الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
بدر الدين الأمير الأكثر أناقة بين كل البورداب..
|
والله ما بكضب عليك يا الأمير ما اظن حصل قريت ليك بوست .. واتوقع والله اعلم إني بشخخخت لي كللل مداخلاتك ليي ما عارف .. لكن بالجد إنت زول أنيق جداً .. ياخ ما حصل ولو بي الغلط ساااااي في كل صور بورداب الدوحة ديل لقيتك مبشتن !!!! يعني محمد عبد الرحمن مثلاً ممكن عااادي تلقاهو مرة لابس كنغولي ومرة لابس قميص كبدي .. هارون دياب شوفت ليهو لقطة جزمتو مااا مورنشة .. خليل بيديني احساس انو من النوع الممكن يجي لابس جلابية بدون طاقية .. محمد السني ده طبعاً ما مؤاخذ الراجل ممثل وكده .. لكن النصيييحة يا بدر الدين انت اصلو ما حصل شوفناك مشاتر.. حتى في الكاجوال بتبقا زول شبابي واختيارك للألون مبالغة .. ما عارف لكن يا قريبك في فكرة منصور خالد في الاناقة (مبدئيا خلينا في الأناقة بس ) الصورة الأخيرة في البروفايل وان كانت تقليدية لكن يا زعيم لسة مواصل رحلة التألق .. عموماً ده بوست يدخل في باب التلج وتكسيره وهدومك البتصغر عليك دي بدل تبدل بيها العدة للمدام ياخ نحن أولى بيها .. وبالمرة ياخ اتكلم مع ناس الدوحة ديل في موضوع اللبس ده وإن كنت أرى منافسة شديدة من الوجيه نادوس في قصة اللبس دي.. غايتو انا بلبس قميص لارج وما بيناتنا لحدي XL بتعفرت ليهو وبخليهو يبقا قدري .. برسل ليك العنوان قريب ..
|
|
|
|
|
|
|
|
Re: بدر الدين الأمير الأكثر أناقة بين كل البورداب.. (Re: عمر الفاروق)
|
مشريني جزمة وشبط بي تلتمية ريال ونيف وفنايل بس وبنطلون جينز بي سبعمية ريال .. والله دي في سوق الأخوان في شارع الجمهورية تجيب لي (شيلة) بعد دا كلووو .. ما شايفك اشرت لي اناقتي .. هذا إن دل إنما يدل على ان البتابعك في محلات تخفيضات صيفية معناته سجم خشمو .. يا كمان ذوقك بيض
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: tmbis)
|
Quote: مشريني جزمة وشبط بي تلتمية ريال ونيف وفنايل بس وبنطلون جينز بي سبعمية ريال .. والله دي في سوق الأخوان في شارع الجمهورية تجيب لي (شيلة) |
يا زول الأرقام الفوق دي كان دقيت راسكـ في سور السفارة الصينية وانت طالع راجع بيتكـ ما بنصدقكـ .. جيب لينا اتنين شهود عدل .. " عمر وشتات ما فيهم " وختم موثق من الغرفة التجارية الصناعية بالرياض .. .... عمر شياكات .. قت لي صاحبكـ " الإتعود عليكـ " قال ليكـ الفيل مالو ..؟؟؟؟؟
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: حيدر حسن ميرغني)
|
اووووووووووووووو تمببببببببببببس يا .. عمممممممممممممممممممممك يا .. يا زول يكفي إنك شغال في حي السفارات ودي نعمة لم ينعم بها الا السفراء وإنت وعزاز شامي اما إن دار محور سؤالكم عن الللبس فياخ يكفيك فخراً وبعد الخصومات التي وصلت حتى 70% اشتريت بنطلون الجينز براااهو بي 300 ريال ويلا يا شباب جيبو الكالكيوليتر واحسبو البنطلون كان بي كم قبلها !! اما عن التي شيرتات فحدث ولاااا حرج وكما قال سعيد صالح : الدينا بقت تحمررر وتصفررر وتخضرر.. يا زول والله ولااااااااا كلمة .. المشكلة وما اكضب عليك ما معتمد كتير على راي عبد الله داش في الحتة دي لأنو يا قريبك الناس ديل ثقافتهم لو بااالغو سيتي ماكس والدخلوها في قرشي لييي اسة ما طلعت علاء الدين ياخ اعترف ياخ ما جيييهتك عليك الله ؟ هييييييييييييييييييع .. بس انت قول ال 37 ريال ضاغطة عليك شوية .. اتذكر موضوع القدروغنو كان ممكن تكون روحت فيها لو ما لاقيتك جمب الاشارة
تخريمة : لكن والله بالجد اخوك طبعاً دشن اللبس من بدريييي وعمل شغل مباااالغة ..طبعا انا ما زيك لابد بيهو فوق راي ..
