة اهتبلها لمقابلة الاخوة والاخوات بورداب الدوحة الحلوييييييييييين نامن غلط
لقيتونى كيف؟
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: عشة بت فاطنة)
|
الاستاذ حسن طه
لك التحية
أسمح لى أن أخاطب من خلاك السد الطيب ود شيقوق
Quote: وسانحة اهتبلها لمقابلة الاخوة والاخوات بورداب الدوحة الحلوييييييييييين نامن غلط |
لازم يا " سمى " تحرجنا مع الاجانب
تشي معاك حرف السين و الحاء و النون و الواو ده محل ما تقبل ؟
و بعدين أبتهل و لا أهتبل و لا أهبل ؟
قرب تعال ما تبتعد
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: الطيب رحمه قريمان)
|
قريمان القرمان للمناكفات
كيفك
Quote: لازم يا " سمى " تحرجنا مع الاجانب |
لالالالا يا العسل من دى نوم قفا - اخوك لبييييييييييس زى العريس من هيئة التدريس
Quote: و بعدين أبتهل و لا أهتبل و لا أهبل ؟ |
اهتبل يا العشاء - بنت عدنان دى ربنا جاعلها زى الجنينة كلها برتكان
صاحي؟
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
Quote: عندكم كنتاكي وبيتزا وفسيخ في الدوحة ؟
|
شيقا
عايز كنتاكي الخواجة ام كنتاكي ام العيال؟
فسيخ قال
امال التركين ( الملوحة ) يروح فين.
بس معاك الحبوب فيصل ود خليل.
هاك دي ( حقيقية ):
مرة في واحدة بتصف لصاحبتها كيفية تجهيز التركين
بتي العزيزة كانت حاضرة التوصيف.
البتصف قالت :
حمري البصل نمن يبقي لونه شاحب .
بتي علي طول علقت وهي تكره حاجة اسمها تركين :
حيبقي شاحب من المنتطره.
هاهاهاها.
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
Quote: ما لقيت ليك زول غير المسنوح دا تعزمو ، دا كان جاء هناك بتقطعو مويه وكهربا |
اختي العزيزة هويدا بت شرف الدين
انت ناسية نحنا في دولة خليجية
يسمنا مما اغتربنا ما شفنا موية ولا كهرباء انقطعت... عيني باردة.
بعدين ثقافة قطعة الموية والكهرباء دي بنستمتع بيها نحنا السودانيين بس.
شيقا دا نمن يمشي السودان في اجازاته
يا دوب بنتفتش لناس نصدرها ليهم الموية والكهرباء .
ومرحبتين حبابك بس شيقا رايه شنو؟
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
Quote: طبعا أنا عارفه في الخليج ما في مويه ولا كهربا بتقطع لكن لو جاكم دا بقطعها عليكم الهوا دا بقطعو صدقني ما تجازف |
هويدا بت الشريف شرف الدين
كمان جابت ليها هوا
المهم انا هسه شغال بعمل في اتفاقية توريد كنتاكي اصلو بلاده من امريكا.
دا طلبه.
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: بدر الدين الأمير)
|
زحوا لي كدا
مالكم?
في شنو ?
بدفر مالك يا شيقا ?
اقوشطك كدا
تلبد ?
والله عشان حركاتك ما تجي معانا
امشي شوف ليك دوم كدو
ياخي الزول دا زهجني انخشموا ليكم
قال كنتاكي قال
و ذي ما قال ليك سيف
وينو خشم الكنتاكي دا يا رمة
ياخي تاني ما تبارني بقول ليك عديل كدا
دا شنو المرض دا ياخي
و بعدين تعال شنو البرادنة العامل
لينا بيها غاغا دي انت قايلها ببنس و الا شنو
باللهي يا حسن طه دا سيبك منو
و حضر لينا البتاع
بس كيتن في شيقا يكون بارد و مندي
والله يا شيقا جقمة ما اديك منها
عامل كراعينك المشققات من البرد ديل
شوف ليك حيمورة حكهن بيها .
