|
Re: عرس زمان ..... ( فيديو ) (Re: انور التكينة)
|
الاخ /أنور تحياتي وكل عام وأنتم بخير متابعين يا قريبي تحياتي لعمنا قسم السيد وربنا يعطيه الصحه والعافيه وأيضا تحياتي لجميع أهلنا بالتكينه العم محمد أبراهيم محمد توم وجدودنا ال الفحل ويا ريت تعمل لقاء مع جدنا عبدالرحيم ودالفحل مع وافر التحايا
| |
|
|
|
|
|
|
Re: عرس زمان ..... ( فيديو ) (Re: عبدالرحيم أبراهيم العبيد)
|
Quote: وأيضا تحياتي لجميع أهلنا بالتكينه العم محمد أبراهيم محمد توم وجدودنا ال الفحل ويا ريت تعمل لقاء مع جدنا عبدالرحيم ودالفحل |
الاخ عبد الرحمن تحياتى و شكرى للمرور
سأبلغ تحاياك و باذن الله انوى ان اوثق لعدد من الشخصيات البارزة خصوصا فى مجال الفكاهة و الشعر لك ودى
| |
|
|
|
|
|
|
Re: عرس زمان ..... ( فيديو ) (Re: انور التكينة)
|
Quote: يا محمد الشيخ ... انا حفلة عرسى كانت بالنور الجيلانى .. أوثق شنو ؟ |
سبحان الله، النور الجيلاني ده أنا كنت قايلو فنان جديد، هو أتاريهو من الزمن داك...!!!
أنور التكينة، نعلك نطيّب ؟
| |
|
|
|
|
|
|
Re: عرس زمان ..... ( فيديو ) (Re: معاوية المدير)
|
اهلين معاوية المدير
Quote: سبحان الله، النور الجيلاني ده أنا كنت قايلو فنان جديد، هو أتاريهو من الزمن داك...!!!
|
ما للدرجة دى يا معاوية ... انا اتزوجت 1981 و النور الجيلانى فى القمة لكن ود الشيخ دايرنى احكى ليهو عن براميل المريسة و البطان و الرقيص بالرحط ...
| |
|
|
|
|
|
|
Re: عرس زمان ..... ( فيديو ) (Re: انور التكينة)
|
Quote: حليلنا نحن يا أنور العرسنا كان خالي مريسة
قلت لي كم أردب |
لكن عندك شهر عسل يا ناذر
لو حكومتك ضعيفة ممكن تجدد نفسك في بعض ربوع السودان بنفس زخم عمنا ده..
تحياتي وشكري يا تكينة..
| |
|
|
|
|
|
|
Re: عرس زمان ..... ( فيديو ) (Re: انور التكينة)
|
الأخ / أنور
طيب التحايا وكل عام وانت بخير
ياراجل جهجهتني بقسم السيد الطيب ,تذكرت وأنا أطالع الفيديو عبارة سعد بن أبي وقاص عن أبي محجن الثقفي ( الضبر ضبر البلقاء والطعن طعن أبي محجن )علما أنه كان يضع أبي محجن في السجن فالرجل الذي أمامي هو الخال قسم السيد ودبابكر ود أبراهيم ود مختار صاحب الملح والطرائف أطال الله عمره والإسم ود الطيب .المهم ياسيدي بعد ما يخلص العرس شوف لينا شوية سلات وكورة حسوّة باقي أنا ما بحب البقنية . تحياتي لجميع الأهل بالتكينة .
أبو حمـــــــــد
| |
|
|
|
|
|
|
Re: عرس زمان ..... ( فيديو ) (Re: عثمان عبدالقادر)
|
Quote: فالرجل الذي أمامي هو الخال قسم السيد ودبابكر ود أبراهيم ود مختار صاحب الملح والطرائف أطال الله عمره |
الحبيب عثمان عبد القادر ... ما شاء الله عليك و على ذاكرتك الحاضرة .. هو فعلا كما قلت ، و لا عذر لى فى الخطأ سوى التسرع و عدم التثبت ... اعدك بمقاطع جميلة لبقية كلام العم قسم السيد و مقاطع اخرى لحامد ود أمحمد المهدى و اخرين ستشكل اضافة تراثية معتبرة باذن الله . لك ودى ، و تحاياك و صلت ... و هاك كورة العسلية دى بل ريقك .
| |
|
|
|
|
|
|
Re: عرس زمان ..... ( فيديو ) (Re: انور التكينة)
|
يا سلام ياأنور والله حاتكون حاجة روعة كلا الشخصيتين لا يشبع المرء من ظرفهما إنت عارف خالي حامد(الماصع) قال إنو مرة مشى ودأبشام ولقي دلوكة عامرة والخدم غنايات والسوط مدور وأهلك المسلمية ديل طبعا ضرّابين وعرّاضين وهو كان جمالي . قال شايل سوطي ونزلت في الدلوكة أعرض وأصوقر وأهز في الخدم ,لمن كترت الخمج ,العرب قالوا الضيف دقوا ونزلوا لي واحد عنتيل وجهامة, يقول قعدت أصوقر وأهز وأجي جنبو بالسوط وأرجع أهز في الخدم( نظام حرب نفسية). في واحد من العرب برّة قال لي أخوك نجضلو فقال رديت عليهو قلت , غايتو نجاضو ما بعرفو لكن طلق شِقّو ده أكان تلقوه في قناطر أزرق (علماً بأنهم في ود أبشام بالشرق) .قال شوية الجماعة جو جرجرو الزول مرقو من الحلقة .
