الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
تحت زخات المطر - نزهة صباحية مصورة
|
كان يوم امس يوما خريفيا جميلا
خرجنا فى الصباح الباكر
انابقصد التنزه
والبنات لقيادة الدراجات فى الهواء الطلق
فوجئنا بالغيم يتحول لمطر لذيذ حتى قبل أن نخرج
اصرت البنتان على الخروج وعلى اخذ الدراجات معنا
هكذا بدا الشارع
مركز اللاند مارك
الامطار توقفت قليلا قلنا نذهب لحديق اسبير وهى حديقة كبيرة جميلة انشأت حول المدينة الرياضية
فى الطريق نفق اللاند مارك على طريق الشمال
|
|
|
|
|
|
|
|
Re: تحت زخات المطر - نزهة صباحية مصورة (Re: هشام المجمر)
|
وصلنا اسبير وحدائقها الغناء
انا قلت للبنات ننتظر شوية المطرة شغالة
سارة قالت لى اصلو المطرة دى حشرات
الكلام كمل جابت ليها منطق
نزلنا
وركبنا العجلات
الشجرة المستوردة الجميلة اكيد فرحت بالمطرة
و بدلنا وفى اللحظة دى المطرة شدت
| |
|
|
|
|
|
|
Re: تحت زخات المطر - نزهة صباحية مصورة (Re: هشام المجمر)
|
الجماعة ديل لبدتو تحت الخيمة الجميلة دى وهات يالعب
نحن لبدنا جوة العربية
سهى قالت احسن ندفى بالشيبس
و سارة زعلانة عشان دخلنا العربية مصرة انو المطر ما حشرات يا حسين
وكمان الجماعة الخواجات ديل جابو لينا الكلام
لا هماهم مطرة ولا برد
| |
|
|
|
|
|
|
Re: تحت زخات المطر - نزهة صباحية مصورة (Re: jini)
|
سلام يا جنى يا صديقى
و حمد الله على سلامتك من سيول جدة
جمال بروتين قال ليك : يحي انا حاضنو و نايم معاهو وما بخلى يمرق فى المطرة دى"
بالمناسبة الامطار الغزيرة مستمرة حتى الآن فى الدوحة
بعد كه النرعى لينا زراعة
| |
|
|
|
|
|
|
Re: تحت زخات المطر - نزهة صباحية مصورة (Re: هشام المجمر)
|
وصلنا حديقة البدع
سهى صارة وشها عشان ابينا ننزل العجلات لأنها ممنوعة فى الحديقة
سارة بتحاول تشرح لى سهى انو العلامة دى معناها العجلات ممنوع و بهناك القدوم ممدود و سائدة حالة عدم اقتناع
فجأة فتحنا للموضوع وجرينا بلا عجلات
انتظرينى
| |
|
|
|
|
|
|
Re: تحت زخات المطر - نزهة صباحية مصورة (Re: هشام المجمر)
|
الصور غير انها جميلة، كل واحده فيهم بتمثّل قيمة كبيرة لي... كنا ساكنين في الدحيل، على بعد دوارين من اللاند مارك.. وبمر بيه كتير.. الGym الكنت بمشي ليه موجود مباشرة مقابل اللاند مارك...
كنت بمر باستاد خليفة كل يوم في طريقي للشغل... وكنت بسرح في جمال منظر الاستاد ده...بس ما حضرنا لما عملوا الحديقة دي...
الكورنيش بخلعني في كل مره أمشي ليه، إدارة شغلنا كانت هناك، كنت بمشي كل فترة ما بانتظام... وكل ما امشي بشوف الخليج بشكل تاني... وعلى الرغم من انه الدمام تطل على نفس الخليج، إلا إنه والله ما هو...
يا حليل الدوحة والله... اكتر مدينة اثّرت في نفسي، ولازلت بتمنى أرجع ليها، رغم انه اهلي سابوها....