والله لو ماشايف حمام قادل بجاي
كتا اشتقيت ليك من الحك مفردة
الماسنجرات الداخلية تقع قرش و نص
فوتك بعافية يا البوم
نحي الاستاذين حسن طه
و الطيب شيقوق و نتمى ان نلتقي
قريبآ
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: الطيب شيقوق)
|
ود الكامل
Quote: اها امشي قابل صاحبك المسينيح دكتور كوستا |
هو دكتور اخخخخخخخخخ امانة يا شيقا ما اتلومت طب انا قايلو زولا ساى
دا يكون خم الريالات بالكيلة من الدوحة الكنتاكي عندو زى قلبة النعال
Quote: يا مولانا حسن عليك الله ماتنسي تشربو الشربوت
اشرب الشربها ,,,,, عو عارف انا قاص منو المسنوح.
كنتاكي قال .. تاكلو بي ياتو خشم يا البعشوم. |
يا زول ما تقول الكلام دا الدعوة من مولانا ادريس جميل وحاة الله دا اكان شميت الروب ما بدخلك بيتو
مسنوح شايفك من لبسوك العمة لهجتة اتغيرت
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: الطيب شيقوق)
|
ياسعادة المستشار صحيحي ود شيوق راجل جميل ويستاهل كل خير علا حنوا علينا كمان وسلفونا الحاجه نفيسة يومين تلاته واخوك مغيرة محتكر الحاجة وبدردق في الحنية .
_________________________________________ عملت ليك مداخله بنفس الموضوع بهناك امكن ماشفتها
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: وليد عبد اللطيف)
|
المستشار /حسن طه
انت بتعزم ساكت؟ ماتشاورنا لو معاه عشه بت فاطنه وسوما ندرس الامر ثم نرد عليكم
اما اذا جاى براهووو من المطار للشحانيه (للريس) ديل اسأل منهم صاحبك ادريس جميل بالتلفون..
Quote: ود العم سيف الدولة كامل الحمداني
شيقا قال حضرو لي شربات القونقليز
تراه قاصد شربوت القونقليز |
ما اسموا قونقليز اسمو تبلدى تبلدىىىىىىىىىىىى انا جنى وجن سلبطة ناس الخراطيم دى ما سمعتو بى التبلدية ام قور؟
بعدين ياشيقا ناس الشحانيه مجهزين ليك(حوار) وكبدة ابل والذى منه.
ماتجينى زولا افرنجى تعال لينا زولا عمده\
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: ضحيه ابراهيم)
|
ضحيييييييييييييية
كيفك وكل عام وانت بالف خير
Quote: بعدين ياشيقا ناس الشحانيه مجهزين ليك(حوار) وكبدة ابل والذى منه. |
الذي منه اولا وثانيا وثالثا
لو عندكم موليتة تبقى سكين في ودكة
Quote: ماتجينى زولا افرنجى تعال لينا زولا عمده\ |
انتوا بس افصلوا لي ناس البندر من ناس الخلاء وابعدوا منى حالف ناس البندر اجيهم واسلم عليهم زى سلامهم بطرف الاصابع واقدل معاهم للمطاعم وحرم كان جابت اسلو دانسنج عييييييييييك كمان .
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: الطيب شيقوق)
|
أخونا الغالى المستشار حسن طه
يا خوى بلا عزومة نحن جايين لأنى شميت لى ريحة تركين وكمان جايب معاى مصطفى عبدالجليل
وما تنسى اتصلت على ناس الجبيل كلهم عزمتهم نيابة عنك كل شلة التركين بما فيهم عبدالله ادريس فى السودان والدكاترة عادل و سامى جايين وسامى شايل شطته الحارة معاهو وجايبين معاهم الكورة عشان يعملوا ليهم تدريب هناك و الله ماعندكم زى ميدان حى 9 شايفكك ما شاء الله محافظ و ما زلت مدافع قوى
لك التحايا النواضر اخى حسن و الشوق مطر و الله و نسأل الله ان يجمعنا بكم فى أسعد الأوقات
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حيدر بشير)
|
Quote: وبطاحين اربجي بالدوحة قالوا ودشيقوق اكان مااستجاب للدعوة بكون إتلوم في حقك وحقهم |
ود الأمير الأمير يا زول تب ناس اربجي ديل ما ناس الاصولوفوق دا كمان نسايبنا
واطمنك ود شيقوق دا الاصول ذاتا
ولو قلت ليه اتهجه كلمة لوم ما حيعرف لانه لا بلوم ولا بتلوم.