أبو حمــــــــــد
| |
|
|
|
|
|
|
Re: عرس زمان ..... ( فيديو ) (Re: ناذر محمد الخليفة)
|
Quote: وييييييييييييييييييييييييييييييييييييييييين؟ |
الأستاذ التكينة
سلام
طبعا ما ممكن أقول لك وين طوالي كدا إلا بعد أن أتأكد من أن حكومتك على علم بالمخاطرة دي..
وشايف ناذر ما قادر يعبر ولو بكلمة.. أحي..
أحي الحكومات القوية..
------------------------------- في واحد نافخ عضلاته هنا وراح دخل بوست ناس الليل.. حكومتو قبضته متلبسا.. قال ليها: والله باسويري مهكر..
| |
|
|
|
|
|
|
Re: عرس زمان ..... ( فيديو ) (Re: ناذر محمد الخليفة)
|
Quote: الأستاذ التكينة
سلام
طبعا ما ممكن أقول لك وين طوالي كدا إلا بعد أن أتأكد من أن حكومتك على علم بالمخاطرة دي..
|
سلام عبد العزيز نادر نفسو فى ال ........... و خايف من ال ............ لكن نحن راضعين فوق الصرار .... بتعرف كلام العرب ده ؟
يا اخوى خايف تكزن هجمتك المرتدة دى نتيجة خوفك من حكومتك ... طبعا لو قلت وين ، بتنقبض بالثابتة ... نط من كلامك بنقيلك ... مية نطة و لا .......... واحد
| |
|
|
|
|
|
|
Re: عرس زمان ..... ( فيديو ) (Re: انور التكينة)
|
عفيت منك يا ود التكينة دا شغل صاح ؛ توثيق نحتاج اليه قبل ان يرحلوا وربنا يطول في عمرك عم قسم السيد؛ احلا حياة لا عقد ولا تعقيد العرس ٤٠يوم والمريسة اردب ؛ تقريبا نفس حكاوي اهلنا ناس رفاعة وحكمة الاربعين دي تلقاه في الفرح وفي الترح ؛ العرس والنفاس والبكا وربما اربعينات اخر والمشروبات كلها مغذية ومنعنشة البقنية والعسلية وملاح التقلية يا حليلكن مو نحنا ناس البيبسي والجكسي
| |
|
|
|
|
|
|
Re: عرس زمان ..... ( فيديو ) (Re: انور التكينة)
|
عشة بت فاطنة شحصيا ؟
Quote: والمشروبات كلها مغذية ومنعنشة البقنية والعسلية وملاح التقلية يا حليلكن مو نحنا ناس البيبسي والجكسي |
يا اخى لينا الشرف .. اسعدنى مرورك و اسعدتنى اكثر كلماتك ... لك اردب و كيلة من الود تسلمى و تسلم رفاعة
| |
|
|
|
|
|
|
Re: عرس زمان ..... ( فيديو ) (Re: انور التكينة)
|
Quote: سلام عبد العزيز نادر نفسو فى ال ........... و خايف من ال ............ لكن نحن راضعين فوق الصرار .... بتعرف كلام العرب ده ؟
يا اخوى خايف تكزن هجمتك المرتدة دى نتيجة خوفك من حكومتك ... طبعا لو قلت وين ، بتنقبض بالثابتة ... نط من كلامك بنقيلك ... مية نطة و لا .......... واحد
|
الأستاذ/ التكينة
ناذر بنقدر ظروفه.. ما قادر يقول كلمة.. مع حكومته الموسيلينية دي الله يكون في عونه!!
وانت يا حبيب كتر لي من كلام العرب ده.. ما أصلو الصحفيين تجار كلام.. والسواي ماهو حدّاث!!
نحن سامحين لينا بحرية التعبير وبنمارس حقوقنا بلا رقابة.. شفت كيف!!
Quote: اين انت ؟ اوعى تكون معتقل فى المطبخ ؟ |
والمطبخ مالو!! عيبو لي.. مش هو مكان النار!! والرجال الصاح بتقابل النار.. وبعدين حتى الخضرة دي لو الحكومة قالت لك ورّقها, ماهي زي غصن الزيتون لو حملتها في يدك ستكون رجل ذو همة ومصدر سلام.. شفت شفافية حكوماتنا!!
تحياتي
| |
|
|
|
|
|
|
Re: عرس زمان ..... ( فيديو ) (Re: انور التكينة)
|
Quote: و باذن الله انوى ان اوثق لعدد من الشخصيات البارزة خصوصا فى مجال الفكاهة و الشعر |
تسلم اخى العزيز انور التكينة وكل سنة وانت طيب ان شاء الله التحية لى عمنا الجليل ربنا يديه الصحة والعافية ويا حليل ناس زمان ناس السماحة والبساطة يا حليلهم وحليل لمتهم السمحة شكرا مجدادا اخى انور والتحايا عبرك لاهلنا السمحين بارثهم العتيق المعتق تحياتى اسماء الجنيد/ مسقط
| |
|
|
|
|
|
|
Re: عرس زمان ..... ( فيديو ) (Re: soma)
|
الاستاذة الشاعرة اسماء الجنيد
Quote: التحية لى عمنا الجليل ربنا يديه الصحة والعافية ويا حليل ناس زمان ناس السماحة والبساطة |
سوما ابداعك لا يقل عن ابداعهم و يقينى ان كلماتك المموسقة لا شك قد رسمت لوحات لذلك الابداع و ان لم يكن ... فهى دعوة لك لتمجيدهم نظما من حرفك المبدع
تحياتى
| |
|
|
|
|
|
|
|