|
Re: أخخخخخخخ وطرشقت علينا اجازه في داعي للتشاور (Re: د.نجاة محمود)
|
. . . يادكتوره ياخي يمين في البلد دي الايام كل شي يحير حتى البرد في حله في وفي حله مافي
والمسيره في مدني زي تحري هلال رمضان ناس يقولوا شافوها وواحدين يقولوا يطرشنا
يادكتوره القصه مخستكه من اصلا هسي اقوم انفتح ليك في المشرفين البرصوا في المواضيع جنب بعض رغم الفارق الزمني زي عاوزين يقولوا شنو ما بعرف
لكن بعد كلو حارقاني الاجازه الطرشقت علينا زمان عثمان ميرغني شبك البلد ..حكومه الاجازات ..حكومه الاجازات ..حكومه الاجازات لحدي ما خلي كمال عبد اللطيف يبقى لينا في الزراره الاخيره حتى ايام التشريق نتمها في المكتب ...
يجو ديل بعد كلو يطرشقوا لينا تلاته ايام عشان شنو يتشاوروا يتشاوروا في شنو ولي شنو مش بي مسيرتكم لغيتوا ضمنياً نوابكم القاعدين عمم ساي في البرلمان وأكدتو انهم ما قادرين يديروا مع المؤتمر الوطني مفاوضات قويه تحقق ليكم حاجاتكم عشان كده مرقتوا الشارع
يادكتوره الناس دي قدر ما نبرمج نفسنا عليهم يخزلونا هسي في داعي بلغوا المسيره ...
وطيب لو انتو لغيتوها في الاول معلنين عنها ليه ولا كل القصه عنتريه وانا اخوك يا السره
اها لو نفضنا ايدنا من الناس ديل وبقينا عليكم بس كدي قولوا لي تعتمد عليكم كيفن اكان بتصدروا القرارات وتعلنوها وبعدين تتشاوروا فيها ...
اها ما في طريقه تقوموا المسيره دي بكره عشان الحكومه تلحق تاجز لينا .. وكمان محمد ابقوته صاحبي داك ما يطلع كضاب قدام امو الاعتمد عليكم وقال ليها انه فاطر معاها يوم الخميس اها شفتو كيف انتو بي قرارتكم المتسرعه دي بتخزلوا في قاعدتكم البتمثلوها
يادكتوره ما نستيك انتي انتي بتتنسي الحمد الله البصاصين زي الورد والكوين بصاصه كمان الا البصاصه الجديده ملازماني طول الوكت بتعاين في الاون لاين لحدي ما طلعن ليها شيبات ..
كوني بخير
البصاص
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: أخخخخخخخ وطرشقت علينا اجازه في داعي للتشاور (Re: اسامه هاشم)
|
Quote: وبرضو يا حليل الخميس الضاع وضيع معاهو بكاسي ابقوتة |
خلينا في الخميس الضاع والبكاسي البطاطريه نامت اما التراكات دي خليني منها يمين عامله زي شتانا ما تعرف بكره بتكون عامله كيف
هسي عليييييك الله اكان الاجازه ظبتت اكان تلقانا مقابلين الفقر الاسمو النت ده ...
وووا اسفاي على البكاسي ما خلفت ورها كمين ترعه وكم كنار
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|