|
|
 Re: ابيي-ستان في ذمة الله؟ (Re: Elbagir Osman)
|
استاذنا الباقر موسي عواصف الود:
نعم كانا ثنائي في الحكمة وحلحلة المشاكل، او كانا روح واحدة في جسدين، دينق مجوك وبابو نمر واعتقد ان مهمة المثقفين واهل المنطقة الكتابة بنهم عنهما وتثبيت دعائم فكرهما ولاسيما في هذه اللحظات الحالكات واسمح لي ان انقل لك وعبرك الى القراء هذه المفتطف عن كيفية لقاء بابو نمر بدينق مجوك:
- كيف التقى بابو نمر بدينق ماجوك:
فرانسيس دينق:
طيب يا عمي الناظر انت عارف الهدف من التسجيل ده,
وما في لزوم انا ادخل تاني في كل التفاصيل.
وندخل في الاسئلة عن دينق ماجوكزوزي ما عارفين معرفتكم بترج لايام ما كنتم صغار.
لذلك الواحد بتوقع منك الكلام الكثير وكل ما كانت في تفاصيل كل ما كان احسن.
واذا بتذكر اشياء معينة كاحداث لتدعم حديثك برضه يكون كويس...
افتكر ممكن نخلي ده طالما قبل كده سجلنا لبعض وقلت لي الكلام ده كله.
ممكن تورينا المناسبة اللي قابلت فيها دينق ماجوك لأول مرة, والظروف ذاتها كانت كيف؟
بابو نمر:
والله دينق ماجوك ده كان صبي...
وكان في الدقادق بره ومعاه دينق ابوت,واخوانه بيونق واروب ابوفلجووهم اخوان اشقاء.انا واروب قدر بعض مولودين في سنة واحدة.اروب ابوفلج اصغر من بيونق.واخواته ناس اين وابول وأوار ديل انا بعرفهم.دينق ماجوك كان في الدقدق.
ملاقاتنا كانت ضعيفة,ما دايما,لأننا لما نحن العرب نجي في البحر هنا ,هم بيقطعوا الجرف بمشوا جهة بارليل بيغادي.والمقابلات دي ما بتم الا اذا هو جاء ابيي لناس أبوه,لكن كان صبي تمام.هو لابس لباس الدينكا .....يعني العاج بتاع السن والسلوك البعملوها في اليد دي يعني طبعا منكسي لابس.لكن يعني المعرفة سنة 1923 هو جاء عندنا في فريقنا في اللو. دي اول مرة انا شفته فيها.اتاري كان بين ابونا الناظر كوال ووالدي نمر تفاهم.
ودينق ماجوك كان عاوز بتزوج.وبعدين ابوي قال ليه يا الناظر كوال,دينق دا ولدي.لما يجي اتزوج انت اديني خبرعشان انا ادفع بقر في الزواج ده عشان بعدين زوجته لما تجيب الاولاد والبنات ويتزوجوا اولادي يكونوا شركاء فوق المال بتاع الزواج بتاعهم.
الكلام دا بيناتم انا سمعته في الاخر.لكن دينق ماجوك لما جاء ساق البقر سنة 1923 نحن كنا مصيفين في اللو.جاء راكب جواده ,ومعاه اربعة خمسة صبيان شايلين حرابهم.الناس قالوا ده دينق,ده دينق ماجوك ود كوال,ده دينق ماجوك ود كوال, ودي اول مرة انا شفته فيها.
وبعدين الناس الكبار قاموا مسكوا الجواد ونزلوهم وجابوا العنقريب..
.ختوه جنب والدنا,وقعدوا يتونسوا.دينق ماجوك من زمان بيعرف عربي,لكن عربيه ما كثير.
كان بيسمع اكتر مما يتكلم كلام العرب.بعدين في العصر,هو ومعاه والدنا والجماعة المعاه دول مشوا نزلو في الرهد تحت في الرقبة في اللو.مشوا محل البقر هناك.بعدين والدنا عزل ليهم بقر زي خمسة ستة ما عارف عددهم بالضبط.ساقوهن وراحوا.ساقوا البقر لزواج المره.دي اول مرة انا شفت فيها دينق ماجوك.شفته كده ساكت بدون ما يعرف انا وين.
*كيف التقى بابو نمر بدينق ماجوك:
|
|
 
|
|
|
|
|
| العنوان |
الكاتب |
Date |
| ابيي-ستان في ذمة الله؟ | محمود الدقم | 07-18-09, 11:52 PM |
| Re: ابيي-ستان في ذمة الله؟ | بريمة محمد | 07-19-09, 04:47 AM |
| Re: ابيي-ستان في ذمة الله؟ | هاشم الحسن | 07-19-09, 05:23 AM |
| Re: ابيي-ستان في ذمة الله؟ | محمود الدقم | 07-19-09, 12:12 PM |
| Re: ابيي-ستان في ذمة الله؟ | محمود الدقم | 07-19-09, 12:05 PM |
| Re: ابيي-ستان في ذمة الله؟ | الطيب رحمه قريمان | 07-19-09, 12:25 PM |
| Re: ابيي-ستان في ذمة الله؟ | محمود الدقم | 07-19-09, 06:20 PM |
| Re: ابيي-ستان في ذمة الله؟ | محمود الدقم | 07-19-09, 08:00 PM |
| Re: ابيي-ستان في ذمة الله؟ | محمد على طه الملك | 07-19-09, 08:01 PM |
| Re: ابيي-ستان في ذمة الله؟ | shahto | 07-19-09, 08:28 PM |
| Re: ابيي-ستان في ذمة الله؟ | محمود الدقم | 07-20-09, 08:54 AM |
| Re: ابيي-ستان في ذمة الله؟ | محمود الدقم | 07-19-09, 09:07 PM |
| Re: ابيي-ستان في ذمة الله؟ | Elbagir Osman | 07-19-09, 09:15 PM |
| Re: ابيي-ستان في ذمة الله؟ | محمود الدقم | 07-20-09, 09:11 AM |
| Re: ابيي-ستان في ذمة الله؟ | محمود الدقم | 07-22-09, 01:02 PM |
|
| |
محمود الدقم
فيس بوك
تويتر
انستقرام
يوتيوب
بنتيريست