|
اغرب موقف (باركن) لركن السيارة في الخرطوم ياوالي الخرطوم
|
في اجازتي الاخيرة قبل شهرين بالتحديد قمت بزيارة الخرطوم وقد كان لي موعدعمل مهم في وسط العاصمة وبالتحديد السوق العربي وبالتحديد شارع الجمهورية المهم وصلت بصعوبة للمكان وركنت السيارة مثلها مثل كل السيارات الواقفة وبطريقة صحيحة بين سيارتين المهم بعد انتهاء مهمتي رجعت للسيارة وانا اهم بفتح الباب حضر الي شاب في ريعان شبابه يحمل ايصال مالي . في البداية افتكرته من بعض الجمعيات الخيرية . بعد السلام سالني هل السيارة لك اجبت بنعم قال عاوزين حق الباركن قلت اي باركن قال لي الواقفة فيه السيارة ده قلت ليه سيارة واقفة في (واطة الله) يازول موقف شنو وباركن شنو قال لي لا ده موقف البلدية(المحلية ) استغربت يعني كل العربات الواقفة بتتحصل منها رسوم قال نعم قلت ليه ياخي ده شارع عام والموقف او الباركن بكون مقفول لسلامة السيارة ومحدد بي زمن معين وسعر معين بعدين انا اياخي انا كنت داخل المكتب ده وانا هسه واقف امامه قال لي يا زول ما تكتر كلامك حتدفع يعني حاتدفع قلت ليه لو بقت كده والله العظيم ما ادفع وتجمهر الناس وتم حل المشكلة ولم ادفع اي مليم له
المحلية وناس الحكومة ديل جنووووووووووو عديل ولا ياربي الزول ده قال ده مغترب مغفل .
|
|
|
|
|
|
|
|
|