|
الترابي مع المعارضة !! إذن أنا مع الحكومة .... فحيثما يكون لا أكون
|
من الذي دعا سلفا إلى تغيير مادة الحريات الأساسية من الدستور الديمقراطي ؟؟؟ من الذي قاد حملة طرد الشيوعيين من البرلمان ؟ يا ناس التحالف (الاستراتيجي) قريتو كتاب كتاب (أضواء على المشكلة الدستورية)؟؟؟
ما أظن !!!
من الذي نفخ النميري ووصفه بمجدد المائة ؟ من الذي كان خلف القوانين التي أعدمت ( محمود محمد طه )؟
يا ناس الإستراتيجية سمعتم بي (زعيم جبهة الميثاق في ميزان الثقافة الغربية - الإسلام) ؟؟؟
برضو ما أظن !!!
من صاحب مقولة اذهب إلى القصر رئيسا وسأذهب إلى السجن حبيسا ؟ من هو مهندس حرب الجنوب الدينية ؟
أليس هو من تغنت له جماهير الكيزان
ادينا لي حاجبنا وانطرح حاجبنا
وشيخ حسن عاجبنا
!!!!!!!!!!!!!!!!!!!!!!!!!!!!!!!!!!!
أليست الفترة من 89 إلى 98 هي أحلك فترات الإنقاذ ؟ ألم يكن فيها عهد التمكين وتجريدات حرب الجنوب كلها أمطار غزيرة وأمطار طويلة وأمطار سمينة
؟؟؟؟؟؟؟
يا جماعة بالواضح كده أينما كان الترابي أكون في المكان الذي عكسه وما يقول عنه الترابي انه صحيح افعل عكس وانا مقتنع تماما بان عكسه هو الصحيح
فكل مشكلات هذه البلاد أربعين سنة للخلف سببها الترابي
الآن الترابي معارضة سبحان الله ينادي في المسيرات وتصفق له الجموع ويروج له أمثال منعم سليمان
بت الكلب الشعيرية
|
|
|
|
|
|
|
|
Re: الترابي مع المعارضة !! إذن أنا مع الحكومة .... فحيثما يكون لا أكون (Re: صبري طه)
|
مرحب صبري طه
الترابي من اهل الجنه !!!!!!
هو انت قايل الله ده من ناس المعارضة !!؟؟
Quote: فهل مُعارضة الترابي للنظام = مُعارضة كل المعارضة ... |
طالما انه المعارضة قبلت بصدر رحب تدعوه لاجتماعاتها ويمثلها ويعبر عنها اعلاميا في مسيراتها
فده شي غير مقبول عندي
ولا قادر افهمه ولا قادر ابلعه
Quote: معقولة بس تربط رأيك بحركة الترابي !!! |
ما رائي انا
لو قريت المادخلة الاولة حا ترف انه مصير البلد دي في الخمسين سنة الفاتت كان مربوط بحركة الترابي
خالص ودي
| |
|
|
|
|
|
|
Re: الترابي مع المعارضة !! إذن أنا مع الحكومة .... فحيثما يكون لا أكون (Re: BAKTASH)
|
Quote: ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
1-التجاهل 2- لتجاهل 3-التجاهل |
لقيتني كييييف
قالو الايام دي فك تسجيلات اي زول مامشى المسيره سيعاد تصنيفه من الرفاق والاحباب والاخوان وناس اوووووويا
قلت لي الترابي مالو
تعرف ياوليد الناس دي تحس بيها مرات كده ما بتفهم التقول انت مختلف مع الترابي ده في صرفة حته
انت مختلف مع الترابي في منظومه فكر انتهازي بتحرك الرجل ليكون في دائرة الضوء وليكون هو العراب لكل شي واما الحريق وقد قاد الحريق في مرات كثيره وتنصل عنه والاغبياء يصدقون ..
