|
|
 النو....حبيبي عاد في مسرح الجلاد بلاقي....
|
لاتكاد تسعني الفرحة وانا ازف الي الاحباب الجلاداب هذه البشري برجوع القبطان الفنان عثمان النو ...بعد غيبة جلبت الاسي الي قلوب الجماهير العريضة من المحبين والمتابعين
والاصدقاء في كل البقاع.
عاد اليوم احبتي الي الوردة عطرها والي الجبهة تاجها وإلي الجيد عقده النضيد...
ما اسعدني اليوم احبتي وانا احقق وعداً قطعته علي نفسي بان آتيكم بالبشرى تحملها اول موضوع لي بهذا المنبر..
ما اسعدني ايضاً وانا اعلم مدى فرحة الكثيرين بهذا الخبر الأستثنائي ...
|
|
 
|
|
|
|
|
|
|
 Re: النو....حبيبي عاد في مسرح الجلاد بلاقي.... (Re: ناذر محمد الخليفة)
|
عوض الله يا سلام عليك
والله خبر جميل جدا
وننحنى لك لانك قامه فى الفن والاخلاق والاخلاص وانت من مؤسسى هذه الفرقه التى نمت وصار لها حيز كبير
فى قلوب كل محبى الفن ...
ورغم ورغم ولكن يظل حرصك على عوده اللحمه لحهذه الفرقه ونتمنى عودتك ايضا لهذه الفرقه
فانت اصيل بها ومؤسسس لها مع انور وشمت ومجاهد والنو ....امال وحنان ..
لك التحيه وسلام للعربى .
| |
|
|
|
|
|
|
|
|
|
Re: النو....حبيبي عاد في مسرح الجلاد بلاقي.... (Re: ناذر محمد الخليفة)
|
عوض الله يا سلام عليك
والله خبر جميل جدا
وننحنى لك لانك قامه فى الفن والاخلاق والاخلاص وانت من مؤسسى هذه الفرقه التى نمت وصار لها حيز كبير
فى قلوب كل محبى الفن ...
ورغم ورغم ولكن يظل حرصك على عوده اللحمه لحهذه الفرقه ونتمنى عودتك ايضا لهذه الفرقه
فانت اصيل بها ومؤسسس لها مع انور وشمت ومجاهد والنو ....امال وحنان ..
لك التحيه وسلام للعربى .
| |
|
|
|
|
|
|
|
|
|
Re: النو....حبيبي عاد في مسرح الجلاد بلاقي.... (Re: Awadallah Bashir)
|
الاخ المبدع عوض الله
سلام وترحيب حار بانضمامك للركب الميمون
وسلام خاص للحبيبة الصديقة حبيبة البى .. حواء المنصورى
عذرا انى يا دوب ارحب بيك
كنت غايبه من البورد مع زحمة الايام الفاتت
اهلا بيك والله.. نورت .. وشرفت ..
ويا ريت كمان تجيب لينا صاحبتى بت المنصورى
سعدت جدا ان التقيها بعد فراق اكتر من 12 سنة
كانت صدفة.. صدفة خيرا من مليون ميعاد..
احلا صدفة ان اجدها امامى فجأة فى الاذاعة السودانية فى الصيف الفات
كانت احلا مفاجأة حقيقى ..رغم انها كانت لدقائق معدودة
لكن رجعتنى للزمن السمح وزيارتها لينا فى سلطنة عمان صلالة..
سعدت جدا لرجوع صديقكم وحبيب الجماهير عثمان النو
ربنا يجمعكم على الخير دوما والجلاد عقد عتيق لا نحتمل ان نفقد اى حبة منه
والاخ عثمان النو هو الخيط الذى نضم( بضم النون وكسر الضاض) عليه حبات لؤلؤ الجلاد
سلمت اخى العزيز والتحية عبرك للكوبة الرائعه
تحياتى لكم جميعا ومزيدا من النجاحات
اسماء الجنيد
| |
|
|
|
|
|
|
|
|
|
Re: النو....حبيبي عاد في مسرح الجلاد بلاقي.... (Re: Awadallah Bashir)
|
لقد كانت اياماً عصيبة تلك التي عاشها احباب النو اثناء فترة تغيبه ...وقد تدافع الجميع للمشاركة في الحلول والمتابعة والأمنيات كأضعف الإيمان...
مجهودات كتيرة ومقدرة بذلت خلال الشهور الماضية حتي تكلل الموضوع بهذه النتيجة المفرحة...
الشكر موصول لكل الذين سهروا وجادو بالوقت والجهد ..
الشكر لأعضاء اللجنة الحادبة علي ضرورة استمرار الفرقة وتدعيم عوامل بقائها..
