|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: خالد خليل محمد بحر)
|
مزاج يا خالد
والله لا بتريق عليك ولا بشاغل فيك
حقيقي مزاج
عندي مزاج في البشير وبكره بقية الكيزان
عارف يا خالد انتخاباتنا دي نجلية وحا يحكمها المزاج فعلا حتى الان انا كمواطن ما عارف المرشين للرئاسة منو حتى البشير انا خمنتو ساكت
وبما اني ما عارف مرشحين الرياسة منو فانا برشحة البشير لانو قلب الترابي واي زول بجهجه الترابي ده زولي
بالنسبة لمرشح المؤتمر الوطني عشان ناس المؤتمر الوطني كعبين
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: وليد محمد المبارك)
|
Quote: مزاج يا خالد
والله لا بتريق عليك ولا بشاغل فيك
حقيقي مزاج |
مزاجك..(عينة ياوليد)...
Quote: عندي مزاج في البشير وبكره بقية الكيزان |
لكن ياوليد السيد/البشير بعبر بإمتياز عن سياسيات الكيزان الانت بتكرهم ديل,,,دى مامشكلة...؟ يعنى لو إنت بتكره الكيزان عشان فشلوا فى تقديم خدمات صحية جيدة(مثلا),,هل من المنطقى ان ترشح البشير الذى كان يجلس على قمة السلطة ومسؤل عن افشل فى الخدمات الصحية ...طيب ياوليد هل المعروف أن هذه الانتخابات لها تاثير على مستقبل السودان إذا اتفت معى فى هذا...هل يمكن ان يتم التعامل معها بالمزاج....؟
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: خالد خليل محمد بحر)
|
Quote: طيب ياوليد هل المعروف أن هذه الانتخابات لها تاثير على مستقبل السودان إذا اتفت معى فى هذا...هل يمكن ان يتم التعامل معها بالمزاج....؟ |
خالد يا حبيبنا
الكلام ده تقولوا للاحزاب
الانتخابات فاضل ليها ايام وانا كمواطن حتى الان ما عارف منو من الاحزاب حا يرشح شنو على ياتو برنامج
وبما انه الاحزاب دي لحدي هسع ما قدمت طرحها فانا بفتكر انها كلها بدون فرز غير صالحة لادارة شئون البلاد
عليه وبما اني بعجب بالبشر فانا برشحو
خاصة وانه مافي شي مطروح في السوق حتى الان غير
ياخ الدكان فيه بصل بس اجيب تفاح من وين انا عشان اشتريه ؟
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: وليد محمد المبارك)
|
احييييييي يا انا .. بت الكلب يا الشعيرية ..
- كلام جادي يا وليد قبل كدة قلتها ليك في الخاص والعام .. إنت اكتر زول حقاني وبحترم رايك وحكمك ورؤيتك دي بحترمها جداً جداً وبقدرها .. خاصة في ظل غياب تام لكل الاحزاب السياسية ومرشيحها من الساحة والانتخابات على قاب خمسة شهور .. دا نسميهو شنو؟ ضحك على الذقون أم عدم وجود كفاءات ما عاوزة تحرج نفسها قدام البشير ؟؟؟!
شخصياً انا حيدر الزين دا لو نزل الصادق المهدي او الميرغني أو سلفاكير او حسن الزين والدي نفسه سوف امتنع ولن اعطي صوتي لأنه كلهم خموم ورماد ولا يمثلوني بشئ ولن يقدموا وانا على ثقة بتجاربهم السابقة في حكومات اخري ..
الديمقراطية السابقة ندافع عنها باعتبارها مكسب شعبي فقط .. لكن ما قدمته الطائفية حينها عبارة عن مهزلة سياسية لن تقدم البلاد في شئ ..