يا سلام لو اتلمو بطاحين اربجي مع بطاحين الدندر
يا دوحة الخير جاك هناء.
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: الطيب شيقوق)
|
Quote: وردنا توا من خلال الايميل رسالة من ود جميل يعبر فيها عن امتنانه بموافقة شيخ العرب علي زيارة دوحة الخير ويقول :
شحم البل جاهز للضيف ( لأنه ) :
الطيب وَدْ شيقوق ولدًا بِفِشَّ الضيم
يَخَنْق الطير ضَحَى وما يرضى بالغنيم
فالف مرحبا بالضيوف |
التحية عبركم - مولانا حسن طه - للاخ والصديق العزيز الدكتور ادريس ابراهيم جميل .
نحن على العهد إن ظلت في العمر بقية لزيارات قطرية
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: الطيب شيقوق)
|
مولانا / حسن طه تحية وإحترام
Quote: وبطاحين اربجي بالدوحة قالوا ودشيقوق اكان مااستجاب للدعوة بكون إتلوم في حقك وحقهم |
سلام كتير لبطاحين أربجي بالدوحة ياودالأمير
Quote: يا سلام لو اتلمو بطاحين اربجي مع بطاحين الدندر |
سعادة المستشار/ الطيب مضوي شيقوق ياخوي سلام عليك كل شيء ولا الصلبطة دي ...
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: سمية الحسن طلحة)
|
بت الحسن يا احسن الطوالع
Quote: سلام كتير لبطاحين أربجي بالدوحة ياودالأمير
|
تعرفي ياسمية الكلام عن بطاحين اربجي كلام ذوشجون وعلاقتى بالبطاحين علاقة نسب قديم جدى خال امى متزوج بطحانية وجدى خال ابى متزوج بطحانية وشقيقتى الصغرى فائزة متزوجة بطحانى من آل حاج حسن وهم ابكر بطون البطاحين في اربجى وصديق العمر الراحل مصطفى سيد احمد حين درس الاولية باربجى كان ساكن مع البطاحين والمربى الجليل عبدالرحمن على طه اول وزير تعليم ومؤسس بخت الرضا اخواله بطاحين اربجى والبطاحين في اربجى تحولو من رعاه لمزارعين وهذا امر يحتاج لوقفة وتأمل
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: بدر الدين الأمير)
|
الملكة بت المشايخ
حباب الدرب الجابك لينا بجاى
قدر ما تكبر الافكار تقيف دون فكرك يمشي مع الشمس في منبرنا مرفوع ذكرك في راس الكرم جالس وخالف حكرك ربنا يحفظك ما نشوفو عاد يوم شكرك
Quote: كل شيء ولا الصلبطة دي |
ك
افو افو يا بت الشيخ :
نحنا رفاعة نحنا قلوبنا للزول الضعيف بتراعي
نحنا المابنخاف غير الكريم الراعي
بهدي سلامي لكل القبيلتو رفاعي
بهديكم سلامي بالجملة والقطاعي
نحنا رفاعة وارثين الكرم حافظين عهودو تمام
نحن صغيرنا في العز والكرم قدام
الخاوانا يبشر بالسعادة دوام
والعادنا غرقان في بحر مابقطعو العوام
هيييييييييع كع
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
هدهد
Quote: اتاريك ما هين في الشعر تب ، بل ليه عاوزين لينا شعر تاني حلو ذي دا |
عاطفي ولا حماس ولا هجاء وبكاء تأمري بس اكان خليتي سناحتك
Quote: بعدين لو الزياره بقت جد سوقني معاك عشان نعمل موازنه انت تعكسها علي الناس وانا بصلحها للتوازن فقط وليس لاي غرض آخر |
ايوا كدا تمام يعني لو جابت ليها حكي ناس بندر نااااااعم هدوية قاعدة تتصدى ليهم طوالي واكان جابت ليها نم وقدلات شيقا على السكين.
