|
انى بنجو مع العفش ... شوف حقارة النسوان ديل عليك الله
|
ماعندنا شغلة غير الموبيليا والاثاث فى السودان
سيطرة تامة على وسائل الاعلام من الناحية الدعائية
جننتونا وجبتولنا الارتكالية والبلهارسيا خاصة فى جيوبنا
وبعدين النسوان ما صدقن .
اتحمرن واتشمرن وفى المعارض قدلن وعزلن و جنب الغرف الغالية حرنن
وليجيوب الرجال خرتن واخر حاجة شنوا
ما مصدقاه اخد ليها العفش وقالت ليه روح انت براك انى بنجو مع العفش
والله عاد حقارة .
|
|
|
|
|
|
|
|
Re: انى بنجو مع العفش ... شوف حقارة النسوان ديل عليك الله (Re: ALZOLZATOO)
|
Quote: الاستاذة دانيا سلامات سلامتك من الجلطة يا استاذة فى الحالة دى عليك تزرى على الزول شوية وهو سوف يشتريها لك . ولا ما ضبحتى الكديسة؟؟ |
الجلطه من الاغنيه وسخافتها مش عشان عاوزه اشتري, و حتى لو عاوزه اشتري الاغنيه بتخليني اغير رايي
الزول زاتو
انا والله برضه اول مره اعرف انه يونيتات جمع يونت, يقابلها بالعربي فضيه, او فضيات و في مصر يقال نيش
| |
|
|
|
|
|
|
Re: انى بنجو مع العفش ... شوف حقارة النسوان ديل عليك الله (Re: Dania Elmaki)
|
أنا ما عندي مشكلة كبيرة مع الإعلانات السودانية البتجيب الجلطة والسكتة الدماغية، لكن مشكلتي "الأثاثية" مع بعض برامج قناة زول "الترفيهية" زي مسابقة (وزنك يا زول) .. يعني شنو يجيبوا لينا كيس فيهو فاصوليا ويسألوا: "الفاصوليا دي وزنها كم؟" ولا كيس بامية، ويسألوا: "البامية دي وزنها كم؟" منتهى العبط ... وأغلب مذيعات القناة ما عندهم أيّ علاقة بفن التقديم ولا عندهم قدرة على إدارة حوار مع المتصلين.
ولو عايز أيّ حاجة، من عند "هلا" هات وهايييييييي
| |
|
|
|
|
|
|
Re: انى بنجو مع العفش ... شوف حقارة النسوان ديل عليك الله (Re: عادل عبدالعزيز عبد الرحيم)
|
الحبيب هشام ادم مرحبا بك
ثم ثانيا انا مش الغايظنى الدعايات وحقارة المرة ( نادية احمد بابكر ) دى بسحارقانى حاجة تانية الاسعار
مرة اشتريت غرفة اطفال لاولادى فى جدة بمبلغ 2200 ريال يعنى حوالى مليون و450 الف جنية ونفس الغرفة دى شفتها فى الصين قيمتها حوالى 250 دولار يعنى حوالى 650 الف جنية سودانى تخيلوا فى معرض الخرطوم قابلتنى نفس الغرفة فى معرض احدى الشركات العارضة فى المعرض بدون ذكر الاسم
مكتوب عليه بعد التخفيض 3 مليون و500 الف جنيه
لماذا كل هذا الغلا الفاحش هل للجمارك والضرائب والزكاة وناس البلدية وغيرهم دور فى كدا ولا جشع التجار هو السبب
دا المحيرنى لحدى الان
وبرضو انى بنجو مع العفش ( لكن العفش الرخيص )
| |
|
|
|
|
|
|
|