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: عمران حسن صالح)
|
Quote: يا زول الأرقام الفوق دي كان دقيت راسكـ في سور السفارة الصينية وانت طالع راجع بيتكـ ما بنصدقكـ .. |
.. ااي عشان كدا انا غيرت الخطة للصيفية دي .. لانو ما بتصدقو الواحد .. ياخ قاليك البوت بعد التخفيض بيعمل معاك قريب تلتمية ريال.. دي زاته من ضمن الاسباب البتخلي عمر الفاروق يعوض بي بوست زي دا .. يا عمر ياخ شرطت عينا مع ناس الدوحـة .. حسع استفدت شنو حسع الجماعة يجو يقولو عمر بقى يطرح حسن شحاته عادي جدا بالطريقة دي تاني ما بمشي اشتري معاك .. بحول يل عمران طوالي على الاقل ممكن اطلع منو بي بنطلونين جينز دفعة واحدة كدا ..
ملحوظة: أميرة الشيخ برضو انيقة بس لو بطلت حركاته البايخـة بتاعت خبط الحيط بتاعت الناس اثناء ما هي ماشة دي ..
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: ضحيه ابراهيم)
|
نهال يا كرار :
Quote: شنو يا عمر الفاروق خليت التنظير في الكورة والغنا وبقيت خبير في الموضة؟ :)) |
يا اختي الاجازة قربت وانا نازل السودان وسيرلاك وحليب محمد ضغطو علي حبتين .. بدينا بي الامير عشان نضمن القمصان بكرة إتوقعي بوست بي اسم نادوس عشان نحل موضوع البناطلين وكده .. قال كورة قال .. الكورة غير ناس وليد المبارك وفقرم ومعاوية حسين ولينكاتهم ما افادتنا في شي ...
هيي يا يمة هيييييييييييييييييي..
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: عمر الفاروق)
|
Quote: مشريني جزمة وشبط بي تلتمية ريال ونيف وفنايل بس وبنطلون جينز بي سبعمية ريال .. والله دي في سوق الأخوان في شارع الجمهورية تجيب لي (شيلة) بعد دا كلووو .. ما شايفك اشرت لي اناقتي .. هذا إن دل إنما يدل على ان البتابعك في محلات تخفيضات صيفية معناته سجم خشمو .. يا كمان ذوقك بيض |
شنو ياتمبس ... أرسل معاك جزمة وشبط وفنايل وبنطلون جينز لاخوي تقوم تخش فيها ؟!! عليك الله بعد تصور بيها سلمها ليهو ...
ده انا .. فايز ..المرسل الحاجات الفوق دي ...
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: khaleel)
|
Quote: خليل بيديني احساس انو من النوع الممكن يجي لابس جلابية بدون طاقية .. |
ياعمر والله أنا فكرتي وراي في خليل دا قبل ما امشي الدوحة كانوا مش ولابد....مش ولابد شنو ؟ كنت مكجناهو عديييييل بس صراحة لاقيت زول محترم ومهذب وراقي وأنيق في غير تكلف -دي من روايات عبير- وهسة فكرتي عنه إتغيرت 180 درجة فيا اخوي حكايات البياباك في الضلمة يحدر ليك دي غيرها شوية.
