|
|
 Re: عشــا بي لبــن ... (Re: فاروق أبوحوه)
|
- عوووك آآنور.. عوووك..
- حاو حاو حاو وِش ..
يتوقف ، يلتفت يمنة ويسري. يلمح عبد الفضيل فوق (حجابيه) حمارته داكنة اللون متجهاً نحوه.
- إنت ؟ الله يدينا خيرك..
- أها آمقطوع الطاري في شنو؟
- قالوا عجمية ديك ماتت.
- يموت حيلك قول آمين .. خلها عجمية التلحق الصِح ..
- يا زول أستغفر الله .. مالك؟
- مالي ؟ يِملولك راس الكلِب .. أنا قايلك داير تقولي هاك قروشك .. تقولي عجميه ماتت؟
وبعدين هي زاته عجمية الليله واللا امس .. عجوووووز من سنة حفرو البحر.
- الجماعة إتلموا وقالوا الصيوان اللِيل البكّوُي دا خلاس بقي قديم وبندور نجيبلنا واحد جديد..
المهم قالوا كلو واحد يدفع عشرا تالاف.
- يِلِفك قطر كريمه قول آمين.. إنتو جنيتو؟ من وين أجيبلَكُن العشرة دي؟
علي الجزيمه أنا غير قريشاتي الفوقك ديل ما عندي التكتح.
- قروشك؟ أسّع أنا حالي دا كُتَ عشمان تديني العشرا تالاف عشان بالمرّه أرجِعِن ليك مع القُدام..
- كمان؟؟!!!
- أيا والله..
- إنت مستهبِل يمين .. أنا الجنا زانقني في قروش المدرسة وماني عارف أتصرف كيفن معاهو..
أصلو ناظر المدرسة دا زولاً مكشوف حال .. قالهن المابجيبن بكره ما يجي وراسي مقشّط فيه..
- أنا بقولك شي..
- أها .
- الناظر دا إنت ما بتعرفو زي .. دا كديسة لبن بس .. أعزمو عشا بي لبن ..
وكان سعَل ولدك من قروش عيب شنبي دا..أصلو عشا اللبن بِكسِر عين الواحد.
- يازول؟!!
- أُمال..
- لا كان كدي بخيت تب .. والليله من ضُهراَ كبير بمصِّر البقيرات ديل ..
- بس اهم شي تكلِموا بدري قبال ما يِطفِشلو علي بلد..
- لا الضقيل بجيب لي الغدا ، وبرسلوا ليه تب.
|
|
 
|
|
|
|
|
| العنوان |
الكاتب |
Date |
| عشــا بي لبــن ... | فاروق أبوحوه | 09-11-09, 02:46 AM |
| Re: عشــا بي لبــن ... | فاروق أبوحوه | 09-11-09, 02:52 AM |
| Re: عشــا بي لبــن ... | فاروق أبوحوه | 09-11-09, 02:59 AM |
| Re: عشــا بي لبــن ... | فاروق أبوحوه | 09-11-09, 03:07 AM |
| Re: عشــا بي لبــن ... | فاروق أبوحوه | 09-11-09, 03:19 AM |
| Re: عشــا بي لبــن ... | فاروق أبوحوه | 09-11-09, 03:32 AM |
| Re: عشــا بي لبــن ... | فاروق أبوحوه | 09-11-09, 03:40 AM |
 Re: عشــا بي لبــن ... | وجن | 09-11-09, 03:46 AM |
 Re: عشــا بي لبــن ... | حبيب نورة | 09-11-09, 04:26 AM |
| Re: عشــا بي لبــن ... | فاروق أبوحوه | 09-11-09, 02:43 PM |
| Re: عشــا بي لبــن ... | فاروق أبوحوه | 09-11-09, 04:40 AM |
|
| |
فاروق أبوحوه
فيس بوك
تويتر
انستقرام
يوتيوب
بنتيريست