ألف شكر.. وتحية لبناتك... والله اكتر شي عاجبني صحبتك ليهم دي...
| |
|
|
|
|
|
|
Re: تحت زخات المطر - نزهة صباحية مصورة (Re: هشام المجمر)
|
المجمر يا جميل
اولا ربنا يخلي ليك الامورات الحلوات سارة و سهى تاني شي و الله شوقتنا نجي نزور قطر اجازتي الماضية كنت متردد ما بين قطر والامارات و أخيرا اخترت الامارات لكن و الله تأدبت ادب المدائح سخانة ورطوبة.
| |
|
|
|
|
|
|
Re: تحت زخات المطر - نزهة صباحية مصورة (Re: الصادق خليفة)
|
الاخ الصادق خليفة
سلام
Quote: تاني شي و الله شوقتنا نجي نزور قطر اجازتي الماضية كنت متردد ما بين قطر والامارات و أخيرا اخترت الامارات لكن و الله تأدبت ادب المدائح سخانة ورطوبة. |
مرحب بيك الف تعال وما حتندم بس اختى شهور الصيف
| |
|
|
|
|
|
|
Re: تحت زخات المطر - نزهة صباحية مصورة (Re: Siham Elmugammar)
|
ماذا أقول عن مدينة ولدت وترعرعت بها؟؟؟ الدوحة .. لوحة !! والقطريين أحلى ناس . وصور أسباير رجعتني لي ذكريات جميلة في حلتنا زمان (العزيزية) .. مكان أسباير ده زمان كان (خلا صي) وكنا بنحوم فيهو بالعجلات الـBMX بحثاً عن نبتة اليراوة .. وكان من أبرز معالمه (الضب البري) و (الجربوع الأبيض) .. وسبحان مغير الأحوال !! ذكرتني بالاند مارك طيب الذكر (الكَرَكْ) ، في محل بي هناك بنجيهو طوالي لمن عملنا للهندي وجع وش
بوست أكثر من رائع وصور منعشة للغاية .. لك التحية يا هشام المجمر .
| |
|
|
|
|
|
|
Re: تحت زخات المطر - نزهة صباحية مصورة (Re: محمد عبدالله مختار)
|
عبدالله مختار
سلام
والله صورة الشاى الكرك دى الذ صورة
تعرف صديقى جمال بروتين مابعرف يبدا يومو من غير يشرب الشاى الكرك
بتو ابتسام الصغيرة قالت ليهو شنو يا بابا انت كل يوم شابكنا شاى " كرع " هو الكرع مافى غيرو
اها محلات الكرك الصاموتى لغاية الليلة اللمة الشديدة و زحمة العربات
اما قصة الخلا الصى دى بقت من الماضى و تعال شوف البهجة حسع كيف
اسبير متعة النظر
ولك الف تحية
| |
|
|
|
|
|
|
Re: تحت زخات المطر - نزهة صباحية مصورة (Re: هشام المجمر)
|
Quote: اما قصة الخلا الصى دى بقت من الماضى و تعال شوف البهجة حسع كيف |
جيت يا ود المجمر قبل آسياد الدوحة 2006 بشهور وكنت أمر بشكل شبه يومي بجوار برج شعلة الآسياد وأنا في طريقي لمنزل عمي (على مختار) بالعزيزية ، اشتغلت بهناك كم شهر وبعدين رجعت السودان .. الزمن داك كنت عزابي ، لقيت ليك الحياة بهناك صعبة جداً لمن يكون الزول براهو ولولا انو ناس عمي موجودين بي هناك وخاصة ود عمي سوار الدهب الكان معاي طوالي والله ما ظنيت كنت أقدر أكمل الشهور القضيته بي هناك .. ما بنسى أبداً بعض أصدقاء الدراسة القطريين الجوني مباشرة بعد ما عرفوا اني رجعت الدوحة خاصة ود حلتي زمان (محمد الشافعي) ، ياخ القطريين ديل ناس أصيلين بشكل يفوق التصور لكن .. حقيقي الصورة مختلفة لمن الواحد يكون بعيد عن والدو ووالدتو واخوانو ..
