|
122% نسبة المسجلين بالسجل الانتخابى بولاية النيل الازرق
|
Quote: 122% نسبة المسجلين بالسجل الانتخابى بولاية النيل الازرق 2009-12-03 00:48:44 بلغ عدد المسجلين في السجل الانتخابي بولاية النيل الازرق 329،518 نسمة بنسبة تقدر 122% صرح بذلك (لسونا) الاستاذ احمد محمد عثمان كبير ضباط اللجنة العليا للانتخابات بولاية النيل الازرق. واضح ان هذه النسبة تم رصدها قبل الاسبوع الاضافي مبينا ان التقارير الواردة تؤكد ان الاوضاع مستقرة في جميع مراكز التسجيل وان اقبال المواطنين على التسجيل بعد فترة التمديد في تزايد مما يبرهن علي اهتمام الاحزاب باستنفار قواعدها ايمانا منها باهمية المرحل
|
|
|
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: doma)
|
يا جماعة الخير
اللوم مش على صلاح غريبة
اللوم على كبير ضباط التسجيل دا
والله أنا شكيت في نفسي أكون درست رياضيات ولا لأ لدرجة أني بقيت أرجع بذاكرتي للوراء
.. .. الشغلانة نسبة وتناسب إما تكون وفي الحالة دي بالتحديد إما يكون التسجيل بنسبة مائة بالمائة أو دون ذلك أما أكثر من نسبة المائة بالمائة دي فيها سر عجيب وخطير
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: إسماعيل وراق)
|
Quote: في إنتظار ناس الرياضيات والإحصاء.، |
الاخ وراق ..
تحياتي ..
لو جينا للرياضيات والاحصاء الشغلانية فيها كسور عشرية..!!
فكيف يكون الانسان كسر عشرى..!!
122% = 329،518 شخص
100% = 270,096.72.. شخص..!!
وكدة يكون هم توقعوا تسجيل ال 270,096.72
جاء اهلهم البالغ عددهم 59,421.28 شخص للعيد من البندر والقري الاخري وقاموا سجلوا..
غريبه والا ما غريبة ..!!
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: jini)
|
هههههههههههههاااااااااااااااااااي
دا ذكرني بوست محمد عادل
غريبة زايد عليهو بانو غبي وغبي شديد الزول بدون ما يركز لفح الموضوع دا وزي ما بقولو الجاهل عدو نفسو انا ما عارف الكيزان ديل بقو ما بجتهدو في دس التزوير والخدع حقتهم بفكوها بدون ما يتبينو هل دا ضعف في الكادر ولا قوة عين ولا اعتراف مع سبق الاصرار والترصد ؟؟
الزيادة في كل الاحوال تدل على فوضى في عملية التسجيل اما بالتزوير او جهل ضباط التسجيل او خداع مؤتمر وطني او او او وكلها او سلبية ..
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: محمد حسن العمدة)
|
Quote: 122% نسبة المسجلين بالسجل الانتخابى بولاية النيل الازرق 2009-12-03 00:48:44 بلغ عدد المسجلين في السجل الانتخابي بولاية النيل الازرق 329،518 نسمة بنسبة تقدر 122% صرح بذلك (لسونا) الاستاذ احمد محمد عثمان كبير ضباط اللجنة العليا للانتخابات بولاية النيل الازرق. واضح ان هذه النسبة تم رصدها قبل الاسبوع الاضافي مبينا ان التقارير الواردة تؤكد ان الاوضاع مستقرة في جميع مراكز التسجيل وان اقبال المواطنين على التسجيل بعد فترة التمديد في تزايد مما يبرهن علي اهتمام الاحزاب باستنفار قواعدها ايمانا منها باهمية المرحلة
|
يا أخوانا بالراحة على الراجل ..الخبر نشر في موقع رماة الحدق الموالي للحزب الحاكم نقلا عن سونا .. والغريبة أن النسبة تم رصدها قبل الأسبوع الاضافي..ّّّّّّّّّّّّّّّّّّّّّّّّّّّّّّّّّّّ!!!!!! يعني ممكن توصل النسبة الى 150 بالمائة او مائتين بالمائة . بعد انتهاء الأسبوع الاضافي .
