|
Re: أنوي السفر تربتك قريبا أسالكم الدعاء و النصح والتوجيه (Re: nazar hussien)
|
Quote: أهم شي تكون عربيتك سنينة وجيبك سمين... تاني عوجة ما بتجيك...
|
تحية وتقير أخوي nazar hussien
أصلو الجيب السمين ده بعدل الدرب وبعدل الخطوة في أي مكان في الحل والترحال خاصة .
والواحد لو مستقر في السودان الجيب السمين بسهل ليه كل أموره , ويفتح ليه كل الأبواب
والكاش بقلل النقاش زي ما قالوا
أما الحديدة فربك يعدلها
شاكر حضورك ومؤازرتك
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: صالح عبده)
|
Quote: سافرت قبل 8 اشهر من الرياض للخرطوم وكانت كل التكلفة مع تذاكر الباخرة 6 الف ريال سعودي الجماعة في السودان قالوا هذا المبلغ ممكن كنت تشتري بيهو عربية وبعد الاجارة ترفعها وتسافر وهم صاح
|
الأخ صالح عبده تحية وتقدير حكاية تشتري عربية بهناك وتقضي بيها اجازتك فكرة كويسه , بس بعد الاجازة ما ترفعها , تبيعها طوالي وتسوي أي شئ بقريشاتها , وزي ما بقول أخونا عبد الله ابو حراز ما ترسل قروش قدامك لي زول هناك وتقوليهو سوي لي كدي وكدي , مافي أضمن من تحت مخدتك لقروشك ولا تجي طابقك في جيبك .
أعتقد انو تكلفة شحن العربية والتذاكر اكتر من قيمة السفر بالطيران , بس أهو الواحد بكسب انو عربيتو تحت يدو , وتكفيه شر الايجار .
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: nazar hussien)
|
ســـــلامات البشير:
بالإضافة لمداخلات الإخوة وخاصة ( السيد أحمد إبراهيم ) ، إذا جاز لى النصح أبدأ بالآتى:
1- تخيَر الباخرة الجديدة وبرمج عليها يوم سفرك عشان ما تتعذب برحلة كالحة وطويلة وخدمات متدنية. وأحرص على حمل أغراض السواك والحمام لأن الرحلة عادة تبحر مساءاً وتصل سواكن فى الصباح الباكر ومطلوب منك الحجز فى الدرجة الأول للنوم والإستعداد لرحلة القيادة للخرطوم. يمكنك الحصول على رقم شريحة ورصيد فى الباخرة و مطلوب منك تجهيز مبالغ سودانية للعتالة وإعادة تعبئة البترول فى الطريق.
2- لا تترك أى أغراض ثمينة فى السيارة خاصة الإليكترونيات الخاصة والمرتبطة بالسيارة والأدوية وما شابه ذلك لأنك لن تستطع تحديد مسئولية الضياع
خاصة وأن السيارة تُترك مفتوحة داخل الباخرة ، وقبل ذلك يقودها ( سائق) يتبع للجهة الناقلة ، وأحرص على قفل كل الشُنط والأغراض حتى فى صندوق السيارة وطبعاً لا تنس تفويل التنك قبل السفر.
3- الإجراءات ساهلة وميسرة فى سواكن: - تم إلغاء التأمين القديم (ثلاثة ألف ريال سعودى).
- إخراج السيارات بيأخذ وقت والمطلوب منك القيام بالذهاب إلى ختم الجواز بنفسك فى ( هنقر) الجوازات وهو مقابل مكان رسو السفينة وقد أعدوا بصات لحمل الركاب رغم أن المسافة قصيرة .. وستعود بعده لقيادة سيارتك بنفسك لمكان إجراءات التفتيش والإفراج المؤقت وسيدلونك عليها لوجود مناديب شركة المهاجر. - راجع سيارتك جيداً للتأكد من عدم وجود خدوش أو صدمات من التخزين الضيق داخل الباخرة قبل دفع رسوم إستلامها منهم ( حوالى مائة ريال سعودى).
- مطلوب منك إنزال كل الأغراض وفتح الشُنط خلف السيارة فى مظلات الجمارك - طبعاً بغرض سداد الرسوم الجمركية if any.
- سيقوم ضابط بتدوين أرقام الشاسى والماكينة فى إستمارة معينة- هذه بداية الإجراءات التى سيتم بموجبها إستكمال أوراقك.