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: Rawia)
|
. .
بدر الدين الأمير راجل أمير فعلاً .
لكن ياعمر خليل صحبي ده مابرضى فوقه والله :)
خليل ده لو لابس تموت تخلي بطلع عليه زي كانه لابس كلارك ولا بالي .
(كلارك وبالي) ديل أحسن جزمتين بعرفن حاجة كويسة لكن أكيد بالنسبة لي حميدة حاجة دون المستوى :)
خليل عيبه الوحيد إنه هلالابي:)
. .
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: محمد سنى دفع الله)
|
الفاروق الراجل الكلس سلامات
احححححححححححححححي يوم الخميس بالليل وبرضو في بيت كمال سالم يوم الجمعة ماكنت شايل معاي الكاميرا والله بوستك ده كان مرق شمار في ورقة....!!!! اكان شفته الفنيلة القصييييييييييييييييييرة والكرش لي بره....... والبرمودا فوق الركبة والدقن حالتوا تحنن ماكنت كسرت جنس التلج ده....( عندي شهود...!!!!) المهم..... عندو جنس مشاترة في الرقيص الله لاوراك ليها. ( برضو عندي شهود....!!!!) اجمل حاجة فوقه.... انوا بدرنا واميرنا مشتاقين ياجميل والتحايا لمحمد
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: عمر الفاروق)
|
ضحية بااااااص :
Quote: لو شفت الـBMW تقول شنو؟ والسيكار الكوبى نحن كنا بنشوفوا بس فى الافلام |
. يللا أقول ليك حاجة غريبة ؟ انا الحاجات دي مااا بتدهشني اصلو ولاااا عمرها بتكون مقياس لي رقي الزول خصوووصاً بعد اغتربنا وشوفنا سهولة امتلاك العربية وانتهت مني دهشة الكوريلا موديل 83 مع التقسيط .. اما السيجار فبرضو ممكن زول يكون ما راقي ويدخل بيهو في باب البوبار .. لكن موضوع الأناقة ده هو المقياس الحقيييقي لي زوق الزول .. وده فهمي غايتو في الحتة دي .. ممكن زول يكون رطوووبة سنينك وقروشو كتييييرة زييي كده مثلاً لكن أهو ما بنعرف نلبس غايتو كلامك ده انا بضمن ليك بيخفض ليك 2000 ريال قطري من القروش العايزا منك ..
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: عمر الفاروق)
|
رايــــــوة :
Quote: غايتو لقيتك مسكين هسة كسير التلج دا كله عشان قميص قميصين سكند هاند أنا غايتو رامية لبعيد |
لو سمحتي انا ما حددت عدد القمصان فبالله عليك يا راوية ما تتكلمي ساي بعدين انتي مشيييك للدوحة ده كللللللو ولسة بترمي؟؟؟ ياخ انا كان مشيت زييك كده كان اسة فتحت لي سعد قشرة..
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: haroon diyab)
|
شوف يا عمر الفاروق انت أنا ما عندي معاك شغلة
بس زولك البتكسر ليهو في التلج دا ومطلعوا أشيك زول في الدوحة دا
قسما عظما (زي ما بقول يسري صلاح) ما يدفع لي الدايرو إلا أجيب صور هنا أوريك البشتنة
والقالو هارون فوق دا ولا واحد في المية من العندي
والعندي أنا ما بديه والعند الناس بقالع فيه
الأخ بدر الدين
للتفاوض ... التلفون عندك
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: معتز القريش)
|
عمر الفاروووق، والله انت يازول كان ما انا كنت خاتيك في قائمة ال (Permenenet Friends)، ودي أنا ما قاعد أشطب منهم-في اشارة لما فعله دكين باصحابه- لكنت شطبتك، وجيت فتحت بوست هنا، بس (This is not accepteble)، تقوم تطلعني (وصيف) عديل كدة، بس بارك الله في ودالقريش دا، الحيقدم الدليل مشفوعا باتباع كل الاجراءات والمستندات، التي ستطيح بالبدر، وبالتالي ممكن أتربع على عرش الاناقة، وأجيب لييك ثقاة ولا أقوول ليك (ثقية) واحدة تكفي، وانت كمان عندك، وهل يفتى ودينا خالد في المدينة....
