|
Re: يا احزاب المعارضه..هل ستدخلون ما يسمى معركه الانتخابات .ام!!؟ (Re: محاسن زين العابدين)
|
Quote: يا عمر الشفقـــــة تطيـــــر ...
دي سياسة يعني ... مسئولية تاريخية ... والشعب ابدا (زي ما عاملين انتو كدة) ما بحاسب نفسه وسوف يحاسب الأحزاب وتستصحبها المواقف إلى ما شاء الله
وأي تقدير غير صحيح أو قرار غير موزون ومحسوب في هذه المرحلة المفصلية هو تفريط في وحدة السودان...
وسياسة ... سياسة
يعني حسابات وتوازنات ومفاوضات وجمع وطرح وإضافة وضرب ... ضرب يعني ضرب ... ضرب في المليان ولا حيطيح السودان
وفي السياسة حتى الكلام والتصريح عنده مدلولاته واسبابه المعلنة وغير المعلنة والظاهرة وغير الظاهرة... وفي مواقف استراتيجية ومواقف مرحلية ومواقف تكتيكية ونحن ما دام ما عندنا حل غيرهم ننتظرهم .... اذا اتفقوا إعلاء لمصلحة السودان البقولوا هو اجماع ملزم لنا ....
وإذا لم يتفقوا كل عرجاء تمشي لمراحها وتقررالدايراه ...
واذا انت سجلت خليك ريدي ورهن الإشارة
كيفك يا اخي ما ظاهر |
الاخت محاسن زين العابدين سلام
اها نبدا سطر سطر ونرد ولا اجمل..ده تفكير بصوت عالى جدا صوت اسفيرى
عارفه يا اختى انو عيد الاستقلال يوم 1/1 ونعلم هذه الحقيقه منذ يوم 2/1/57
ولكن حين نريد ان نحتفل تبدا الاستعدادات يوم 30/12 والزمن مضايقنا عشان كده احسن نختصر
وتجى السنه الجايه وبرضو نفس الزنقه .زى خريف السودان كل سنه يفاجئ الحكومه ويجدهم غير مستعدين
بالجداول .................................................................................
استحقاق الانتخابات بتاعت نيفاشا، الانا ما داخله راسى دى من اصلو ولا بروتكولات مشاكوس دى زاته
كانت قبال 4 سنين يعنى المفروض يكون فى استعداد نقول بعده بى سنتين وتكون فى رؤيا واضحه
ويكون هنالك مرشحين اقلو على مستوى اى حزب ..بعدين يتنازلو لبعض او يتحالفو دى ما مشكله
لكن كل حزب يكون جاهز لانهم احزاب لديهم استرتيجيتهم ولديهم تكتيكهم الخاص
لانها احزاب لديها مشاريع منها من نشاء فى الثلاثينيات ومنهم من نشا فى الاربعينيات
ودائما لا يخطط المستقلون للانتخابات ان كنتى تقصدى لماذ لم يخطط المستقلون للانتخابات
لانو العاده فى طليعه (حزبيه) بتطرح برنامجها للزى ده عشان يقيم ويقول والله فلان ده
بينفع معاى وفلان ده ما بينفع معاى بلغه سوق الله اكبر ده .
اها نجى بعده .انو الظرف ما كان مؤاتى لان الحكومه لعبت الاعيبها، اها الحكومه دى لعبت فى
الاحصاء الى هو الكلام ده تقريبا بقى قريب سنه ...وطبعا الاحصاء ده بتتبنى عليهو حاجات كتيره
قالو الاحصاء مضروب :-=
الخطوه الاولى المطالبه باعاده ماهو مضروب ؟
تانيا اذا لم يعدل. الاعلان عن الانسحاب من العمليه برمتها ؟
وده كلو بيتم قبال وقت كافى جدا جدا جدا ........
شهر واحد جاى وحا ينتهى وشهر اتنين حا يجى وينتهى وفى مارس شهر الكوارث حا تبدا الاستعدادات
والتصويت بعده ........................................................................
اها فى البلاد المتحضره بيكون فى انتخابات داخليه للاحزاب عشان تحدد مرشحه من قبل القاعده
اها ده طبعا ما بيحصل عندنا الرئيس رئيس الا ان ياتى عزرائيل بما لديه من خطاب وقول فصل .
ولظروف التخندق والعمل السرى لايمكن ان تقوم انتخابات مكشوفه بل سريه للاحزاب اعنى.
اها ده كلو خليناهو اها المكتب القيادى الذى يصدر الموجهات ويرشح الناس ده وينو ما رشح
يعنى حا نتفاجاء يوم 30/12 بتقديم مرشحين وباقى للاستقلال يوم واحد ....................
طيب نجى للمحاسبه قلتى نحاسب نفسنا نحاسبه على شنو وفوق شنو يعنى انا داير احاسب نفسى
يا محاسن على ضياع الديمقراطيه فى 89 طيب ورينى ابدا من وين ؟
طيب ما حا نحاسب الاحزاب لانها مسكينه الاحزاب وما عارفه حاجه اها نحاسب منو؟
وحده السودان اصلا من وقعت بروتكولات مشاكوس ونيفاشا خلاص مافى وحده انتى بصحك فاكره فى وحده.