- سيتم تفتيش العفش بحضورك - المشكلة الكبيرة فى مقاولة العتالة بفهم أنك مغترب - وإن كانت أغراضك خفيفة فيمكنك القيام بهذه المهمة.
- سيتولى مندوب من شركة المهاجر القيام بإجراءات الجمارك ( يلبسون يونيفورم موحد) ودفع الرسوم المستحقة- لا تنس البقشيش بعد الإنتهاء-:
* تأمين شامل للسيارة لمدة ثلاثة أشهر محتكر من شركة شيكان بمبلغ خُرافى ( يفوق الـ 350 ألف سودانى زائداً رسوم إصدار وخدمات) بواسطة وكيلها ( شركة المهاجر) وسيسألوك عن قيمة السيارة التى سيتم بموجبها تقدير التأمين الشامل . * سداد حوالى (300) ريال سعودى لوزارة المالية. * سداد رسوم أخرى متنوعة وللطرافة ستدفع رسوم بالريال السعودى لبلدية سواكن لكأنها موجودة بجدة وليس على التراب السودانى.
- بعد إستكمال الإجراءات( ستعطى وثيقة تأمين وإذن الجمارك ( وستكون عرضة لمراجعة أفراد مكافحة التهريب فى حلك وترحالك ولا تُنزلها من السيارة أو نسخة منها على الأقل).
- مطلوب منك بعد الخروج من الميناء المرور على إدارة المرور (تقع مباشرة يسار البوابة الرئيسية للميناء) حيث ستدفع بعض الرسوم وتُعط إذن مرور - أهم وثيقة لتكفيك شر المرور- لكامل فترة وجودك فى السودان وستدفع ثمن كتيب المرور - إجباراً- ضمن هذه الرسوم. سيقوم ضباط المرور بالتوقيع على هذا الإذن طـوال نقاط التفتيش حتى وصولك للعاصمة.
- أول الغيث فى التفاتيش يأتيك أول ما تغادر سواكن - يساراً- على بعد حوالى (2) كيلومتر حيث سيتم التدقيق فى أوراقك ...
- أسلك الطريق الجديد من هيا إلى عطبرة ولكن أحرص على " تفويل التنك فى محطة البترول الموجودة بعد الصينية( الدوار) المؤدية لعطبرة يساراً ثم العودة مرة أخرى لمسارك الصحيح بالإنعطاف يميناً قبل الدوار المعنى متجهاً إلى عطبرة . لا توجد خدمات - للأسف فى هذا المسار إلا من رواكيب متناثرة- وفى كل الأحوال ستستغرق رحلتك لعطبرة من ساعتين ونصف إلى ثلاثة ونصف - حسب السرعة وأعتقد أن المسافة من هيا حوالى (270) كيلومتراً. -بالمناسبة المسافة من سواكن وحتى الصينية ( حوالى 150) كيلومتراً.
- لا تنس إعادة ( تفويل) التنك فى عطبرة حيث توجد محطات بترول حديثة ( إحداهما قبل عطبرة يساراً وأخرى بعد الكبرى يميناً فى مسارك) ولن تحتاج لبترول إضافى بعدها.
- مطلوب منك التأنى والحذر الشديد فى الطريق بين عطبرة والخرطوم وهو إختبار حقيقى لإنتباهك أثناء القيادة، فهو وإن كان أقل مسافة من (هيا- عطبرة) إلا أنه الأخطر لوجود ما لا يقل عن (21) مزلقاناً ضيقة كالصراط لا ترى فيها السيارة الآتية من الجهة الأخرى والحذر إن كان هنالك أرعن يتخطى فى هذه المزلقانات الضيقة أو حتى فى حالة وجود بص سفرى فى الإتجاه المعاكس لأنهم يتمهلون فى الشارع ويتوسطونه.
- فترة الثلاثة أشهر قابلة للزيادة ويتم تمديدها لثلاثة أشهر أخرى بموجب طلب من شركة المهاجر فى شارع أفريقيا مقابل المطار بعد دفع رسوم ولا تحتاج لواسطة فى ذلك - إن احتجت للزيادة-
إن احتجت لأى إستفسار أنا حاضر هنا وفى المسنجر.