الاستاذ الشاعر محمد طه القدال..الاستاذ شاعر الشعب محجوب شريف الاستاذ الفنان ابوعركي البخيت..الفنان المسرحي جمال عبد الرحمن...الدكتور ياسر حنفي...الاستاذ مبارك الكودة...والمتابعين من الخارج الاستاذ عادل عبد الرحمن..وجميع الخوة الموسيقيين علي رأسهم الاستاذ يوسف الموصلي..سمندلاوي..ازهري غبد القادر..خدر..والذين شاركوا بفتح مواضيع بهذا المنبر عبد الرحيم خسب الرسول.. قاسم المهداوي والشكر ايضاً لأعضاء المجموعة الكرام ومجموعات وروابط عقد الحلاد داخل السودان وخارجه . والشكر لكل من اتصل وهاتف وشارك بهذا المنبر .
والتهنئة موصولة لكل الاحباب والمحبين علي امتدادات الكرة الأرضية.
| |
|
|
|
|
|
|
|
|
|
Re: النو....حبيبي عاد في مسرح الجلاد بلاقي.... (Re: abdalla osman)
|
العزيز احمد العمار...
الشكر لله من قبل ومن بعد..
لم يكن لعيوننا ان تنام والحزن يلف المحبوبة..عقد الجلاد..
دامت المحبة.
لؤي شمت..
احييك يا فخيم..
للبشارة في زمن الأسى ..طعم فريد..
تسلم يا قريب.
انعام عبد الحفيظ..
دربك اخضر..
تتبارك خطاك المرت بي جاي.
خدر...الوريف..اخو الهم..
إن غابت الأصحاب وتركت مقهوراً....انت الصاحب..
التحايا لك يا رفيق الوجدان
| |
|
|
|
|
|
|
|
|
|
Re: النو....حبيبي عاد في مسرح الجلاد بلاقي.... (Re: Awadallah Bashir)
|
عوض الله يا وريف الإلفة
وخدين المودة
أشتاقك..
وأشتاق جلسة في ضل الليمونة في شمبات
سنوات طويلة مضت
آخر عهدي بـ"ليم" سنتان
شوف الدنيا دي كيف!!
........
...
..
بخصوص صاحبنا النو والـ"العقد"
ما قمتم به يا صاحبي مقدر جدًّا
وعطفًا على ما بدأناه من نقاش منذ زمن طويل بالحارة الرابعة / الثورة
فإلى الآن ما زالت مشكلة العقد حاضرة
وأظنها ستشكل حضورها بصورة أو أخرى في ظل غياب "اتفاق ما على كيفية الاختلاف"
بمعنى أو آخر.. آلية عمل "العقد" تحتاج إلى مزيد من الضبط
"الجودية" على حسن مقصدها لا تسمح للجرح أن يندمل
لكنها تعطيه مهملة أن ينسى ألمه
هذا حسن.. لكنه ليس جيدًا بما يكفي
لنا حديث طويل
ستجد هاتفي في البروفايل
مجدد التحايا لك وللأحباب جميعًا
| |
|
|
|
|
|
|
|
|
|
Re: النو....حبيبي عاد في مسرح الجلاد بلاقي.... (Re: الطيب برير يوسف)
|
الحبيب عوض الله
ما يجيبها إلا رجالها
أنا قلت ليهم روقوا المنقة الزول أب كلاش دا
بجيب النجيضة
التحية لأستاذنا وحبيبنا الفنان النو
التحية لجميع أعضاء الفرقة قديم وجديد
التحية عبرك لكل الحادبين على الفرقة
وجمهور الفرقة
والتحية لكل من ساهم في هذا الجهد حتى
تكللت المساعي بالنجاح
ووردة خاصة للرائع أبوعركي البخيت
ولك كامل المودة وعقد نضيد من الجلاد
| |
|
|
|
|
|
|
|
|
|
Re: النو....حبيبي عاد في مسرح الجلاد بلاقي.... (Re: Awadallah Bashir)
|
الاستاذ احمد سيد احمد..
شكراً على الإشادة...
دوري لم يتعد ..فرحة الأبن برجوع الأب لسقفه وظله ومملكته.
أحمد محمد بشير....
شكر وتقدير لتقييمك ووصفها بأجمل فرقة على مستوي السودان ...
ابشرك بانها تعد نفسها لأحتلال موقعها الطبيعي ضمن موسوعة غينيس العالمية كأطول المجموعات الغنائية تماسكاً ...عشرون عاماً وعدة موازير..
داليا كباشي..
لا شكر علي واجب...
فأنت بت البيت الجلادي القريبة والمساندة دوماً.
الشكر لك يشبه شكر النخلة علي الضل ؟؟؟؟.
عمران الجميل...
التسامح حق السمحين....والنو سمح
ياعمران اخوي..
عبد الله عثمان...
اللهم آ مين لعن الله الشتات ...