مودة يا عظيم
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: محمد على طه الملك)
|
Quote: وبما انه الاحزاب دي لحدي هسع ما قدمت طرحها فانا بفتكر انها كلها بدون فرز غير صالحة لادارة شئون البلاد
|
والله ياوليد انا لى كم يوم بتساءل وين موقع احزاب المعارضة من الهيلمانة حقت الانتخابات دى ؟؟؟؟ يعنى وين مرشح المعارضة القوى اللى ممكن يكون ند لى عمر البشير المتمترس خلف كل امكانيات المؤتمر الوطنى وبالتالى خلف كل امكانيات الدولة ؟؟؟؟؟ وين البرنامج الانتخابى الموحد لاحزاب المعارضة السودانية ؟؟؟؟ هل هو فقط اقتلاع المؤتمر الوطنى وبعدين نشوف ؟؟؟؟؟ وين البرامج المخططة للتعليم والصحة ومعالجة مشاكل الفقر وووووووووو ؟؟؟؟؟ تساؤلات كتيرة تمشى وتجى على البال ولى يوم الليلة ماشفنا اى حركة جادة من حزب سودانى غير المؤتمر الوطنى فى الساحة لتعبئة الناخبين .... وده شى مستغرب بالجد ... هل هى مقاطعة مبطنة ؟؟؟؟؟ طيب الناس المادايرين يدو البشير يدو صوتهم لى منو ؟؟؟؟؟ غايتو مبدئيا كده ماشين نسجل وبعدين نشوف الحاصل شنو
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: خالد احمد محمد)
|
Quote: والله ياوليد انا لى كم يوم بتساءل وين موقع احزاب المعارضة من الهيلمانة حقت الانتخابات دى ؟؟؟؟ يعنى وين مرشح المعارضة القوى اللى ممكن يكون ند لى عمر البشير المتمترس خلف كل امكانيات المؤتمر الوطنى وبالتالى خلف كل امكانيات الدولة ؟؟؟؟؟ وين البرنامج الانتخابى الموحد لاحزاب المعارضة السودانية ؟؟؟؟ هل هو فقط اقتلاع المؤتمر الوطنى وبعدين نشوف ؟؟؟؟؟ وين البرامج المخططة للتعليم والصحة ومعالجة مشاكل الفقر وووووووووو ؟؟؟؟؟ تساؤلات كتيرة تمشى وتجى على البال ولى يوم الليلة ماشفنا اى حركة جادة من حزب سودانى غير المؤتمر الوطنى فى الساحة لتعبئة الناخبين .... وده شى مستغرب بالجد ... هل هى مقاطعة مبطنة ؟؟؟؟؟ طيب الناس المادايرين يدو البشير يدو صوتهم لى منو ؟؟؟؟؟ |
شفت المحنة يا خالد ؟!!
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: خالد احمد محمد)
|
Quote: شخصياً انا حيدر الزين دا لو نزل الصادق المهدي او الميرغني أو سلفاكير او حسن الزين والدي نفسه سوف امتنع ولن اعطي صوتي لأنه كلهم خموم ورماد ولا يمثلوني بشئ ولن يقدموا وانا على ثقة بتجاربهم السابقة في حكومات اخري ..] |
لا أعرف لونك السياسي أو توجهك لكن أسمح لى أن أقول أن النغمة دي هي نغمة الكيزان اليومين دي لتحييد أعداد كبيرة من غير المنظمين سياسياً،، وتبع معنا وستجدها في كل مكان أو ركن تنطلق بوعي أوبدون وعي حتى من أفواه بعض الذين نحسبهم حادبين على الوطن والتغيرر الديمقراطي المرتقب .. النظام القادم لحكم البلاد نظام رئاسي وانتخاب رئيس الجمهورية يشكل 60% على الأقل لأنه من سيشكل الحكومة وال 40% الباقية تكون لانتخابات الولاة والبرلمان سيكون دوره الرقابة وإجازة القوانين بالاشتراك مع رئيس الجمهورية.. الترويج للبشير يعني عودة الحكومة الحالية بكامل طاقمها، ودي طبعاً الحكومة التي رفعت يدها عن التعليم والصحة وقننت الجبايات والسرقة والفساد والمحسوبية فصار منسوبيها من وزراء وولاة ومعتمدين وكبار المنافقين والانتهازية دولة بين الأغنياء وكرسوا المال لخدمة وتعليم وعلاج أبنائهم ومحاسيبهم وتركوا بقية الشعب لله.. لا للتصويت لكل من تمرغ في تراب هذه الحكومة والفساد أمام عينيه والشعب يعاني بين ظهرانيه.. احتراماتي
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: HAIDER ALZAIN)
|
يا حيدر يا صديقي الاسفيري
5 شهور
لا انطرح برنامج ولا اتحدد مرشح رئاسة ولا اتحدد مرشح برلمان