تقبل تحياتي
| |
|
|
|
|
|
|
Re: تحت زخات المطر - نزهة صباحية مصورة (Re: هشام المجمر)
|
مدت البوز حقتنا ياهشام هههههههه..لكن عند سهى عسل عديل كدا ..ياخ استمتعت جدا بالبوست دا ..حاولت اعمل زيكم والف (براااى طبعا) اكتشفت انو الدوحة بالجد جميلة ..الاحساس بالاشياء هو البديها الجمال .. تحياتنا لساره وسهى ..وماشاء الله تبارك الله عليهم ...
| |
|
|
|
|
|
|
Re: تحت زخات المطر - نزهة صباحية مصورة (Re: محمد عبدالرحمن)
|
العريس محمد عبد الرحمن
سلام يا نسيبى
بيت مال و عيال والله منعتنا ظروف قاهرة عن حضور الاحتفال
Quote: مدت البوز حقتنا ياهشام هههههههه..لكن عند سهى عسل عديل |
الحمد لله الطلعت بتاعتكم
انا رميتها فى عماتها
تحياتى لك وللعروس
تحت تحت
ما بقيتو تلاتة
| |
|
|
|
|
|
|
Re: تحت زخات المطر - نزهة صباحية مصورة (Re: هشام المجمر)
|
شكراً هشام ،
صور روعة وأروع منها إنك تكون مع البنيات وتلعب معاهم وتصاحبهم ، هذه هي متعة الحياة الحقيقية . ربنا يخليهم ليك وأمهم وتسعد بيهم كمان وكمان .. في ظلال الرذاذ والمطر الدعاش وأهل الدوحة الظريفين الطيبين الودودين .
بالله عليك كتر من صور تلك الأشجار الغريبة والعجيبة والجميلة الموجودة في حديقة الاسبير زون والتي جمعوها من مختلف البلدان وغرسوها في تلك الحديقة وصارت من معالمها ، وكأنها من عجائب الدنيا .
في آخر زيارة لنا للدوحة وكانت قبل رمضان الماضي بعشرة أيام تقريباً ، مكثنا في الدوحة زي إسبوع ، تعرف ..كل يوم خلال ذاك الاسبوع كنت بمشي حديقة الاسبير زون عشان أتفرج بس على تلك الأشجار الغريبة والعجيبة ؟!
حاجة تمخول بجد ؟!
يديك العافية أخي هشام ، وواصل هذا التدفق الرائع .
تخريمة : هشام وجني :
لكن يا ود المجمر الأمطار والرذاذ ما عندكم .. مش زي أمطار ناس (جني) الكلها كوارث وغرق وموت وفيضانات وطفح مجاري .. وهلمجرا ؟!!
لكم الله أخي جني .. وزي ماقالوا بعض ناسنا ، ناس الرياض الحاقدين : (حوالينا ولا علينا ) ؟!!
مودتي ،
( ليمو )
| |
|
|
|
|
|
|
Re: تحت زخات المطر - نزهة صباحية مصورة (Re: abdulhalim altilib)
|
الاخ ليمو سلام
وشكرا على التعليق الجميل
اسبير زون و حديقتها الجميلة فعلا معجزة من معجزات الجمال
والاكثر جمالا انها مفتوحة لكل بنى البشر ولكنها تزداد جمالا كل يوم
انظر لعمال النظافة هؤلاء يجوبون الحديقة على مدار الثانية لتخليصها مما يفعل البشر لم تمنعهم حتى الامطار من اداء واجبهم النبيل
| |
|
|
|
|
|
|
Re: تحت زخات المطر - نزهة صباحية مصورة (Re: هشام المجمر)
|
علاء الدين محمد بابكر
سلام
Quote: تعرف يا هشام، اندمجت ليك في المناظر والرشاش المالي الشوارع لامن حسيت انو الكي بورد بتاعي (اتزلق)ههههه.. تسلم..ويسلمو ليك الأمورات.. علاء.. |
شكرا علاء
وبرضو لازم نشكر الكاميرا ذات الامكانيات العالية
| |
|
|
|
|
|
|
|