الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: وليد محمد المبارك)
|
امشن اقصى ركن في المنزل ابكن واتمختن
ياها حيلتكن لا تعرفن غيرها
ده منبر عام اول اختبار حقيقي ليكن مقياسو الندية التامة مع الرجل اي نعم خلف حجاب الاسافير لكن الكل متساوون وللكل نيك نيم بنفس الواجبات والحقوق
ماذا فعلتن غير الحردي والجري والبكاء
وانا ما دايره وانا خليتو
انت قايلات شنو ؟ ده ياه البحصل
والمواقف عندها ضريبها اكان في الاسافير سويتن كده امال في العالم الفيزيائي مكان البنية والشلوت والكف عاوزات تعملن شنو ؟
ارجعن خدوركن او ابقن قدرها وبطلن الالبتسون فوقو ده
فما الاسافير الا تمرين مطش لمعركة في العالم الحقيقي التمرين غلبكن يا ضعيفات
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: Rihab Khalifa)
|
حقيقي يا رحاب نساء المنبر اثبتن هشاشة
ما عيب ولا مشكة
لكن روجن لانفسهن خلاف ما هن عليه
خليك من عزاز وحنين
وين تماضر وين وين وين ؟ كتيرات
الجرن
انا عارف الضرب تحت الحزام في المنبر كتير وما برحم
لكن بشاشا طلعوه خايب عديل كده
وكنو الراجل اكون خايب اكعب من انه المرة تكون عاهر
خلى المنبر ؟ قال حردتو ؟
Quote: اما العبد الضعيف لله الاسمها رحاب دي |
عديل كده عبد لله ولا امه الله ههاهاهاهاهاهاهاهاهاهاها
والله لكن مساواة للدين
100% يا فرده
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: سارة علي)
|
Quote: حقيقي يا رحاب نساء المنبر اثبتن هشاشة
ما عيب ولا مشكة
لكن روجن لانفسهن خلاف ما هن عليه
خليك من عزاز وحنين
وين تماضر وين وين وين ؟ كتيرات ....
Quote: اما العبد الضعيف لله الاسمها رحاب دي
عديل كده عبد لله ولا امه الله ههاهاهاهاهاهاهاهاهاهاها
والله لكن مساواة للدين
100% يا فرده |
وليد ابو العيال
طبعا ممكن اتفلسف ليك و اقول ليك، ما تعتبره جري، هو رد فعل مقبول و في بعض الاحيان مفضل ايضا، و مقاسك مقاس ذكوري، علي اعتبار انه افضل ردود الفعل في نظر الرجل هو المواجهه، و لو جابت ليها تضييع زمن و لت و عجن ما بيودو حته
من المهم انه الانسان يتخير معاركة و اراضيها ووكتها
الانسحاب مرات بيولد ضغط، و لولا واحد ااتنين من ديل، ما كان في زول عبر عزاز ولا حنين ولا تماضر ولا مياده ولا غيرهن، يعني برضها استراتيجيه جيده و شغاله تمام مع النفسيه السودانيه و ادله المنبر قدامك بالكوم، لانه بنقعد نجابد في الزول و نمسك في طرف هدومه و نصر انه ما يمشي و رد فعلنا بعديها علي الغلطان بتضاعف و رادار الحساسيه تجاه الغلطات المن نفس النوع بيكون عالي which is not bad
و ده بيجينا لحته جميله نفسي اقولها من زمان ياخ، اسمح لي يا سيد ست الاسم، القال ليكم دايرين نتساوي بيكم منو؟ في بلودها هنا كلمه مساواه دي الناس غيروها لكلمه عداله، و دي كلمه منطقيه جدا و بل ساعدت النساء اكتر من كلمه العداله دي يعني البجي اسي في الفيمنيزم يقول مساواة equality ده، بيدوهو في راسه، و يقولو ليهو المساواة الخلت المراه تشتغل دوامين بره و جوه البيت و ظلمت النساء دي ما كويسه، نطالب بالعدل equity
