|
|
 عشــان تــــاني يا بنات تملحــوا في عربيــــة.... مقلب حصل قــــدام عيني
|
أي والله...
عصر اليوم الجمعة....
أنا واقفه ببيع في دكان بيتنا... نسبة لسفر الزول الماسك لين الدكان في وفاة قريب لديه
المهم... (على قولة تبارك)
لاحظت وانا واقفه في الدكان انو في عربية صالون مقفلة ماشة مسافة طويلة بالتراب مع انو الزلط جنبه
جات العربية ووقفت يمين الدكان بتاعنا
نزلت بنت من العربية وجاتني..
السلام عليكم...
عليكم السلام.........
مدت لي 20 جنيه (مقفوله) ... أديني 2 بيسبي موبايل عليك الله
ومسافة ما تشتري البنت البارد وكدا
سمعنا صوت العربية فحطت بصوت جامد وانطلقت مسرعة
واسمع ليك البنت رمت البارد والقروش وقعدت تكورك
انا مزهولة طبعا وجرينا الاثنين لبره
والبنت بتكورك... سجمي شنطتي في العربية وكيس الدواء بتاعي امي
ما بعرفه والله .... وقفته في الظلت وركبته
شنو!!!!!!!!!!
وانتي وكت ما بتعرفيه راكبة معاه مالك
وكمان بي كل ثقة خليتي شنطتك وحيلتك في العربية
وجايه تعزموا بعض بارد
والمنزلك شنو انتي
موش هو الراجل
المفروض والمتعارف عليه هو الينزل ويشترى
يا حرام البنت اخدت ليها مقلب جامد
الولد نصب عليهاأتاريه
وشتت بي حاجات البت ...
وطبعا العربية فص ملح وداب زي ما بيقولوا المصريين
انا ما عرفت احن على البنت
ولا الطشها كفين
ولا ابكي على الزمن الاتغير
ولا ولا ولا..........................
إنتو رايكم شنو !!!!!!!!!!!!!!!!!
|
|
 
|
|
|
|
|
|
|
 Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: فتحي الصديق)
|
| Quote: أبكي على الزمن الاتغير ......دا زمن يحير فعلا يا ميادة |
سلامات اخوي فتحي الصديق
والله فعلا يحير
انا لمن البنت نزلت وجاتني دايرة تشتري
افتكرتها اولا هي السايقة العربية
وثانيا بعد ما كورت وورتني انا استهونت بالموضوع
وقعدت اقول ليهاأضربي ليه تلفوني يمكن داير يتعلم السواقة بي عربيتك
قالت لي سواقة شنو... ما بعرفه انا ....... انا وقفت العربية ملح من الزلط
اشتريت دواء لي امي......
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: علي الكرار هاشم)
|
Quote: الاخت مياده
جمعه مباركه
كالعاده مواضيعك هادفه جدا
|
جمعة مباركة علينا وعليكم يارب
أستاذ على الكرار
سعيدة أنا جدا بي رايك دا
Quote: وحكايه بنت تركب مع زول ما بتعرفه دي كبيرة جدا
تصدقي نحن الرجال ما بنحمل كدا بالساهل |
أنا ما عارفة غايتو البنات بجيبوا الجراءة البتركبهم ملح دي من وين!!!!!!!!
تعرف !!!! الموقف الحصل اليوم ذكرني
موقف محرج حصل لي اول ما قبلوني في الجامعة
محطتنا البتودي كلية العلوم السياسية كان بتنزل ليها في محطو عابدين - شارع الاربعين بانت
اها والكلية مسافة شوية من المحطة
يوم اول ما نزلت من المحطة القى ليك عربية وقت جنبي شديد
يابت تعالى اركبي
هرشته ليك بنفس حار.. لا شكرا انا حصلت
شكلك ماشة الكلية... إتفضلي
ما قلت ليك انا ما دايرة ... شكر ليك اتفضل
كانت المفاجاة ... لمن جاء دوري في المعاينة
االقى ليكم الزول البهدلته لمن كان دايرني اركب معاه... القى ليكم الزول دا طلع عميد الكلية (دكتور عثمان الله يرحمه)
ما عارفت اخش وين اللحظة ديك غايتو 
وبي شلاقتي بل ما اعتذر ليه ... نظام الما بعرفك يجهلك وكدا
أردفت ليه الكلام بي.... نحن لسع بنات اقاليم....
وهو يشيل ويقول ليك بس انا زول كبير عمك
وتعال شوف فلسفتي معاه
معليش يا دكتور .... دي مسالة مبدأ بالنسبة لي
المهم بقت معرفة وصحوبية بيني وبين العميد
ولحدي ما تخرجت يضرب بي المثل في القاعة
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: ASHRAF MUSTAFA)
|
Quote: لو جيتي للحق يا ميادة الراجل ما عندو ذوق
دي متعارف عليها في كل الدنيا
كيف البت الممعوصة دي ما تخليه ينزل؟؟؟؟
علي الاقل كان يفتح ليها الباب
(وش مدردق من الزعل)
تعرفي يا ميادة مما قلتي البت فتحت الباب ونزلت براها
انا عرفت انو الحكاية بايظة |
العزيز أشرف مصطفى
كيفك يا سوداني
اخبارك واحوالك
لالا حكاية الراجل يفتح للمراة الباب كبرستيج وذوق والحاجات دي
ما متعارف عليها في السودان (والحمد لله احسن زاتو) عشانا انا بكره الحركة دي في المسلسلات
خلي يعملها لي راجل سوداني.........