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: وليد محمد المبارك)
|
ذَكَّرني نقاشكم هذا بما حدث أيام الجامعة
بعد حملة انتخابية قوية - وانتخابات في جو مكهرب - -- - - خرجت النتيجة بما يشبه الشكل التالي: | | عدد الطلاب المسجلين بالسجل الانتخابي: | 4000 | | عدد الطلاب الذين قاموا بالاقتراع: | 3000 | | طلاب صوتوا للحركة الإسلامية: | 1600 | | طلاب صوتوا للقائمة السلفية: | 1100 | | طلاب صوتوا للتجمع: | 600 | فات على من وضعوا الجدول إضافة الخانات التالية: | | عدد الطلاب الذين قاموا بالاقتراع: | 3000 | | مجموع الطلاب الذين صوتوا للقوائم (وبالتالي مجموع البطاقات الانتخابية في الصناديق): | 3300 |
عَلّق بعض طلاب الجامعة حينها على أن الفرق بين عدد من قاموا بالاقتراع وعدد البطاقات الانتخابية التي وجدت في الصناديق هو 300 بطاقة انتخابية زائدة.
وسبب ذلك أن الملائكة صوتت مع الحركة الإسلامية والاتجاه السلفي
ورجحت قائمة الملائكة الحركيين على الملائكة السلفيين
فيما لم يحظ التجمع إلا بأصوات ستمائة طالب بشري دون تدخل من الملائكة
(عدل بواسطة Hani Arabi Mohamed on 12-03-2009, 07:01 PM) (عدل بواسطة Hani Arabi Mohamed on 12-03-2009, 07:05 PM) (عدل بواسطة Hani Arabi Mohamed on 12-03-2009, 07:07 PM)
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: سعد مدني)
|
Quote: هذا يعود الي زيادة المسجلين عن المتوقع حسب الاحصاء السكاني الاخير
يعني الذين تم احصائهم اكبر من 18 سنة كذا عدد، و يفهم هنا ان المسجلين الان اكبر من 18 سنة فاقوا ما تم احصائه.
و الله اعلم |
صح يا أخ سعد مدني ..
النسبة 100% دي هي زي ما ذكرت دي حسب الإحصاء السكاني الأخير .. لكن برضو .. ده معناها التعداد باطل . وما بُني على باطل فهو باطل .. !
ولا شنو ؟
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: Nasr)
|
Quote: يا ناس المؤتمر واحد يجي يعمل Damage Control |
في حاجة إسمها الناخب المستهدف يعني على حسب حساباتم كانوا مقدرين إنو مجموع الناس الحا تسجل في الولاية الفلانية (700,000 نسمة مثلا) و عند التسجيل الفعلي إتضح إنو عدد المسجلين فاق ذلك العدد ب 22%
(إحتمال الناخب المستهدف (700,000 نسمة ) جابوها من حسابات الإحصاء-- و السبب لإرتفاع النسبة في إحتمالات كتيرة, منها: مغتربين السعودية رجعوا للولاية لزوم العيد أو أي حاجة تانية lol
Kostawi mirakib makanat koz
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: Kostawi)
|
Quote: لاخ وراق تحياتي .. لو جينا للرياضيات والاحصاء الشغلانية فيها كسور عشرية..! فكيف يكون الانسان كسر عشرى..!!
122% = 329،518 شخص 100% = 270,096.72.. شخص..!! وكدة يكون هم توقعوا تسجيل ال 270,096.72 جاء اهلهم البالغ عددهم 59,421.28 شخص للعيد من البندر والقري الاخري وقاموا سجلوا..
