|
ياناس صحيفة الصحـــافه : : كــده مـــــا كـويـس...!
|
صحيفة الصحافه اليوميه، صحيفه اكن لها ولصحفييها الكثير من الاحترام. وهي من الصحف المتميزه جيدة المصداقيه والتناول. إلا انني للاسف بدأت الاحظ في الفتره الاخيره خاصة بعد دخول الكاتبه اسماء الحسيني ( ذات العلاقات الوثيقه بالمخابرات المصريه إن لم تكن عضوا فاعلا في فرقة السودان مع رصيفها د ارسلان).. لا حظت الصحافه بدأت تنشر مواضيع مفبركه كالموضوع الذي نشرته اليوم عن قضية المياه والموضوع بالرغم من ان الصحيفه نسبته لـ ( وكالات من اديس ابابا) إلا انه يفيد بوضوح ان كاتبه مصري او عميل مصري يسعي الي تسميم الراي العام في السودان بمايسميه مؤامرات اسرائيل حول مياه النيل. وهو في جملته حديث فارغ لا اساس له من الصحه.
ثم انني استغرب هذا الحديث من عملاء مصر عن اسرائيل، خاصة وان علم اسرائيل مرفوع اطول من مئذنة جامعة الازهر في قاهرة المعز.. من ناحية مصر، عايزه تقيم علاقات مع اسرائيل ومن ناحيه عايزها تخوف بيها السودانيين... طبعا بفتكروا انه ما عندنا عقول. الباشوات لسه ما نسوا طرابيشهم...!
ويا اخوتنا في صحيفة الصحافه، موضوع المويه دا ( ما هو موضوعا هين) عشان تنشروا فيه اي كلام مدسوس زي ده! موضوع المويه موضوع خطير جدا وبالغ الحساسيه وهو اهم موضوع بالنسبه للامن القومي السوداني، لكن للاسف جهاز الامن والمخابرات بدل ما يشتغل في القضايا الزي ديه، همه كله حسب راي السيد سبدرات إنه ( يعتقل فلان ويطلق سراح علان)... اولويات البلد وقضايها مقلوبه راسا علي عقب...! والسودان فعلا بلد ما عنده وجيع...! وعلي كل امل ان ينتبه الاخوه في صحيفة الصحافه وان لا ينجروا وراء نشر هذه الاكاذيب حتي لا يفقدوا مصداقيتهم... والود موصول لكم...
|
|
|
| |