|
Re: اساسي ياود يا نطاسي معاك عمو وهبة الحداسي (Re: Hassan Makkawi)
|
Quote: عليك الله في خيمة خالك وهبة دي سو لك نمّة |
الله بنعزو لكن بتخسرونا علاقة مثمرة بوزراء مستقبليين(ياخى تمبس انا ابيت أهنيه حفاظا على هذه المكاسب)[/B]
نايبك كارجو والعين صاره وماكل شيه والشربوت معاهو مراره منتظرين نحاسك يعوى والنقاره ماقايلين نهايتك تبقى نقرة فاره
| |
|
|
|
|
|
|
Re: اساسي ياود يا نطاسي معاك عمو وهبة الحداسي (Re: عبدالوهاب علي الحاج)
|
وهبة,,, الواحد ما ينوم في البورد دا ولا شنو , امس مشيت من البورد وخليت الامور كالعادة صاحبنا امره في ضيق وكربة الم اقل لكم انه لا يعرف الا منطق القوة (ربيب الشارع) , والذي لجأ لبكري مولولا نائحا الحقني يا بكري يا كبير كاااااااك ـــــ
ساعود الي موضوعنا الادبي والذي افُترع له هذا البوست
| |
|
|
|
|
|
|
Re: اساسي ياود يا نطاسي معاك عمو وهبة الحداسي (Re: ALZOLZATOO)
|
Quote: الملكة الشعرية بتاعتي Not O.K في هذا الصباح اتوقع ان تشتغل بعد الفطور ... اتمنى ذلك
____ ونرحب بمساهمات الاصدقاء خارج المنبر على العنوان التالي [email protected] |
سلام ياعمنا وهبة ونتمنالك ركزة بعد الفطور شايفك لميت جماعتك جوا وبرا ومعاهم بلة الدكتور وماكم خابرين إنو عمدتنا تخصصو نجاض القَبور؟! وفي الختام حباب الراجل الكلس المك ود طيفور
| |
|
|
|
|
|
|
Re: اساسي ياود يا نطاسي معاك عمو وهبة الحداسي (Re: عبدالوهاب علي الحاج)
|
لو عندك آس فى الأمن وشايب فى تشكيلة الوزرا ودامه نضيفه فى المجلس سمى مربوطه. واربط صلبك فوق الكرسى وخلف الشاشه وكلم ناس سوسو وجى جى وناس عاشه وغمض واضرب بالماوس جوا الهاوس حتى ينهد جدار برلين وشايب الأسود ود ملين.
لو عندك حزمة جنرالات وجوزين ساسه فى الوطنى اسكت عارض وما تخاف العارض. لو سميت المربوطه أكيد حايكون فى الشعب قبولك لو حسيت بالإسنا قريبه خلى جهاز الأمن يجوطا.
لو عندك آس فى الحزب الحاكم وشايب شيريا ودامه وعشره وثلاثه أنفار فى الأمن الوطنى سمى عشره والكيبورد خليهو سنين ونقر الفاره يكون مظبوط ظبطه تحرك أى مسيره وأى مسيره اضرب آسا بالأنفار والدنيا نهار ليستشهد أحد الثوار وبعد البارتى والشانبين والذى منو تتسيد ركب الأحرار.
وتانى نعيد السيره الأولى سيرة المهدى وود تورشين وعنبر جودة والضعين وانانيا ون وتو وثرى ونخدع جون والود عوضين ولو ماسكتوا ناس دارفور ندق الواحد دق التور ونفلع أدروب بالطوب ونضرب تيه ونقرص كوكو بالزرديه ونمشى عرايا ونسكر لط ونجلد عزه الماشه غلط واى سيك ميك تسمع chيك وكان الجيش عايز دشمان نديها نسيبنا ودعثمان ونرجع تانى للكيبورد وخطاب اللورد.
| |
|
|
|
|
|
|
|