لقيتيني كيف
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
Quote: صحيحي ود شيوق راجل جميل ويستاهل كل خير علا حنوا علينا كمان وسلفونا الحاجه نفيسة يومين تلاته واخوك مغيرة محتكر الحاجة وبدردق في الحنية .
|
قريبي وليد ابن عبد اللطيف
صحيح ود شيقوق يستاهل كل خير
ولو ما كدا قدر كيف ينافس هلال مريخ في الجماهيرية.
وبعد دا الجماهير كلها شيقوق
بلا هلال بلا مريخ
وعاش شيخ شيوخ العرب
اما الحاجة نفيسة ( والدتنا العظيمة وربنا يطول في عمرها ) فكرت اجيبهم كلهم الدوحة
ولكن قالو اذا خرجت من السعودية تاني مافي الا الدوحة الخرطوم
وهي لسه عندها مآرب أخري في السعودية
ويا ريت حاجة عشة كانت معاها
( الثنائي الخطير )
يا ريت تجيكم في الغربية لتقضي معكم احلي الاوقات
حاكلم المغيرة
سمح؟؟
تحياتي للجميع.
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
Quote: سيد حسن ما شاء الله الفي الصوره اولادك ولا احفادك ، الطيب قال لي الزول دا عجوووووووووووووز ( الطيب الكلام دا نظام فتنه وكدا الغرض منها مسح الزياره) |
هويدا بت الشريف شرف الدين
وحياتك ديل اولادي لزم محمد والمجتبي وكمان صورة حديثة .ايه رايك ؟
وكان الدوحة نورت بيك ان شاء الله حتشوفيهم شوفة العين
وبعدين ترتيبات الكانتكي المحلي والمستورد والفسيخ علي قدم وساق
ولو الزيارة اتمسحت لا سمح الله حنوديها وين؟؟ اوع تكوني قريتي كلمة الخال دي وصدقتيها
هو قاصد خال عيالووووو.
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: بدر الدين الأمير)
|
ضحية ود الامير
Quote: بت الحسن وود شيقوق المسيرى ضحية غلبنا فيه حيلة مناسبنابطنقع علينا وبستغل مسالة النسب عين شمس |
انتوا يا البطاحين ما ليكم ضمان اصلا - كتر خير ضحية الكشف لي اجندتكم الخفية لاجهاض المبادرة الانسانية لبورداب الدوحة
يا ابوى انا مهمش ومتكامل قطاع المهمشين - يا مولانا بدر الدين اكان عايز تجي بكفتيرتك تقعد معانا حبابك عشرة وكان جاى برأي بت طلحة ودعتكم الله .
اها يا ضحية لقيتني كيف ؟
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: الطيب شيقوق)
|
Quote: يا ابوى انا مهمش ومتكامل قطاع المهمشين - يا مولانا بدر الدين اكان عايز تجي بكفتيرتك تقعد معانا حبابك عشرة وكان جاى برأي بت طلحة ودعتكم الله .
اها يا ضحية لقيتني كيف ؟ |
مولانا حسن طه مادايرين نعصر عليك لكن ضيفك اجندتو اتكشفت والغريق قدام
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: الطيب شيقوق)
|
Quote: انتوا يا البطاحين ما ليكم ضمان اصلا - كتر خير ضحية الكشف لي اجندتكم الخفية لاجهاض المبادرة الانسانية لبورداب الدوحة
يا ابوى انا مهمش ومتكامل قطاع المهمشين - يا مولانا بدر الدين اكان عايز تجي بكفتيرتك تقعد معانا حبابك عشرة وكان جاى برأي بت طلحة ودعتكم الله .