فعلا الحكاية بايظة
انا شخصيا بحمل الاثنين البنت والولد الخطاء
وان كان الخطاء الاكبر تتحمله البنت
وما دايرة اديها العذر
حتى ولو كانت هي تعاملت كدا من باب حسن النية ووووو
يا ابوي
اولاد الحرام في الزمن دا ما خلوا حاجة لبنات الحلال
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: بشير أحمد)
|
Quote: انا ما عرفت احن على البنت
ولا الطشها كفين
ولا ابكي على الزمن الاتغير
ولا ولا ولا.......................... |
كان تلتشيها كفين وتاني واحد مني هوادة
ليه تركب عربية صالون مع زول مابتعرفو .. !!
ثم تاني إحتمال يكون هو صاحب العشرين جنية ،
ودا أحتمال كبير جداً ،
المهم ..
الغلط من البت أولاً وأخيراً .
وهي تستاهل أكتر من كدا .
ـــ
كلو من حكومتكم دي ياكوزة ،
إنعل أبو الشتات زاتو
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: السيد المسلمي)
|
Quote: كان تلتشيها كفين وتاني واحد مني هوادة
ليه تركب عربية صالون مع زول مابتعرفو .. !!
|
يا سيدنا
سلمات واخبارك!!!
أحييييييييييي أنا اسكت ساي بس
انا يدي للان بتاكلني
لا وكمان هي البتكورك وتثكل في الشارع
غايتو دا درس جامد ليه
تخيل لي عمرها كله ما حتنسى الموقف دا
وود الذين السايق العربية.... الله حيسخر ليه جبروت اكبر منه او زيه يخلص حق الناس منه
Quote: كلو من حكومتكم دي ياكوزة ،
إنعل أبو الشتات زاتو |
يا سيدنا خليك محضر خير وكدا
أها إنت كدا خليت شنو للدكتور الكوبي بست داك وود عوج الدرب ومن لف لفهم!!!!!!!!!!!
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: وليد شريف)
|
ميادة كمال
مساء الخير خايفه رجلي تكون حارة كل ما تداخل ليك في بوست ما القاهو
سبحان الله الناس دي دايرة تصل وين
يعني حسا البت دي ما كان اخير ليها تمشي بي رقشة بي الفين او لو ما عندها كداري ومنو رياضه ومنو ما تدي واحد
زي المخلوق دا فرصه بصراحه الناس جنت وين حديث الرسول صلى الله عليه وسلم ( فضل الظهر )
ديل ما عندهم اخوات او ما عندو بنات جيرانه او بنات اهله يخاف عليهم ما ربنا ح يرده ليه
الاتنين غلطانين ومشتركين في الغلط حسا الرجاله تطير لو دا اسلوب شاب يتكسب من الغش والسرقه من البنات
ربنا يكون في العون ويستر على عباده نحنا ماشين لي وين الناس بقت تاكل بعضها والله
| |
|
|
|
|
|
|
|
|
 Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: Sidgi mattar)
|
الاخ صدقي مطر
صباحاتك نواضر
Quote: دى لو مشت البيت تقول لاهلها شنو !!!!!!!!!!!!!!
|
هي طالما جاتها الجراءة وتركب مع زول ما بتعرفه
اكيد ما حيغلبها تنجر ليها سبب مقنع لاهلها
Quote: اسع بدل البندول الاشترتوا لامها ح تشترى ليها حبوب الضغط والسكرى زياده؟؟؟؟ غيتو محنه
|
بندول شنو يا عمنا
اسع انا جبت سيرة البندول
ولا البندول في السودان بمشوا ليه صيدليه 
ولا امي الله يديها العافية ادتني فرصة اسال البيت الدواء شنو ووالدتها مريضة بي شنو
انا بقيت في البحل البت من امي
يا امي نحن مالنا..... اسكتي يا امي عليك الله
(ومعاها جره من توبها)
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: مريم عبد الله)
|
مريوم يا عسل
حبابك ألف
Quote: ميادة كمال
مساء الخير خايفه رجلي تكون حارة كل ما تداخل ليك في بوست ما القاهو
|
لا عادي ولا يهمك
كفاية كسبنا مرورك علينا
وبعدين بيني وبينك كدا جيبي اضانك (الايام دي نحن في المنبر يسحرونا عدييييييييل... ياخي قبل يومين رافعين لي بوست سياسي في الماشنيت فوووق... شوفتي كيف ) ما بعيد عند الله (على قولة البلابل ... الله بدي الجنة)
Quote: يعني حسا البت دي ما كان اخير ليها تمشي بي رقشة بي الفين او لو ما عندها كداري ومنو رياضه ومنو ما تدي واحد
زي المخلوق دا فرصه |
وليه تمشى كدار
البلد لسع بي خير
لو كان هي قالت للكمساري بكل ادب واحترام
انا ما عندي
والله الكمساري والسواق بشيلوها في راسهم
أي والله الدنيا لسع بي خير .... ما بالسوء النحن شايفنه
وبيني وبينك البنات كمان كتروها ومسخوها
بقن جنهن ملح لزوم جنصصة وكووول وفهلوه ونظام مقطعنها وكدا
الله يهدي بس ..........
