|
دقــــــــــات ......
|
وحاة عينيك .. وحاتك لما تشتاقي و أردد حبي .. و اهمس ليك وحاة اللوعة في قلبي وحاة ثغرك وحاة خديك وحاتك انتِ مشتاق ليك
|
|
![Edit](https://sudaneseonline.com/db/blank.gif)
|
|
|
|
|
|
Re: دقــــــــــات ...... (Re: علي طاهر)
|
بحس بلقبك النابض بحس بي روقه دقاتو بحس بعيونك الحلوين لمن ليا يشتاقو بحس بي رعشة الخدين وقت بشفايفي يتلاقو بحسك نابضة في قلبي تقاسمي همومو و أناتو بحسك ذي شعاع الشمس بحسك ذي سكون الليل لمن يحين تمام بدرو و يفرحو بيه نجماتو بحس بحنانك الفياض عُباب .. و سحاب .. مَلَك قلبي و بيك فرحانه دقاتو ..
| |
![Edit](https://sudaneseonline.com/db/blank.gif)
|
|
|
|
|
|
Re: دقــــــــــات ...... (Re: علي طاهر)
|
دقه تقول بحبك أنا دقه تقول بريدك موت و دقه تقول مشتاق ليك و دقه تقول حلاة عينيك و دقه تقول حنانك وين و دقه تقول وداع يا هم و دقه تقول صباح الخير و دقه تقول مساء الورد و دقه تقول يومك كيف و دقه تقول ... و دقه تقول .. و دقه تقول وحاة عينيك وحاتك لما تشتاقي و أردد حبي و اهمس ليك وحاة اللوعة في قلبي وحاة ثغرك وحاة خديك وحاتك انتِ مشتاق ليك
| |
![Edit](https://sudaneseonline.com/db/blank.gif)
|
|
|
|
|
|
Re: دقــــــــــات ...... (Re: علي طاهر)
|
اناظر في عيونها شعاع و القى مراكبي ماشه عليها لا محتاجة ريح لا شراع و اجيها مهل اجيها سراع .. اقبل وين من الشوق الكتل قلبي اقوم من نومي باستمتاع شفت وشيها في حلمي و قلت اريتو كان بالصح و ما هو خداع .. و ارجع و اسمع الدقات .. دقة تقول عليك الله اشوفك كيف.. و دقة تقول أمل لقياك يمكن زيف .. و دقة تقول .. لا حتلاقيها في الواقع و دقة تقول .. حتلاقيها يمكن طيف .. و دقة تقول .. استناها في الاحلام .. و دقة تقول .. تجيك باكر مع الانسام .. و دقة تقول .. تعبت خلاص من الآلام و دقة تقول .. حباب مرحب عليك و سلام .. و لمن وقفت الدقات .. رجع قلبي يدقدق تاني من أول .. و بقت دقاتو زي انغام ...
| |
![Edit](https://sudaneseonline.com/db/blank.gif)
|
|
|
|
|
|
Re: دقــــــــــات ...... (Re: علي طاهر)
|
بردد في الصدى الانغام و بشوف في الطيف بقايا منام و اقول يمكن يخوني شقاي و ارجع اسرد الاحلام كما الاوهام .. يزيد البي هوى و آلام .. و دقة تكوس عن المطرة و دقة تباري للقمرة و دقة بتبرا في اترا و دقة تقول كفاك يا ساهي يا ولهان كمل صبرا دقة تغازل الذكرى و ترجع تاني يوم بكرة و تحلم بأمل واعد بيتحقق اريت قدري يكون قدرا و دقة بتنسف الدقات تصحيني و تواسيني و يزول اثرا .. و دقة عشان عذاب البين و دقة عشاني شوق و حنين و دقة تصابح الحلوين صباحكم فل صباحكم زين
| |
![Edit](https://sudaneseonline.com/db/blank.gif)
|
|
|
|
|
|
Re: دقــــــــــات ...... (Re: علي طاهر)
|
و تاني نواصل الدقات عشان خاطر عيون القول و نرجع تاني من أول نعيد و نقول .. نبل الشوق نسالم في العيون عينيك ليلنا يطول نشابي عشان نصل لعُلاك و نوصل نحنا للنجمات نفتش ليك في الافلاك يمكن نبلغ المأمول و عشان خاطر سواد عينيك عشان ريدي الابى يجافيك بجيك حبل العشم موصول و دقة عشم ملانة حنان و دقة وداد سلام و امان و دقة قلب ريد تريان و دقة تنعس الاجفان و دقة تبلغ الاشواق حدا الحبان و دقة عشان عظيم الشان و دقة تقول انا الكسبان .....
| |
![Edit](https://sudaneseonline.com/db/blank.gif)
|
|
|
|
|
|
Re: دقــــــــــات ...... (Re: علي طاهر)
|
دقة حب و شوق و حنين سمار عينين بلون الشهد شالن لي الولف ده سنين يا شمس الصباح اللاح يا بدر الليالي متين ؟؟!! يجيني الضو كما المرسال اوقع ، و استلم حبك ،، نجوم ليلين ،، و أرسل ليك معاهو قليب كمان الروح تسد الدين ديون شوقك و شحتفة الرويحة الفيك ،، و شلهتة العمر نصين و دقات القليب كترت دقة تنادي للحلوين دقة بتنده النوم الشرد م العين دقة بتشبه الدوباي دقة تحاكي صوت الناي دقة تشد سنين عمري دقة بتشكي لي أمري و دقات زي انين الروح كتيرة تحب حبيب الروح تحبو متين و وين ما يروح
| |
![Edit](https://sudaneseonline.com/db/blank.gif)
|
|
|
|
|
|
Re: دقــــــــــات ...... (Re: علي طاهر)
|
ألاقي النسمة في دربي الاقى الشوق ملك قلبي سلامو عميم على حُبي وله و هيام يزيد غُلبي
و ادي سلام مع الدقات دقة تحاكي صوت الريح دقة بتحكي حُبي صريح دقة تَطِب قلبي جريح دقة صريحة دون تلميح
بحبك يا امل عُمري بموت في لونك السمري امني عيوني من بدري بشوفتك يا رفيق صبري
| |
![Edit](https://sudaneseonline.com/db/blank.gif)
|
|
|
|
|
|
Re: دقــــــــــات ...... (Re: علي طاهر)
|
و تاني ارسل الدقات دقة طويلة دون انات ملانة عشق ملانة ثبات دقة حنينة تتبختر تأسي عيونك الحلوات
صباحنا حنين مودة و ريد نباري الروح محل تروح في الأفراح بقت مكتوبة حلاتا البسمة ردت روح زي دقات قليبي الرادا صوت الضحكة خش الروح دقة تواسي في الأحزان و دقة بتبري لينا جروح و دقة تشاركك الأفراح و دقة توري معنى البوح و دقة توصل الدعوات و دقة بتشرح المسموح و دقة تغني شوقنا البان و دقة بتفضح المفضوح و دقة عشان أملنا يكون و دقة عشان نسيب النوح و يااااااما دق قلبي انا و يوت حيدق و يملا السوح
| |
![Edit](https://sudaneseonline.com/db/blank.gif)
|
|
|
|
|
|
|