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: أبوبكر أبوالقاسم)
|
Quote: ســـــلامات البشير:
بالإضافة لمداخلات الإخوة وخاصة ( السيد أحمد إبراهيم ) ، إذا جاز لى النصح أبدأ بالآتى:
1- تخيَر الباخرة الجديدة وبرمج عليها يوم سفرك عشان ما تتعذب برحلة كالحة وطويلة وخدمات متدنية. وأحرص على حمل أغراض السواك والحمام لأن الرحلة عادة تبحر مساءاً وتصل سواكن فى الصباح الباكر ومطلوب منك الحجز فى الدرجة الأول للنوم والإستعداد لرحلة القيادة للخرطوم. يمكنك الحصول على رقم شريحة ورصيد فى الباخرة و مطلوب منك تجهيز مبالغ سودانية للعتالة وإعادة تعبئة البترول فى الطريق.
2- لا تترك أى أغراض ثمينة فى السيارة خاصة الإليكترونيات الخاصة والمرتبطة بالسيارة والأدوية وما شابه ذلك لأنك لن تستطع تحديد مسئولية الضياع
خاصة وأن السيارة تُترك مفتوحة داخل الباخرة ، وقبل ذلك يقودها ( سائق) يتبع للجهة الناقلة ، وأحرص على قفل كل الشُنط والأغراض حتى فى صندوق السيارة وطبعاً لا تنس تفويل التنك قبل السفر.
3- الإجراءات ساهلة وميسرة فى سواكن: - تم إلغاء التأمين القديم (ثلاثة ألف ريال سعودى).
- إخراج السيارات بيأخذ وقت والمطلوب منك القيام بالذهاب إلى ختم الجواز بنفسك فى ( هنقر) الجوازات وهو مقابل مكان رسو السفينة وقد أعدوا بصات لحمل الركاب رغم أن المسافة قصيرة .. وستعود بعده لقيادة سيارتك بنفسك لمكان إجراءات التفتيش والإفراج المؤقت وسيدلونك عليها لوجود مناديب شركة المهاجر. - راجع سيارتك جيداً للتأكد من عدم وجود خدوش أو صدمات من التخزين الضيق داخل الباخرة قبل دفع رسوم إستلامها منهم ( حوالى مائة ريال سعودى).
- مطلوب منك إنزال كل الأغراض وفتح الشُنط خلف السيارة فى مظلات الجمارك - طبعاً بغرض سداد الرسوم الجمركية if any.
- سيقوم ضابط بتدوين أرقام الشاسى والماكينة فى إستمارة معينة- هذه بداية الإجراءات التى سيتم بموجبها إستكمال أوراقك.
- سيتم تفتيش العفش بحضورك - المشكلة الكبيرة فى مقاولة العتالة بفهم أنك مغترب - وإن كانت أغراضك خفيفة فيمكنك القيام بهذه المهمة.
- سيتولى مندوب من شركة المهاجر القيام بإجراءات الجمارك ( يلبسون يونيفورم موحد) ودفع الرسوم المستحقة- لا تنس البقشيش بعد الإنتهاء-:
* تأمين شامل للسيارة لمدة ثلاثة أشهر محتكر من شركة شيكان بمبلغ خُرافى ( يفوق الـ 350 ألف سودانى زائداً رسوم إصدار وخدمات) بواسطة وكيلها ( شركة المهاجر) وسيسألوك عن قيمة السيارة التى سيتم بموجبها تقدير التأمين الشامل . * سداد حوالى (300) ريال سعودى لوزارة المالية. * سداد رسوم أخرى متنوعة وللطرافة ستدفع رسوم بالريال السعودى لبلدية سواكن لكأنها موجودة بجدة وليس على التراب السودانى.
- بعد إستكمال الإجراءات( ستعطى وثيقة تأمين وإذن الجمارك ( وستكون عرضة لمراجعة أفراد مكافحة التهريب فى حلك وترحالك ولا تُنزلها من السيارة أو نسخة منها على الأقل).
- مطلوب منك بعد الخروج من الميناء المرور على إدارة المرور (تقع مباشرة يسار البوابة الرئيسية للميناء) حيث ستدفع بعض الرسوم وتُعط إذن مرور - أهم وثيقة لتكفيك شر المرور- لكامل فترة وجودك فى السودان وستدفع ثمن كتيب المرور - إجباراً- ضمن هذه الرسوم. سيقوم ضباط المرور بالتوقيع على هذا الإذن طـوال نقاط التفتيش حتى وصولك للعاصمة.
- أول الغيث فى التفاتيش يأتيك أول ما تغادر سواكن - يساراً- على بعد حوالى (2) كيلومتر حيث سيتم التدقيق فى أوراقك ...
