|
ياناس بنك الخرطوم .. عمولة شبكة يعنى شنو .؟؟
|
ذهبت صباح اليوم لبنك الخرطوم فرع البلدية بحرى بحكم سكنى لتوريد مبلغ من المال لحسابى المفتوح اساسا فى فرع البرلمان ، وبعد ملئ الأستمارة الخاصة بالتوريد طلبت منى الموظفة مبلغ 5 جنية مرة أخرى بتاعت الشبكة .!!! سألت الموظفة شبكة شنو .؟؟ قالت يا استاذ دى عمولة شبكة لان حسابك مفتوح فى فرع البرلمان وعشان نحول ليك المبلغ دا لحسابك لازم نأخد منك عمولة شبكة ..!! ماقدرت أحاجج لان الناس واقفة ومنتظرة .!! بس نفسى أعرف عمولة شبكة يعنى شنو .؟؟
افتونابالله عليكم ..!
|
|
|
|
|
|
|
|
Re: ياناس بنك الخرطوم .. عمولة شبكة يعنى شنو .؟؟ (Re: مزمل خيرى)
|
مزمل كيفك ياخي
والله انت اليومين دي فائق فياقه
انا طبعا حسابي في نفس الفرع المشيت ليهو انت دا
مرة مشيت عشان اصرف شيك من فرع الجمهورية برضو شالو منى خمسة جنيه
اكلتها في ميتيني ومشيت ..
___________________________
انت كان تمشى لى عمك الفى يدك الشمال دا زول طيبان كان جاملك
| |
|
|
|
|
|
|
Re: ياناس بنك الخرطوم .. عمولة شبكة يعنى شنو .؟؟ (Re: Adam Omer)
|
الاخ/مزمل خيري
تحياتي؛؛؛
نفس المشكلة حصلت لي في دفتر الشيكات القديم ؛
قالوا لي امش غير الدفتر القديم بالجديد ؛وقبل ما استلم الدفتر الجديد
قالوا لي لو عاوز تصرف قروش امشي اعمل كاونتر شيك ؛
المهم عملت البتاع ده وصرفت قروشي ؛بس الموظف الصرف لي فك اللستك حق القروش وسحب منها
10 جنيهات قال لي دي رسوم كاونتر شيك ؛طبعا بدون اي ايصال باستلام العشرة جنيهات
اكلتها في اللباد والصف وراي طويل ومافي طريقة للحجة والنقة.
____________
ياخوي اتذكرتني ولا نسيت الانفوشي ؟
| |
|
|
|
|
|
|
Re: ياناس بنك الخرطوم .. عمولة شبكة يعنى شنو .؟؟ (Re: مزمل خيرى)
|
شبكة يا مزمل تعني ان يصرف لك الشيك من فرع اخر عن طريق استعمال الشبكة الالكترونية التي تربط كل فروع البنك المعني
وفي النهاية يا حبيب هي سرقة مال من العميل ليس الا ... ياخي ما دام كل الفروع مسجلين في الشبكة الالكترونية الخاصة بالبنك لايوجد داعي للرسوم
| |
|
|
|
|
|
|
Re: ياناس بنك الخرطوم .. عمولة شبكة يعنى شنو .؟؟ (Re: انور التكينة)
|
الشبكة هي ربط فروع بنك ما ببعض ، وتصبح هذه الفروع كأنها فرع واحد ،،
البنوك السودانية لانها تفتقد مصادر للدخل وغير (خلاقة ) تسعي الي فرض رسوم من خدمات
غيلا منطقبة \\\\\\\\\\\\\
هناك التزام من البنوك بدفع اموال المودع في لحظةاي عند الطلب ، هذا الالتزام غير مرتبط بفرع ، بل هو التزام
من البنك كشخصية اعتبارية .... هل تعلم بان الحسابات الجارية هي كنز بالنسبة للبنك ،لانها اموال ليست ذات تكلفة
(ليس هناك اي فائدة يدفعها البنك لصاحب الحساب) عكس التوفير والودائع ... عليه من المفترض ان تقوم البنوك (بتدليل) اصحاب
هذه الحسابات وتمنحهم كل الخدمات مجانا ....
ربط الفروع ببعضها هي فرصة للبنوك لتوزيع العمل ، يعني مثلا انت حسابك في فرع البرلمان ، وانت تسكن في ام مدرمان مثلا ،
يمكن للبنك ان يوجهك ان تتعامل معالفرع القريب ، وهنايقوم بتنشيط الفروع الصغيرة، وقبل هذا اعادة احياء الفروعغير النشطة
الامر بكل بساطة يحتاج الي موظف شاطر جدا في الاحصاء ومدير يؤمن بما يسمي (بالادارة بالاهداف )ويتم عليها توزيع العمل علي الفروع بل
حتي اغلاق بعض الفروع اذا ثبت عدم جدوتها ....
ساعود لاحقا
| |
|
|
|
|
|
|
Re: ياناس بنك الخرطوم .. عمولة شبكة يعنى شنو .؟؟ (Re: Ahmed Abdallah)
|
احمد عبدالله
Quote: وفي النهاية يا حبيب هي سرقة مال من العميل ليس الا ... ياخي ما دام كل الفروع مسجلين في الشبكة الالكترونية الخاصة بالبنك لايوجد داعي للرسوم |
بالله كلام ناس البنك دا بيخش الراس .!! ياخى لو انا محول لبنك غير بنك الخرطوم معليش !! حجتهم ما مقنعة ابدا !! شكرا على الطلة
| |
|
|
|
|
|
|
Re: ياناس بنك الخرطوم .. عمولة شبكة يعنى شنو .؟؟ (Re: مزمل خيرى)
|
مزمل كدي أول حاجة نقول الحمد لله إنو السودان بقت في شبكة بتربط البنوك.