اها يا ضحية لقيتني كيف ؟ |
هييييييييييييييييييييع والله كيفتنى لامن اتشرقت ياود شيقوق لكن انت من زمن الكفتيره والله ود الامير مرات بيمرق لينا جنس(ثرامس) شى بالضغط وشى صباب وشى شاى احمر وشى شاى ابيض ويختمها بالسكار الكوبى.
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: بدر الدين الأمير)
|
Quote: بت الحسن وود شيقوق المسيرى ضحية غلبنا فيه حيلة مناسبنابطنقع علينا وبستغل مسالة النسب عين شمس |
بدرالدين يا امير
والله نسبكم ده سويتوهو زى جركانة العوض ومسمار جحا(ومستعدين ننقل كفالتها بى عيالها)
لكن ود شيقوق ده نحنا املنا فيه كبير بس اوع يبارى لى تركين حسن طه وفسيخه الزول ده من الناطقين بالعربيه تلموا فيهو ناس صلاح عبد الله وهرون دياب يرجع لسانه اعوج.
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: ضحيه ابراهيم)
|
Quote: (ومستعدين ننقل كفالتها بى عيالها)
|
مادي الاوهام البتجمع بينك وبين ضيف مولانا حسن طه انت بعد محمكة ابيى شابكنا الصباح الصباح البترول بقى حق المسيرية تانى ان نشوف لي جلابى حايم بهناك من غير كفالتى وضيف مولانا كل يوم شابكنا ببوست بيتى طلع فيهو بير بترول الله يستر بعد شوية انت وود شيقوق اوضيف حسن طه تقولوا دخلنا الاوبك ...
تنهدات: قلنا ضيف مولانا عشان السواها رقدت وهو وضحية لوكتبت فيهم خنسانا بت الحسن هجاء حاتسيربه الفضائيات والموبايلات وفي رواية اخرى الايميلات
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: بدر الدين الأمير)
|
ود الأمير البدر الهل ... ماتقول كدا من زمن عرفت إني كنت على حق لما ناكفتني في حديث الخؤولة من زمان ؟ ولأنك أنت من قومي (والناس أعترفوا لك بالثرامس والفضل ماشهدت به الأعداء، أقصد الأنساب أوالنسايب وفي رواية أخرى النصايب بل المصائب حتى لايظن المولعون بالثروة النفطية اننا نرغب في نصيب أو نصاب ) أهديك قولًا أحسن من قولي قول الوالد الحسن محمد طلحه في قومه:
قومي أولاة الفضل والأحساب وأولوا الندى وهمو أولوا الألباب قومٌ لعمرك في المكارم سـبّـقٌ وهمو لدى الهيجـاء أُسد الغاب بالمعتفين ربوعهم مأهـولة مأوى الضريـك وكعبة الطلاب ...
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: سمية الحسن طلحة)
|
ضحية
وييييييين انت
Quote: (والناس أعترفوا لك بالثرامس والفضل ماشهدت به الأعداء، أقصد الأنساب أوالنسايب وفي رواية أخرى النصايب بل المصائب حتى لايظن المولعون بالثروة النفطية اننا نرغب في نصيب أو نصاب ) |
شفت اجندتهم الخفية اتكشفت كيف
دى سيناريوهات بطحانية قصد بها تغويض الدعوة لزيارة الدوحة .
اها انا بحتفظ بحقي في الرد على الكلام دا بعد طاب اضمن زيارتي واجي منقلب اهلي
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: Ahmed Yousif Abu Harira)
|
اب حريرة المسنوح
شن جابك بجاى ؟
Quote: شرطت عينا قبلما تصل الدوحة الله يشرط عينكـ |
شن الدوحة وحاة الله قبال نعمة البترول والغاز دا كانوا بياكلوا قرفة ....
Quote: انا في رائ ود شيقوق ده داير ليه حبة coaching قبل الزيارة |
اقول ليك يا العشاء - من دى نوم قفا اخوك من يصل المطار بتغير طاب اول بدرع ليك اللابتوب في كتفي وبتكلم ليك انجليزي ساااااى بال Scotish accent والكلمة ما بطلعها الا اشحتف روح الواحد طب . وشايل غيارات بالكيلة لو ماشي ناس حسن طه بلبس ليهم الجلابية ام لياقة وكان ماشي ناس ضحية السفاري ولو ماشي ود الامير هييييييييع السروال الطويل والعراقي والسديري والعمة ام ظهر . وفي الفندق بتجدع بالبجامة ساااااااااى .