- أسلك الطريق الجديد من هيا إلى عطبرة ولكن أحرص على " تفويل التنك فى محطة البترول الموجودة بعد الصينية( الدوار) المؤدية لعطبرة يساراً ثم العودة مرة أخرى لمسارك الصحيح بالإنعطاف يميناً قبل الدوار المعنى متجهاً إلى عطبرة . لا توجد خدمات - للأسف فى هذا المسار إلا من رواكيب متناثرة- وفى كل الأحوال ستستغرق رحلتك لعطبرة من ساعتين ونصف إلى ثلاثة ونصف - حسب السرعة وأعتقد أن المسافة من هيا حوالى (270) كيلومتراً. -بالمناسبة المسافة من سواكن وحتى الصينية ( حوالى 150) كيلومتراً.
- لا تنس إعادة ( تفويل) التنك فى عطبرة حيث توجد محطات بترول حديثة ( إحداهما قبل عطبرة يساراً وأخرى بعد الكبرى يميناً فى مسارك) ولن تحتاج لبترول إضافى بعدها.
- مطلوب منك التأنى والحذر الشديد فى الطريق بين عطبرة والخرطوم وهو إختبار حقيقى لإنتباهك أثناء القيادة، فهو وإن كان أقل مسافة من (هيا- عطبرة) إلا أنه الأخطر لوجود ما لا يقل عن (21) مزلقاناً ضيقة كالصراط لا ترى فيها السيارة الآتية من الجهة الأخرى والحذر إن كان هنالك أرعن يتخطى فى هذه المزلقانات الضيقة أو حتى فى حالة وجود بص سفرى فى الإتجاه المعاكس لأنهم يتمهلون فى الشارع ويتوسطونه.
- فترة الثلاثة أشهر قابلة للزيادة ويتم تمديدها لثلاثة أشهر أخرى بموجب طلب من شركة المهاجر فى شارع أفريقيا مقابل المطار بعد دفع رسوم ولا تحتاج لواسطة فى ذلك - إن احتجت للزيادة-
إن احتجت لأى إستفسار أنا حاضر هنا وفى المسنجر. |
الأستاذ / ابو بكر أبو القاسم
تحية وتقدير
وشكرا جزيلا لهذه المعلومات القيمة .
جزاك الله خيرا
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: البشير دفع الله)
|
البشير دفع الله
ربنا يوصلك بالسلامة . .
عن تجربة قبل شهور . . الموضوع في غاية البساطة والسلاسة
من حيث الإجراءات في ميناء عثمان دقنة . .
بعد نزولك من الباخرة وعمل تأشيرة الدخول تلقى ورق سيارتك عن واحد
من المخلصين ( مرات كده بيقولوا ليك أمش جيب سيارتك من الباخرة )
أها شفت المخلص ده بيعمل ليك ( كل حاجة ) ما مطلوب إلا إنك تقيف جنب عربيتك
و( تدفع ) . .
بالنسبة للدفع الرسوم معروفة وأجرة المخلص معروفة ومافي داعي المفاصلة ( عدا التأمين )
التأمين المناديب بتاعين شيكان بيرفعوا ليك قيمة العربية عشان كده القسط بيكون مرتفع
فتحاول تنزل قيمة العربية عشان ماتدفع كتير . .
كل الشغلانية دي ممكن بتم في ساعتين أوثلاثة على أكثر تقدير
بعد كده تمسك الشارع على طول وهو أيضاً أفضل من السابق بكثير ( عن طريق عطبرة )
لو عندك سؤال في نقطة محددة حاضرين
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: السيد أحمد إبراهيم)
|
الله يعدل طريقك أخوي...
كانت عندي تجربة ليست جميلة...ومعاي العائلة .. أطفال وعفش..وتلتلة لا ليها أول لا ليها آخر..
المهم..
طبعاً أكعب حاجة السواقة والحفر المفاجئة اللي بتظهر ليك في الشارع..
والشاحنات الطوييييييييييلة.. عشان تتجاوزها لازم تمشي بسرعة كمان.. أها في المدة البتكون قاعد تتجاوز الشاحنة..
ممكن تقع في حفرة أو مجرى في الأسفلت .. معمول بالمقاس عشان يصطاد سيارات المغتربين المرطبين..
الكلام دا طبعاً على طريق سواكن درديب كسلا القضارف..
