Re: " عمـر الكـاروري" .. وكلمة حـق لرجـل يستحـق .. (Re: الطيب عثمان يوسف)
بالأمس 31/08/2009م ذهبت لِلسِفارة السودانِية لِتخليص مُعاملة ... تحركت مِن منزلي الساعة 00ر7 صباحًا وصلت السِفارة الساعة 40ر7 لم أجد ... حتى الشُرطي ... لا أدري لم يأبه بي كعادة الناس عِندما تراني ... أم أنه قد علِم بِأن الإرهاب لا يمُر - ككاميرا الشُروق - مِن هُنا ... ما علينا ... دخلت القُنصُلِية ... لقيت عامِل مُنحني ليهو فوق مساحة أُم شرشر ديك وبِعْرِك السِراميك الما خمج بِفطور ... أقصُد بِفِتور ... معليش رمضان وكِده ... والفِجه خلا ... نَفاخ النار ما فوقا ... ولقيت ليك كِمِيات تِجارِية مِن المجلات والدَورِيات والجرايِد مَردَمه لِلمُنتظِرين ... قدُر ما قلبتهِن ما لقيت فوقِن شيتًا سوداني ... هملتهِن ومشيت عفصت مُفتاح الإسبليت وصنقرت ... بقيت مُنتظِر ومُنتظِر ومُنتظِر والله لامِن خفت ورجفت أصلي مِن كتره الإنتِظار إتذكرت قَول الشيطان الله يِلعنو مِحِل يِقبِل < ... أَنظِرْنِي إِلَى يَوْمِ يُبْعَثُونَ > الأعراف 14 ... هسِع الساعة بِقت 30ر8 جا واحِد طلع فوق ... بعد عشرة دقايِق جا مِتلو وحتو طلع فوق ... يا زول ما أطَوِل عليك البِجي جت بِطلع فوق ... بِقينا مُنتظِرين كمين زول ... وهسِع الساعة بِقتْ 00ر9 ... قدمت طلبي للإنسان الخلوق الفريد المُحترم سِراج ورسل أوراقي لِفوق - أحمِدك إتْ يا الله - كُل ربع ساعة بِتاوِق لِسِراج وأأشِر ليهو يا زول ورقي خبارو غتس ... يِصرصِر لي أصابعو ويقول لي شوية شوية معليش ... فكرت أَفطُر ... قنبت أحسِب المسافة بِالتقدير مِن الشحانِية مِحل ما أنا ساكِن لا حد السِفارة كم ها ... أصلي سِمعت إنو (80) كيلو بِتفطِرك تب ... لقيت المسافة ناقصة (18) كيلو ... قنبت أَلَولِو في الدرِب ... مرة أحسِب المسافة مِن بيتي بِإتجاه السِفارة مِن جهة الخليج ومره مِن جِهة المدينة ... أبت تلتِق معاي كلو كلو ... أها سِمعت صوت سِراج عزام عزام أتفضل فوق ... قابل سِيادتو عُمر ... وأنا طالِع السُلَم قلت يا عزام ظنك الضابِط ده بِفَوتلي السيتو في ندوة < القوانين الإنتِقالِية > الإنعقدت في السِفارة قُبال كمين شهر ... يا زول أكان قالي شيتًا مو زين حرم ماني ساكِتلو ... بناضِم معاهو ... راسملا شنو؟ ماهو البدا ... ويِكورِك فيني ليه؟ ... السِفارة دي ما حقه زول ... - السلام عليكُم ورحمة الله تعالى وبركاتِهِ ... أهلاً الأخ عزام ... إتفضل إتفضل - وعلَيكُم الرمضان أقصُد السلام ولحمه الله رحمه الله وبركاتِهِ - رمضان كريم يا أخي - كريم - معليش والله نحنا متأسِفين على تأخيرك - معليش ولا يهمك سعادتك - أنت عارِف يا عزام (الزول ده بِعرفني ولا شنو؟ ... أمانة ما وقع راجِل) المُعاملات لامِن تترفِع لي أنا بقول سيدا مشا وبجي بعدين ... ما بقدر أفرِز المُستعجِل مِن الما مُستعجِل ... كلمت الرسبشن ينبِهوني لِلحِكاية دي ... علشان ما نعطِل الناس ... المُهِم إتبسط معاي تقول بنتعارف مِن سنين ... والله نسيت الهم الكُنت خاشي بيهو ... لامِن جا واحِد مقطوع طاري وقنب يِهابِش في السِياسة ... - شوف يا أخي أنا القِدامك ده عُمر الكاروري مُوظف دَولة وغصبًا عني أخلِص ليك مُعاملتك أكان كُنت مُعارِض ولا ماك مُعارِض ... شِنْ دخلي ... أنا عِندي مُهِمة واضحة ومُحددة بِتتلخص في إنهاء مُعاملات الناس ... أها تبقى أحمر أخضر ده ما خصاني ... - (أها شوفوني كيفِن بتشوبر) بس يا سعادتو الفهم بِتاعك ده ما هو العِند الناس ... مُعارِض يعني حيطلِعو عينك في السِفارة - البسوي كِده ده بِكون عِندو نقص في شخصِيتو وما عارِف شُغلو وحقو ما يِقعُد في الكُرسي ده مِن أصلو دي شِهادتي في عُمر الكاروري ضابِط الجوازات في السِفارة السودانِية ... ملحوظة : - العمل في السِفارة حسب ما عرِفت بيبدأ الساعة 00ر9 صباحًا ... حقو تكلِمو مُوظفينكُم إنو الساعة 00ر9 دي يِكونو في مكاتِبُم ، مُش يا دوب يِنقلو مِن سرايِرم ... وبعدين السِفارة دي مُش هدفا خِدمة البشر ... طَيِب البشر ديل بِكونو في مكاتِبُم مِن الساعة 00ر8 ، ليه ناس السِفارة يبدأ عملهُم الساعة 00ر9؟. - الجرايِد والدَورِيات والمِجلات السودانِية حقو هي التكون متَوفِرة لِلمُنتظِرين ... والله حقو تسوو مكتبة لِلدِراسات السودانِية عديل كِده طالما إنو الواحِد بِكون مُنتظِر خِتم في ورقة جايِبا معاهو مِن محكمة مثلاً ... دقه خِتم ينتظِر مِن الساعة 30ر7 لغاية 00ر10 ... مِتِل المُنتظِر ده ممكِن في خِلال أربعة أو خمسة إنتِظارات يِحصُل على البكلاريوس لو تَوفرت المراجِع في قاعة إنتِظار المُنتظِرين. - كراسي الإنتِظار والله مِتِل الغلوتِية ... تقنِب عديل وتسنِد ضهرك بِسناده الكُرسي بعد عشرة دقايِق تلقى روحك مُنبطِح وبِتاوِق لِلسقِف ... تخلِف رجلك يختل توازُن الكُرسي وتقرِب تقع. - وكَونو نحنا في السِفارة السودانِية ، ما بِتخلي القناة السودانية فرض عين ، معقول الوطنِية كِده يعني ... أرحمونا رمضان + إنتِظار + القناة السودانِية - الفَوضى بِتحصل لامِن يجي زول هسِع ويدخُل قِدامي الجيت قبلو بأربعة ساعات ، حِفظ الدور بِرقم آلي أصبح ضرورة. المكتبة السودانية + الكراسي الوثيرة + عدم فرض القناة السودانِية على المُنتظِرين + حفظ الدور بِرقم آلي ، مِن مُعينات إختِبار الإنتِظار (عدل بواسطة عزام حسن فرح on 09-01-2009, 10:34 AM)

العنوان	الكاتب	Date
