|
رحلة داخلية في وطن الجمال-صور بالكوم
|
السلام عليكم ورحمة الله
كل عام وانتم بخير اخوتي داخل المنــــــــــبر وعيد مبارك يعود عليكم بالصحة والعافيه ..
الدويـــــــــم :
معزوم مقييل فطور وغدا في الدويم ..تاني يوم في العيد.. ده اليوم الكلام ده ..طلعت 7 صباحا الشوارع فاضيه وسايق بي سرعة 120ما قللت منها لغاية سرعة 160 ما زدت منها وصلت في ساعتين الا ربع...وصلت الدويم بالضبط لمن العداد كان قاري 215 كيلو لحدي باب الشارع ..نزلنا ولمن ختو الفطور الساعه 12 ونص ..شيات جمر صاج وجبن وزبادي وملاحات وشطط بالنكهات والالوان والانواع كمان ..شربتنا كمان ..وحلينا ..جات 2 طق ..طلعونا مشينا حتا اسمها الغابه قبلها شوفنا بخت الرضا وحتات كتيره من ضمنها حاجه كده زي معهد القرش الدويم عريقه جدا وكبيرة وممتدة وما بتخلص في لفها جناين وخضره وما لاقني شحات واحد حايم ناس حلوا متواضعه الطيبة في وشهم خلصنا من اللفلفه ...حلفو طلاقات ويمين الا يعبو العربية بنزين قامو فولو التنك واشترو جبن والله القدرت اشيلو من الجبن ما اقلا من 10 كيلو ..رجعنا البيت في الدويم زاته قالو الغدا طلعو الغدا 5 شوكة يا اخوانا الفطور في الحلقوم لسه ما نزل ولاعبر المعدة.. برضو يمين وطلاقات انا لمن خفتا الا قالو ناكل نتغدى انا قاعد وركبيني يرجفن ما قادر اكل مليان شديد خايف لامؤاخذه ما اندم اني فطرت جاملت وقعدت الوك في اللقمه 10 دقايق بمعدل كل لقمه ..خلصنا ..المغرب قرب قالو المبيت الا تبيت انت جيت في رقم قياسي الدويم.. ودي خطورة في الرجعه بالليل بي سواقتك دي حنستهم وقلت حسوق براحة الحمدلله ما دخلت فيها طلاقات كان بيتا بالقوة ...اها ركبنا البنطون العبارة وعبرنا ودورنا واتخارجنا الرجعه كلها تلفونات عشان يطمنو اني رجعت بخير وفعلا بي اتصالاتهم دي رجعت في 3 ساعات ونص كمان.. الدويم واهلها حقيقه ناس جود اصيــل ..ده السودان لسه بخير واهلو وطيبتو ما بتتغير وانا يادوووووووب عرفت ليه ناس الولايـات بخلو الخرطوم وبسافرو في الأعياد وكل خميس ...فعلا العيد برا في الولايات والله دنيا وغنيه ...اللهم بارك في اهل السودان وعزته ..وكل سنه وانتو طيبين ..
الصور قيد التعديـــــــــــــــل ..
|
|
|
|
|
|