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: haroon diyab)
|
عمر الفاروق صاحب ود خالتى الانصارى محمد عبدالرحمن أنا لو كنت عارف ( لوسمحت نزل اغنية عثمان حسين) انا لوكنت عارف خصامك لى أيامه بتطول كنت ماترددت لحظة لما حار بى الدليل أنسى..) يعنى لما التقيت الممسوخ فيصل نوبى رضى عنى كل صهاينة المنبر من تمبس إلى عزام فرح وفي البال لف ودالصايم وتقريع رقم صفر ... (وحاجات تانية مانعانى ) عمر الفاروق تجينى معاك أصفياء امتع نفسى بملاحظاتك واقول يا انت يامفارق بس اين السبيل لأساسى البعرف والبتعرف على قارورة الدنبل حتى لو كانت خلفية يجهلها دباب امسيانتا وتجهلها عدسته التى تصور ولاتتصور السلفى ( معتز القريش) الأهم مداخلتى اعلاه بصحة اساسى والنطرد بقرع الكؤس لعنة ملاسى ...
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: محمد سنى دفع الله)
|
Quote: بدر الدين الأمير الأكثر أناقة بين كل البورداب.. |
ووووووووووووو عمر اظنك ماشى الدوحة ؟؟ عمررر فى حالة كونه بمهد ويسوى فى الطرق ..
Quote: بكرة إتوقعي بوست بي اسم نادوس عشان نحل موضوع البناطلين وكده ..
|
هههههايى نايس تراى يا خوى .. شوف ليك زول قدرك قال نادوس قال .. انت بتغش فى منو ؟ ما تقوم تخلينى انزل ليك ضورتك البتغنى فيها ديك .. لو جادى فى موضوع البناطلين دا شوف السنى لوووووووووووول .
ـ،،،،،،ـــــــــــــــــ راوية والله الحته الرامى ليها عمر شدة ما بعيدة لما ما بتتشاف ... غايتو الزول دا لو لحق وصلكم هناك ونوبى و و و الخ لاصبحت دوحتون لا تطاق .. غير صالحة للسكنى .. شوفوا اطراف الخليج الاخرى او اعماقه ...
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: Salah Abdulla)
|
يا جماعة معليش عن إذنكم صلاح عبد الله ده عشان نحن في طور اليرقة في الصحوبية والشغلانة ما بتستحمل يا بقت فراشة يا كمان الشافة اتحولت لي شرنقة ما كضب .. مبدئياً كده يا صلاح من كلامك الكتييير ده كلللللو انا عجبتني حتة واحدة وعليه انا حا أكل من ما يليني وبعد داك بجيك بي رواقة لي باقي النضم ..
Quote: كريم لدرجة البسط التي تجعله ملموماً محسوراً |
Quote: كريم لدرجة البسط التي تجعله ملموماً محسوراً |
Quote: كريم لدرجة البسط التي تجعله ملموماً محسوراً |
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: دينا خالد)
|
Quote: ونوبى و و و الخ لاصبحت دوحتون لا تطاق .. غير صالحة للسكنى ..
|
دينا تتذكرى حكاية العراف السودانى القال ان الدوحة حا تغرق اوتنتفى من الوجود بعد.... وحات الله ياكمال سالم دينا قالت لعبدالمنعم (بيجو) أنها حا تكون كفيلى في السودان وحا توفر لى كل ما طاب ومعه ما......