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: Hadeer Alzain)
|
الاخت ميادة
احملي اختك على سبعين محمل , السناريو ممكن يكون كده ::
البت امها مرضانه ,,
مشت الصيدليات الجتب البيت ما لقت الدواء ,, او سعر اكتر من القروش المعاها
قالت امشى ادور في الصيدليات الشعبية (او البتتعامل بالتامين)
من صيدلية لصيدلية (وكلمة ما في مدورة , او ده فيه سعروا كده )
لامن ضهر البنية اتهد , ولقت نفسها في سقط لقط والعطش هداه
اخيرا حصلت الدواء بالقريشات كلهم ,,
ما في طريق تاني للكداري ومع كدة اتوكلت على الله ومشت
وقف ليها شاب مهندم يخر تقوى وورع بالعربية
اتفضلى النوصلك , ظنت فضل ظهر (خاصة انه كان من شعارات المشروع الحضاري )
ركبت بحسن نية , اتكلم معاها , ما قدرة تتكلم من العطش قال ليها ما لك
ردت ان من ساعات ماشى برجيلين والعطش نشف ريقي , كنت داير اشرب من السبيل داك لكن مجموعه من الشباب العطالة قاعدين جنبو ,
قلت بلاقي سبيل تاني اه انت وقفت لي
بنفس النفخة الورعة ولايهمك يا اخت وقف جنب دكانكم يا ميادة وعمل نفس مشغول بتصليح حاجة في العربية
اتناولي لينا 2 بارد جزاك الله خير , ,,
اه العربية من هنا فحطت بالدواء ,,,
عشان كده خير انك ما استعجلت واديتيها كف ,, وطبعا انا عندي دي شريفة جدا ويمكن اول مرة تجرب شعار المشروع الحضاري (فضل الظهر) , لانها لو كانت متعودة دايما
كانت نقشت الفليم , وبدل الوقوف امام دكانكم كان خلتوا يقيف قدام جنب سمك الموردة ,,,
__
داير سناريو الولد ولا ,, احسن نقول ليك قولة عمر بن الخطاب , بتاع البقرة الفى العراق ...
(عدل بواسطة عمار عبدالله عبدالرحمن on 11-13-2009, 10:35 PM)
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: عمار عبدالله عبدالرحمن)
|
Quote: الاخت ميادة
احملي اختك على سبعين محمل , السناريو ممكن يكون كده ::
البت امها مرضانه ,,
مشت الصيدليات الجتب البيت ما لقت الدواء ,, او سعر اكتر من القروش المعاها
قالت امشى ادور في الصيدليات الشعبية (او البتتعامل بالتامين)
من صيدلية لصيدلية (وكلمة ما في مدورة , او ده فيه سعروا كده )
لامن ضهر البنية اتهد , ولقت نفسها في سقط لقط والعطش هداه
اخيرا حصلت الدواء بالقريشات كلهم ,,
ما في طريق تاني للكداري ومع كدة اتوكلت على الله ومشت
وقف ليها شاب مهندم يخر تقوى وورع بالعربية
اتفضلى النوصلك , ظنت فضل ظهر (خاصة انه كان من شعارات المشروع الحضاري )
ركبت بحسن نية , اتكلم معاها , ما قدرة تتكلم من العطش قال ليها ما لك
ردت ان من ساعات ماشى برجيلين والعطش نشف ريقي , كنت داير اشرب من السبيل داك لكن مجموعه من الشباب العطالة قاعدين جنبو ,
قلت بلاقي سبيل تاني اه انت وقفت لي
بنفس النفخة الورعة ولايهمك يا اخت وقف جنب دكانكم يا ميادة وعمل نفس مشغول بتصليح حاجة في العربية
اتناولي لينا 2 بارد جزاك الله خير , ,,
اه العربية من هنا فحطت بالدواء ,,,
عشان كده خير انك ما استعجلت واديتيها كف ,, وطبعا انا عندي دي شريفة جدا ويمكن اول مرة تجرب شعار المشروع الحضاري (فضل الظهر) , لانها لو كانت متعودة دايما
كانت نقشت الفليم , وبدل الوقوف امام دكانكم كان خلتوا يقيف قدام جنب سمك الموردة ,,,
__
داير سناريو الولد ولا ,, احسن نقول ليك قولة عمر بن الخطاب , بتاع البقرة الفى العراق ... |
غايتو
الما بتريده في الضلمه بتحدر ليه
الانقاذ فالنفرض سيئة
لكن كمان هي غير مسئولة عن سلوك فردي من شخص
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: Hadeer Alzain)
|
الحبُوبة هدير
Quote: العزيزة ميادة ... إزيك
دا زول منحط بكل ما تحمل الكلمة من معنى وأشك إنو والداهو ومرضعاهو حواء سودانية
|
حاجة تحيرك
انا ما عارفت ادي العذر للولد ولا البنت
البنت غلطانة لمن فكرت تركب ملح وعربية مع زول غريب من الشارع
والولد غلطان استغل حوجة البنت (ومرات البنات بدون حوجة شقاوه وفهلوه بيوقفوا الملح في الزلط)
وقد يكون الولد استغل سزاجة البنت في انها قبلت حتى عزومته ليها بدون سابق معرفه
لدرجة انها تنزل هي تجيب الحاجة الباردة ... وكمان بكل حسن نيه تخلي حاجاتها في العربيه...
