48 قاتل ومجرم وسفاح موتور ... يلاحقهم العار

Quote: ياخ ركز معاي شوية ، الإنقلاب ودالحرام قصدت به إنقلاب ال 3 ساعات وده الإنقلاب الوقع يوم 5/9/1975 بقيادة المقدم حسن حسين عثمان ورفاقه ناس عبدالرحمن شامبي وحماد الأحيمر والقاضي عبدالرحمن إدريس والسبب الخلاني أذكر هذا الإنقلاب قولك بأن الجماهير هزمت حركة 19 يوليو التي إستمرت 3 ايام فيما معناه ان الشارع يرفض الإنقلاب الشيوعي فنوهت مقارنآ ب حركة سبتمبر التي هزمت بعد 3 ساعات بمايعني ان صبر جماهير الشارع السوداني على حركة حسن حسين ، أسلاموية التوجه ، كان اقل

الانقلاب ده تفاصيلوا ماوأضحة لى ( شهر ما ليك في نفقه ما تعد أياموا )
كل البعرفوا الناس ديل كانو مستنيين نميري يمر في مرسيدس
عشان كده ضربوا كل عربية مرسيدس
ونميري مره في مازدا من القيادة وقطع الكبري مشه بيتو الفي كافوري

Quote: هشاشة نظام نميري هي التي أغرتهم

ما هشاشة نظام نميري
زمان نفسيات الناس وتصرفاتهم مختلفة
ماكنو ببيتو على ضيم وشيلين روسهم في إيدينهم

Quote: بالمناسبة ، المجموعة التي عملت إنقلاب سبتمبر بعض كوادرها هم من قصفوا القصر الجمهوري وبيت الضيافة لتصفية مجموعة هاشم العطا وتصفية نميري والموالين له المعتقلين في بيت الضيافة ، هشاشة نظام نميري هي التي أغرتهم لاحقآ بتنفيذ إنقلاب 5/9/1975

الكلام ده حسب مداخلت أخونا سوركتى بقول الاتجاه ده كان ناس المقدم عبد العال مبروك
وما الاسلاميين الممكن قامو بحركة 1975 وفيما بعد شاركو في حركة 2 يونيو 1976
لكين ما ظن كان ليهم تحرك في الحصل لحظات عودة نميري للسلطة بعد إنقلاب 19 يوليو
والله أعلم



*إهتماماتي بـ19 يوليو والجمعة 2/يونيو 1976 م الإنقلابات التانية معرفتي فيها زي معرفتي باللغة الصينية
( نيّخا ) وبس يعني في حدود التحية والسلام