|
شهاده مرتب ... (توجد حسبه فارقه...!!!)
|
ذهب زميلي الطبيب المحترم المعين في وزاره الصحه لاستخراج بطاقه التامين الصحي ...
من المستندات التي وجب عليه احضاره شهاده تفاصيل المرتب .... وجدتها في يديه .. وادهشني جدا ما قرات ...
تفاصيل المرتب الفئه الاساسيه 225.26
غلاء المعيشه 103.09 ( يعني البلد الانت قاعد فيها تغلي المعيشه وتدفع ليك حقها كمان , انتو لاقين ؟؟؟) بدل السكن 52.03 (في معظم بلدان العالم بدل السكن هو مرتي 3 شهور , وبعدين اشنى راكوبه في عيد بابكر ما بالسعر دا)
بدل ترحيل 51.24
علاوه اجتماعيه ( الغيت .. ليه ما عارفه )
بدل عدوى 5 ( اذا اصبت باي من الامراض المعديه لن تتكفل الدوله بعلاجك .. لانك قابض مقدم)
طبيعه عمل 207.31 ( سالت منها اكتر من شخص وما في زول فاهمها , ما عندها علاقه بالطب لانو السكرتيره بتاخدها برضو...!!)
بدل تمثيل ( الغيت .. بس نفسي اعرف يعني شنو اصلا ؟؟؟؟)
الاستقطاعات جاري معاش 26.26
تامين صحي 27.55 ( لاحظو انو الدكتور دا مشى يادوب عشان يطلع بطاقه التامين, يعني كان بيدفع لخدمه ما بيتلقاها اصلا)
دعم نقابه 5 ( اصلا النقابه غير مفعله حاليا )
دعم طلاب 1 ( والله اتمنى يزيدوها وتتصلح بيها حيط المدارس المكسره والازيار البتشرب منها البعوضه ويدو كل تلميذ كتاب براهو)
نداء الجهاد 1 (؟؟؟؟؟؟؟؟؟؟؟؟؟)
رابطه المراه ( بدفعوها الدكتورات بس لكن ما عارفاها كم )
نقابه عمال السودان 1.50
دار المهن الصحيه 1 ( المهن الشنو؟؟؟؟)
اكادميه المهن الصحيه 1 (دي غير ديك ؟؟؟)
اخطاء طبيه 10 ( يعني نخىء ساااااااااي بعد دا ... !!! مش دافعين مقدما؟؟)
اتحادالاطباء 4
علاج الاطباء 3,5 ( حاجه مختلفه عن التامين , للعلم مافي دكتور بيتعالج مجانا الا مجامله من زميلو )
دمغه 50 ( ؟؟؟؟؟؟؟؟؟؟؟؟)
اجمالي المرتب : 688.93
اجمالي الاستقطاعات : 83.31
الصافي : 605.62
رايكم شنو ؟؟؟؟؟؟؟؟؟؟؟؟؟
|
|
|
|
|
|
|
|
Re: شهاده مرتب ... (توجد حسبه فارقه...!!!) (Re: filan)
|
الاخت داليا كباشي .. سلامات
معليش اخوك طول من البلد شوية والعملة فارقة معاهو شوية ..
605 دي شنو ؟
اعتقدها بالجديد فهل تعادل ستة مليون وخمسة الف والا ستمائة وخمسين الف والا كم ؟!
عشان نحن زااتنا نعرف حسبة دخلنا هنا بعدين حا يفرق والا كيف ؟!
تحياتي
| |
|
|
|
|
|
|
Re: شهاده مرتب ... (توجد حسبه فارقه...!!!) (Re: HAIDER ALZAIN)
|
داليا الكباشى سلام قبل خمس أعوام ونصف كتبت بوست فى هذا المنبر بنفس الفكرة. للمقارنة .: تنويه الحساب كان بالجنيه القديم ------ شهر أبريل 2005 البيانات الاتية منقولة بالنص من شهادة مرتب لطبيب عمومى يعمل بمستشفيات وزارة الصحة لمدة خمس سنوات ولا يدرى عن الأستقطاعات شيئ ولا عن الخدمات المذكورة شيئا.المبلغ المذكور فى الشهادة بالديتار وهنا بالجنيه السودانى اى اضافة صفر. علما أن الطبيب المذكور أعلاه هو شخصى الضعيف. دمغة 500 الجهاد 500 الطلاب 1000 اتحاد عمال 1500 نقابة 2000 صندوق حدمات 3000 صندوق شيكات 3500 مجلة طبية 1000 اتحاد الاطباء 4000 معاش 21829 تامين صحى 10914 اكل اموال الناس بالباطل ....تفاصيل استقطاعات من راتب موظف
| |
|
|
|
|
|
|
Re: شهاده مرتب ... (توجد حسبه فارقه...!!!) (Re: ombadda)
|
ملاحظة إستقطاع التأمين الصحى -قبل خمس سنوات- 1000 جنيه بالقديم. الان إستقطاع التأمين الصحى 20000 جنيه بالقديم (حوالى 10 دولار) طيلة العشر أعوام -هى فترة عملى بوزارة الصحة ولازلت - لم أستخرج بطاقة تأمين صحى..بل أثناء عملى بالمستشفى إذا إحتجت لأقراص بندول أو أسبرين أشتريها من الصيدلية كأى مريض.
حيدر الزين 600 جنيه (بالجديد) تساوى حوالى 300 دولار فضيحة
| |
|
|
|
|
|
|
Re: شهاده مرتب ... (توجد حسبه فارقه...!!!) (Re: ombadda)
|
يا دكاترة اشتغلوا سياسة احسن ليكم بدل المرمطة دي او ارجعوا خشوا الكلية الحربية يمكن تقلبوها يوم شابكنكم دكتور دكتور ...هسة الكلام الفوق ده لو دخلوه اكسل شيت وعنوانه مرتب طبيب وحللوه يمين الاكسل يبكي ويقول رجعوني بطن مايكروسفت!
البي اتش دي زاتها جليناها عشان كلمة دكتور الفي السودان دي
| |
|
|
|
|
|
|
Re: شهاده مرتب ... (توجد حسبه فارقه...!!!) (Re: الكباشى البكرى)
|
الكباشي البدري ...
نقول تور تقولوا احلبوهو ؟؟؟؟؟؟؟
انا علقت انو من المهين جدا ان تسترخص حياه الانسان بالطريقه دي ..
يعني شنو اخطاء طبيه 10 الف ؟؟؟ يعني نغلط قدرها ؟؟؟ ولا اذا لا قدر الله حصلت الوزاره ما حاتعوض العيان ولا شنو ؟؟؟؟
انا همي في المواطن الغلبان .. نحن والله هينين ... البساعد الناس ربنا يساعدو ... ومعظمنا والله ما بيقصر خصوصا في بلد
بتشغلنا بالمعطيات السابق ذكرها دي ...
يديك الف عافيه ...
| |
|
|
|
|
|
|
|