الإثنين غلطانين ........
| Quote: مفروض البوست دا يتعلق أعلى المنبر عشان يبقى جرس إنذار |
ياريت ... يسمع منك ربنا
بس ما بضمن ليك كوستاوي يسكت على المرة دي
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: Hadeer Alzain)
|
الأخت ميادة
سلامات
قال رسول الله (ًص) من كان له فضل ظهر فاليعد به على من لا ظهر له
صدق رسول الله
ولكن في هذا الزمن الأغبر من الخطورة الركوب مع الغريب رجل كان أو إمرأء ففيه مخاطر جمة
يمكن للبنت الركوب مع أحد في معية مجموعة من الأهل أو الأصدقاء فهذا مقبول ولكن أن تركب بمفردها مع رجل غريب ففعلاً
هذا مناف للدين ولثقافتنا وعاداتنا كسودانيين
تصرف الشاب مسيء جداً للقيم والأخلاق فكان عليه أن يحترم ثقة هذه البنت حتى ان كانت قد أخطأت بالركوب معه
سمعت رواية حدثت فعلاً في هذا الخصوص وهو إحدى الفتيات ركبت مع شاب في عربته وقد حدث أمر الله أن تعرضت العربة لحادث
فكانت النتيجة وفاة الإثنين
يمكن أن تكون هذه الفتاة استغلت هذه العربة بحسن نية ولكن الناس لم ترحمها بعد مماتها
ربنا يحفظ الجميع
مودتي
مشاعر
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: Mashaier Ahmed)
|
| Quote: ولكن في هذا الزمن الأغبر |
حبابك اختي مشاعر احمد
فعلا زمن اغبر
امس نحن ملموين قدام الدكان وكدا
اها طبعا الحكي جاب حكي
وانا طبعا اليوم كله في الشغل وما بسمع
فقاموا حكوا لي
انو فلانه الفلانية (هم جيرانا)
في حالة وضوع فطلعوا بيها باستعجال للمستشفى
والمراة مظبطة البيت طبعا نظام عندها مناسبة وكدا
جاء زول وقف بي عربية
وخشى عادي ومافي زول شك فيه
مشى قششششششششششط ليكي البيت لحدي الستائر وهودم الشافع..........ز
والابري الاحمر المراة خاتاه في شوال
طلع الحرامي عندي زوق
كبى ليها الابري في صينية وشال الحاجات في الشوال
شفت المحن كيف
حقوا بعد دا ما يفتحوا باب لي زول ولا يثقوا في زول
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: وليد شريف)
|
Quote: يأخي لحدي متين نحن حنرمي فشلنا
في شماعة الانقاذ دا سلوك فردي |
| Quote: عشان تشيل الانقاذ دي القاعدة 20 سنة دي ؛ |
يا ميادة
حكومتكم القاعدة 20 سنـة قهـرا دي
غالبا توفر الأمـن حتي لمواطني العاصمة !!
عليك الله في شهـر واحـد حصلت كم جريمة مشابهـة
مع إختلاف الملابسات .. الإتكتب عنها هنا كم جريمة ?
وبعد ده كلو وغيرو جاية تشكري في الإنقاذ وعايزين
بشيركم قايدكم ورئيسكم وحارسكم !!??
زول فاقد الأمـن والأمـان لي روحـو..
كيف يقـدر يوفـروا لي شـعبو ??
مـش لي حق ألعـن أبو الإنقاذ وأمـها ?!!
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: عبدالدين سلامه)
|
الأخت ميادة
صباحاتك بخير ...
بصراحة كده إنتي التستاهلي الكفين ...!
قولي لي كييييييف ....!؟
عشان ما أديتيها الكفين ... وبقوا من نصيبك ...
ونصيبك المفروض يصيبك ...!
شفتي كيف ...!
قال ما عندها حق المواصلات قال ...
بالمناسبة وييييييييين أبو حراز ؟؟؟؟
زولة عايزة تشرب بيبسي وعندها 20 جنيه تقولي لي ما عندها حق مواصلات ....
وبعدين في السودان البندول بيركبوا ليهو مواصلاتن ولا ملح ؟؟؟
ما من أقرب دكان بتلقى البندول ...
الزول ده بيكون زهج منها وأداها الفي النصيب وبعدين شتت ....!
ما صدق إتخارج منها ....!!
اللهم أستر ولايانا ...
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: عثمان دغيس)
|
سلااااااام ميادة
الزمن لم يتغير ... ذات الشهور والايام وايضا الجمع
وكل يوم تشرق الشمس وايضا تغيب !!!
الذى تغير وتبدل هى الاخلاق والمبادىء واسال عن السبب !!!
سبب تبدل وتغير الاخلاق ... هل لادارة الدولة دور فى ذلك ؟؟ واذا كانت الاجابة بلاء ... ؟؟؟؟ فمن اين اتى هؤلاء ؟؟؟
يقال ان اى ظواهر سلبية فى المجتمع ما هى الا انعكاس لحال ادارة اى مجتمع ما سواء كان فى السودان ولا فى فنزويلا .
والظواهر السالبة فى ادارة الدولة لا تحصى ولا تعد وكدا براحة اسالى نفسك وجاوبى على السؤال ولو فى السر ...
حتما ستجدى الاجابة وبس
قاسم المهداوى
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: قاسم المهداوى)
|
سلامات يا ميادة
سنة 1990 كنت اسكن فيىخر بيت في شمبات الاراضي (اخواني مسمينه صفرجت)
وكنت بدرس في معهد الخرطوم الدولي وراء المركز الافريقي.. وكان بدو البنزبن بالكبة
بتوصل زوجي قسم الدراسات الاسلامية بجامعة الخرطوم 3 مرات في الاسبوع
اذا يوم وصلني المعهد لازم يقطع ويدفرها في بيت زول...
