|
بورداب الرياض وبورداب الدنيا .. صديق الموج يدعوكم توجد ( أفــراح ) ؟؟
|
يدعوكم صديق الموج والأسرة لعقد قران إبنتهم إخلاص .. وذلك يوم الخميس الموافق 12 نوفمبر 2009م عقب صلاة الظهر بالسفارة السودانية .. وسوف يكون حفل الزفاف ثالث أيام عيد الأضحى المبارك بقاعة البثين - حي الشفاء .. الدعوة موجهة لبورداب الرياض والمملكة وجميع البورداب بشتى أنحاء العالم .. حضوركم شرفُ لنا ويزيدنا بهجة ..
يا خال حمزاوي .. ألحق صديق الموج قرب يبقى جد
|
|
|
|
|
|
|
|
Re: بورداب الرياض وبورداب الدنيا .. صديق الموج يدعوكم توجد ( أفــراح ) ؟؟ (Re: humida)
|
Quote: لازم صديق الموج يشتري ليهو كرت بمية ريال يضرب للناس نفر نفر .. هو عنده كم اخلاص .. و بلاش الحنك دا .. الملح دا بكتلو .. |
لا لا يا حميدة .. والحنك البيش بتاعو قال لي والله زول من بورداب الرياض ما يعرف إلا أكشف حالك .. تقول لي يضرب للناس نفر نفر .. دي ذكرتني نقاط المريخ في بطولة الأندية الأفريقية تلاتة نقط نقط نقط حاكم الموج مازيمبيخاوي ضللابي ..
بالله عليك يا حميدة أعمل رسائل للمجموعة أدعوهم لحضور العقد .. لأن معظهم بكون غير متواجد في النت والرسائل بتكون أسرع ..
| |
|
|
|
|
|
|
Re: بورداب الرياض وبورداب الدنيا .. صديق الموج يدعوكم توجد ( أفــراح ) ؟؟ (Re: أمين محمد سليمان)
|
Quote: والله يا معتصم سويتها شينه ! ياخ الموج ده في رقبتو ما وصل سن الزواج ! المعلومه العندنا إنو بيقرا في كمبيوترمان ! تقول لي عرس بتو ؟! فبالله لو عندك معاهو مشكله ، ما تجي تروج عنو أخبار من شأنها أن تغضب معجباتو أون و أوف لاين ! |
يا أمين وفي مقوله أخرى إنو خريج الأساس .. هو من ناحية المغصة بيني وبينك الحمد الله أجمل المنى لإخلاص وعريسها بحياة زوجية سعيدة يا رب ..
تحايا وسلام شديد يا أمين ..
| |
|
|
|
|
|
|
Re: بورداب الرياض وبورداب الدنيا .. صديق الموج يدعوكم توجد ( أفــراح ) ؟؟ (Re: مصدق مصطفى حسين)
|
تبريكات بالكوم لإخلاص الموج ، ربنا يسعدها ويهنيها ، ويتمم ليها على خير .. بالمناسبة ياشباب ما تكبّرو صديق الموج ساكت إخلاص صغيرة شديد ، وهسة لما أنا كنت في الرياض كنت بتعامل معاها كطفلة ، كانت تمازح زوجتي أنها ستخطفني منها ، وكانت تقول لها : يا خالتو اتنازلي لي من عمّو ده .. فترد عليها المدام : خلاص يا إخلاص ما في مشكلة .. والله كبرتي يا إخلاص وكبّرتينا ، ألف مبروك عليك وعلى أمك المرأة الإنسانة الشهمة إنعام ، وبالمناسبة إنعام قريبتي عن طريق قرابتها بي ناس كيقة ، فهم أناس طيبون قضوا جزءا طويلا من سنوات عمرهم معنا في الجزيرة ، وانخرطوا مع أسرتنا في علاقات امتدت فترة من الزمن ، وتلك أيام لا تنسى .. تعرفي يا إنعام أنا لما فتحت البوست في المكتب طوالي اتصلت على فوزية وزفيت ليها الخبر ، فرحت شديد ، وقالت : يخسي عليها إنعام تخلينا بعد نفوت من الرياض وتجي تعرّس لإخلاص ؟ وبتقول ليكم مبروك وألف مبروك ، وقالت ستحاول تحضر العرس .. مبسوط جدا أنا لإبنتي إخلاص الموج ، والأسرة كلها تشاركني هذه الفرحة فإخلاص صديقة لكل ألأسرة .. بس حكاية صديق الموج يبقى جد دي حتة بتاعة شماتة ، وعاجباني شديد ، وآخر شماتة يا صديق الموج .. تاني خليني أشوفك ترقص في حفلة .. بس يا معتصم ما قلت لينا العريس بنعرفو وللا لا ...
| |
|
|
|
|
|
|
|