يا وليد المنبر ده بالمناسبه بياخد من وكت و اعصاب الناس الكتير، و ما معروف النتيجه شنو في النهاية، ناس كتار بيتكلمو عن انه طريقه لتغيير مفاهيم الناس و سلوكهم، علي اعتبار انه مجتمع سوداني مصغر، بلا بلا بلا، لكن هل ده بيحصل فعلا؟ هل توجد طرق اخري اكثر عمليه و اقل تكلفه؟ الوكت ده غالي، خليك لمن يكون معاهو حرق اعصاب و كلام فاضي
بعدين سودانيز ده انتو مدينو حجم اكبر من حجمه ياخ، ياها مساحه اونلاين، كبيره و سمحه و بيقروها كتار، لكن في النهايه مساحه اونلاين يوجد غيرها الكتير المفيد و ما اقل انتشار كمجموعه
---------------------- بتي كيفننننننها? -------------------- بخصوص عبد الله و امه الله دي، ذكرتني اخوي، كل ما يضرب لي بيقول لي كيفك يا خادم الله، و اقول ليهو تمام يا عبدالله، يقول لي برضه ما زي خادم الله يا زول، ده الفضل من عربينا، لا جندره ولا شتين، بس عربي تعبان
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: Rihab Khalifa)
|
رحاب ست الاسم
يا زولة حاشاك الفلسفة ( بمفومنا) انت زولة واعية وكلامك واعي
Quote: الانسحاب مرات بيولد ضغط، و لولا واحد ااتنين من ديل، ما كان في زول عبر عزاز ولا حنين ولا تماضر ولا مياده ولا غيرهن، يعني برضها استراتيجيه جيده و شغاله تمام مع النفسيه السودانيه و ادله المنبر قدامك بالكوم، لانه بنقعد نجابد في الزول و نمسك في طرف هدومه و نصر انه ما يمشي و رد فعلنا بعديها علي الغلطان بتضاعف و رادار الحساسيه تجاه الغلطات المن نفس النوع بيكون عالي which is not bad |
ايووووواااااااااااااااااا
يعني سويتن كيدكن
Quote: و ده بيجينا لحته جميله نفسي اقولها من زمان ياخ، اسمح لي يا سيد ست الاسم، القال ليكم دايرين نتساوي بيكم منو؟ في بلودها هنا كلمه مساواه دي الناس غيروها لكلمه عداله، و دي كلمه منطقيه جدا و بل ساعدت النساء اكتر من كلمه العداله دي يعني البجي اسي في الفيمنيزم يقول مساواة equality ده، بيدوهو في راسه، و يقولو ليهو المساواة الخلت المراه تشتغل دوامين بره و جوه البيت و ظلمت النساء دي ما كويسه، نطالب بالعدل equity |
هاهاهاهاهاهاهاهاههاهاهاهاها والله اتطورتو يا رحاب لكن اقول لك شي كلمة عدلة هي المناسبة وشايف الامم المتحدة بدت تغيي في مفردات صاغتها ابان الموضوة اتضح انها فها ضرر اكتر من النفع شايف غير برضو ( اصحاب الحاجات الخاية ) ورجعوها للمعوقين او اصحاب الاعقات لانه اتضح انه ( ناس السكر، المدمنين ، المرضى النفسيين ) كلهم ذوي حاجات خاصة
الان مفردة عدالة هي المناسبة والعدالة ما بتعني المساواة لانه مساواة من هم في اوضاع غير متساوية ظلم بين
Quote: يا وليد المنبر ده بالمناسبه بياخد من وكت و اعصاب الناس الكتير، و ما معروف النتيجه شنو في النهاية، ناس كتار بيتكلمو عن انه طريقه لتغيير مفاهيم الناس و سلوكهم، علي اعتبار انه مجتمع سوداني مصغر، بلا بلا بلا، لكن هل ده بيحصل فعلا؟ هل توجد طرق اخري اكثر عمليه و اقل تكلفه؟ الوكت ده غالي، خليك لمن يكون معاهو حرق اعصاب و كلام فاضي |
الناس بتفتش يا رحاب لحدي ما تجد والى ذلك الحين تظل الاسافير وسط جيد لنشر المعرفة وبالنسبة لينا نحن السودانيين سودانيزاون لاين في المقدمة
Quote: بعدين سودانيز ده انتو مدينو حجم اكبر من حجمه ياخ، ياها مساحه اونلاين، كبيره و سمحه و بيقروها كتار، لكن في النهايه مساحه اونلاين يوجد غيرها الكتير المفيد و ما اقل انتشار كمجموعه |