اصلا مشاكوس ونيفاشا ظاهرا وباطنا انفصال .................................................
الاحزاب المسكينه الوقعت اتفاقيه قرنق الميرغنى وفرطت فى الديمقراطيه لا تقولى لى الكيزان
عملو انقلاب دى زى تفتحى بيتكم ويجى الحرامى. تلومى الحرامى؟ تلومى الفتح البيت ..........
اصلا التقارير الاستخبارتيه كلها اكدت وقوع انقلاب ومسك بالزبير صالح ..وجا ءت التاكيدات
على وجود ايضا حركه تانيه لماذ تم التعامل معها باستخفاف لان الاحزاب غير ناضجه وافتكرت انو
ممكن برضو ممكن ترجع بسرعه على حساب هذا الشعب المغلوب على امره ...بعد يحاسب نفسو على ضياع
الديمقراطيه .بعدين يجى يحاسبهم ..فبالله كيف نحاسب الشعب ...
اعطينى اليه احاسب بها نفسى لضياع الديمقراطيه ؟
واليه ايضا بعدم وجود مرشح او مرشحين الى الان لاحاسب بها نفسى اولا قبل ان احاسب الاحزاب؟
يا محاسن الشفقه تطير ساظهر شيلى الصبر
| |
|
|
|
|
|
|
Re: يا احزاب المعارضه..هل ستدخلون ما يسمى معركه الانتخابات .ام!!؟ (Re: ياسر شبيكة)
|
ـــ معليش خلينا نسأل سؤال
هل ياتري الإنتخابات تجري وتقام وسط التشريد والنزوح كما واقع في دارفور ووسط السودان مهدد بـ ما يسميه المؤتمر الوطني فجوة غذائية والصحيح مجاعة حقيقية , فالمشاريع الزراعية بشقيها (المطري والمروي ) إنتاجها نتيجة لشح الأمطار في هذا العام فاشلة بمعني الكلمة لا تغني من جوع واقع لا محالة تحت فقر مدقع ؟!
| |
|
|
|
|
|
|
Re: يا احزاب المعارضه..هل ستدخلون ما يسمى معركه الانتخابات .ام!!؟ (Re: emad altaib)
|
Quote: ! معليش خلينا نسأل سؤال
هل ياتري الإنتخابات تجري وتقام وسط التشريد والنزوح كما واقع في دارفور ووسط السودان مهدد بـ ما يسميه المؤتمر الوطني فجوة غذائية والصحيح مجاعة حقيقية , فالمشاريع الزراعية بشقيها (المطري والمروي ) إنتاجها نتيجة لشح الأمطار في هذا العام فاشلة بمعني الكلمة لا تغني من جوع واقع لا محالة تحت فقر مدقع ؟! |
الاخ عماد قامت الانتخابات السابقه وربع الجنوب بره منها لكن انتخابات نزيهه وحره والفرص متساويه .....
المفروض تقوم الانتخابات بعد حل مشكله دارفور ....اولا تانيا اقصاء دارفور المشرد الان هو اضافه للمؤتمر الوطنى لان الوضع الان ناخبيه خصم عليهم هكذا تقاس الامور
اما وسط السودان فمستقر الى حد ما فيمكن ان تقوم ديمقراطيه فى ظل الفقر لتصحيح المسار
الان ثروه البلاد فى ايد قله محدده وثرواتها كلها تخدم حزب واحد واستثماراتها ايضا تخدم عصبه اوعصابه واحده لاغير ...اذا تفككت قد توزع الى اكبر عدد ويكون هنالك تساوى فى الفقر
اقلو من غنى فاحش وفقر حد الموت
| |
|
|
|
|
|
|
Re: يا احزاب المعارضه..هل ستدخلون ما يسمى معركه الانتخابات .ام!!؟ (Re: عمر سعد)
|
Quote: ـــ Quote: يا احزاب المعارضه..هل ستدخلون ما يسمى معركه الانتخابات .ام!!؟
سلامات عمر سعد :
طالما المؤتمر الوطني يقمع الناس من خلال المظاهرات السلمية كحق أصيل يكفله الدستور ويحتكر صياغة جميع القوانين ويجيزها من خلال برلمانه , بهذا لم يتحول من الشمولية قيد أمله وينفذ قوانين الطواري بستار, فلن ولم تكون الإنتخابات نزيه وحرة .
فالواجب علي أحزاب المعارضة ليست مقاطعة الإنتخابات فحسب بل العمل علي إجهاضها وتعطيلها وكمان نسفها .
وآي محاولة من أحزاب المعارضة للمساومة مع المؤتمر الوطني يفقدها الديمقراطية التي تنادي بها .
وتحياتي .. |
لاخ عماد
تسلم قلنا كده قالو الشقه تطير انا والله محيرنى احزابنا دى بتفكر كيف ما عارف ؟ هل ماتو شباب الاحزاب دى ما يدوها فرصه تدور احزابه ؟؟؟
| |
|
|
|
|
|
|
|