غريبه والا ما غريبة ..!! |
عليك نووووووووووووووور
بقى هى الحكايه كده ونحن ما جايبين خبر
والله فعلا حكايه غريييييييييييييييييييييييييبه يا معلم
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: Magdi Ahmed Elsheikh)
|
يا جماعة نسيتو انو النيل الازرق فيها مايرنو بلد الانطونات ذاتهم يعني كل فكي ومعاهو حراسو وحسب مصادري الخاصة العدد مفترض انو يكون اكتر من كدة لكن في جماعة مشغولين بكورة هلال مريخ فتوقعوا ارتفاع النسبة بعد المباراة وحيتحقق الربط بتاع 182% عشان ناس التسجيل يصرفوا الحافز كامل ولا نامت اعين المشككين
ــــــــــــ
غريبة كامل تضامني معك في محنتك انشاء الله دينق ينوم بدري الليلة او الله يعميه من البوست ده
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: محمد إبراهيم علي)
|
مراسل الانطونات محمد ابراهيم ايام الانتخابات لو مافي دوري شغال الكوز ح يفوز في النيل الازرق بكم الف في المية؟؟
يا شباب مع انه في ناس حرفا لكن كدي ادوني باقي الليلة دا كان نلقي مخارجة لغريبة و صاحب التصريح الاصلي بس يا ريت لو في زول بعرف صاحب التصريح دا يقوليهو في النيل الازرق اعرشوا علي كدا مافي داع لتمديد اسبوع تاني لان الحكاية ح تطلع من يدنا و الا نجيب صنيين يسدوا الفرقة ايام الاقتراع الـ 22 % بنباصرا لكن بطلوا عوارتكم دي
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: نصار)
|
Quote: الاخ وراق ..
تحياتي ..
لو جينا للرياضيات والاحصاء الشغلانية فيها كسور عشرية..!!
فكيف يكون الانسان كسر عشرى..!!
122% = 329،518 شخص
100% = 270,096.72.. شخص..!!
وكدة يكون هم توقعوا تسجيل ال 270,096.72
جاء اهلهم البالغ عددهم 59,421.28 شخص للعيد من البندر والقري الاخري وقاموا سجلوا..
غريبه والا ما غريبة ..!! |
كدي أول حاجة أقولها لأخوي مجدي أنا كنت مدبرس وبمجرد صلاح غريبة كتب البوست دا وقبل التعليق فكّت الدبرسة بضحكة قوية ومجلجلة. .. .. قلت يا ولد إحتمال يكون كبير ضباط التسجيل بتاع النيل الأزرق دا حاسب الشغلانة صاح وأنا غلط.. .. .. أها.. بقيت أضرب خماسي في سداسي لقيت الحكاية فعلاً غريبة!!!
.. .. أما حكاية الإنسان يكون كسر عشري دي ربما تجد لها تفسير في قاموس صاحب البوست وكبير ضباط التسجيل بالنيل الأزرق. .. ..
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: ضياء الدين ميرغني)
|
الاستاذ احمد محمد عثمان كبير ضباط اللجنة العليا للانتخابات بولاية النيل الازرق
انا غايتو شايف انه الزول دا زول امين او الجماعة ما كلموهوا بالكروباي العملوهوا ايام الاحصاء السكاني، اصله السكان عددهم اكبر من العدد اللتقوهوا الكيزان بدون ما يتلفت (و هو شوية في الحساب تعبان) ناسب الارقام الفي الورق (المضروب) مع الناس المن لحم و دم السجلوا اسماءهم
و علي العليهو ناس اللجان الشعبية شغالين تزوير اوراق ثبوتية ما خلوا اثيوبي من بني شنقول و الكرمك الحبشية و الا جابوهوا يسجل شوية الحكاية زادت، بس نحمد الله دا ما حصل في التسعينات كان حلوا المعضلة حل ثوري بسيط جدا، يقرضوا الناس الزيادة الان اعلنوا النسبة بزيادتها المهزلة علشان يثبتوا انه حتي الناس الوجودهم مافي ليهو دا غير يحرجوهم لا بقتلوهم و لا بخفوهم و دي برضو محمدة نحيهم عليها
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: عبد الحكيم نصر)
|
الطف حاجة في اغلب مناطق السودان يحرص الكيزان علي ان يكون عدد المسجلين اقل ما يمكن و ان تكون الاقلية دي اكثريتها من اتباعهم، النيل الازرق الاقرب للحركة الشعبية سعوا للعكس، هاجوا لمان العدد زاد و دفق و اعلنوا الفي _الوعاء) و الدفق في الواطة و صلاح غريبة ختف الفضيحة و جانا جاري و ما وعوا من هيجتهم الا بعد نطيتوا ليهم في رقبتهم