تنهدات : كمال حين تجدنى في حضرة دينا اكرر حضرة دينا كررت الحضرة لخوفى منك . (خوفى منك جاي من لهفت خطاك على الواعيد الوهم )
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: حبيب نورة)
|
Quote: يعني محمد عبد الرحمن مثلاً ممكن عااادي تلقاهو مرة لابس كنغولي ومرة لابس قميص كبدي |
ياعمر
زى مابقول صاحبنا (دا حقد طبقى ناتج عن طفوله مشردة) (لوووول) ..البخلى بدرالدين الامير انيق وانا لاشنو؟ انت طبعا مامثقف ..لكن برضو بشرح ليك الزى دائما يعبر او ليهو علاقة بالثقافة بتاعت ا لمنطقة المعينة ... وماتنسى المقولة المتفق عليها (ان الانسان ابن بيئته) ..فكون بدرالدين الامير ودالحرم بت على يكون انيق معناها ياوهم انو نحن ناس اربجى (منقطنا) فى قصة اللبس دى .. نحن اولاد (حفرة واحدة) مافى شيء بخليهو هو انيق وانا لا .. وبعدين انت علاقتك بالاناقة ذاتا شنو ..يوم داك كان عندكم حفلة فى الرياض جايبنك لابس ليك بنطلون لو عملو مسابقة ( اعرف لون البنطلون ) ماكان فى زول بعرفو ...
ياخالد عويس .. كلمو بالله ..ماجايب خبر ... طبعا عمر ولدنا ياخالد زى مابقول مزمل ابوالقاسم لكن (عامل مجنون) ..
قبال مااشتت ..بما انو بدرالدين الامير الاكثر اناقة ينبغى ان نعترف انو بهاء بكرى هو الاقل اناقة فى ناس الدوحة ..انا اموت واعرف بهاء الدين بجيب (الفنائل) (المخططا) دى من وين ؟ ياخ ماتعرفا ذاتا (مخططا) بياتو فكرة ....لبس بتاع زول (منجهل ) ساكت الله يسالنى ...
طبعا ياعمر المداخلة اعلاه بعد ان استلمت رقم التلفون وحفظتو مصلحة وانتهت ...
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: محمد عبدالرحمن)
|
Quote: قبال مااشتت ..بما انو بدرالدين الامير الاكثر اناقة ينبغى ان نعترف انو بهاء بكرى هو الاقل اناقة فى ناس الدوحة ..انا اموت واعرف بهاء الدين بجيب (الفنائل) (المخططا) دى من وين ؟ ياخ ماتعرفا ذاتا (مخططا) بياتو فكرة ....لبس بتاع زول (منجهل ) ساكت الله يسالنى ... |
واحد ساكن الخور اكيد فنايله من الخور يا محمد ماتنسي ابوساندرا بالقميص الاصفر والبنطلون الليموني والجزمة الحمرا
ياعمر الفاروق صلاح عبدالله لم يترك لنا ما نقوله في انيق الدواخل بدرالدين
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: محمد عبد الماجد الصايم)
|
عاد يا بورداب الدوحة مااا بسألكم !!!!! مداخلة واااحدة تجهجهكم كده ؟؟ والله انا لمممن شكيت وقلت البوست ده فاتحاوهو دينا خالد ؟ بالله البت جات علقت وبعد داك عينك ما تشوف الا النور الأنيق يفط والوصيف يفط وتلللبت لي دينا .. يا بت الله يرضى عليك البوست ده لي فيه مأرب أخرى خليني اخلص منها بعدين تعالي سفسفي نبقنا .. سحبتي مننا الاضواء وما بعيد بي الطريقة دي رايوة زاااتا تلحق البي أم ظهرتوها عاااااااااااااااااااااملة يا ناس الدوحة ..
بري منكم .. هييي يا يمة هيييييييييييييييييييييييييييييي..