" عمـر الكـاروري" .. وكلمة حـق لرجـل يستحـق ..	خضر عطا المنان	08-21-09, 09:26 PM
Re: " عمـر الكـاروري" .. وكلمة حـق لرجـل يستحـق ..	عمر سعد	08-22-09, 00:18 AM
Re: " عمـر الكـاروري" .. وكلمة حـق لرجـل يستحـق ..	omer osman	08-22-09, 08:28 AM
Re: " عمـر الكـاروري" .. وكلمة حـق لرجـل يستحـق ..	haroon diyab	08-22-09, 09:29 AM
Re: " عمـر الكـاروري" .. وكلمة حـق لرجـل يستحـق ..	wadalzain	08-22-09, 09:39 AM
Re: " عمـر الكـاروري" .. وكلمة حـق لرجـل يستحـق ..	أسامه الكرور	08-22-09, 09:52 AM
Re: " عمـر الكـاروري" .. وكلمة حـق لرجـل يستحـق ..	عبدالأله زمراوي	08-22-09, 10:30 AM
Re: " عمـر الكـاروري" .. وكلمة حـق لرجـل يستحـق ..	كمال سالم	08-22-09, 03:03 PM
Re: " عمـر الكـاروري" .. وكلمة حـق لرجـل يستحـق ..	خضر عطا المنان	08-23-09, 08:55 AM
Re: " عمـر الكـاروري" .. وكلمة حـق لرجـل يستحـق ..	خضر عطا المنان	08-22-09, 05:43 PM
Re: " عمـر الكـاروري" .. وكلمة حـق لرجـل يستحـق ..	محمد أبوالعزائم أبوالريش	08-23-09, 09:19 AM
Re: " عمـر الكـاروري" .. وكلمة حـق لرجـل يستحـق ..	هجو الأقرع	08-23-09, 12:08 PM
Re: " عمـر الكـاروري" .. وكلمة حـق لرجـل يستحـق ..	كمال سالم	08-24-09, 12:30 PM
Re: " عمـر الكـاروري" .. وكلمة حـق لرجـل يستحـق ..	خضر عطا المنان	08-31-09, 10:09 AM
Re: " عمـر الكـاروري" .. وكلمة حـق لرجـل يستحـق ..	الطيب عثمان يوسف	08-31-09, 11:19 AM
Re: " عمـر الكـاروري" .. وكلمة حـق لرجـل يستحـق ..	خضر عطا المنان	08-31-09, 09:58 PM
Re: " عمـر الكـاروري" .. وكلمة حـق لرجـل يستحـق ..	معاوية محمد الحسن	08-31-09, 11:21 AM
Re: " عمـر الكـاروري" .. وكلمة حـق لرجـل يستحـق ..	عمر سعد	08-31-09, 02:32 PM
Re: " عمـر الكـاروري" .. وكلمة حـق لرجـل يستحـق ..	معتز القريش	08-31-09, 03:12 PM
Re: " عمـر الكـاروري" .. وكلمة حـق لرجـل يستحـق ..	نورالدين بابكر بدري	08-31-09, 04:44 PM
Re: " عمـر الكـاروري" .. وكلمة حـق لرجـل يستحـق ..	الطيب عثمان يوسف	09-01-09, 00:13 AM
Re: " عمـر الكـاروري" .. وكلمة حـق لرجـل يستحـق ..	ابراهيم الرشيد عبدالرحمن وراق	09-01-09, 08:32 AM
Re: " عمـر الكـاروري" .. وكلمة حـق لرجـل يستحـق ..	عزام حسن فرح	09-01-09, 09:18 AM
Re: " عمـر الكـاروري" .. وكلمة حـق لرجـل يستحـق ..	محمد أبوالعزائم أبوالريش	09-01-09, 10:06 AM
Re: " عمـر الكـاروري" .. وكلمة حـق لرجـل يستحـق ..	خضر عطا المنان	09-01-09, 09:28 PM
Re: " عمـر الكـاروري" .. وكلمة حـق لرجـل يستحـق ..	خضر عطا المنان	09-01-09, 09:45 PM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]