|
Re: نكات رائعة من اهل ياسر بيناوي (Re: عمر صديق)
|
قالوا رباطابي قاعد في مطعم وجنبو زول احوص, الرباطابي طالب كباب والجنبو طالب فول, اها قام الجنبو كل شوية ياكل من الكباب بتاعو "نظام احوص وكدة". الرباطابي اتغاظ شديد قام قال ليهو : عرفناك ما بتشوف, ما بتضوق؟؟؟؟
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
رباطابي مره بي جماعه من اهلنا الهدندوة بشربو في قهوة وكانوا لابسين لبستم المعروفة الواحد يكون لابس سروال طويل وباقي جسمو عريان ورابط العمه خلف خلاف الرباطابي قاليهميا اخوانا داير لي فنجان جنبنة نط واحد من الهدندوة قاليهو ياخي انتو سحارين ما بنديك الرباطابي قاليهو عليك الله انت هسي يسحرو ليك شنو عامل زي الفانوس القزازتو مكسرة
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
الرباطابى قالو ليهو اتبرع لبناء سور للمقابر ..قال ليهم: في مره شفتو ليكم ميت شرد؟؟
رباطابى صلى الجمعة فى مسجد أنصار السنة بعد الإمام ما قال السلام عليكم مد يدو للزول الفى يمينو قال ليهو: تقبل الله
أنصارالسنة رفض يمد يدو و قال ليهو : دى ماورد فيها نص،
الرباطابى قال ليهو : نان الإحراج ورد فيهو نص؟؟
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
الرباطابى والجعلى مسافرين سوا الموية العندهم كملت قوم يالجعلى انزل فى الواطة حفر، الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطابى نزل جردلو فى البير، الجعلى طب مسك ايدو، الرباطابى قال ليهو : هسى ايدى مسكتها وجردلي حميتنى انزلو ، دحين بيرك دى الا كان تتكيها!!!
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا، صاحبو قال لية ياخى العشاء ما بطلع الا الكهرباء تجى.... الرباطابى قال لى اصلو دا عشاء ولا شريط فيديو!!
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
في الرباطاب جابو ليهم استاذ دنقلاوي وفي اول يوم عايز يستفز الطلبة فكتب في السبورة جاءت محمد و قال للطلبه اعربوها فرد ليهو واحد شافع: جاء فعل ماضي ناقص، التاء تاء الدناقله، محمد فاعل..
| |
|
|
|
|
|
|
Re: نكات رائعة من اهل ياسر بيناوي (Re: haroon diyab)
|
حبيبنا عمر صديق ربنا يحقق امانيك ياخي
واحد بلدياتنا مسطح في القطر جاء العسكري خلا الناس المسطحين معاهو كلهم ونزلو هو بس وداهو القسم . الضابط سألو يازول مالك منزلنك من القطر
بلدياتنا قال ليهو : منزلني عينة
خالص الود
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
عمر سعيد عمر صديق عمر مديد،، (رايك شنو ؟؟)
والله دي حصلت جنبي لايف في قطار حلفا في محطة ابوحمد
الرباطابي : حبال حبال حبال ،، الحرمة مسافرة معنا في نفس عربة القطار : ياللخو الحبال ديل للبيع؟ الرباطابي : مرددا قول الولية في مساخة باينة: (الحبال ديل للبيوووع ؟؟) لا لا ،، جاي اربطبهن القطر دا!!
إبتسم فأنت في أبوحمد،،
واصل ،،
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم: انتو البنطون دا مطلعنوا من البحر ليه؟ رد عليه واحد منهم: والله البحر ما نفع معاهو قلنا نجرب الظلط..
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
رباطابي جاهو شايقي من السفر قال ليه ارح وريني قبر امي الرباطابي مشى معاهو المقابر وقال للشايقي اها ده قبر امك الشايقي قال ليه حددو لي بالضبط ياخي ده ولا ده؟؟ الرباطابي قال ليه يا زول شيل فاتحتك ساي ..اصلك انت داير تديها مصاريف؟؟
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
رباطابي راكب القطر بتاع الشمالية ...وعشان مافي نور عفص رجل واحد جنوبي ... الجنوبي بي زهج قال ليو : انت عميان ولا شنو تطلع في كراع بتاع الناس انت ما عارف زاتو ماشي وين...الرباطابي رد عليه : انا ماشي عند اهلي انت ماشى وين ..
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
حمار اتعود يحك راسو بشباك الفصل في مدرسة ..
الاستاذ قال لي الطلبة:
الحمار ده كل يوم بعمل كده عندو ود عم هنا ولا شنو؟
رد عليهو طالب رباطابي:
والله الحمار دا ما بجي إلا في حصتك يا أستاذ..!!
| |
|
|
|
|
|
|
Re: نكات رائعة من اهل ياسر بيناوي (Re: النذير حجازي)
|
الاخ النذير
تحياتي
شكرا للمشاركات الرائعة روعة اهلنا الرباطاب
_____________________________________________
واحد قال لرباطابى انتوا عليكم الله عندكم موية ... الرباطابى قال ليهو طيب الشجر العندنا داااك قام بالتيمم ...
| |
|
|
|
|
|
|
Re: نكات رائعة من اهل ياسر بيناوي (Re: النذير حجازي)
|
في واحد رباطابي جنننننو شراب ..وجارو أنصار سنة ... مشى ليهو ينصحوا وشبكو ليك: الخمرة دي بتودر العقل .. الخمرة دي بتعمل ليك تليف في الكبد يعني بالعربي كدا الخمر دي يعني ( موت بطيييييء ) .. الرباطابي اتلفت وقال ليهو: ( أنا زاتي ما مستعجل ) !!!!!
