|
|
 مرحبا الباشمهندس حيدر عبدالعال
|
المهندس حيدر عبدالعال عضو جديد واضافه حقيقيه للمنبر .حيدر قريبنا ونسيبنا وبلدياتنا من قرية حسينارتي ريفي الدبه الشماليه وهو يقيم حاليا بكندا بعد قضاء عدة سنين بالسعوديه ..
مرحبا به صاحب قلم رصين وصوت معتدل ...وفي انتظار مساهماتك ...
عيب حيدر الوحيد أنه من أنصار سيد اللبن أبو خمسه
|
|
 
|
|
|
|
|
|
|
|
Re: مرحبا الباشمهندس حيدر عبدالعال (Re: Dr.Elsadig Abdalla)
|
الف مرحب بيك فى سودانيز اون لايـن ياهندسة
وارفع راسك فوووووق فأنت هلالابى .. وسيبك من
الرشاشات والصهاينة ديل أمثال صاحبك سيد البوست دا ..
اهلا ومليون مرحب ...
____
صورة بروفائلك دى اخير تغيرا ياصاحبى الدنيا مامعروفة عشان مانختها ليك يوم من الايام ..
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: مزمل خيرى)
|
الف مرحب بيك فى سودانيز اون لايـن ياهندسة
وارفع راسك فوووووق فأنت هلالابى .. وسيبك من
الرشاشات والصهاينة ديل أمثال صاحبك سيد البوست دا ..
اهلا ومليون مرحب ...
الاخ مزمل
لك الشكر على هذه الكلمات الطيبة
عارف الجماعة ديل لسع دايشين بعد معركة الحادى من سبتمبر عشان كدة لا نؤاخذهم بما يقولوا فى هذه الايام
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: Dr. Ahmed Amin)
|
ألف مرحبـ بيكـ باشمهندس
نورت الدار
د. أحمد الامين
لك الشكر على الترحاب و المكان منور بى وجودكم فيه
الخمسة دى بعد شوية بتروح وبنرجع نلقى نفسنا فوق راس الجماعة ديل فى الممتاز و كاس السودان
الساعة ديك يفتشوا ليهم مازمبى تانى يجى ياخد ليهم التار
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: Dr.Elsadig Abdalla)
|
اخونا و قريبنا الغالى د. الصادق
لك منى من الشكر أجزله على هذا الترحاب الحار وآمل أن أكون عند حسن ظنكم بى إضافة لهذا المكان
بالمناسبة كنت قد كتبت شكر وعرفان لك و لبعض الأصدقاء هنا و لكنه صادف ايام الأرشفة فلم يصمد لأكثر من يوم واحد
أما سعر اللبن البقى خمسة دا متى خفضوه ما كان سبعة هل جاء تعميم من الوحدات يعلن تخفيضه و الله شنو
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: Dr.Elsadig Abdalla)
|
ياحيدر عبد العال إنت ماك عارفنا مبرمجين بطريقة معينة؟؟؟ نحن زي الروادي القديمة أبو طارة الموجة تنظبط والراديو يتخت تحت كراع العنقريب ولو في شافع لعب فيهو خلاص أبوه ما يعرف شى. هذا بالضبط ما حدث لي مع اسمك (حيدر بشير). ووالله لو مو د. الصادق فتح البوست الترحيبي دا ماكنت عرفتك أبدا عشان سميت نفسك (حيدر بشير).
يا زول حبابك عشرة ، وبالمناسبة اكتشفت إنكم مناسبننا، بعد زيارة لي للدمام قبل شهرين وقابلت قريبا ليكم مهندس معرس بنتنا
مامان
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: maman)
|
الرجل الشفيف الاريب مامان
لك من التحايا انضرها و انت تتطوقنى دائمآ بكرمك الفياض و كلماتك الجميلة
شكرآ على الترحيب و البلد دى تضيع اسم الوالد و يجروا ليك على family name
ما زلت ارى مامان وهو يحمل الطمبور فى ليلة الختام لجمعية تطوير الريف ليسمعنا
القعود يا ناس القعود فى جناين شندى مولود
و دائمآ اسأل القعود دا مولود فى شندى مالو القرير دى ما فيها قعودات
و هل تذكر يا مامان تلك الليلة الجميلة امام غرفتكم بداخلية جبل مرة و التى عطرها الفنان محمد كرم الله وهو يتغنى لاول مرة برائعة محمد سعيد الطيف
الباشمهندس نسيبكم والدته بنت عمى ووالده ابن عمتى
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: امبدويات)
|
Quote:
و هل تذكر يا مامان تلك الليلة الجميلة امام غرفتكم بداخلية جبل مرة و التى عطرها الفنان محمد كرم الله وهو يتغنى لاول مرة برائعة محمد سعيد الطيف
|
كيفك يا حيدر . رجعتنا لتلك الأيام الجميلة ، أيام البركس التي لا تنسى. رائعة محمد كرم الله (الطيف) فعلا أول مرة تغني بها في غرفتي بداخليات البركس ) وأذكر ذلك اليوم جيدا وهو ليلة من ليالي شهر رمضان المبارك. عزمت الشاعر محمد سعيد دفع الله والفنان محمد كرم الله لفطور رمضان (شوف قوة عينا: طلبة ويعزمو كمان)... أذكر كان يسكن معي بنفس الغرفة 3 من أبناء الرباطاب وهم: الطيب حسن باجوري، ابراهيم علي محمد الأمين ومصطفى الرفاعي. وكان ذلك اليوم هو اليوم الذي عرض فيه محمد سعيد دفع الله القصيدة على محمد كرم الله قبل مجيئهم للداخلية. وحفظ منها محمد كرم الله بيتين فقط وغناهما في غرفتي. ثم بعد ذلك غناها كاملة في تلك الليلة التي ذكرتها أنت حيث تجمع الطلبة من الداخليات واضطرننا لنخرج في الباحة أمام الغرفة.