يا جماعة البشير قال ليكم لن نتقرب الي الله بتزوير الانتخابات، الانتخابات تعني عملية التصويت التسجيل اختلفوا عليه الفقهاء
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: Luay Elhashimi)
|
ياخونا ركزو مع الخبر دا شوية ... يمكن يساعد علي الفهم اعتقد انو العدد المستهدف للتسجيل يختلف عن عدد الحقيقي للسكان ... وشكلهم عندهم حسابات معينة بتحدد ليهم العدد المستهدف للتسجيل ... فمثلا في الخبر التحت دا الزول دا قال 12 مليون سجلو وهم بشكلو 80% من النسبة المستهدفة ... يعني تقريبا هم عايزين يسجلو 13,5 ناخب ... واعتقد الرقم دا بعيد عن عددالسكان الاكبر من 18 سنة ... اتمني انو واحد يرجع يفتش في النظام الانتخابي ويورينا كيف الناس دي بتحدد المستهدف من الحقيقي
ولاية النيل الازرق ممكن يكون نسبة التسجيل اكبر من المستهدف لو هم اصلا مستهدفين حوالي 13 مليون او اكثر بقليل
Quote: تنتقد تقرير كارتر بشأن الانتخابات
الخرطوم: الصحافة
نفى رئيس دائرة السجل الانتخابي بالمفوضية القومية للانتخابات، الفريق الهادي محمد احمد، ما أورده تقرير مركز كارتر عن عدم مشاركة ملايين الناخبين في السودان في الانتخابات القادمة. وأكد محمد احمد، تسجيل كافة الناخبين بولايات السودان، نافيا ما جاء في تقرير المركز عن عدم تسجيل الناخبين بولايات دارفور، وأشار الي تسجيل ما يزيد عن مليون ومائة الف ناخب بولاية جنوب دارفورمن المستهدفين البالغ عددهم مليونا و خمسمائة الف ناخب، كما تم تسجيل الناخبين بولاية شمال دارفور بنسبة 78% من العدد المستهدف، موضحا ان تقرير مركز كارتر لم يبنَ على اسس و معلومات صحيحة، وقال ان عدد الناخبين بكافة مراكز التسجيل بالسودان بلغ 12 مليون ناخب والذي يمثل 80% من العدد المستهدف، وهو مالم يحدث في ظل الانتخابات السابقة في السودان
|
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: isam elzein)
|
اسماعيل وراق ونصار وبقية الاعداء وجدتها وجدتها وجدتها وجدتها وجدتها هم سجلو الميل لحالو والازرق لحالو وادغمت تسجيلات فى الازرق ادغاما بغنة لذا جاءت النسبة كما تون.. لكن تشابهت على غريبه التسجيلات ولم يدرى اى بقر سجلوا غريبه ان شاء الله مخارجتى دى نفعت معاك غاينو ربنا يحسن خلاصك قبل الحاقد دينق يجى قاتله الله،،،
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: Ahmed musa)
|
الناس ديل والله حيرونا عديل كده يعنى يالله عامى بصيرتم يا مخهم ظلته أو الاثنين معا وهذا هو الارجح
شوفو الاهبل التانى ده كمان قال شنو والمحيرنى إنو الدجل والكلام الفاضى ده كله صادر عن مسؤولين
كدى حاولوا تضربوا لينا الارقام التحت دى ورونا دى يحلوها كيف
Quote: أعلن الفريق الهادي محمد أحمد، رئيس دائرة السجل الانتخابي بالمفوضية القومية للانتخابات، أن المفوضية سجلت 12 مليون ناخب، يمثلون نسبة 80% من العدد المستهدف البالغ، حسب الإحصاء السكاني، 19 مليونا فوق سن الـ18، حيث يحق لهم التصويت. |
يمهل ولايهمل
| |
|
|
|
|
|
|
Re: 122% نسبة المسجلين بالسجل الانتخابى بولاية النيل الازرق (Re: نصار)
|
كامل التضامن مع (المناضل) الكبير صلاح غريبة في وجه الخونة بتاعين المؤتمر الوطني أمثال إسماعيل وراق وكوستاوي. المناضل الكبير صلاح غريبة فضح الإنقاذ وقام بتعريتها وأثبت أن الإنتخابات مزورة حتى قبل أن تُجرى.. تاني تعالوا قولوا الزول ده مؤتمر وطني!!
عاش نضال الشعب عاش المناضل صلاح غريبة
إسماعيل وراق: غايتو الحكاية كانت جاطت وفرنبت الزول ده اتوصو بيهو..يعني محافظ كدة ولا ملحق إعلامي..ولا حتى إن شاء (متحدث بإسم الشرطة السودانية)
| |
|
|
|
|
|
|
|