كان جل ترحالي عن طريق فضل الظهر...
حيث نقف في حافة شارع الانقاذ
ويتوقف اناس للناس يقدموهم
طيلة سنتين يوميا بركب فضل ظهر من لفة جوبا الى معهد الخرطوم
لم اجد الا حسن المعاملة والاحترام من ناس فضل الظهر ديل
من سمو فضل الظهر ملح تحول الى حاجة تانية...
الغلط ما غلط البنت لانه توسم الخير في الناس من افضل الفضائل
ولكن الغلط غلط صاحب الفضل الحرامي...
يا كافي البلا الناس اتغيرت..
مع التحية
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: د.نجاة محمود)
|
Quote: زولة عايزة تشرب بيبسي وعندها 20 جنيه تقولي لي ما عندها حق مواصلات ....
وبعدين في السودان البندول بيركبوا ليهو مواصلاتن ولا ملح ؟؟؟
ما من أقرب دكان بتلقى البندول ...
الزول ده بيكون زهج منها وأداها الفي النصيب وبعدين شتت ....!
ما صدق إتخارج منها ....!!
اللهم أستر ولايانا ... |
سلام اراك ذهبت الي افتراضات لم ترد علي لسان الراويه
اولا افترضت انها اشترت بندول وهو ما لم يرد في روايه مياده الي الان .
ثانيا من روايه مياده لا نعلم ان كانت ال 20 جنيه تخصها او تخصه .
وبارغم من انك في الاول افترضت انها صاحبه القروش وتعجبت كيف ما يكون عندها حق المواصلات
لكين رجعت في افتراضك الرابع وقلت انه الزول بيكون زهج منها واداها الفي النصيب وشتت .
طيب اذا زهج منها وشتت مش اقلاها كان يجدع ليها الدواء والشنطه بشباك لعربيه ويتخارج ؟؟؟ّّ
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: doma)
|
الاخت ميادة
سلام وإحترام
فى ظنى أن البنت أخطأت بقبولها أن تركب مع واحد لم تعرفه وحتى لو عرفته المجتمع السودانى بفطرته لا يقر حكاية حرمة تركب مع واحد غريب ونظرات الناس بالتأكيد ح تكون غير جميلة لو فعلتها إحداهن.
عموما لا أبرر لسلوك الرجل غير الشهم لكن أعزى كل الحصل لتغير سلوك الناس وإنفتاحهم وتطور الجريمة وضيق الحال والعطالة التى تأخذ بتلابيب الشباب .
يجب ركل حسن النية جانباً فالناس أضحوا غير الناس والقيم فى تبدل رهيب .
فى الختام سلام .
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: doma)
|
سلام للجميع
انا اعتقد انو كان سيناريو مختلف تماما فهي ربما واقول ربما كانت مصيدة نصب بالقصة الحزينة بتاعة دواء امي وشنطتي الفيها قروشي لانو يفترض انو يكون بتاع الدكان راجل يقوم يتكبكب في البنية الضحكوا عليها وتاخدوا الشهامة والمروءة ويدفع للبت حق الدوا والمواصلات لكن طبعا التخطيط ما ظبط المرة دي لانو بتاع الدكان طلع ميادة وهي مرأة مثلها وفشلت العملية النصب ولكن لحين يعني ممكن تكون اتطبقت في دكان تاني بنفس السيناريو
في السودان اصبحنا النصب منشرا لدرجة كبيرة جدا وكل يوم تسمع قصص لم نتخيل يوما انها ستحصل في السودان انهيار القيم والمثل يؤدي الى اسوأ من ذلك وقدر ما تعمل فيها تفتيحة بجي المفتح اكتر منك ويطبق فيك النظرية التخليك تاني ما تحاول تعمل معروف في زول ما بتعرفوا ابدا
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: doma)
|
خالة دومة سلامات
البلد والناس اتغيروا بقينا ما زي زمان راح الصدق و وراه راحت المروءة النصب صار يسمي شطارة وفهلوة والرزق يحب الخفية ملاحظة كل الامثلة دي مصدرا وين ؟ دي تاثيرات العولمة و طبعا نحن بناخد الزبد ونترك ما ينفع الناس
زمان لما الناس تسمع انو فلان دا فاسد يعني موظف مرتشي مثلا كانوا اكل ما بياكلوا معاهو يعني لو جاب صينيتو في بيت البكا تلقي الناس تتضاير منو اسي لا العكس دا بقى احسن واحد وهو الذي تشد اليه الرحال ويقام له من المجلس لانو عندو (الضحاكات) معليش على لغة الرندوق دي لكن هي لغة اليوم لو ما فهمتيها بتضيعي لو جيتي سودان اليوم
نحن في غربتنا دي نسمع قصص حصلت من بعض السودانيين تخلي ابليس يتمحن
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: محمد إبراهيم علي)
|
Quote: Quote: سلام للجميع
انا اعتقد انو كان سيناريو مختلف تماما فهي ربما واقول ربما كانت مصيدة نصب بالقصة الحزينة بتاعة دواء امي وشنطتي الفيها قروشي لانو يفترض انو يكون بتاع الدكان راجل يقوم يتكبكب في البنية الضحكوا عليها وتاخدوا الشهامة والمروءة ويدفع للبت حق الدوا والمواصلات لكن طبعا التخطيط ما ظبط المرة دي لانو بتاع الدكان طلع ميادة وهي مرأة مثلها وفشلت العملية النصب ولكن لحين يعني ممكن تكون اتطبقت في دكان تاني بنفس السيناريو