الطريق بتاع عطبرة قالوا سمح... لكن عندي زول نجى بأعجوبة من حادث غريب جدا...على نفس الشارع الجديد دا..
نهايتو...
أحسبها بالمنطق.. إذا كان سعر (شحن) السيارة بيخارج معاك...أشحنها من سواكن ولا من بوتسودان وتوكل على الله..
ودرب السلامة..
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: Mahmoud Mustafa Mahmoud)
|
Quote: الطريق بتاع عطبرة قالوا سمح... لكن عندي زول نجى بأعجوبة من حادث غريب جدا...على نفس الشارع الجديد دا..
نهايتو...
أحسبها بالمنطق.. إذا كان سعر (شحن) السيارة بيخارج معاك...أشحنها من سواكن ولا من بوتسودان وتوكل على الله..
|
الأخ محمود مصطفى
تحية وتقدير
شارع عطبرة قالوا كويس وأقرب وأنضف , بس ما عارف الخدمات في الطريق فيهو متوفرة ولا لا
وكمان بالنسبة للمشي بالليل , لأنو الواحد بنزل من الباخرة العصر تقريبا , وأيهما أفضل المبيت
في سواكن ولا السفر طوالي ؟
احترامي
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: السيد أحمد إبراهيم)
|
Quote: بالنسبة للدفع الرسوم معروفة وأجرة المخلص معروفة ومافي داعي المفاصلة ( عدا التأمين )
التأمين المناديب بتاعين شيكان بيرفعوا ليك قيمة العربية عشان كده القسط بيكون مرتفع
فتحاول تنزل قيمة العربية عشان ماتدفع كتير . .
كل الشغلانية دي ممكن بتم في ساعتين أوثلاثة على أكثر تقدير
بعد كده تمسك الشارع على طول وهو أيضاً أفضل من السابق بكثير ( عن طريق عطبرة )
لو عندك سؤال في نقطة محددة حاضرين
|
الأخ الكريم السيد احمد ابراهيم
تحية وتقدير
عميق شكري للاهتمام وهذه الافادات
بالنسبة للدفع البهناك في ميناء عثمان دقنة
يا ريت لو تدينافكرة عن الرسوم حقت الميناء و بالنسبة للمخلص وتأمين السيارة وأي رسوم تانية
وبالنسبة للدفع الساي كمان التساهيل يعني , وما ديرين نتغش ولا نتلوم مع زول .
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: Mohd Ibrahim)
|
ماتستغرب لانو ديل اكتر حاجتين "بتفقعو" في رحلتك دي...
عندي احساس انك مضطر..لو ماكدا احسن تسافرالطيران الرخيص دا انا بديك واحد ياجر اتوس ب50 الف في اليوم..
بتتذكر كلامي دا لما تملي بنزين او تتقفل في شارع رئيسي اكتر من ساhour لانو اتنين مافي واحدعايز يتنازل للتاني.. او عادي بتاع الحركة ماجا اليلة
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: Mohd Ibrahim)
|
Quote: هي المرة الأولى التي أنوي فيها السفر للسودان برا ( تربتك ) أسألكم أولا الدعوات |
اخى العزيز فى الدعوات تب ما بنقصر معاك ربى يحفظك ويغطيك ويوصلك بالسلامه وترجع بالسلامه وامنياتنا بى قضاء اجازه سعيده بين الاهل والاحبة اجازه خالية من المعاناة المادية فى المقام الاول ..لانه دى كان ختتك تب عوجة ما بتجيك
Quote: ثم النصائح والخطوات الواجب اتخاذها . |
اما دى نتركها لذوى الاختصاص والاخوان ما بقصروا معاك سلام وكل سنة وانت طيب
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: soma)
|
Quote: اجازه خالية من المعاناة المادية فى المقام الاول ..لانه دى كان ختتك تب عوجة ما بتجيك
|
الأخت العزيزة / soma
تحياتي
مشكورة كتير على الدعوات الطيبات
وبالنسبة لمعاناة المغترب المادية في الاجازة أصبحت شئ عادي جدا , مهما عمل حسابو , بيحس انو
بيعاني من شئ ما , زي الاستعداد للعيد , مع انو الناس عارفنو حيجي متين , ولكن يقولو ليك العيد
ضايقنا وجاء خلاص .
شكرا مجددا أخيتي
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: Mohd Ibrahim)
|
Quote: ماتستغرب لانو ديل اكتر حاجتين "بتفقعو" في رحلتك دي...