!!!!!!!!!!!!!!!!!!!!!!! ؟؟؟؟؟؟؟؟؟؟؟؟؟؟؟؟؟؟؟؟؟؟
ويقول ليك انتخابات ودمغراطية ووالذي منو ؟
هي دمغراطية بدون معرفة غير شتارة بتدينا شنو ؟
دمغراطية بدون تخطيط غير قرارات بليده بتنتج شنو ؟
ويما انه كل الاحزاب غير منظمة الاولى بالحكم الحزب المنظم
معقولة عاد
ولو ما كانت الدنيا انترنت ؟ مافي اي حجة حقت حجبوني ومنعوني
بالمناسبة الدكتور المكشكش داك
شغال احسن من الاحزاب بي كشكشتو دي
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: doma)
|
وليد الشفت تحياتي
ياخ علي كيفك وما دام حدد رايك نحترمو
Quote: لكن انا عندي رائي في الدكاتره
المجتمع نفخهم وميزهم وغنى ليهم لحدي ما اصبح اغلبهم كان هبشتو بطرشق
الحكم يحتاج الى انسان متواضع
والتواضع بالتجربة ابعد ما يكون عن اغلب الدكاتره |
لكن بي مناسبة موضوع الدكاترة دا تحضرني الطرفة التية:
النكتة بتقول انو في واحد استاذ جامعي كان عاوز يخطب واحدة وامها كانت رافضة لانها كانت تفضل لبنتها مغترب
(ايام المغتربين بغنو ليهم)ولذلك قررت ان تطفش هذا الخطيب من بنتها واتفقت معها علي ان يزورهم
في منزلهم لزوم التعارف وعنما حضر جلست معه الام لوحدها ووجهت ليهو السؤال التالي
ياولدي انت دكتور دكتور(طبيب) ولا من هلافيت الجامعة!!!!!!!!! فما كان من صاحبنا الا وخرج حالا من المنزل وايضا من حياة بنتها
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: حسين نوباتيا)
|
وليد ... كيفنك ياخ,
Quote: لكن انا عندي رائي في الدكاتره
|
وفيما ليس له علاقة بموضوع النقاش, فقد ذكرني قولك أعلاه نكتة قديمة لو ما سمعت بيها... قالوا في مره بتكره الدكاترة, ولما سألوها لماذا ... قالت ... بشربوا وش الدوا.
الأفضل من التصويت للبشير, هو أن يكون هناك منافس له, ويا حبذا أن يكون مع البشير على قدم وساق ... لنستنشق أوكسجين الديمقراطية ونعيش أجواء التنافس الحر ... بدل إجترار الإجماع السكوتي.
... بالمناسبة ... زولك ده مالو طماع كده, مش كفاية عشرين سنة!!! أم أن حواءنا عقرت ... غايتو جنس غايتو.
... مع تقديري
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: HAYDER GASIM)
|
الاخ حيدر قاسم يا زول يا راقي
Quote: ... بالمناسبة ... زولك ده مالو طماع كده, مش كفاية عشرين سنة!!! أم أن حواءنا عقرت ... غايتو جنس غايتو. |
تصدق البشير اصبح ما عنده خيار رئاسة السودان حتى الممات او لاهاي رئاسة السودان بقت خط الدفاع الاول بالنسبة ليه
يعني لو ما كان موضوع لاهاي احتمال كان يفكر يخليها لكن هسع بقت مسالة الرئاسة مسالة وجود للبشير وللمؤتمر الوطني
شفت الورطة
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: حسين نوباتيا)
|
مرحب نوباتيا
Quote: يعني يا وليد انت مبسوط من انجازات البشير لذا ستصوت له مرة اخرى ؟؟ |
لالا فالانجاز ليس مسئولية رئيس فقط انجاز مسئولية شعب كامل
Quote: ستصوت له لانك معجب بشخصيته فقط قض النظر عن انجازاته او اخفاقاته؟؟ |
نعم
Quote: ستصوت له لعدم وجود بديل مقنع رغم اخفاقاته؟؟ |
برضو نعم
Quote: عقابا للاحزاب المعارضة لتقاعسها عن الاتيان ببديل مقنع قبل وقت كافي من الانتخابات؟؟ |
برضو نعم
لكن ليس عقابا لها بل قناعة بان احزاب تعلم بامر انتخابات منذ خمسة سنوات لم تقدم برنامجها او مرشحيها للمواطن حتى قبل 5 اشهر فقط من هذه الانتخابات ، هذه احزاب غير جديرة بثقة المواطن
على الاقل ثقتي انا كمواطن
ودي
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: وليد محمد المبارك)
|
طـــق خااااص
الوريف وليد تحية وود
طبعا حق ديموقراطي انك تختار مرشحك الرئاسي ..