لكن بيني وبينك كدي منو البعرف فيهم يخطط الى متواليات الاحداث المتوقعه اكتر منه فيهم اذا عاينت ليهم بتلقاهم كلهم ناس رزق اليوم باليوم لانهم لو بيعرفو يخططوا بالجد اكان الحكومه دي لحقت امات طه زمان فما تستغرب الناس ديل يمكن جابوه كخبير اجنبي وكده ولما يتم مناهم حايدوهو يدهو موخر اتعابوا ويقولو ليهم مع السلامه
البصاص
| |
|
|
|
|
|
|
Re: الترابي مع المعارضة !! إذن أنا مع الحكومة .... فحيثما يكون لا أكون (Re: Elawad Eltayeb)
|
قلت أجيب ليك الكلام هنا، وخلاصته أن الترابي ليس هو الشريك الإستراتيجي للمعارضة دعك من أن يكون أحد قادتها، بل هو في الحقيقة العدو:
Quote: شر البلية ما يضحك
قلبي على وطني وعلى الذين يبذلون الغالي والرخيص من أجل الحريات لكنهم يحرثون في البحر ويدورون في ساقية جحا، تاخد من البحر وتكب في البحر ذلك لأنهم في معركة التفاصيل الصغيرة غاب عنهم الإطار الكبير وغابت عنهم حقيقة أن السياسة في السودان لعبة قذرة يقود فيها الناس أنفسهم طواعية نحو حتفهم ويسلمون بكل طواعية تحقيق أحلامهم لأيدي مغتصبيهم
نحن نريد ماذا؟ ومن من؟
من هو العدو ومن هو الصديق؟ ولماذا؟
تلك أسئلة ربما دارت في رؤوس من حملوا آمالهم نحو مؤتمر جوبا في معية الترابي الذي يحمل آمالاً عراضا في قيادة المعارضة التي طالما طالبت برأسه والأحزاب تعتقد أنها ذكية حيث تضع الإسلامويين في مواجهة بعضهم البعض وخليهم ينقرضوا والحركة الشعبية تجد نفسها في موقف لا تحسد عليه فقد تم فصلها تماماً عن أحلام مؤسسها ورمزها الراحل جون قرنق، وحتى أفراد أسرته تم إقصائهم من الواجهة السياسية أما حلم السودان الجديد فقد أصبح كصحيفة قديمة بالية مرمية على قارعة شارع السياسة السوداني لا أحد يذكره في حين أنه ربما كان هو الشئ الوحيد الذي أجج أحلام الشباب والشيوخ ووحد المسلمين والمسيحيين واللادينيين أصبح التهديد يطال الشماليين في الجنوب، وأتباع الحركة في الشمال، وأثيرت أحزاب الجنوب فيما بينها لتتبادل الإتهامات وبدلا من الإستقطاب أصبحت الحركة مشغولة في لم الشمل والمحافظة على الكيان ورد اتهامات الفساد
في الجانب الآخر المؤتمر الوطني إبتسامه صفراء لحالة الشريك والمعارضة وإنهزامية أحزاب الشمال وتفتتها بين قيادة تقليدية وقيادة حديثة قيادة معارضة وقيادة موالية وإنشغال الناس في الكورة لبنى الكهرباء الناموس الضفادع جوبا ويدرون أو لا يدرون أن المؤتمر الوطني يسعى للشرعية ذلك السيف الذي حرم منه ـ منذ لحظة ميلاده الغير شرعي من أجل أن تخرس الألسن وإلى الأبد |
مؤتمر جوبا تمخض الجبل فولد فأراً: البشير في الحكم والترابي في المعارضة
العوض الطيب
| |
|
|
|
|
|
|
Re: الترابي مع المعارضة !! إذن أنا مع الحكومة .... فحيثما يكون لا أكون (Re: hamid brgo)
|
Quote: يا وليد انت شبه مظاهرات ؟....اشتري كيلو باسطة و شوف ليك ركن |
هسع يا برقو تبدا في الكلام الجنس ده الجرسة تدور
وشوفوا قال شنو وعمل شنو ويا بكري حصلنا وعشان نحن من دارفور
ويا جلابي
وييييك ورريييك
_____________
Quote: اذا صلى الترابي للواحد القهار لمن يصلي وليد؟؟ اذا غفر الله تعالى بمنه و كرمه لعبده الترابي و ادخله الجنة اين سيختار وليد؟؟ |
ما بخصك اختار شنو
| |
|
|
|
|
|
|
Re: الترابي مع المعارضة !! إذن أنا مع الحكومة .... فحيثما يكون لا أكون (Re: hamid brgo)
|
للمرة الثانية لا داعي للشخصنة عندما طلبت من الاخ بكري التدخل لمنع الاخوين عزام و بريمة من الاتيان بالالفاظ التي لا تليق بالمنبر ليس في الامر اي نوع من الشخصنة ... لان البعد بيني و بين تلك الالفاظ سنوات ضوئية
الامر الاخر فان بعض الاخوان امثال محمد سليمان و بشاشا و اخرين قد اهدوا لقب الجلابي لكل من هب و دب - لذا كل من تمكن من توفير قيمة سندوتش شاورما دخل اقرب مركز انترنت ( كما يفعل حامد برقو ايضا) لكن طفق الاول في الناس انا جلابي و نحن الجلابة
