|
ما إنقطع العشم ..
|
والله يا أخونا أنا لي فترة بعاني من مشكلة كبيرة جدا في جهاز الكمبيوتر بتاعي .. قبل شهر أو حاجة بالشكل ده عملت فورمات للجهاز كلو .. بعد نزلت الوندوز وكل الأنتي فايروس والدرايفرز والحاجات دي الجهاز حلف بدين أمو ما يرفع لي أي صورة ..
|
|
|
|
|
|
|
|
Re: ما إنقطع العشم .. (Re: محمد عمر جبريل)
|
المشكلة بقت في الـ Attachment يعني ما الصور بس .. أي حاجة بعمل ليها Attach ما بتمشي ويرد .. إكسل .. كل أنواع الملفات ما بتمشي معاي الموضوع (ممكن) يكون ليهو يد في تغيير مستقبل أيامي وكده ..
| |
|
|
|
|
|
|
Re: ما إنقطع العشم .. (Re: محمد عمر جبريل)
|
وكتين ما في زول سألني ..
Quote: الموضوع (ممكن) يكون ليهو يد في تغيير مستقبل أيامي وكده .. |
كيييييييييف ......!؟ ما مشكلة بسأل روحي براي .. أها كيف ..؟ Ok سألتني كيف .. المشكلة الكبيرة والله بس (تكمن) في موضوع اللوتري الليلة يوم 26 وأنا بالجد لي أكتر من شهر ما قادر أرفع صورتي مع الأبلكيشن بتاع اللوتري ..
| |
|
|
|
|
|
|
Re: ما إنقطع العشم .. (Re: محمد عمر جبريل)
|
Quote: إحتمال واحد (فتك) كده يقوم يسأل طيب أنا رفعت الصورة بتاعت الوجه الأصفر الحزين دي كيف ؟؟ الكود بتاع الصورة محفوظ عندي في فايل بتاع ويرد .. |
طبعا الكلام الفي الإقتباس الفوق ده محاولة مني لرفع البوست وكده
| |
|
|
|
|
|
|
Re: ما إنقطع العشم .. (Re: محمد عمر جبريل)
|
Quote: ولا في زول داير يقول طيب في النهاية كدة إنت دير تصل لي شنو ..؟ |
والله في النهاية كدة داير زول يدق سدرو ويقول لي خلاص ما مشكلة .. كدي رسل لي الصورة في الإيميل وأنا ها أعمل ليك الأبليكيشن فورم بس .. دا كلو العايز أصل ليهو .. واحد كده من الأخوان البورداب ديل يقوم يرسل لي هنا أو في الخاص إيميلو عشان أرسل ليهو صورتي ويقوم يعمل لي الفورم ده ..
| |
|
|
|
|
|
|
Re: ما إنقطع العشم .. (Re: محمد عمر جبريل)
|
سلامات يا محمد يا اخوي المعلوات الطرحتها يا اخوي ما كافية لتحديد المشكلة اعد تحميل الوندوز لو محمل اكس بي جرب فستا
موضوع اللوتري استعمل اي جهاز بديل مؤقتا او ارسل المعلومات دي بالايميل لاي زول يحملها ليك
ما ساعدتك .....موش....ده البقدر عليهو
- - - - - - - - - - - - - - - - بعدين اللوتري عايز بيها شنو يا اخوي؟
| |
|
|
|
|
|
|
Re: ما إنقطع العشم .. (Re: الشفيع وراق عبد الرحمن)
|
Finally Some one answer me دير بروذر الشفيع ثانك يو فري فري مطش Quote: المعلوات الطرحتها يا اخوي ما كافية لتحديد المشكلة اعد تحميل الوندوز لو محمل اكس بي جرب فستا |
الوندوز شغال تمااااااام ما عندو أي مشكلة أعتقد الموضوع عندو علاقة بالـ Options يعني أنا متأكد في حاجة كدة (ما عارفة) المفروض أعمل ليها activation وللا حاجة زي دي ..
Quote: او ارسل المعلومات دي بالايميل لاي زول يحملها ليك
|
تصدق ........ !! يمين الله دا هدف البوست نفسي ياخ (على قول أخونا طارق جبريل) واحد من ناس البورد ديل يقوم يقول لي خلاص رسل لي صورتك دي وأنا بعمل ليك الأبلكيشن ما عشان الصورة بس .. لكن عشان حاجات تانية حامياني
Quote: بعدين اللوتري عايز بيها شنو يا اخوي؟ |
يعلم الله سؤال .... عارف أنا في بوست كده كتبتو قبل فترة (ما متذكر اسمو شنو ) قلت فيهو ليه أنا (المفروض) أهاجر من البلد دي .. أو رسل لي في الخاص عشان (أبوح) ليك .. تسلم يا صديقي ..
| |
|
|
|
|
|
|
Re: ما إنقطع العشم .. (Re: الشفيع وراق عبد الرحمن)
|
عيدك سعيد
الكمبيوترجية مشغولين مع الخروف ,,, انا بنظر ليك ساكت لو نجحت بكره بعمل فيها بيل غيتس ذاتو ,, ولو طرشقت قولى شكرا رفعت ليك البوست ,,,
عزيزي ادخل اسطوانة الوندوز مرة تانية واختار اصلاح ,, ممكن في ملف ما اتحمل ,, وكمان جرب برازر اخر ,, مثل اوبرا , الفيرفوكس ,,
بالله لو لفقت اعمل لي دعاية ,,,,,,,,,, وش مأمل ,
| |
|
|
|
|
|
|
Re: ما إنقطع العشم .. (Re: عمار عبدالله عبدالرحمن)
|
أخونا عمار عبدالله عبدالرحمن كل سنة وإنت طيب .. وربنا يعلي مقامك فوق لي بيل قيتس زاتو .. أنفورشنيتلي .. الـ CD Room بتاعي ما شغال .. هاو -ويفر الويندوز شغال تش التش .. ما عندو أي مشكلة الموضوع كلو في النهاية راجع للـ Options وزي ما قلت أنا متأكد في حاجة المفروض أعمل ليها Activation .. وتأكد تماما الموضوع لو لفق أو لو ما لفق انا ها أكون المستشار بتاعك للأدفرتايسمنت بتاعتك تسلم ياخي على رفع البوست
| |
|
|
|
|
|
|
Re: ما إنقطع العشم .. (Re: عمر صديق)
|
Quote: salam كل سنة وإنت طيب
|
أخونا عمار .. ياخ والله شاكر ليك جدا مدك لي يد المساعدة .. إييييييييييه .... الحمد لله غايتو تعرف لو الواحد من مواليد 2009 في المنبر ده حقو بروح في الكرعين سااااااااكت
| |
|
|
|
|
|
|
Re: ما إنقطع العشم .. (Re: محمد عمر جبريل)
|
عمر صديق كل عام وإنت بخير
Quote: ياالكمبيوتراب الحقو الزول دا |
معليش يا حبيب .. مشكلتي إني بلعب في الزمن الضايع والله ما كانت فارقة معاي إيميلات بتاعت شغل وللا غيرو وما فتحت البوست ده إلا لألحق باللوتري .. لكن لربك شؤون في كل شئ ..
كل شئ!
ربنا يحقق أمانيك ويديك الفي مرادك يا عمر
| |
|
|
|
|
|
|
|