اها لقيتني كيف؟
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: الطيب شيقوق)
|
Quote: : (والناس أعترفوا لك بالثرامس والفضل ماشهدت به الأعداء، أقصد الأنساب أوالنسايب وفي رواية أخرى النصايب بل المصائب حتى لايظن المولعون بالثروة النفطية اننا نرغب في نصيب أو نصاب )
|
بنت الحسن ياسليلة الكرم والنسب ود شيقوق زولنا ومابنخليه طاااب عارفنكم بطاحين وشيوخ عرب الا الشينة مابتشبهكم طاااب ان درتو اللوم والنصح والعتب ماتبارو العجم ناس فيصل وود البوب
Quote: ضحية
وييييييين انت |
هييييييييييع ابشر آزوول اخوك قريب
Quote: شفت اجندتهم الخفية اتكشفت كيف
دى سيناريوهات بطحانية قصد بها تغويض الدعوة لزيارة الدوحة .
اها انا بحتفظ بحقي في الرد على الكلام دا بعد طاب اضمن زيارتي واجي منقلب اهلي |
اها زول مادام بنت الحسن جابت ليها كلام خلنى النشيل نفسى واشاور ناسى وبجيك صاد
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: ضحيه ابراهيم)
|
Quote: بنت الحسن ياسليلة الكرم والنسب ود شيقوق زولنا ومابنخليه طاااب عارفنكم بطاحين وشيوخ عرب الا الشينة مابتشبهكم طاااب ان درتو اللوم والنصح والعتب ماتبارو العجم ناس فيصل وود البوب |
تاااااااااح دقيت راحة كراعي في الواطة نامن العلال ضرب فوق السماء
عافي منك يا الضحية - شتت العالم أيدى سبأ ومحل رهيفة تنقد
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: الطيب شيقوق)
|
سمية يابنت (خير مركب المطايا واندى العالمين بطون راح) وصلتى ياخنسانا والجماعة تضايروا: الكلام لودشيقوق ضيف مولانا حسن طه
Quote: ضحية
وييييييين انت
|
الكلام للفازع اقصد المفزوع صنو ضيف مولانا:
Quote: اها زول مادام بنت الحسن جابت ليها كلام خلنى النشيل نفسى واشاور ناسى وبجيك صاد |
الكلام لمولانا حادى الركب حسن طه:
Quote: الجميع اســــــــــــــــــــــــتـــــــــــــــــــوب !!
الأديبة الشاعرة الكبيرة سمية بت الشيخ الحسن طلحة
مدعوة لاقامة ليلة شعرية بالدوحة
وجميع أمة السودان بدولة قطر في انتظارها.
فهل تستجيب شاعرتنا الكبيرة ؟ |
رسالة لضيف مولانا سابقا لقد تم قبول إعتذاركم عن الدعوة وتجمعنا ساعة خير قرب آبار بترولك انت وصاحبك اوضحتك
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: بدر الدين الأمير)
|
Quote: رسالة لضيف مولانا سابقا لقد تم قبول إعتذاركم عن الدعوة |
بدر الدين لله درك من لبيب نسخ الوصال ببيان محكم ...
مولانا / حسن طه ودالتلوب القُوَى وكواسر سيل العينة أب سحابًا عامر يالبيتك وسيع للمقيم والعابر مجاب لوكان بقى بالمراد والخاتر
الفازع به والمعزوع لأجله
الله يكفينا شر عين الحسود ودعاتر
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
Quote: بنت الحسن ياسليلة الكرم والنسب ود شيقوق زولنا ومابنخليه طاااب عارفنكم بطاحين وشيوخ عرب الا الشينة مابتشبهكم طاااب ان درتو اللوم والنصح والعتب
ماتبارو العجم ناس فيصل وود البوب
|
يا ضحية ( حافي كدا )
الخمسة سطور الفوق
بقول ليك دا الكلام ... عجبتني بالحيل
اما السطر التحته خط
خليتك لود الخليل
والله يقبل عليك .... شيخ العرب يضبح ضبايح ويقول الحمد لله ود الخليل فز مني.