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: عمر الفاروق)
|
الأزهري 2 : إنت لسة ما بقيتو تلاتة ؟
Quote: (كلارك وبالي) ديل أحسن جزمتين بعرفن حاجة كويسة لكن أكيد بالنسبة لي حميدة حاجة دون المستوى :) |
هي بالله اسمها كلارك ساااي ؟؟ وانا طيب جايب كلارس دي من وين ؟؟ وشابطك ليك الناااس عممممك يااا اخوكم بيلبس كلارس من عبد الغفور واخوانه الوكيل الحصري لها .. طبعا اخو احسن زول ما بيعرف يلبس ابشرك يعني والنوع الممكن عاااادي تلقاني لابس الشبط بي شراب .. فمرحباً بك في نادي المبشتنين ولو عايز نصيحتي الحق افتح ليك بوست بي اسم نادوس ده وامورك بتسلللك ..
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: ممدوح أبارو)
|
مادام التهديد ما جاب نتيجة مالي ومال المعارضة أم دق
يا ود الفاروق ود الأمير دا ملكيتي التكسيرية التلجية والبورد دا بشهد على كمية التلج الكسرتو ليهو وهو ما زال مديري فيا اخي أنا ما حصل حاربتك في أكل عيشك فشكرا على الفكرة والباقي خلي علي (وبنتقاسم)
قول واحد
الأنيق بدر الدين الأمير في واحد من مؤتمرات أوكسينت مع الكويتية الدكتورة آمنة الحمدان
زبدة كلام : الغريق قدام والجاي أحلا والارشيف مليان
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: ود الباوقة)
|
السني يا ود دفع الله :
Quote: لكن ما مؤاخذ يعني كيف ؟؟ |
والله مش لو عملت لي استفهام ..لو اديتني كف عديييييييل برضو ما بزعل منك .. عدم المؤاخذة حقتك دي غير يا سني ياخ .. إنت تلبس اي حاجة ياخ إن شاء الله تموت تخلي زاتو :) (اححححي هرشتني غايتو اسوي شنو ).. بعدين ياخ اعتبرني زي صاحبنا العريبي مرة بيحكي لينا في قصة ثال لينا اتشاكلنا انا وود جيرانا قمت بدون مؤاخذة طلعت ليهو السكين ..
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: عمر الفاروق)
|
Quote: والله مش لو عملت لي استفهام ..لو اديتني كف عديييييييل برضو ما بزعل منك .. عدم المؤاخذة حقتك دي غير يا سني ياخ .. إنت تلبس اي حاجة ياخ إن شاء الله تموت تخلي زاتو :) (اححححي هرشتني غايتو اسوي شنو ).. بعدين ياخ اعتبرني زي صاحبنا العريبي مرة بيحكي لينا في قصة ثال لينا اتشاكلنا انا وود جيرانا قمت بدون مؤاخذة طلعت ليهو السكين .. |
شوف يا عمر يا فاروق انت تكسر تلج لقمصان بدر الدين تضايقنا في أكل عيشنا ما قلنا حاجة
بس تهبش السني دا برشك برشك وكان ما قدرت عليك بنادي ليك دكتور معز ولا بلصق ليك غنية لشروق أبو الناس في البوست دا أخليك تلف صينية وتنسى القمصان ذاتا
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: معتز القريش)
|
Quote: صاحبي الجديد القديم عمر ..
ما عافي ليك (حق الصداقة) ياخ جيب سيرتي وقول أنيق واللا أي حاجة إن شاء الله أكون لابس (أم فكو ) زاتو ياخ .. غايتو الصداقة ح أستغلها حتى تقول ليتها ما كانت ..