عندي احساس انك مضطر..لو ماكدا احسن تسافرالطيران الرخيص دا انا بديك واحد ياجر اتوس ب50 الف في اليوم..
|
الأخ الكريم / Mohd Ibrahim
تحية وتقدير
نصيحتك مقدرة , وبنحاول نطول البال تب ونحافظ على باقي الفشفاش وحبة المرارة الفضلت دي
لأنو أكتر من نصها أتفقع في الغربة دي .
أهة بالنسبة للأتوس ما بتشيلنا أنا والمرة والبنيات في الشوارع الكلها حفر ديك .
فأخير لينا حديدتنا العندنا دي بنعرفها وبتعرفنا ومتعودين عليها وشايلانا تب .
بس الله يكفينا شر القفلة في الشوارع وتفويل البنزين .
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: abdalla osman)
|
Quote: اجازة سعيدة يا بشير .. اغشى شارع الحرية شيل مكيف وشارع الجمهورية شيل جنريتر ثم برندات السوق العربي تشيل عدد 4 عراريق خفيفة واسألني كان المتعة ما حصلت .. بالسلامة يا صاحب .. |
الأخ abdalla osman
تحية وتقدير وشكري للدعوات الطيبات
نصائح ضرورية بالتأكيد
نحن عايزين نصائح ما قبل شارع الحرية وشارع الجمهورية .
احترامي
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: البشير دفع الله)
|
الأخ البشير أنا مشيت كتير وزمن الدرب كعب كمان درب بورتسودان الخرطوم ومن ابو ظبي ومن الدوحة أسع الحكاية سهلت سهلة شديدة بطريق عطبرة فالسفرة بالسيارة إن شاء الله رابحة ولو لم يكن فيها إلا أن سيارتك في يدك هناك وترتاح من الايجار والملطشة بتاعة المواصلات وضياع الزمن لكفت وخاصة أنت في خشم البحر يعني كانك مسافر من بورتسودان
ياخي انا مشيت بلا سيارة واضطرت للايجار اجرت سيارة قدر البنبر وبي خمسين ألف جنية وتتعتر بها في الخرطوم بس أوعى من تمرقك جاي ولا جاي
دحين اتوكل على الله واستخير وسيارتك واركب الظلط وربنا يوصلك بالسلامة ويقيك شر كل ذي شر
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: كمال عكود)
|
سلامات يا البشير أمنياتي لك بسفرية مريحة وإجازة سعيدة بين ربوع البلاد وبين أنفاس الأهل الدافئة ليست لدي نصائح لأقدمها سوى معرفتي بأن إيجار السيارات بالخرطوم غالي جدا.. ورأيت الأخوة بعضهم ينصح بأخذ سيارتك معك وهي تكلفة وبين شراء سيارة في الخرطوم وهذا سيزيد في تكاليف السفر غايتو، أمنياتي لك بالتوفيق وأستخير قبيل أي شيء مودتي
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: غادة عبدالعزيز خالد)
|
Quote: ليست لدي نصائح لأقدمها سوى معرفتي بأن إيجار السيارات بالخرطوم غالي جدا.. ورأيت الأخوة بعضهم ينصح بأخذ سيارتك معك وهي تكلفة وبين شراء سيارة في الخرطوم وهذا سيزيد في تكاليف السفر غايتو، أمنياتي لك بالتوفيق وأستخير قبيل أي شيء
|
أهلا ومرحبا بالأستاذة / غادة عبد العزيز خالد
شاكر لك الدعوات الطيبات والحضور الجميل .
