|
Re: عثمان ابا سعيد الحاج ..يرثي والدته تغمدها الله بواسع مغفرته (Re: الكيك)
|
Quote: . ولولا أنه من فعل الجاهـلية لأقمـت مأتما وعويلا.. بحى ووب !! ولكنى أقول بما يرضى الرب يابر يا ودود لامى الجادة الما حادة .. يابر يا ودود لامى الوليفة الما لفيفة .. يابر ياودود لامى اللطيـــفة الما تليفة .. يابر يا ودود لامى الفهيمة الما طهيمة.. يابر ياودود لامى الفقيهة الما طفيقة يابر ياودود لامى الفسيحة الما سفيهة.. يابر ياودود لامى المليحة الما قبيحة.. يابر ياودود لامى وسيعة البال الما سخينة الحال .. يابر ياودود لامى الظريفة النظيفة الما سخيفة ولا وسيخة .. يابر ياودود لامى العواسة الما كواسة ..يابر ياودود لامى ام عينا سحية الما صارة ..يابر ياودود لامى ام يدا سخية الما تارة ..يابر ياودود لامى ام نفسا رضـــية الما كارة ..يابر ياودود لامى الحرة الحنونة.. يابر ياودود لامى الدرة المصونة .. يابر ياودود لامى المصــــباح المُنًّور .. يابر ياودود لامى مفتاح المَسَور حليلك يايمة . حليلك يا الضاوية متل الرتينة بلا لهب . حليلك يايمة . حليلك يا الرزينة الصافيــة متل الدهب . حليلك يايمة .. حليلك يا مطر الخريف .. حليلك يايمة .. حليلك يا الضل الوريف .. حليلك يايمة .. حليلك يا الزولة الوليـــف.. حليلك يايمة .. حليلك يا تمام الكيف .. حليلك يايمة .. حليلك يا الدميرة الواصلة حد القيف |
يابر يا ودود تقبل دعاء عبدك عثمان ابا سعيد الحاج جنى
|
|
![Edit](https://sudaneseonline.com/db/blank.gif)
|
|
|
|
|
|
|