في السودان اصبحنا النصب منشرا لدرجة كبيرة جدا وكل يوم تسمع قصص لم نتخيل يوما انها ستحصل في السودان انهيار القيم والمثل يؤدي الى اسوأ من ذلك |
وقدر ما تعمل فيها تفتيحة بجي المفتح اكتر منك ويطبق فيك النظرية التخليك تاني ما تحاول تعمل معروف في زول ما بتعرفوا ابدا |
محمد يا حرامي والله سرقتها مني
بس كنت منتظر بعد الكوراك الحصل شنو
شالت البيبسي وعدت الباقي
ولا الحصل شنو
القصة ناقصة
| |
|
|
|
|
|
|
|
|
 Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: محمد إبراهيم علي)
|
Quote: سلام للجميع
انا اعتقد انو كان سيناريو مختلف تماما فهي ربما واقول ربما كانت مصيدة نصب بالقصة الحزينة بتاعة دواء امي وشنطتي الفيها قروشي لانو يفترض انو يكون بتاع الدكان راجل يقوم يتكبكب في البنية الضحكوا عليها وتاخدوا الشهامة والمروءة ويدفع للبت حق الدوا والمواصلات لكن طبعا التخطيط ما ظبط المرة دي لانو بتاع الدكان طلع ميادة وهي مرأة مثلها وفشلت العملية النصب ولكن لحين يعني ممكن تكون اتطبقت في دكان تاني بنفس السيناريو
في السودان اصبحنا النصب منشرا لدرجة كبيرة جدا وكل يوم تسمع قصص لم نتخيل يوما انها ستحصل في السودان انهيار القيم والمثل يؤدي الى اسوأ من ذلك وقدر ما تعمل فيها تفتيحة بجي المفتح اكتر منك ويطبق فيك النظرية التخليك تاني ما تحاول تعمل معروف في زول ما بتعرفوا ابدا |
مُبااااااااااااااااااااااااااااااااالغة يا استاذ محمد إبراهيم
فعلا احتمال وارد
بس على منو
انا ناشفة جدا
وصعب يضحك علي زول
غايتو لو السيناريو بتاعك دا هو الصح
البت والولد يكونوا وقعوا في بعض
واتوقع حصلت بينهم شكلة كبيييييييرة
لانو البنت اكتر فائدة طلعت بيها
انها اخذت درس عصر ومحاضرة في الاخلاق من الحاجةامي ..
| Quote: طبعا التخطيط ما ظبط المرة دي لانو بتاع الدكان طلع ميادة |
السيناريو دا وقع لي في جرح
حامشي اقشر بالسيناريو دا لي ابوي
واطلع لي انا بي حلوان وكرامة انو احتمال كان دايرين ينصبوا على بتاع الدكان 
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: عثمان دغيس)
|
صباحاتك نواضر يا اخي دغيس
Quote: الأخت ميادة
صباحاتك بخير ...
بصراحة كده إنتي التستاهلي الكفين ...!
قولي لي كييييييف ....!؟
عشان ما أديتيها الكفين ... وبقوا من نصيبك ...
ونصيبك المفروض يصيبك ...!
شفتي كيف ...!
قال ما عندها حق المواصلات قال ...
بالمناسبة وييييييييين أبو حراز ؟؟؟؟
زولة عايزة تشرب بيبسي وعندها 20 جنيه تقولي لي ما عندها حق مواصلات .... |
أحيييييييييي أنا
اصبر اصبر
اتخيلتك لو كنت واقفه قدامك اسع
انك كنت حتلطشني كفين سمحين
يا حبوب انا ويييييييي قلت انو قالت ما عندها قروش
فقط في ردي على احد المتداخلين قلت انو فالنفرض ما عندها قروش
دا على اعتبار انو دا ممكن يركبها مواصلات عامة
وتكفي نفسها شر الملح
| Quote: بالمناسبة وييييييييين أبو حراز ؟؟؟؟ |
who is he أبو حراز
شكلك كدا مشبه بي
أجدع لينا سريع........ قاصد منو بي ابو حراز دا
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: عبدالدين سلامه)
|
Quote: الأستاذه / مياده تحياتي
بالفعل موضوع يستحق التعليق أعلا المنبر ..
مأساة كبيرة أن يصل مجتمع كان مضرب أمثال الدنيا في التعامل والأمانة والأخلاق إلى هذا الدرك السحيق ... والله غالبني التعليق
لابد من البحث في الأسباب ومحاولة إيجاد العلاج الناجع ... ربنا يرحم مجتمعنا الطيب المسكين ويحمي بناتنا وأولادنا |
تحياتي ليك انت كمان اخي عبدالدين سلامه
فعلا لابد من البحث في الاسباب
ويجب ان تكون المسئولية مشتركة
مسئولية مجتمع+ مؤسسات المجتمع المدني + الحكومة+الافراد
ما نعمل الحاجة الوحشه ونلقيها على عاتق الحكومة فقط
بس ولا تيأس يا استاذنا الفاضل
الدنيا لسع بي خيرها
وزي ما الشر موجود..... الخير برضو موجود في مكان اخر
وياهو دا السودان
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: Abd Alla Elhabib)
|
Quote: يا ميادة
حكومتكم القاعدة 20 سنـة قهـرا دي
غالبا توفر الأمـن حتي لمواطني العاصمة !!