لكن دا حلمه
ود الخليل بالله اجمعهم في قفص واحد
الكلام دا يا شيقا حسب علاقة ود الخليل بيك
اما صاحبك ود البوب حرم ما يقدر يقول فيك الا الزين السمح.
غلوتية
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حيدر بشير)
|
حيدر ود البشير
Quote: للأسف جينا حسب الوعد و دقينا الباب لكن سعادة المستشار شافنا بالعين السحرية و ما فتح لينا الباب يكون خاف على التركين
لكن برضو دمنا تقيل بنجى راجعين و التركين دا الا يوقفونا منه بحد السلاح |
بحرم دى حاشاهو ود البوب ما بسويها
تعال مقبل ساى ركن وامل جيوبك تفويمة وامشي
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حيدر بشير)
|
Quote: للأسف جينا و دقينا الباب المستشار شافنا بالعين السحرية وما فتح لينا الباب يكون لابت بالتركين بتاعه دا |
اخوي ود القبايل
حيدر بشير
حبابك الف عشرة
باقي ليك التركين دا بيتاكل بدونك وبدون المهندس بتاع كندا مصطفي ود عبد الجليل وباقي الشلة اياها.
( يا ربي الحلفاوي الجميل عامل شنو مع التركين في كندا( علي لسانه اكلته المفضلة )
باقي ليك التركين دا بيتاكل بدون شطة دكتور سامي
ياخي التركين دا عايز لمة عشان الناس تاكل باخلاص وبجرجير
والمرة دي حنلم ليك كل البطاحين والمسيرية وهلم جرا
وحياتك مما وصلت الدوحة التركين يسمني فيها.
والباب يا الحبيب مفتوح علي (عشرة) مصراعيه
انتو كيف تجونا وانا بصراحة كت عايز اجيك برواقة لانك ذكرتني الايام الخوالي
الله يديك العافية
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
Quote: ياخي التركين دا عايز لمة عشان الناس تاكل باخلاص وبجرجير
والمرة دي حنلم ليك كل البطاحين والمسيرية وهلم جرا
|
المستشار حسن طه
نحنا اذااكلنا التركين اهلنا بيقولو العيال تلفوا وبقو ياكلو(الهياكات) نحنا ناس عصيدة دخن و(دامرقة) (ومنصاص) و(قايمة) القايمه دى رجل الخروف والمنصاص هو اللحم المشوى على شفا النار.
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
Quote: ومع كدا بقول لسمية بت الشيخ طلحة المبادرة والتشجيع واقامة الليلة الشعرية من اقتراحات الامير ود الامير فحقوق المؤلف محفوظة له |
مولانا / حسن طه مساكم الله بالخير وحاة دين النبي العربي الموضوع ماكان محتاج منك توضيح بس لكن كنت تخلي الخيل تجقلب والشكرة ليك يا أبا طه قول أخت عبد القادر ودحبوبة : لوكان جات بالمراد واليمين مطلوق ماكان بنشنق ود أب كريق في السوق ضمنته مربوع الدوبيت الذي وجهته لشخصك الكريم كإعتذار عن الدعوة : ودالتلوب القُوَى وكواسر سيل العينة أب سحابًا عامر يا البيتك وسيع للمقيم والعابر مجاب لوكان بقى بالمراد والخاتر ... طيب دي مامشكلة المشكلة : مشكلة ضيفك المرق بقد القفة ولاهو لام في البطاحين ولا في المسيرية كلامو بقى زي أكل الكسرة بالموية ولا بغلِّت عليك ولا بِوَسِخ إيديك ... Quote: Quote: خودك يا ضحية البطاحين عملوا ليهم فصيل براهم |
Quote: معقول يتلمى التركين مع اللبن |
