|
شاغلة روحي وقلبي المعاك أنا وين لقيتك لامن آباك! يعلم الله انا فى سدرك (صدرك) ومشتهاك!
|
الصغيرة شجيرة الأراك ياقمر عشرة الفي سماك شاغلة روحي وقلبي المعاك أنا وين لقيتك لامن آباك القمر بوبا عليك تقيل
العيون الما بدمعن نامن أو صاحيات يبرقن لا بصيدن لا بعشقن سرهن في الجوف يحرقن كشفن رموشن أو غمضن كلو موت ماتقول برحمن القمر بوبا عليك تقيل
الصغيرون الما كبير الرقيبة قزازة عصير السنون براقن يشيل العيون متل الفناجيل مابتحش قش التناقير مابتشيل جردل على الزير الزراق فوقا تقول حرير شتتي الشبال يا ام ضمير خلي قلوب الصبيان تطير انتي ريحتك دمور فرير ولا بت السودان اصيل القمر بوبا عليك تقيل
الجزير ام بحرا حما فيك روحي وحبي النما مابسيبا ان بقا في السما ما بخلي الناس تظلما روحي في دربك سايمة يا غرق يا جيت حازمة القمر بوبا عليك تقيل
القديمة قديم الحمام الودزين في موجو عام يا ما رايقة قليلة كلام وا حلاتا تقول السلام القمر بوبا عليك تقيل
الغزال الفوق في السلم المحبة تزيد الألم كل يوم اصبح لي في هم سيسبان عودك منظم شمعدان نفسك ياام ختم البرتكان نهدك مدردم القمر بوبا عليك تقيل
الصغيرون ام الجنا ياكريم ربي تسلما تبعد الشر من حلتا جنة للأم الولدتا الفي جبل عرفات وضعتا تسلم البطن الجابتا دي ترباية حبوبتا التميرة الفي سبيطتا الصفار صابغ خضرتا معزورة امها كان دستا وا هلاكي الناس شافتا معزباني انا ود حلتا القمر بوبا عليك تقيل
الدفيفيق الدابو ني البسيمتو بتكويني كي اهلو ضنو عليه وعلي حبها النساني والدي ما بخليك ان بقيت حي يا قصيبة السكر الني نهدك الما رضع جني ووب على امك ووبين علي القمر بوبا عليك تقيل
الديوان الديمة مقشوش بالزهور والورد معروش بالحرير الأصلي مفروش ريحتو مايقوما بلا رتوش كان دا وصفو ماهو مغشوش قدروا الساكنينو في الحوش القمر بوبا عليك تقيل
بحر الدميرة العض ونزل مرة يسقي الفل والنخل فيهو عام وزينا وقدل يانى انا البيك عقلي انشغل بعت روحي عشان ليك اصل وانت ابعد لي من زحل يا قمر بوبا عليك تقيل
المبارك شيخ الظهر العليك ساسقت وفتر قلي جنيت ولا دستر واي أنا المرضان مكنتر جابو لي حكيم خير وشر قالي يا زول مرضك كتر سببك ام شلاخا خضر القمر بوبا عليك تقيل
الناس الحاقظة يرجى التكرم باجراء التعديلات لاى اخطاء غير مطابقة للنص الاصلى! جنى
|
|
![Edit](https://sudaneseonline.com/db/blank.gif)
|
|
|
|
|
|
Re: شاغلة روحي وقلبي المعاك أنا وين لقيتك لامن آباك! يعلم الله انا فى سدرك (صدرك) ومشتهاك! (Re: jini)
|
السلام عليكم
...
Quote: القديمة قديم الحمام |
... يا جني تعرف مرات بحس انوالتشكيل ده مهم جداً في اللغة العربية وما عارف لو ما كان عمك الأصمعي ده جابو كنا عملنا شنو القِدَيمة بمعنى تصغير للقدم وليس بمعنى قديم Old والمقصود أن قدمها تشبه في نعومتها باطن أقدام الحمام ....
Quote: الودزين في موجو عام |
المقصود الوزيزين وهو تصغير لكلمة وزين وهو اللفظ العامي لكلمة "الأوز" ... ملحوظة: الأغنية مليئة بالتصغير والتصغير في هذه الأغنية معظمه به التمليح (من الملاحة) .
| |
![Edit](https://sudaneseonline.com/db/blank.gif)
|
|
|
|
|
|
|