|
|
 يا سلام عليك يا حاج إبليس يا اخ
|
أمبارح صليت العشاء في مسجد عبد الله بن عمر بالشارقة، وخرجت من المسجد متوجهاً
إلى مركز المبارك من أجل استخدام الصراف الآلي..
سمعت خطوات رجل يجري خلفي ويناديني: يا ود الجارعودو .. يا ود الجارعودو..
دقيقة بالله عليك..
لم أتبين ملامح الرجل في الأول وافتكرته القردابي أو الزنجي أو حتى ود البشرى..
لحق بي الرجل وسلم عليّ سلاماً حاراً.. وتذكرت أنه صلى معنا في المسجد وكان يصلي
في الصف الأمامي..
فقال لي: الظاهر ما عرفتني؟
فقلت ليهو: حقيقة ملامحك ما غريبة علي لكين ما بتذكر لاقيتك وين..
قال لي: يا اخي أنا إبليس..
بدت عليّ الدهشة والذهول فلم أدر ماذا أقول..
ثم سألني: مستغرب مش كده؟
قلت ليهو: بالتأكيد مستغرب وما مصدق وممكن تكون دي كاميرا خفية منك..
فأقسم لي بالله العظيم ثلاث مرات وحلف كذلك بالطلاق والخـــوة بأنه بالفعل إبليس..
وقال لي أنا طالبك في خدمة..
فقلت: خدمة مني أنا؟ إنت قايلني كوز ولا شنو؟
قال لي: أنا عارفك ما كوز وعشان كده اخترتك للموضوع ده..
يا مثبت العقول.. ثبت عقلي..
فقال: باختصار كده.. قبل يومين وأثناء ما قاعد أشاهد في الفضائية السودانية، عرفت إنو
هناك بعض المرضى بحتاجوا للمساعدة عشان يعملوا عمليات جراحية وأنا هسه عاوز أتبرع للناس
ديل.. وعاوز أرسل القروش عن طريقك..
فقلت له: معقولة دي لكين.. إبليس اللعين يتبرع لمرضى مسلمين؟
فقال لي: المانع شنو ياخ؟ الكبران حسنان وأنا حاسي إني كبرت وعاوز أعمل أعمال خير..
يا اخ الناس براها شايلة حالي وبتحاول تنسج قصص سيئة عني.. ثم أصر علي ودلفنا إلى
كافتيريا قريبة فشربنا شاي معاً.. وحكى لي عن المساعدات التي كان يرسلها للناس وعن الأسر
التي كان يعولها وعن الأعمال الجليلة التي قدمها لناس كثيرين في مختلف أركان الدنيا..
ثم بعد ذلك ناولني مائة ألف دولار وطلب مني أن أرسلها بطريقتي الخاصة لهؤلاء المرضى..
وبعد ذلك ودعني وأنا بين مصدق ومكذب.. بالله ده إبليس الكاشفين حالو الناس بالباطل؟
وصحي الما بعرفك يجهلك.. ويا سلام عليك يا حاج إبليس يا اخ..
|
|
 
|
|
|
|
|
| العنوان |
الكاتب |
Date |
| يا سلام عليك يا حاج إبليس يا اخ | Nasruddin Al Basheer | 08-13-09, 01:06 PM |
| Re: يا سلام عليك يا حاج إبليس يا اخ | ود الخليفه | 08-13-09, 01:36 PM |
| Re: يا سلام عليك يا حاج إبليس يا اخ | حسن البشاري | 08-13-09, 02:24 PM |
| Re: يا سلام عليك يا حاج إبليس يا اخ | Nasruddin Al Basheer | 08-15-09, 08:58 AM |
| Re: يا سلام عليك يا حاج إبليس يا اخ | Nasruddin Al Basheer | 08-13-09, 06:22 PM |
| Re: يا سلام عليك يا حاج إبليس يا اخ | ايهاب اسماعيل | 08-13-09, 07:21 PM |
| Re: يا سلام عليك يا حاج إبليس يا اخ | Nasruddin Al Basheer | 08-15-09, 09:30 AM |
| Re: يا سلام عليك يا حاج إبليس يا اخ | فايزودالقاضي | 08-15-09, 09:59 AM |
| Re: يا سلام عليك يا حاج إبليس يا اخ | Nasruddin Al Basheer | 08-15-09, 02:36 PM |
| Re: يا سلام عليك يا حاج إبليس يا اخ | ايهاب اسماعيل | 08-21-09, 05:30 PM |
| Re: يا سلام عليك يا حاج إبليس يا اخ | عبدالرحمن الحلاوي | 08-21-09, 06:10 PM |
| Re: يا سلام عليك يا حاج إبليس يا اخ | Nasruddin Al Basheer | 08-22-09, 11:11 AM |
| Re: يا سلام عليك يا حاج إبليس يا اخ | Nasruddin Al Basheer | 08-22-09, 11:04 AM |
| Re: يا سلام عليك يا حاج إبليس يا اخ | طارق الكوتش | 08-22-09, 12:15 PM |
| Re: يا سلام عليك يا حاج إبليس يا اخ | معاوية الأرباب | 08-22-09, 12:48 PM |
| Re: يا سلام عليك يا حاج إبليس يا اخ | Nasruddin Al Basheer | 08-24-09, 06:52 PM |
| Re: يا سلام عليك يا حاج إبليس يا اخ | Nasruddin Al Basheer | 08-24-09, 06:44 PM |
| Re: يا سلام عليك يا حاج إبليس يا اخ | معاذ منصور | 08-26-09, 01:39 PM |
| Re: يا سلام عليك يا حاج إبليس يا اخ | Nasruddin Al Basheer | 08-27-09, 11:57 AM |
|
| |
Nasruddin Al Basheer
فيس بوك
تويتر
انستقرام
يوتيوب
بنتيريست