كما من حقك تصوت ضد مرشح المؤتمر الوطني في النيابية ..
- معلومة :- " في النظام الرئاسي " مرشحي النيابية لا يسحبون الثقة من الرئيس ..
- كلام جادي ... بالجد عندي رغبة اكيده في الترشح لرئاسة بس بي نص " قانون الانتخابات السجمان ده
لا يحق لي الترشح نسبة لعامل السن .. وانا اعتقد جازما بان المدعو البشير لا يفوقني في شيء
سوي انه "ولدوهو قبالي" ..
- وعارف اني ما كان ممكن انافس ..لكن بس اترشح واطلب مناظره علي الهواء مع البشير " تاثرا بالانتخابات الامريكية"
وانا متاكد بعدها علي اسواء تقدير يا وليد بتمتنع عن التصويت في موضوع الرئاسه ..
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: وليد محمد المبارك)
|
طـــق خااااص
الوريف وليد الشفت ..
Quote: يا خالد ماسا
لو اترشحت انت ده قصاد البشير
اقسم بالله اديك صوتي من غير مناظرة ولا يحزنون
|
- يا وليد كده انت بتخليها تكبر في راسي واتهور ..وكم حملة كده لاسقاط مسالة السن دي
او علي الاقل تكون 30 سنة ..ما عارف 40 سنة دي تقول الزول حتنزل عليهو النبوة .. Quote:
وياريت لو في زول حا يترشح ما يكون اكبر من 50 سنة
|
- اها يا وليد دي صعبة لانو القانون قال الرئيس ما اقل من اربعين ..وما فرقت بعد داك -45 و51
عموما طالما ضمناك بتصوب في النيابية ضد المؤتمر الوطني .. من الليله حا اسعي اشوف فرقه للترشح
رئاسيا .
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: داليا الكباشى)
|
Quote: بل قناعة بان احزاب تعلم بامر انتخابات منذ خمسة سنوات لم تقدم برنامجها او مرشحيها للمواطن حتى قبل 5 اشهر فقط من هذه الانتخابات ، هذه احزاب غير جديرة بثقة المواطن |
يا وليد يا أخي الكيزان ديل بعد العز والمنجهة والتجدع 20 سنة عايزهم ببساطة كدا وبعد ما لبنت يدوها؟ يا أخي ديل القوانين التافهة المقيدة للحريات دي ما بلغوها ابدا لانها ببساطة كدا ما من مصلحتهم يلغوها!!! د. عبدالله ع ابراهيم مش منعوه من عقد ندوة؟؟ فقط ندوة!!! احزاب بتنضرب 20 سنة عايز تقيسها بحزب ينهب ويسرق ويكتل ويصادر منذ اكثر من 20 سنة؟ دعهم يهيأوا المناخ السليم والصحي للانتخابات وسوف ترى ولكن هيهات ان يفعلوها!! لن يعجلوا بنهايتهم ابدا..
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: وليد محمد المبارك)
|
تشكر يا وليد
منتسبي الاحزاب ديل يا وليد مقطوعين من شجرة ؟ هم جزء من احزابهم المضيق عليها وينسحب عليهم ما على احزابهم لان التحضير للانتخابات لايتم بصورة فردية بل هو عمل ضخم يتطلب حرية الحركة كالحشد والتجمع والتنسيق وووالخ .هؤلاء القوم يعرفون تماما كيفية الاستعداد للانتخابات ويجيدون فن التقييد والتكبيل والتعطيل... ديل سماسرة يا وليد ويعرفون المماطلة والتسويف وشغلهم دا شغل سوق ساكت..