ضحية دا زولنا ومابنديهو أبعدوا منه بعيد نسيب البطاحين ومابياكل التركين ... الفهم الكتير شقاوة يالأمير ود الأمير ولو كان بالمراد نجيكم ولو نمشي على هاماتنا[./B]
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
أخونا وصديقنا الغالى حسن
لك آلاف التحايا و الاشواق مطر لك ولذكرى تلك الايام الجميلة
الحلفاوى ساقته خطاه الى تورنتو ليسكن جوارى فى نفس العمارة و نفس الطابق وكان لا بد من الإحتفاء به بوجبة تركينية دسمة أعقبها بمجموعة رطبات وارد الشمالية وكان محور حديثنا عنكم و الشلة اياها و التى نسال الله ان يجمعنا معكم فى ساعات خير
التركين متوفر فى كندا و يا حلاته مع البرد الشديد دا
مرحب بكل ضيوفك من البطاحيين و المسيرية و التعرف عليهم مفخرة لنا وشرف نتمناه
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حيدر بشير)
|
Quote: مرحب بكل ضيوفك من البطاحيين و المسيرية و التعرف عليهم مفخرة لنا وشرف نتمناه |
استاذى الفاضل/حيدربشير تحياتى واشواقى
سعداء نحن بالتعرف عليك واستاذ حسن من الكرام الذين جمعتنا بهم الدوحه وطالما هو صديقك فاكيد لاتقل انت اصاله وكرم عنه حفظكم الله فى غربتكم وستركم ونتمنى ان تشرفنا بزيارتك انت كمان بالدوحه. شكرا لانيق كلماتك.
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: حسن طه محمد)
|
Quote: يا ضحية ( حافي كدا )
الخمسة سطور الفوق
بقول ليك دا الكلام ... عجبتني بالحيل
اما السطر التحته خط
خليتك لود الخليل
والله يقبل عليك .... شيخ العرب يضبح ضبايح ويقول الحمد لله ود الخليل فز مني.
لكن دا حلمه
|
استاذ حسن طه
السطر التحته خط موجه ليك انت وفيسل هليل وقول لى فيسل هليل ود شيقوق ماهو الزول البيفز ده زول ضو وناس فيصل ديل كان لقوهو بيحجو فوقوا عديل
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: ضحيه ابراهيم)
|
Quote: السطر التحته خط موجه ليك انت وفيسل هليل وقول لى فيسل هليل ود شيقوق ماهو الزول البيفز ده زول ضو وناس فيصل ديل كان لقوهو بيحجو فوقوا عديل |
كان عايز اقول حاجة لكن عين تكرم الف عين يا مولانا حسن طه
انا كاج شرك ام كيكي لفيصل المسنوح يا ضحية اخوي ابعد لي منو
وين ناس تورنتو ؟
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: الطيب شيقوق)
|
Quote: معقول يتلمى التركين مع اللبن |
زولك ياضيف مولانا عرف انى الايام دى بحاول مع بكرى يدى بتنا ام محمد تأشيرة العضوية واميرة لو جات بيجاى يالطيب صاحبك المسيرى يشوفلو غرابا يجزو ... وعليك ان تعلم ان تنصله منك وحكاية عصا نايمة وعصا قايمة هى فوق رأى واللبيب بغير الاشارة يفهم
| |
|
|
|
|
|
|
Re: دعوة مفتوحة لشيخ شيوخ العرب .... ود شيقوق (Re: بدر الدين الأمير)
|
ود الامير
Quote: زولك ياضيف مولانا عرف انى الايام دى بحاول مع بكرى يدى بتنا ام محمد تأشيرة العضوية واميرة لو جات بيجاى يالطيب صاحبك المسيرى يشوفلو غرابا يجزو ... وعليك ان تعلم ان تنصله منك وحكاية عصا نايمة وعصا قايمة هى فوق رأى واللبيب بغير الاشارة يفهم |
وين المسيري اوع يكون دا شرك ام كيكي منصوب ليهو؟
| |
|
|
|
|
|
|
| |