بالجد ، وما دام فتحت موضوع عن بدرالدين ، ورغم أنني أكاد أكون غائب عن الدوحة ، رغم وجودي فيها ، وطولّت من بدرالدين ، لكن ، دعني أستغل بوستك هذا لأقول كلمتي في هذا الشخص ، المدعو (أخوي بدرالدين) بدرالدين يا عمر ليس أنيقاً في ملبسه فحسب الزول ده أنيق وجميل النفس ، زول عندو أمان جواه زول مريح في التعامل معاهو متصالح مع نفسو ومع من حوله بسيط لدرحة السذاجة ذكي لدرجة العبقرية كريم لدرجة البسط التي تجعله ملوماً محسوراً إجتماعي جداً ، وماهر جداً في صنع علاقات مع الجميع وفي زمن قياسي وهذا سبب نجاحه في شركته .. زول واجب ، وزول فزعة ، وزول مليانة ضحاّك لدرجة أن تُصاب بنوبة (ضحكية) مؤذية (وهذه أسأل عنها عماد عبدالله) غيّاث ، يساعد ويخدم دون مَن أو أذى مسالم جداً ، والله لوأديتو كف ما يسألك
والله ، والله ، والله ، طوال سنوات معرفتي ببدرالدين هذا والتي جاوزت الخمسة عشر سنة لم أسمعه يوماً يغتاب ، أو ينم .. أو مجرد أن ينوى ضرراً أو شراً بأحد وناّس ،، رويسو الصغيروني ده مليان بلاوي قراّي ومُطّلِع (لامؤاخذة ، حتى الحمام فيهو كتب) !! هو ليس ملاكاً ، و له عيوبه ، وقد درج على الإعلان عن بعضها هنا ولكنها لا تسوى شيئاً مقابل مل يتمتع به من صفات أخرى والله يا عمر ما جبت حاجة من عندي ، وما قلت في الزول ده كل ما يستحقه في زمننا هذا لو قلت كلمة في زول فلابد أنك تحتاجه في شئ ولكنني لا أحتاجه في شئ ، بل هي كلمة حق في حق أخ عزيز.. وصدقني ، بدرالدين نموذج فقط لبعض إخوة وأخوات أعزاء التقيناهم هنا ولو أتيحت الفرصة للحديث عنهم فسأقول عنهم ما يستحقون .. له ، ولك ، ولهم التحية
بدرالدين الأمير يا أخوي ، إنت عارفني ما بحب التلج وكسيرو ولكن وجدتني أقول عنك ما قلت حتى يعرف من لم يعرفك (حقاً) شيئاً يسيراً عنك..
----------
يا عمر ،، يعني الواحد بعد ده إلا يتصور ويغير صورة بروفايلو كل يوم (عشان تآمنوا) .. بمناسبة اللبس دي ،،، مرة في نهاية التسعينات ، نسقنا نحن مجموعه من الفِرد هنا في الدوحة ، وسافرنا إجازة طويلة زي شهرين ونص كده عندنا زول ظريف جداً فردتنا هناك ، دلعناهو بالهدايا ،، وطبعاً هو (دليلنا هناك وكده) المهم كل يوم برنامج (الوكت داك نحن عزابة) والبرامج ألف المهم زي بعد خمسة وأربعين يوم كده مشينا المساء لي صاحبنا ده ، وتيت تيت تيت تيت يلا ياخ أمرق إتأخرنا ،، جا طالع لينا ببنظلون تريينق وفنيلة وسفنجة في شنو ياخ مالك ما جاهز ؟؟ عاين لينا كده ، وقال لينا ، ما طالع معاكم ، ما تجوني تاني ليه يازول في شنو ؟؟ قال لينا ياخ إنت ما بتغسلوا هدومكم ، أنا مباريكم قريب خمسين يوم ما شفت واحد فيكم كرر لبسة .. طبعاً كتلنا بالضحك ، وورث شنط المغتربين الفارات كلها ..
|
صلاح عبدالله ياخى ليتنى اكون اهلا
| |
|
|
|
|
|
|
Re: بدر الدين الأمير الأكثر أناقة بين كل البورداب.. (Re: معتز القريش)
|
Quote: صاحبي الجديد القديم عمر ..
ما عافي ليك (حق الصداقة) ياخ جيب سيرتي وقول أنيق واللا أي حاجة إن شاء الله أكون لابس (أم فكو ) زاتو ياخ .. غايتو الصداقة ح أستغلها حتى تقول ليتها ما كانت ..