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: Mohamed Yassin Khalifa)
|
وليد يا شفت
الشغلانية دي ما ساهلة ياخ ... المعارضة دي ما اعلنت عن مرشحيها لعدة اسباب متعلقة بقانون الانتخابات
كدي مثلا شوف الفقرة دي:
Quote: المادة 42-(1) يجب تأييد الترشيح لمنصب رئيس الجمهورية وفقا لاحكام المادة 41(3) من خمسة عشر الف ناخب مسجل ومؤهل من ثمانية عشر ولاية علي الاقل ،علي الا يقل عدد المؤيدين في كل ولاية عن مائتي ناخب |
يعني شغلانية الترشيح لرئاسة الجمهورية ما بتحسم رسميا الا بعد انتهاء عملية تسجيل الناخبين
كده قول واحد
تاني حاجة الحملة الانتخابية زاتا من الاعلان عن البرنامج والدعاية للمرشح دي زاتا محكومة بالقانون ما طلقيتا ساي وفقا لاحكام المادة 64(1)ومفوضية الانتخابات هي البتحدد بداية الحملة والتي تستمر لمدة سبعين يوم
اها كونو الاحزاب ما ابتدرت حملتا لسة ده ما كسل ده التزام بالقانون في الحتة دي علا كان عندك راي تاني
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: Abdalla aidros)
|
تسلم ياوليد.. طيب.. وبلغة الكرة وأنت حرريف.. الواحد يشجع المهاجم الحر البشير من فريق"المؤتمر الوطني" وهو فى حالة انفراد تام بالسودان يسانده الخطير "سلفا" من "الشعبية" وفق "الشراكة" وتحت إشراف "الترابي وقرنق" كمدرستين مختلفتين.. وهما ينفذان خطة معسكر نيفاشا ..ومع ذلك اضاعا جملة من أهداف ويصران على إضاعة أخرى فى سبيل إحراز كاس "الوحدة".. والا.. "تجوط".. ونستعين بقدامى اللاعبين .. الصادق من " المهدية" ومولانا من "المرغنية" ونقد من "الديم" وديل لسع يلعبوا بخطة 4-2-4... ونصبر عليهم "كناشئين" سنوات "بين ائتلاف واختلاف"لحدي ما يقوم عسكرى مزعج يفك "البنبان" وتنزل الجماهير نحو الميدان وتفرتق سودان "الخيش" وتعلنها جماهيرية ونرجع تانى نتحسر على جيل البشير وسلفا الذهبي..!!!
Quote: انت بتبقى لي فيصل عكر |
فقط يجمعنا"عكر" واتشرف بمعرفته
| |
|
|
|
|
|
|
Re: ساصوت للبشير ضد للرئاسة... وضد مرشح المؤتمر الوطني في دائرتنا ايا كان (Re: مصطفى عكر)
|
وووووووووووب على انا ... اصحاب بى تعريفه ما عندى !
وليد السجمان !! ما تسمع الشكر النزل عليك فى البوست دا سجماااااااااااااان .. والترابه فى خشمنا يا وليد كان انت صوتا للبشير ..
يعنى ما شفت المناحه العملناها لى علاء ؟؟ .. تجينى انت كمان ؟
والبشير ما مؤتمر وطنى ؟؟؟ دا كبيرهم الذى علمهم السحر ..
دا بمثابة العضو الذى اذا صلح صلح الحزب كله واذا فسد فسد الحزب كله ... لقيت حنك عاضى والله ؟ هسه انا شغاله جاياك بالرواقه بوستك دا ما شفتو الا هسه وبما انك تستاهل يضيعو فيك وقت وجهد وكلام بجيك راجعه اكيييد ,,,
ـــــــــــــــــــــــــ بس ما عشان انت كويس ذى ما كسروا ليك التلج فوق لكن لانك صاحبى الاول والاخير فى هذا البورد .. انت تعال ليه مافى بنات بكسروا ليك تلج ..؟؟
| |
|
|
|
|
|
|
|