كيف الحياة غير ليم العقد؟؟؟
..
| |
|
|
|
|
|
|
|
|
|
Re: النو....حبيبي عاد في مسرح الجلاد بلاقي.... (Re: Awadallah Bashir)
|
ياسلاااام..يا الطيب برير.
.لك وحشة شديدة ياخ..وحشة بعمر ليم التي دخلت يوم امس عامها ال17...
الطيب الزول السمح بلحيل ...
رغم السنين مازالت اصداء حديثنا تدور في البال...هموم الإستقرار الفني...ثبات الرؤية...فائدية التناول..كانت هذه هي محاورنا وبوعي بكير عهدته فيك كنت ترسم معنا معنى ان نكون ولا نكون...
ستكون للنو ثلاث -اسميها-عودات..عودة البشارة - ثم عودة النو العازف ثم تليهما عودة النو الملحن -الأعمال الجديدة والكثيرة.
وكما ذكرت آنفاً وخلال هذه الفترة ستستمر اللجان في اعمالها جنباً الي جنب مع كل اعضاء الفرقة في وضع خارطة طريق المستقبل للمرحلة القادمة والحساسة من النشاط..
لك يا الطيب الشوق والود وساتصل لابل شوقي بمعرفة اخبارك ...
| |
|
|
|
|
|
|
|
|
|
Re: النو....حبيبي عاد في مسرح الجلاد بلاقي.... (Re: Awadallah Bashir)
|
بعد ما اتصافيتو يا جلاداب...(اقلبو خصامكم الكان لي طرايف)
عشان تاني ما تدو الخصام فرقة يدخل...ولا حتي من باب المزاح
استهزءوا بالخصام...واضحكوا عليه...بدل ان تكتبوا خارطة
طريق لتجنبه...لأن الفن لا يحتمل الشروط والاحكام وخرائط الطريق
شكرا عوض الله ان اشركتنا في هذا الخبر المفرح...ودامت
عقد الجلاد...متينا بالحب والفن والابداع....
عليك الله وصل تحياتي معاك لي انور ود بتول وقول ليه
قال ليك استنيتك في قندهار لامن الضبان اكل لحمي الاكلتو وانت
ما جيت...
| |
|
|
|
|
|
|
|
|
|
Re: النو....حبيبي عاد في مسرح الجلاد بلاقي.... (Re: Elmosley)
|
المبدع الإنسان عوض الله
مرحبا بروحك السامية هاهنا
الخميس الماضي التقيت صديقي الانسان الفنان الجميل الخير آدم صدفة وبعد غيبة طويلة بمركز شباب امدرمان
بعد السلام والاشواق والأحوال كيف و ... لم يكن هناك بدا من أن ندلف لموضوع الساعة والنو وعقد الجلاد
كان حزينا فعلا
وكنت أنا كذلك أيضا
ولكن
الحمد لله
لكم المحبة كلها والجمال المحض ... يا صناعها وصناعه المرهفين
| |
|
|
|
|
|
|
|
|
|
Re: النو....حبيبي عاد في مسرح الجلاد بلاقي.... (Re: سيف اليزل الماحي)
|
الحبيب عوض الله
أولاً مرحب بيك في المنبر
وثانياً تهنئة لجميع محبي الموسيقى والفن قاطبة بهذا الخبر البهيج، في زمن قلّت فيه الأخبار المفرحة.
في تصوري أن رسالة عقد الجلاد، والتي أُجزم بأن عثمان النو أكثر المؤمنين بها، تسمو فوق كل خلاف. فلا
يوجد من ينكر كم البهجة والفرح الذي وزعمتوه على الملأ.
تحياتي عبرك للصديق عثمان النو ولجميع أعضاء عقد الجلاد.
(لا يزال عبق ذلك اليوم الجميل الذي أمضيتموه معنا في منزلنا بحي "Notting Hill Gate" في لندن في 1994 محفور في الذاكرة).
وكن بألف خير
سيف بشير
| |
|
|
|
|
|
|
| |
Awadallah Bashir
ناذر محمد الخليفة
عمر سعد
سيف بخيت موسي
Magdi Ahmed Elsheikh
عبدالكريم الامين احمد
لؤى
انعام عبد الحفيظ
خدر
mohmmed said ahmed
احمد محمد بشير
داليا الكباشى
عمران حسن صالح
abdalla osman
الطيب برير يوسف
عبد الرحيم حسب الرسول
الفاتح ميرغني
احمد الدسكو
هواري نمر
Raja
حافظ كنجال
nazar hussien
Elmosley
فتحي البحيري
محمد الجزولي
ahmed khidir
حبيب نورة
Emad Ahmed
على عمر على
الصادق خليفة
فيس بوك
تويتر
انستقرام
يوتيوب
بنتيريست