ملحوظة: عندك أي أخبار من أخينا حسن ابن عوف، سمعته أنه بأمريكا وأخباره مقطوعة عني!
مامان
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: maman)
|
ألف مرحب بالباشمهندس حيدر وألف شكر للباشمهندس بكري أبوبكر لضمه لهذا الشخص الرائع لكوكبة سودانيزاونلاين، حقيقة هو رجل يتجسد فيه كل ما هو جميل في السودان: طيبة وتواضع وكرم.
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: محمد عثمان الحاج)
|
ألف مرحب بالباشمهندس حيدر وألف شكر للباشمهندس بكري أبوبكر لضمه لهذا الشخص الرائع لكوكبة سودانيزاونلاين، حقيقة هو رجل يتجسد فيه كل ما هو جميل في السودان: طيبة وتواضع وكرم
الأخ الغالى و الرجل الشهم الكريم الخلوق الصديق الباشمهندس محمد عثمان
لك التحايا مترادفات ومن الشكر اجزله على هذه الكلمات الطيبات فى حقى فهذا من أصلك وعين الرضا عن كل عيب كليلة
و آمل ان اكون عند حسن ظنكم بى و التحايا لك و لأخونا عوض صبير و جميع من معك
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: امبدويات)
|
مرحبا العزيز حيدر منور البلد مكسب لناس تورنتو فى سودانيزاونلاين نتمنى يطيب ليك القمام
العزيز و الغالى أمبداويات
لك التحية و التجلة وشكرآ لك على هذا الترحاب الحار و أتمنى أن أكون خير ساعدآ لكم لتمثيل تورنتو فى هذا الفضاء الواسع
شايفك اليومين ديل تضحك بلا سبب يكون الخمسة دى عاملها ليكم ام فريحانها
بس يا ربى ياسر طيفور عامل شنو لأنه ما حا يسلم من ناس عبدالله نقد و الجالية محرمة عليه خمسة شهور
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: jini)
|
حبيبنا حيدر ليك وحشتين يا باش يعنى لو ما البوست دا مليون سنة ما اعرف السنجك الهلالابى!
الله ليك من مصطفى المريخابى الحمد الله انا على مسيرة خمسة عشرة ساعة بالكامرى من محمد على المريخابى اللايوق!
تحياتى ليك وللاسرة الكريمة
الأخ الغالى جنى
لك التحايا مترادفات أيها الصديق العزيز و الشوق مطر ليك و لى جدة الحبيبة
عارف أخونا مصطفى رغم انه يسكن معى فى نفس العمارة و نفس الطابق يعنى جار الا انه لم يستطع مقابلتى الا بعد ثلاثة ايام من بعد الخماسية
لكن انت الخمسة عشر ساعة دى محمد على كل خميس بيقطعها متسببآ فى مرافقة ابنه عبدالقادر لزيارة الكعبة ومنها الى جدة
شكرآ لمرورك الجميل وأنا من المتابعين لكتاباتك من قبل ان أكون عضوآ هنا فدائمآ ما أجد فيها ما يشبع رغباتى
التحايا لك و للأسرة الكريمة ومثلها من أخونا مصطفى عبدالجليل
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: احمد محمد بشير)
|
مرحب بيك يا باش مهندس حيد ...
والدار دارك... وسعيد جدا بي انضماك... ربنا يحفظك,,
ودائما متلمين سالمين كلنا هنا الحوش الوسيع
الاخ الرائع احمد محمد بشير
الشكر آلاف و التحايا بالكوم وتسلم من كل بلاء ان شاء الله
بس حروفك دى مالها بالأحمر لون الموية دا ما سمح بالحيل يبل الجوف
وأنا السعيد بانضمامى اليكم و التعرف على من هم امثالك
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: حيدر بشير)
|
يا حيدر حسن ابراهيم أعرف أنه ما زال قابعا كالوتد بالاحصاء
أخونا الرائع مامان
سلام من هنا لا عند القرير
يا خوى الوتد زاتو مرات بيتحرك من محله اذا الناس عاوزين يغيروا مراح الحمارة لكن حسن دا الا االاحصاء زاتها تتحرك
ان شاء الله بس ما تكون خليت نقلرشة الطمبور
و الله انا نسيت طمبورى فى الرياض ندمان عليه لا اسع كل يوم اقعد واكورق
يا طمبورى تعال مبارينى
| |
|
|
|
|
|
|
|
|
|
Re: مرحبا الباشمهندس حيدر عبدالعال (Re: حيدر بشير)
|
الزول سيد بلد يا صديقي الصادق .. حباب الباشمهندس.
أخونا الرائع دومآ عبدالله عثمان
لك الشكر على هذه الكلمات الطيبة وكلم د. الصادق دا بالله طبعآ انا عارفه هو كان ازرق اللون ولكن تهوّد بفعل فاعل و ما زال عندنا امل انه يعود الى رشده
| |
|
|
|
|
|
|
| |
Dr.Elsadig Abdalla
مزمل خيرى
maman
امبدويات
jini
عماد الدين عبدالله
احمد محمد بشير
abdalla osman
فيس بوك
تويتر
انستقرام
يوتيوب
بنتيريست