|
Re: الزهج الزهج الزهج ........الى ما لا نهاية (Re: عبير خيرى)
|
Quote: التغيير يا حبيبة التغيير
غيري ما تستطيعي ترتيب الأوضة الاصحاب البرنامج اليومي الشغل الدراسة الهوايات |
حاولت اغير شكل البيت لكن ما قدرت لأني لمن اكون زهجانة ما بكون عندي موتفيشن لعمل اي شي البرنامج اليومي ثابت ما بقدر اغيرو لأنو واقع الحتة الأنا قاعدة فيها بتطلب كده اما تغيير الأصحاب فبرضو فيهو مشكلة, يعني واحدة زي هيومة اللكة دي يسيبوها كيف , دي انا كلمتها عديل قلت ليها انتي قرادة و افكارنا ما واحدة لكن برضو ما بتحس و ما عايزة تسيبني في حالي
| |
|
|
|
|
|
|
Re: الزهج الزهج الزهج ........الى ما لا نهاية (Re: عمار عبدالله عبدالرحمن)
|
Quote: اتزوجى لو ما متزوجه.... |
وليد الطيب قسم السيد دا كلام لكن.. ياخوي ؟؟ . . ياسناء اختي.. تبقي سودانية كيف.. لو مابقيتي زهجانة.. لكن علي اي حال زي ما قال ليك واحد اخونا فوق .. "غيري" اعملي حاجة مختلفة.. يعني ممكن تصرخي بصوت عالي خلي الجيران يقولو جنت.. اسمعي اغاني.. ما تتسوكي او تستحمي لمدة يومين او تلاتة.. وسخي البيت.. ختي العدة في الدولاب وشيلي الهدوم ختيها في التلاجة.. واهم حاجة تنكشي شعرك. ما تاكلي واذا جعتي شديد ممكن بس اتاكدي من انك حتخلي باقي الاكل في محلو يعني ما تلمي العدة ولا باقي الاكل.. ووسخي اكبر عدد ممكن من العدة .. يعني ممكن تملي الحوض عدة وسخانة لمدة كم يوم كده ( عارفك قاعدة تعملي كده مرات) اقفلي التلفزيون.. وممكن تقطعي وصلة الكهرباء.. بالاخص لو كان عندك تلفزيون السودان.. ام سودانيس اونلاين دا ادخلي واي زول زهجانة منو او شايفه انو فاكيها في نفسو امليهو فقر لحدي ما بكري يوقفك.. . . بعداك اتحكري واقعدي في الواطة.. واتمعني في الحال الحولك.. لحدي ما تزهجي منو.. لمن تزهجي من الوضع حتقومي تستحمي وتنضفي .. وبعد ما تنتهي من النظافة حتلقي الزهجة فكت براها.. . . هي بكلمك جد.. دا علاج مجرب وناجح مية المية.. بس جربيهو .. . . . . . . . . . . . . . . هي قال ليك صرخي ما تضحكي.. بطلي ضحك وقومي اعملي القولنا ليك عليهو.. اول مرة اشوف لي زهاج بيضحك كده.
| |
|
|
|
|
|
|
Re: الزهج الزهج الزهج ........الى ما لا نهاية (Re: rani)
|
Quote: يعني ممكن تصرخي بصوت عالي خلي الجيران يقولو جنت.. اسمعي اغاني.. ما تتسوكي او تستحمي لمدة يومين او تلاتة.. وسخي البيت.. ختي العدة في الدولاب وشيلي الهدوم ختيها في التلاجة.. واهم حاجة تنكشي شعرك. ما تاكلي واذا جعتي شديد ممكن بس اتاكدي من انك حتخلي باقي الاكل في محلو يعني ما تلمي العدة ولا باقي الاكل.. ووسخي اكبر عدد ممكن من العدة .. يعني ممكن تملي الحوض عدة وسخانة لمدة كم يوم كده ( عارفك قاعدة تعملي كده مرات) اقفلي التلفزيون.. وممكن تقطعي وصلة الكهرباء.. بالاخص لو كان عندك تلفزيون السودان.. ام سودانيس اونلاين دا ادخلي واي زول زهجانة منو او شايفه انو فاكيها في نفسو امليهو فقر لحدي ما بكري يوقفك.. . . بعداك اتحكري واقعدي في الواطة.. واتمعني في الحال الحولك.. لحدي ما تزهجي منو.. لمن تزهجي من الوضع حتقومي تستحمي وتنضفي .. وبعد ما تنتهي من النظافة حتلقي الزهجة فكت براها.. . . هي بكلمك جد.. دا علاج مجرب وناجح مية المية.. بس جربيهو .. |
ههههههههههههههههه
والله يا راني بدل ما ابكي بصوت عالي قعدت اضحك بصوت عالي زي المجنونة
و نصايحك دي انا كان جربتها بمشي مستشفى المجانين عدل , انا جني و جن الوسخ و البشتنة
و خاصة وسخ البيت و الكركبة ما بستحملن نهائي , يعني تلقاني مع الزهجة صارة وشي و لاوية بوذي
و شايلة مقشاشتي و بنضف
ضحكتني والله مع اني لمن اكون زهجانة بحب اكون جادة ,شوف لي حل تاني
| |
|
|
|
|
|
|
Re: الزهج الزهج الزهج ........الى ما لا نهاية (Re: حافظ عبد النبى)
|
Quote: انصحك بعدم الاسراف فى التفكير وكمان اسمعى لاغانى حبيبنا الاستاذ ابوعركى
اقول ليك حاجه انا زاتي زهجان لكن ماكتير |
حرام عليك أغاني ابو عركي في الأيام الما بكون فيها زهجانة بتبكيني و بتهيج احزاني و بتذكرني ناس الجامعة الما عارفاهم مشوا وين
رشح لي فنان تاني و للا شوف لي طريقة تانية تفك لي زهجتي دي
| |
|
|
|
|
|
|
Re: الزهج الزهج الزهج ........الى ما لا نهاية (Re: سناء عبد السيد)
|
عليك بالفسيخ .. الفسيخ!! فإنه لك وجاء!!
إذا عندك فسيخ من السودان جاهز قومي سخنيه أفتحي التلاجة شوفي ليك 7 حبات بصل أخضر غسليها جيبي شطة خضراء مع زبدة الفول السوداني (دكوة) مع شوية ملح وأخليطها اشتري عيش/خبز/رغيف سمون (توست) يكون كامل الدسم (يعني مليان لب)
شوفي الساعة كم عندك هسع!!؟ 2 صباحا! تمام قومي يلا دخلي الرغيف المايكرويف سخني شوية كدة وتعالي دوري ...
بالنسبة للفسيخ لازم تسخني الكمية كلها عشان بعدين لو نقصت ليك لقمة زهجك حيزيد!!
أنا فكيت زهجتي كدة ... وبالمناسبة أنا متزوج والمدام أكلت معاي بي شراهة بعد داك (السكارى ما بشمو ريحة بعض)!!
الله يفك ليك زهجتك زي ما أنا فكيتها فيك هسع
أما بخصوص الألم والإحباط والتعب في كلنا في سرج واحد.
تحياتي
أمير أوية
| |
|
|
|
|
|
|
|