عائلات الجلابة في السودان و كما قلت اكثر من مرة لا تتجاوز ال 200 عائلة و هم من مختلف اقاليم السنوات و ان تركزت غالبيتها في اقاليم بعينها لاعتبارات اخرى في مقدمتها القرب من المركز
والله كويس
| |
|
|
|
|
|
|
Re: الترابي مع المعارضة !! إذن أنا مع الحكومة .... فحيثما يكون لا أكون (Re: الهادي محمد ابراهيم)
|
نساذن الخوان الفوق نرد على الزول ده اول
Quote: وهل عندما كان الترابي مع الحكومة، كنت إنت مع المعارضة ياوليد؟ ولماذا لم تقل رأيك هذا قبل ركل الترابي من السلطة؟ ما استنتجته أنا ووصلت إليه من خلال وجودك في هذا المنتدى، هو أنك من المؤيدين للإنقاذ.. رأيك الذي تفضلت به الآن عن الترابي هو إدانة لما قام به في يوم الإثنين الماضي.. |
اولا
Quote: وهل عندما كان الترابي مع الحكومة، كنت إنت مع المعارضة ياوليد؟ |
ده سوال استفساري ولا استنكاري ؟ عشان نرد ليك حسب فهمك
ثانيا
Quote: ولماذا لم تقل رأيك هذا قبل ركل الترابي من السلطة؟ |
القال ليك منو ؟ بيناتنا في سابق معرفة!! يعني قصدي انت بتعرفني وبتعرف اني مثلا ما قلت رائي ده في الترابي وكت كان في السلطة ؟؟؟؟
انا غايتو ما بعرفك وعارف انو ده رائي في الترابي من ما وعيت
فبالله ما تقطع من راسك ساكت وتسقط علي الفيه
Quote: ما استنتجته أنا ووصلت إليه من خلال وجودك في هذا المنتدى، هو أنك من المؤيدين للإنقاذ.. |
استنتاجك ما في محلو كان ممكن تقول اني من معارضي المعارضة لكني ما من مؤيدي الانقاذ
لا عاحباني معارضتك ولا عاجبني انقاذهم
Quote: رأيك الذي تفضلت به الآن عن الترابي هو إدانة لما قام به في يوم الإثنين الماضي.. |
انت قريت اول مداخلة ولا جيت تووووشك؟؟؟ هل كان طرد الشيوعين الاتنين الماضي ؟ هل كانت قوانين سبتمبر الاتنين الماضي
؟؟؟؟؟؟؟؟؟؟ !!!!!!!!!
اها انا اقولها ليك واضحة جنس الزلك بتاعيك القوائم والتصنيفات المعلبة ناس النيقتف بتاع الكيزان ناس المامعانا ضدنا
ديل ياهم المعترضين عليهم في المعارضة والبخلونا نقول لا فرق بين كيزان اليمين وكيزان اليسار لا فرق بين كيزان المعارضة وكيزان الحكومة الفرق انه كيزان الحكومة عندهم سلطة وانت لايصين ساكت تفكوا عقدكم فينا نحن المواطنين عاوزين تبلعونا حتى راينا
| |
|
|
|
|
|
|
Re: الترابي مع المعارضة !! إذن أنا مع الحكومة .... فحيثما يكون لا أكون (Re: وليد محمد المبارك)
|
الاخ الكريم وليد
سلام من الله عليك
انا لم اكن مؤيدي الترابي وحكومته الراهنة يوما
ولي رأي في المعارضة منذ ان كانت تجمع وطني ولكن لم اكتفي بالرفض او المشاكسة الاسفيرية بقدر ما حاولت ان اطرح افكار رغم بساطتها تعمل على للامام حاولت جهدي وقدر استكاعتي ان تكون معارضتي ايجابية لان الوطن في النهاية للجميع ولان
انت اخي كما تفضلت
ضد الترابي ولست مع الحكومة وضد المعارضة الراهنة
ما هو طرحك الايجابي فقد نتفق معا وينضم الينا اكثرية صامتة وتقبل احترامي
| |
|
|
|
|
|
|
Re: الترابي مع المعارضة !! إذن أنا مع الحكومة .... فحيثما يكون لا أكون (Re: كمال عباس)
|
كمال عباس
انا مقرض على كده من بدري
ونحن متفقين لكن انت مرات ما بعرف البحصل عليك شنو ؟
حا اشرح ليك تصرافتي في سطرين اتمنى تقدر تفهمني
انا ابحث عن حسنات الانقاذ (على قلتاه او عدميتها ) واظهرها، خجلا من انه يكون في سوداني خالي من الحسنات ، وابحث عن عيوب المعارضة وابرزها املا في معارضة خاليه من عيوب على الاقل ما تكون فيها عيوب مكرر ومرينا بيها قبل كده العشم في المعارضة قائم يا كمال لكن لابد وانت تكون معارضة تعارض مبادي ولا تعارض نظام تعارؤض افعال وافكار ولا تعارض ولا تعارض اشخاص ومناصب
الترابي اصبح ظاهر وهو من انتج هولا
افهمي ياخ
| |
|
|
|
|
|
|
|