|
Re: مسألة مستعجلة بالبرلمان حول ارتفاع أسعار السكر....ولاعـزاء لسكان حـلايب المطرودين والمعتقلي (Re: بكري الصايغ)
|
ألأخ الـحـبـيـب الـحـبـوب، احمد محمد بشير، تحياتي ومـودتي، وسـررت لقدومك الكريـم، وتعليقك الـمقدر.
***- وصلتني رسالة من أخ سوداني يقيم بالقاهرة يقول فيها، ***- ( لو فضلت ياود الصايغ تكتب عن حلايب وتهاجم الحكومة وسياساتها تجاه حلايب، وركبت رأسك واصريت علي المعاندة مناقرة المسؤولين المصريين، تاني اصلك ماحتقدر تدخل مصر، وممكن يرجعوك من مطار القاهرة لو وصلت لها ويرجعوك بنفس الطيارة الجيت بها،وحصلت قبل كده مع سودانيين كتار، وحتي حصلت كمان لمسؤولين كبار بحكومة الخرطوم،
***- يازول صم خشمك ولم لسانك الله يهديك!!!، حلايب الحكومة السودانية ماقدرت ترجعها حترجعها انت بمقالاتك وكتاباتك?!!، ياخي الحكومة في الخرطوم سكتت، والبرلمان رفض مناقشة الموضوع، والمستشار الياسي رفع البيرق وقال عاوزنها منطقة تكامل، اها،.. البشير ذاتو ابي يفتح الموضوع مع حسني مبارك!!!، ونحنا هنا السودانيين في مـصر لابنتكلم ولاعاوزين نسمع اي كلام عن حلايب، عاوزين ناكل عيشنا ونعيش في مصر مادام الانقاذ طردتنا من بلدنا!!!، يعني وين نمشي تاني ياصايغ?!!!!............يازول، روق الله يهـديك!!!
|
|
|
|
|
|