|
|
 هل إستاد المريخ عالمي؟؟
|
أووووووووكي راضين بي المقارنة ما بين استاد المريخ واستاد الهلال ..
قبلانين بي التريقة ما بين الزريبة وما بين القلعة ..
يلا الكلام ده جوووة هنا محلياً يعني!!!
لكن بالجد قصة الفرح الهيستيري والاشاعة المطلقة من جمهور المريخ بي عالمية الاستاد دي زي واجعاني شوييية كده ..
بالكم كده المصريين الحضروا الكورة في استاد القاهرة ابو 100 الف متفرج لو شافوا ملعب المريخ ابو 40 الف متفرج (باضافة كوزين من المريخاب للسعة الحقيقية) ممكن يقولوا عالمي؟
طيب امبارح جابوا النجيلة مبااااشر في التلفزيون وكانت اسوأ ما يكون وسمعت واحد من ناس المريخ ديل زي القال انو طلبو نجيل صناعي اول امبارح وسيصل اليوم فما فرزتو هل عايزين يركبوا نجيل صناعي للملعب ؟
لو صاح يبقا ملعب لحدي اول امبارح ما فيهو نجيلة زي الناس ده ببقا عالمي بين يوم وليلة ؟
صراحة فقط ما يميز ملعب المريخ هو المدخل لا غير ..
الحاجة التانية العايز اسأل منها هل تم تسمية ملعب المريخ في البداية والقرعة أم فقط تم تسمية البلد على ان يحدد الإتحاد الملعب؟؟؟
يعني هل كان ممكن الاتحاد السوداني ينقل الكورة استاد الخرطوم ؟
ومنو البيحدد الملعب هل هم الطرفين ولا الفيفا ولا الاتحاد؟
الحاجة التالتة هل فعلا جمهور المريخ بقا ساذج لي الدرجة البتخليهو يصدق اعلامو ويعتبر إنو المريخ هو المنظم المباراة وجمال الوالي يدي نفسو الصلاحية يتجول ما بين المنتخبات والملعب والاتحاد؟؟؟
المريخ ما عندو دخل في الموضوع ده لا من قريب لا من بعيد عندو فقط جزء من الدخل زيو زي صالة تاجوج وصالة الريفيرا ..
تخريمة :
أها الكورة بتنتهي بكرة ..بعد بكرة موضوعكم حا يكون شنو ؟
|
|
 
|
|
|
|
|
| العنوان |
الكاتب |
Date |
| هل إستاد المريخ عالمي؟؟ | عمر الفاروق | 11-17-09, 11:39 AM |
| Re: هل إستاد المريخ عالمي؟؟ | عمر الفاروق | 11-17-09, 11:43 AM |
| Re: هل إستاد المريخ عالمي؟؟ | humida | 11-17-09, 11:53 AM |
| Re: هل إستاد المريخ عالمي؟؟ | حيدر حسن ميرغني | 11-17-09, 11:55 AM |
| Re: هل إستاد المريخ عالمي؟؟ | طلحة عبدالله | 11-17-09, 12:01 PM |
| Re: هل إستاد المريخ عالمي؟؟ | عمر الفاروق | 11-17-09, 11:57 AM |
| Re: هل إستاد المريخ عالمي؟؟ | عمر الفاروق | 11-17-09, 11:58 AM |
| Re: هل إستاد المريخ عالمي؟؟ | ALazhary2 | 11-17-09, 11:57 AM |
| Re: هل إستاد المريخ عالمي؟؟ | عمر الفاروق | 11-17-09, 12:01 PM |
| Re: هل إستاد المريخ عالمي؟؟ | عمر الفاروق | 11-17-09, 12:03 PM |
| Re: هل إستاد المريخ عالمي؟؟ | حيدر بشير | 11-17-09, 01:50 PM |
|
| |
عمر الفاروق
فيس بوك
تويتر
انستقرام
يوتيوب
بنتيريست