| |
|
|
|
|
|
|
Re: نكات رائعة من اهل ياسر بيناوي (Re: حيدر بشير)
|
الاخ حيدر بشير تحياتي وشكرا للمرور والبسمة
_____________________
رباطابى في قربة جارهم تعب شايلنوا مودينو المستشفى ركب معاهم فى العربية الرباطابي ساكت ساى بعاين للمريض والمريض ماعاوز يدى اى اقوال ولا كلمة اول ماجاء في شارع المطار قامت العربية دقدقت قام المريض قال نحنا وين؟؟ الرباطابي قال ليهم
( زولكم يادوب خش الشبكة )
| |
|
|
|
|
|
|
Re: نكات رائعة من اهل ياسر بيناوي (Re: عزام حسن فرح)
|
Quote: في قطر حلفا ... والوكِت ليل ... والقطر مُضلِم تب ... الشايقي بِهبِش بِايدو وجنبو رُباطابي - الرباطابي : يا زول بتْسوو شنو؟ - الشايـقي : بفتِش على ولدي - الرُباطابي : ولدك ده إبريق ... ما تْكورِكْلو |
الرائع عزام تحياتي وشكرا للمرور الجميل ___________________
شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية اتأخرت.. الكمساري قال ليها: نازلة؟ قالت ليه : لا.. لا.. بدور اقدمها للباب!!
| |
|
|
|
|
|
|
Re: نكات رائعة من اهل ياسر بيناوي (Re: النذير حجازي)
|
رباطابي ببيع لبن :
المهم عندو زبون محامي مرتو غالطت الرباطابي في حق يومين بحجة انو كان في مطرة
والرباطابي مصر انو اداهم اللبن في اليوم البعدو
جا زوجها المحامي وقال ليهو:
انحنا ماممكن تغالطنا ابدا
الرباطابي قال ليه :
اغالطك كيف وانت الغلاط فاتح ليه مكتب !!!!
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
رباطابي في عزومة عرس لاحظ انو في زول نائم نومة عميقة جدا ...
بس في اللحظة الختو صينية الاكل عمك تترب صحي وابتداء يلقلق ...
الرباطابي قال ليهم :
انتو زولكم دا كانتو خاتنو في الشاحن ...
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
رباطابي مشى لواحد بعمل في لقيمات في المحطة داك كلما يخت الصاج في الكانون الصاج يميل لي جمبه
الرباطابي قال ليه :
بتظبتوا في الدش عايز تجيب ياتوا قناة فضائية؟
صاحبنا لمن رمى العجينة في الصاج والزيت كان سخن العجينة بعد ما نزلت في آخر الصاج عملت صوت (تششش)
الرباطابي قال ليه: اكيد دي قناة الجزيرة
زولنا طوالي طفى الصاج ومشى بيتهم.
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
سلامات يابوعمير ، وعيدك سعيد،،
==
محمد الرباطابي جاي من السوق قافلة معاهو لاقاه الجزار ماشي على السوق:
الجزار : محوووماد ، الغنم راقدات في السوق ؟ محمد : والله واحدات راقدات وحدات وقفات علي حيلهن،،
هههههه،،
روح الله عنك ،،
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
رباطابية بتبيع زلابية وطعمية للركاب في محطة ابوحمد بعدين الايام ديك شغلو القطر الاكسبرس وكان ما بيقيف في اي محطة المهم القطر جا ماشي فيها فووووو وماباعت اي حاجة وقامت رجعت البيت قام راجلها قال ليها انشاء الله بعتي كويس الليلة؟؟ قالت ليهو: ابيع كيف والقطر جا ماشي فيني زي ترجمة الفلم الاجنبي
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
بمناسبة اعياد الكريسماس والاستقلال السنة دي ومصادفتها ليوم الجمعة
___________________________
واحد اسمو الحاج مشي الحج ولما جاراجع مشالو الرباطابي يهنئه وقال ليهو:اسه نقول ليك حاج الحاج!!!!!!!
والله حجك دا زي العطلة البتصادف يوم الجمعة
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
الرباطابي عمل ليه محل فول في البلد ومشى معاه كويس قام وسع المحل وعمل قدرة ثانية وزاد عدد الكراسي وبعد فترة جاب ليه ست شاي في المحل جاه صاحبه الرباطابي قال ليه: يا دكتور عينت ليك (فحيص) معاك ولا شنو!!
| |
|
|
|
|
|
|
Re: نكات رائعة من اهل ياسر بيناوي (Re: عمر صديق)
|
Quote: والله الحمار دا ما بجي إلا في حصتك يا أستاذ..!!
|
في ذات المدرسة وإحتمال ذات الأستاذ .. أستاذ الفنون طلب من التلاميذ أن يرسموا حمار أحد التلاميذ قال لي من فضلك يا أستاذ ما تتحرك
| |
|
|
|
|
|
|
Re: نكات رائعة من اهل ياسر بيناوي (Re: ياسر بيناوي)
|
Quote: واحد راكب حمار لاقي واجدة بلدياتنا عجبتو قال ليها : اول مرة اشوف لي قمرا ماشة في الواطة قالت ليهو : اول مرة اشوف لي حمار من طابقين |
الاخ بيناوي
شكرا لرفد البوست بروائع طازجة من بلدياتكم وفي انتظار المزيد
| |
|
|
|
|
|
|
|