|
|
 Re: حديث الأوزان (Re: Tagelsir Elmelik)
|
كيفك يا تي جاي..
ياخي - صراحةَ- أنا حاسداك على حاجتين..
1/ إنك راجل.
2/ إنك يو دونت لوك قوود..
ياخي في سوداننا دا...النسوان طوالي تحت المجهر بسبب الأوزان دي..
لمن كنا بنات:
لو ضعيفة...
عليك الله شوفو البت دي معشكبة كيفن...دي يوقفوها يقطعوا رحطها من وين؟؟؟
لو سمينة...
عليك الله شوف البت دي مدغلبة كيفن..دي ولدة وااااحدة وحقها يروح!
بعد قطعوا رحطنا :
لو ضعيفة...
بري يا ختي الراجل دا مغلت عليها...البت كملت من لحم الدنيا.
لو سمينة...
إنتي يا دي هناية دي بقت متل التور مالها..عاملة ب قولة..محل يمد إيدو..يحمد سيدو؟!!!!
دا غير الفجأة بينطوا ليك ..و إنت في غمرة فرحتك بمنظرك و رشاقتك..
إنتي يا هناية تامٌة للولادة؟؟!!!
|
|
 
|
|
|
|
|
| |
mamkouna
فيس بوك
تويتر
انستقرام
يوتيوب
بنتيريست