عليك الله في شهـر واحـد حصلت كم جريمة مشابهـة
مع إختلاف الملابسات .. الإتكتب عنها هنا كم جريمة ?
وبعد ده كلو وغيرو جاية تشكري في الإنقاذ وعايزين
بشيركم قايدكم ورئيسكم وحارسكم !!??
زول فاقد الأمـن والأمـان لي روحـو..
كيف يقـدر يوفـروا لي شـعبو ??
مـش لي حق ألعـن أبو الإنقاذ وأمـها ?!! |
خليكم كدا مصرين في المدارة عن الاعتراف بالحقيقة المرة
لحدي ما يوم تفوقوا على كارثة
الانظمة السياسية ما قاعدة تقول للناس امشوا اسرقوا .. انصبوا على الناس .. اتسجموا... اترمدوا
فالنفرض الانقاذ الوطني نظام فاشي ومستبد وقمعي ووووو
وين الوازع الديني عند البني ادم
وين الخوف من الله في السر والعلن
اعتقد الحوادث اللي من النوع دي موجودة في كل العالم
وما سمعنا ناسها شبكوا في بعض دي الحكومة ودي السجم والرماد
طيب لو الانقاذ هي السبب
اشمعنى في ناس خيرين وكويسين
وليه كل الناس ما طلعت شريرة ومجرمة
مافي نظام سياسي مسئول عن سلوك فردي سلبي هكذا
صحي التنشئة السياسية والاجتماعي بتسهم فيها الانظمة السياسية الحاكمة
لكن كمان انتو عملتوها شماعة الانقاذ دي
وعلى راي المثل
الما بتريده في الظلمة بتحدر ليه
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: mayada kamal)
|
نقول ليك سناريو بتاع العربية ::-
قبل ما يتولد بكم يوم
ابوه حق السماية ما عندو ,, وفكر يمشى ديوان الزكاة ,, لقاه ما لايقة بي تب
سجل عضوية في الدفاع الشعبي ,,, وابدع في الهتافات
امريكا روسيا قد دنا عذابها ,,,
ومن ساعته الله فتح عليه ابواب كل شئ
وخاصة بعد ان لمعت غرت صلاته باكثر مما تقدمه منظمات الاغاثة .. ففاجأ الناس بسماية بتور وفرقة اناشيد ملتزمة ..
طلع الولد في الدنيا والاب يوميا يزداد تقوى وورع ومعاها تمكين ,,
حتى انه اصبح الرائد الذي لا يكذب اهله في الحكي عن كرامات الشهداء وروائح المسك التى عمت من اجسادهم
كبر الولد جسم الولد مثل فورة عجينة الزلابية لم تزيد ليها خميرة البيرة ,
ازداد حاجات الولد خاصة بعد ان تجاوز الاب مرحلة التمكين , لمرحلة العلو بعد ان فتحت له ابواب البنوك واصبح من اهل الحل والعقد
وفارق الجيران الفقر , وسكن الاحياء المترفة ,, ومسح باستيك صحابة الفقر ,,
الولد تعلم من الجيران الجد أصول الاتكيت , فطالب بعربية ,
الاب لم يحتار كثيرا فما اكثر العربات الحكومية العندها نمر او بدون النمر (ما النقل الميانيكي زمان ولا )
اصيح الولد والعربية امام الباب , فاهل التمكين لديهم قدرات تفوق اصف بن برخيا صاحب سيدنا سليمان
الولد اصبح شفت في وصريف , واتعلم حاجات تانية ما بتنكتب (تخدش الحياء العام والخاص ذاتو)
لكن سبحان الله , فدوام الحال من المحال ,,,
وابوه في دقس دقسة , خلت المتكنين يعتبروه من جماعة عراب التمكين ,,
فسمحوا اسمه من دفاتر الاعطيات , وقالوا لي الحساب الولد ,
وجد الولد نفسه في وضع جديد
عندو عربية وما عندو حق البنزين ولا حق الكيف (الناس ديل كيفم غالى بحليل)
لم يجد حيلة عير يستخدم خبرات والده المنقول اليه جينيا ,,,
اصبح متخصصا في الفقراء ,, لتوفير مسلتزماته .
اه حظ البنية المطين بفعل فاعل وقع في طريقة
وحصل الحصل ....
___
انا ما قلت السبب الحكومه ,,, ختيت ليكم في المعارضة ,,,
___ ((( ____999 ____)))_____
السيناريو الثالث , ممكن يكون سناريو البقرة بتاعة العراق ,, وبرضو ما نجيب سيرة الحكومة ,,
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: نجاة محمد بابكر)
|
سلام ميادة
البنات يا ميادة طول عمرنا بنوصلهم معانا في الشارع , ما بنتجرأ انو نعاكسهم إلا لو شفنا منهم قبول
و البنستجمع شجاعتنا و نعاكسهم لو زجرونا بنمسكـ خشمنا و نتأدب لحدي ما نوصلهم و بنكون خجلانين
من تصرفناو قد نعتذر ليهم كمان.