احترامي وتقديري
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: كمال عكود)
|
Quote: ياخي انا مشيت بلا سيارة واضطرت للايجار اجرت سيارة قدر البنبر وبي خمسين ألف جنية وتتعتر بها في الخرطوم بس أوعى من تمرقك جاي ولا جاي
دحين اتوكل على الله واستخير وسيارتك واركب الظلط وربنا يوصلك بالسلامة ويقيك شر كل ذي شر |
الأخ الكريم / كمال عكود
تحية وتقدير كبيرين
شاكر لك الدعوات والكلمات الطيبات
كلامك يطمن تب ويملأ الزول يقين
جزاك الله خير
| |
|
|
|
|
|
|
Re: أنوي السفر تربتك قريبا أسالكم الدعاء و النصح والتوجيه (Re: احمد التجانى احمد)
|
Quote: الاخ البشير دفع الله تحياتى و نسال الله ان ييسر أمرك ويحفظكم من كل شر بعض الاخوان سبقونا وكتبوا خريطة طريق جيدة للتربتيك سوف تفيدك كثيرا فى رحلتك ولكن هذا لايمنع ان ادلو بدلوى فى هذا الموضوع فقد سافرت فى منتصف يوليو الماضى ورجعت فى يوم 3 سبتمبر وكانت تلك رحلتى الاولى وحقيقة الرحلة كانت جيدة اولادى فرحوا بها كثيرا لما بها من تغيير ومشاهد جديدة ولكن وصلت لقناعة تامة بعدم تكرار الامر مرة اخرى واليك بعض الانطباعات تكلفة الرحلة ذهابا فقط على الباخرة (رحمة من شركة نما للملاحة) لى وزوجتى واطفالنا الثلاثة (واحد رضيع) بالاضافة لنقل السيارة مع دفتر التربتك كانت حوالى ال 3500 ريال على الدرجة الاولى الممتازة – الباخرة جيدة ونظيفة وانصحك بها برغم انها بطئية نسبة لكبر حجمها ولهذا البطء ايضا فائدة عظيمة انكم لن تتاثروا بدوار البحر اقطع تذاكرك ذهاب فقط وذلك لتفادى احتمالات عدم انتظام رحلات تلك الشركة او احتمالات ان تغير رائك من تلك الباخرة بسبب انطباع تولد لديك من خلال تجربة الذهاب لا تحجز فى غير الاولى الممتازة لوجود حمام داخلى خاص احرص على اخذ مؤونة طعام كافية خلال الرحلة بالباخرة ولا تعتمد على شراء الطعام من مطعم الباخرة (ما بتشكر) احذر ان تكون سيارتك مظللة الزجاج والا سوف تكون هدفا ثابتا لكل رجال المرور وسخافتهم لا تاخذ معك جهاز لابتوب وان كان ولابد فحاول امسح كل الفايلات حقت الصور والمستندات (بتاع الامن مسك جهازى ساعة واربعين دقيقة فتشه ملف ملف) مندوبى المهاجر لابد ان يأتوا لك بالإيصالات مع الشرح للمبالغ التى دفعت وسوف يطلبوا اتعابهم فى النهاية فما تذيدهم من 50 جنيه وكذلك عتالة الميناء حسب العفش لكن عموما 50 الى 70 جنيه البنزين تكلفته اربعة اضعاف ما تدفعه هنا تفادى المبيت بسواكن وان كان ولابد من المبيت اذهب لبورتسودان على بعد 55 كلم وهى مدينة راقية تستحق الزيارة يوجد بها فنادق رائعة ويكون اجمل لو اقتطعت لها يوم من اجازتك لرؤية اكبر قدر من معالمها ودة باعتبار انك ما اهل عوض وما عندك مشاوير فى مجاهل الضهارى تدخر لها ايام الاجازة القصيرة مهما طالت الصيانة الوقائية وفحص الكفرات مهم جدا قبل التفكير فى السفر والا ح تكون اجازتك بين البناشر والميكانيكية وناس الاسبيرات الاشراقات فى هذه التجربة تتمثل فى مصاحبة سيارتك معك وهى بالتاكيد لاتقارن مع سيارات التأجير الباهظة التكاليف مع تواضع المظهر والحالة العامة وحقيقة استفدت كتير من العربية ايام الامطار الثقيلة التى هطلت فى الخرطوم برغم استهلاك الوقود العالى 4000 سم مكعب سعة ماكينة عربتى وما دعانى للعزم على عدم تكرار السفر برا مرة اخرى هو اجراءات الدخول من ميناء جدة واستلام السيارة حيث استغرقت حوالى الخمس ساعات انتظار بعد ختم الدخول حاجة اخيرة ماتستعجل الذهاب لميناء سواكن فى رحلة العودة فالباخرة بتوصل متاخرة الساعة اربعة ونصف عصرا والاجراءات لركاب العودة تبدا بعد وصول الباخرة فلا تذهب قبل الثالثة عصرا وهذا ما استطعت تذكره ولو فى باقى بنرجع تانى وتمشى وتجى بالسلامة |
الأخ أحمد التجاني
تحية وتقدير
مشكور جدا
كفيت وأوفيت
الله يديك العافية
| |
|
|
|
|
|
|
|