الرسوم الشبكة دي في الغالب استنكاح وكأنو البنك بحمّل العميل تكلفة الشبكة التي قام من خلالها بربط الفروع لخدمته وهي وسيلة غير أخلاقية لكن لا أخلاق مع المال والأعمال ... السودان لسع في سنة أولى صيرفة واتوقع حاجات كتيرة تخلعك خاصة لو كنت عشت في أي دولة فيها المعاملات المصرفية متقدمة... انتظر وشوف لمن بطاقات الائتمان تنتشر كمان عشان تعرف مصطلح الرسوم الخفية hidden charges والـ Credit Shield ... وفي مقولة بتقول ليك banks give you umbrella when you don't need one
معليش خت الكورة واطة وأصبر
أمير
| |
|
|
|
|
|
|
Re: ياناس بنك الخرطوم .. عمولة شبكة يعنى شنو .؟؟ (Re: Ammir Mohamed)
|
.. . يا مزمل الناس ديل قاصدين رسوم النت ورك بتاعت البنك يعنى رسوم ربط فرع مع فرع وحقيقة دى سرقة منهم .. ممكن تكون معقولة لمن يكون بنك الخرطوم مع بنك اخر ( امدرمان مثلا) لكن من بنك الخرطوم البلدية بحرى لبنك الخرطوم الجمهورية او حتى بنك الخرطوم الجمهورية وبنك الخرطوم نيالا ما فرقت معاملة داخل بنك واحد نفس البنك ونفس الشبكة ياخدوا عليها عمولة ..!!؟؟ دى تبقى سرقة للمواطن .. ما عندها سام تانى
________
البتحيرنى الخصم بتاع ATM صم اثناء السحب وخصم من الحساب ..
سرقة نهارا جهارا ..
| |
|
|
|
|
|
|
Re: ياناس بنك الخرطوم .. عمولة شبكة يعنى شنو .؟؟ (Re: Tabaldina)
|
صالح
Quote: الناس ديل قاصدين رسوم النت ورك بتاعت البنك يعنى رسوم ربط فرع مع فرع
|
طيب ذنبى شنو عشان ادفع ليهم انا رسوم النت .؟؟
Quote: ممكن تكون معقولة لمن يكون بنك الخرطوم مع بنك اخر ( امدرمان مثلا) |
دى ممكن تكون معقولة شوية !!
Quote: لكن من بنك الخرطوم البلدية بحرى لبنك الخرطوم الجمهورية او حتى بنك الخرطوم الجمهورية وبنك الخرطوم نيالا ما فرقت معاملة داخل بنك واحد نفس البنك ونفس الشبكة ياخدوا عليها عمولة ..!!؟؟ دى تبقى سرقة للمواطن .. ما عندها سام تانى
|
عليك نووور .. دا كلامى زاااتو .. مافى اى سبب يخصموا من العميل 5 جنية . الظريفة اخر مرة مشيت وردت قروش سألت الموظف لية بتخصمو 5 جنية ..؟ تخيل قال شنو.؟ قال والله نحن زاتنا مامقتنعين بالخصومات دى بس دى توجيهات من رئاسة البنك !!! تخيل .!! دا موظف شغال فى البنك وقال كدا .. نحن نقول شنو .؟؟؟ رسلت لناس البنك رابط البوست دا و ايميل بسأل من المسألة دى عملوا نائمين .. تصدق .؟
_____ افتقدناك والله فى رحلة الجبل .!!
| |
|
|
|
|
|
|
Re: ياناس بنك الخرطوم .. عمولة شبكة يعنى شنو .؟؟ (Re: Ammir Mohamed)
|
امير
Quote: أول حاجة نقول الحمد لله إنو السودان بقت في شبكة بتربط البنوك.
|
حامدنو وشاكرنو بس الشغلة دى بقت استنكاح عديييل والله !! اتخيل كم زول داير يورد قروشو فى فرع غير فرع بحرى !! لو كدا الزول يحول حسابو من فرع الخرطوم لى فرع بحرى لمن يرحل من الخرطوم لى بحرى .!!! معقولة بس ؟؟
| |
|
|
|
|
|
|
Re: ياناس بنك الخرطوم .. عمولة شبكة يعنى شنو .؟؟ (Re: هويدا شرف الدين)
|
هويدا
Quote: قلت لو كان مشيت براي بالمواصلات كنت خسرت جنيه بس |
تصدقى انا ذاااتى قلت كدا .!! انا حسابى فى فرع البرلمان وسكنت بحرى قريب قلت ياولد انت متعب روحكـ فى شنو طالما البنك عندو فرع قريب من مكان سكنى لكن فى النهاية بعد قلعونى الـ 5 جنيهات دى قلت أخير امشى اوردها فى فرع البرلمان وهى فى سكتى للمكتب .!! ياختى دى همبتة عينك .. عينك قالوا عمولة شبكة .. كيف يعنى عمولة شبكة .؟؟
| |
|
|
|
|
|
|
|