البت دي ما حانقدر نحكم عليها بي روايتكـ المبتورة دي , في تفاصيل مهمة بتساعد علي فهم موقف البت بحيث انو
ما نظلمها لانو
- الامو عيانة ما بخلي شنطتو في عربية اول مره يركبها و كأنما العربية حقتو.
- الامو عيانة ما بضيع الزمن في شراب البارد .
- الامو عيانة ما بعزم سيد العربية الموصلو او يقبل انو بترسل ليهو.
التفاصيل زي لبس البت كان كيف !! عمر الشاب الفي العربية تقريبا كان كم !! الاتتيود بتاع البت معاكـ قبل
(تفرون  ) كان كيف !! دي كلها حاجات مهمة للحكم علي القضية محل النقاش.
ولا شنو ؟
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: خدر)
|
أهليييييييييييين يا خدر يافنان
Quote: سلام ميادة
البنات يا ميادة طول عمرنا بنوصلهم معانا في الشارع , ما بنتجرأ انو نعاكسهم إلا لو شفنا منهم قبول
و البنستجمع شجاعتنا و نعاكسهم لو زجرونا بنمسكـ خشمنا و نتأدب لحدي ما نوصلهم و بنكون خجلانين
من تصرفناو قد نعتذر ليهم كمان.
البت دي ما حانقدر نحكم عليها بي روايتكـ المبتورة دي , في تفاصيل مهمة بتساعد علي فهم موقف البت بحيث انو
ما نظلمها لانو
- الامو عيانة ما بخلي شنطتو في عربية اول مره يركبها و كأنما العربية حقتو.
- الامو عيانة ما بضيع الزمن في شراب البارد .
- الامو عيانة ما بعزم سيد العربية الموصلو او يقبل انو بترسل ليهو.
|
تحليلك دا مقروءا مع سيناريو الاستاذ محمد ابراهيم
بيدينا انو هي كانت محاولة نصب واحتيال لدكانا العامر
والجماعة وقعوا في اختك ميادة الناشفة وكدا
Quote: التفاصيل زي لبس البت كان كيف !! عمر الشاب الفي العربية تقريبا كان كم !! الاتتيود بتاع البت معاكـ قبل
(تفرون ) كان كيف !! دي كلها حاجات مهمة للحكم علي القضية محل النقاش.
ولا شنو ؟ |
طبعا لبسها كان كدا وكدا (بس ان شاءالله تكون فهمتها عشان ما نخدش الحياء العام وكدا )
لكن النجيضة انت كمان حكيتها شديد بي حكاية الاتتيود
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: mayada kamal)
|
والله النجيضة يا ميادة جبتيها انت هنا
| Quote: طبعا لبسها كان كدا وكدا (بس ان شاءالله تكون فهمتها عشان ما نخدش الحياء العام وكدا ) |
الموضوع في تقديري يا ميادة ماعندو علاقة بسرقة او احتيال او دواء ضغط
الموضع خلاف متكرر بين بت و شاب و السبب القروش
( رغم انهم مفروض ياكلو اخوان و يتحاسبو تجار لكن الولد طلع نصاب )
الولد قال احسن ادفع عشرين ولا اخسر 500 الف مثلا
و اظن كلامي مفهوم
| |
|
|
|
|
|
|
|
|
|
Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: خدر)
|
Quote: الموضوع في تقديري يا ميادة ماعندو علاقة بسرقة او احتيال او دواء ضغط
الموضع خلاف متكرر بين بت و شاب و السبب القروش
( رغم انهم مفروض ياكلو اخوان و يتحاسبو تجار لكن الولد طلع نصاب )
الولد قال احسن ادفع عشرين ولا اخسر 500 الف مثلا
و اظن كلامي مفهوم |
سجمي يا خدر اصلوا ما اتخيلتك تكون ظنان كدي
انا غايتوا واحده من الناس شئ ما تشوفوا عيني دي ابدا ما بغرق ذمتي .
| |
|
|
|
|
|
|
|
|
 Re: عشــان تــــاني يا بنات تملحــوا في عربيــــة.... مقلب حصل قــــدام عيني (Re: doma)
|
Quote:
Quote: الموضوع في تقديري يا ميادة ماعندو علاقة بسرقة او احتيال او دواء ضغط
الموضع خلاف متكرر بين بت و شاب و السبب القروش
( رغم انهم مفروض ياكلو اخوان و يتحاسبو تجار لكن الولد طلع نصاب )
الولد قال احسن ادفع عشرين ولا اخسر 500 الف مثلا
و اظن كلامي مفهوم
سجمي يا خدر اصلوا ما اتخيلتك تكون ظنان كدي
انا غايتوا واحده من الناس شئ ما تشوفوا عيني دي ابدا ما بغرق ذمتي . |
اصلو يا ماما دوما مازي خلعتي..............
ده شنو يا خدر
| |
|
|
|
|
|
|
| |
mayada kamal
فتحي الصديق
معاوية عوض الكريم
Abd Alla Elhabib
بشير أحمد
علي الكرار هاشم
ASHRAF MUSTAFA
Hadeer Alzain
مريم عبد الله
Sidgi mattar
doma
عمار عبدالله عبدالرحمن
عبدالدين سلامه
قاسم المهداوى
محمد إبراهيم علي
walid shingrai
BADRELDIN MAHMOUD
khaleel
نجاة محمد بابكر
خدر
محمد عبدالله مختار
فيس بوك
تويتر
انستقرام
يوتيوب
بنتيريست