Re: نضال أخر صيحة (فيديو )... (Re: بشير أحمد )
يا بشير احمد يا مسكين ده فيديو خطير وخلانا نمطأن في غربتنا دي. عارف ليه؟؟ اولا هنري ده من دارفور باين عليه من لهجته. كونه بقى اسمه هنري وانا عارفاهو ما مسيحي لكنه معناها كسر حواجز كثيره معنويه كنت حاشرين ناسنا ديل فيها. ثانيا: عجبني جدا انه الشباب ديل واقع لهم تماما انه انصار السنه لا يقل خطرهم من الكيزان وكهلم يمين رجعني مهبب. ثالثا: الفالنتين رمز وليس هدف معناها انصار السنه عايزين يجرجروا الناس للعزله من العالم باسماء كثيره و الشباب ديل مفتحيين ومصحصحين وماشاء الله عليهم.
Re: نضال أخر صيحة (فيديو )... (Re: Tragie Mustafa )
Quote: اولا هنري ده من دارفور باين عليه من لهجته. كونه بقى اسمه هنري وانا عارفاهو ما مسيحي
سلامة العيون يا تراجي الزول ده ما اسمو هنري المذكور في العنوان هتري ويبدو لي صاحب الفيديو يقصد مهاتر بمعنى تهريج
Re: نضال أخر صيحة (فيديو )... (Re: محمد إبراهيم علي )
الاخ/محمدابراهيم علي تحياتي؛؛؛Quote: اولا هنري ده من دارفور باين عليه من لهجته. كونه بقى اسمه هنري وانا عارفاهو ما مسيحي
الواحد يامحمد ياخوي لازم يكبر كومو وانه بيعرف دبيب النمل في دارفور. تشكر علي المرور.
Re: نضال أخر صيحة (فيديو )... (Re: Tragie Mustafa )
أم حازم تحياتي؛؛Quote: كونه بقى اسمه هنري وانا عارفاهو ما مسيحي لكنه
عنوان الفيديو : فيديو هتري ؛وليس هنريQuote: عجبني جدا انه الشباب ديل واقع لهم تماما انه انصار السنه لا يقل خطرهم من الكيزان وكهلم يمين رجعني مهبب.
الكوز جري سكتو مره !!! ده نضال ده؛ المره مالها بعتبرها زيها وزي الراجل؛ انت بالذات مفروض تحتجي علي الكلام الفارغ ده.
Re: نضال أخر صيحة (فيديو )... (Re: بشير أحمد )
طراجى دى ما عندها فهم لى الحركة الإسلامية غير فهم متأرجح بين منظور "هبانى" للهوس الدينى، و منظور "جورج بوش" للإرهاب .... وما غريبة ... فى قياديين ناشطين فى الحركة الإسلامية فهمهم ما مختلف من فهم طراجى .... قرون من الوعى بينها وبين حق الشعوب فى الحياة والحرية والكرامة ... الله يرحم .... .... المهم ....
Re: نضال أخر صيحة (فيديو )... (Re: Tragie Mustafa )
يا اخ بشير و بتفق معاك ميه في المية .. دي اساءات غير مقبولة علي الاطلاق أنا بفتكر دي دعاية مجانية للموتمر الوطني ( حارس علي القيم) و المعارضة بي اسلوب مبتزل ذي دا بتطبز عينها بي اصبعها قبل ما يقدوها ليها .. لانو دي عين .. قوية .. لا تحمل زرة خجل و حقو تعدل و تمسح كلمة نضال دي لانك ما احترمها و حشرتها في مكان لا يليق بيها وبالناس البسكوبوا في دمهم عشان يكون ليهم الشرف و يقدموا البديل الموضوعي الجدير بي احترام مشاعر و اخلاق و اعراف و اعياد الشعب السوداني معلم الشعوب ... دا ياتو درس ناخدو من المايك القدا طايوقنا بيهو ؟ .... جرا و هو قاعد !! سكتو مري .. ياخ ... حقو نخجل علي مرضتو الفاكرها معارضة او نضال وحا يكون سبب في انو بعض الناس يستجيروا بي الحكومة خجلاً من ( علي عينك يا تاجر ) و يرسخ مبدا الفوضي و الانحلال الاخلاقي في حالة تغيرها بي نموذج ذي دا . و تشكر علي التنوير يا استاذ محمد الفاتح
Re: نضال أخر صيحة (فيديو )... (Re: محمد الفاتح خالد حسون )
الاخ/محمد الفاتح تحياتي؛؛؛Quote: و حقو تعدل و تمسح كلمة نضال دي لانك ما احترمها و حشرتها في مكان لا يليق بيها
في دي أنا متفق معاك انو كلمة نضال لم يتم احترامها؛ ولكن الفهم لكل المعارضين انو اي واحد شتم الحكومة او الكيزان عمل فيها مناضل ؛ دون طرح اي برنامج بديل للكيزان .Quote: جرا و هو قاعد !! سكتو مري .. ياخ ... حقو نخجل علي مرضتو الفاكرها معارضة او نضال وحا يكون سبب في انو بعض الناس يستجيروا بي الحكومة خجلاً من ( علي عينك يا تاجر ) و يرسخ مبدا الفوضي و الانحلال الاخلاقي في حالة تغيرها بي نموذج ذي دا .
عشان كده انا مع الكيزان ؛ الي أن يظهر من اجدر بتقديم نفسه كبديل ؛ والي ذلكم الحين سير سير يابشير.
Re: نضال أخر صيحة (فيديو )... (Re: بشير أحمد )
طبعاً ده من ركن نقاش في جامعة كردفان يا بشير... لكن ما قلتا لينا رأيك شنو في الكوز البيسب الدين في ركن نقاش في جامعة الخرطوم في ركن أنصار السنة؟http://www.youtube.com/watch?v=PNA1FYB8sQ4 لا تحاول إقتلاع الكلام من مكانه وتسفيه معنى كلمة نضال... كل من يقوم بفعل بدون خوف...أكرر بدون خوف...يستحق التحية والتقدير...وإن كان مستوى الطلاب بعض الأحيان لا يبشر بالخير... فالأولى أن توجه سهامك صوب عراب ثورة التعليم العالي إبراهيم أحمد عمر...وليس نتيجة سياسات الكيزان الخرقاء...! السبب وليس النتيجة... المهم...
Re: نضال أخر صيحة (فيديو )... (Re: AnwarKing )
Quote: لكن ما قلتا لينا رأيك شنو في الكوز البيسب الدين في ركن نقاش في جامعة الخرطوم في ركن أنصار السنة؟
مفروض يُعلق في شجرة من اشجار المين رود. اها يا ابواقبال ماقلت لينا رايك في البتاع ده.