بالجد ، وما دام فتحت موضوع عن بدرالدين ، ورغم أنني أكاد أكون غائب عن الدوحة ، رغم وجودي فيها ، وطولّت من بدرالدين ، لكن ، دعني أستغل بوستك هذا لأقول كلمتي في هذا الشخص ، المدعو (أخوي بدرالدين) بدرالدين يا عمر ليس أنيقاً في ملبسه فحسب الزول ده أنيق وجميل النفس ، زول عندو أمان جواه زول مريح في التعامل معاهو متصالح مع نفسو ومع من حوله بسيط لدرحة السذاجة ذكي لدرجة العبقرية كريم لدرجة البسط التي تجعله ملوماً محسوراً إجتماعي جداً ، وماهر جداً في صنع علاقات مع الجميع وفي زمن قياسي وهذا سبب نجاحه في شركته .. زول واجب ، وزول فزعة ، وزول مليانة ضحاّك لدرجة أن تُصاب بنوبة (ضحكية) مؤذية (وهذه أسأل عنها عماد عبدالله) غيّاث ، يساعد ويخدم دون مَن أو أذى مسالم جداً ، والله لوأديتو كف ما يسألك
والله ، والله ، والله ، طوال سنوات معرفتي ببدرالدين هذا والتي جاوزت الخمسة عشر سنة لم أسمعه يوماً يغتاب ، أو ينم .. أو مجرد أن ينوى ضرراً أو شراً بأحد وناّس ،، رويسو الصغيروني ده مليان بلاوي قراّي ومُطّلِع (لامؤاخذة ، حتى الحمام فيهو كتب) !! هو ليس ملاكاً ، و له عيوبه ، وقد درج على الإعلان عن بعضها هنا ولكنها لا تسوى شيئاً مقابل مل يتمتع به من صفات أخرى والله يا عمر ما جبت حاجة من عندي ، وما قلت في الزول ده كل ما يستحقه في زمننا هذا لو قلت كلمة في زول فلابد أنك تحتاجه في شئ ولكنني لا أحتاجه في شئ ، بل هي كلمة حق في حق أخ عزيز.. وصدقني ، بدرالدين نموذج فقط لبعض إخوة وأخوات أعزاء التقيناهم هنا ولو أتيحت الفرصة للحديث عنهم فسأقول عنهم ما يستحقون .. له ، ولك ، ولهم التحية
بدرالدين الأمير يا أخوي ، إنت عارفني ما بحب التلج وكسيرو ولكن وجدتني أقول عنك ما قلت حتى يعرف من لم يعرفك (حقاً) شيئاً يسيراً عنك..
----------
يا عمر ،، يعني الواحد بعد ده إلا يتصور ويغير صورة بروفايلو كل يوم (عشان تآمنوا) .. بمناسبة اللبس دي ،،، مرة في نهاية التسعينات ، نسقنا نحن مجموعه من الفِرد هنا في الدوحة ، وسافرنا إجازة طويلة زي شهرين ونص كده عندنا زول ظريف جداً فردتنا هناك ، دلعناهو بالهدايا ،، وطبعاً هو (دليلنا هناك وكده) المهم كل يوم برنامج (الوكت داك نحن عزابة) والبرامج ألف المهم زي بعد خمسة وأربعين يوم كده مشينا المساء لي صاحبنا ده ، وتيت تيت تيت تيت يلا ياخ أمرق إتأخرنا ،، جا طالع لينا ببنظلون تريينق وفنيلة وسفنجة في شنو ياخ مالك ما جاهز ؟؟ عاين لينا كده ، وقال لينا ، ما طالع معاكم ، ما تجوني تاني ليه يازول في شنو ؟؟ قال لينا ياخ إنت ما بتغسلوا هدومكم ، أنا مباريكم قريب خمسين يوم ما شفت واحد فيكم كرر لبسة .. طبعاً كتلنا بالضحك ، وورث شنط المغتربين الفارات كلها ..
|
صلاح عبدالله ياخى ليتنى اكون اهلا لكونى بعرفك
| |
|
|
|
|
|
|
|