اسمحي لي اختلف معاك يا رحاب ارجعي للمكتبات واقريها وخاصة المواضيع المميزة بتعرفي ان اون لاين فايت الباقين ببون شاسع اون لاين ميزتو انه متنوع لاهو حق ثقافة بس زي بعض المواقع ولاهو حق سياسة بس زي بعض المواقع ولا هو حق وناسة ببس زي بعض المواقع ولا هو حق مجموعة معينة ( اولاد حلة ، فرد / اولاد منطقة ، زملاء دراسة ، اصحاب كارير ) زي بعض المواقع
هو حق كل شي وده المميزه
مع الاحتفاظ للمواقع التانية بحقها
بتك 100% وسلمي لي على ولدنا
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: سارة علي)
|
وليد المبارك .. سلامات
Quote: ده منبر عام اول اختبار حقيقي ليكن مقياسو الندية التامة مع الرجل اي نعم خلف حجاب الاسافير لكن الكل متساوون وللكل نيك نيم بنفس الواجبات والحقوق |
يؤسفني إبلاغك إنو الأسافير ماهي الإختبار الحقيقي لأنها ببساطة تفتقر لأبسط مقومات شرف الخصومة لو الموضوع مقارعة حجة بالحجة فعزاز وحنين والعشرات غيرهن قادرات على ذلك وأثبتن وجودهن فقط بالوعي والعقل لكن مصارعة الأشباح الإسفيرية يجعلهن أشبه بمن يصارع طواحين الهواء ولا أظن أنهن في حوجة لكل ذلك عزاز وحنين بنات رائعات مجتهدات ناجحات في حياتهن الحقيقية وفي مجالاتهن المهنية والتي هي ليست ببعيدة عن دورهن في الأسافير ويمكنهن أن يعطين أكثر في الواقع ويشاهدن عائد إجتهادهن ينمو أمام أعينهن لقد ثبت بالتجربة أن محاولة الإصلاح في هذا المكان كمن يحرث في البحر هنالك أماكن أخرى أولى بوقتهن ومجهودهن ونجاحاتهن وحتماً سيجدن فيها كل التقدير
الحاجة التانية والأهم لاأعتقد أن عزاز وحنين تركن المنبر لأنهن نسوان ولم يبكين ويولولن ويقلن أرفعوا يدينكم عننا وما تعملوا لينا كدا لأننا بنات بل مارسن حقهن الطبيعي كبشر "إنسان يعني" في رفض ما يحدث ويمكن أن نعتبر توقفهن عن الكتابة وإن كان محزناً لنا بمثابة إحتجاج راقي جداً ووسيلة متحضرة لقول (لا) ..
عزاز وحنين من أقوى وأصلب البنات الأنا شفتهم في حياتي وعزاز تحديداً "بحكم معرفتي الشخصية بيها" البتعمل فيهو في حياتها الواقعية رجال بي شنباتهم"مع كامل إحترامي" ما قاعدين يعملوهو بنت مثابرة ومجتهدة وعصامية ومستعدة تنحت الصخر عشان تحقق أهدافها لو ذهبن فالمنبر هو الخاسر ولو أتين - وأتمنى ذلك - فالمنبر حتماً هو الكسبان
Quote: والمواقف عندها ضريبها اكان في الاسافير سويتن كده امال في العالم الفيزيائي مكان البنية والشلوت والكف عاوزات تعملن شنو ؟ |
تتخيل مكان البنية والشلوت أرحم ! على الأقل ممكن تاخد حقك حسبما ترى سواء بالقانون أو بيدك لكن هنا في هذا المكان لا قانون ولا يدك ولا كائن من كان يستطيع أن يعيد لك حقك
مطالبتهن بالمساواة وسعيهن بجدية وإلتزام لتحقيق ذلك الهدف لا يجب أن يكون مبرراً لسحلهن وإمتهان كرامتهن وجعلهن هدفاً مشروعاً للغاشي والماشي ..
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: Amin Mohamed Suliman)
|
Quote: و ده بيجينا لحته جميله نفسي اقولها من زمان ياخ، اسمح لي يا سيد ست الاسم، القال ليكم دايرين نتساوي بيكم منو؟ في بلودها هنا كلمه مساواه دي الناس غيروها لكلمه عداله، و دي كلمه منطقيه جدا و بل ساعدت النساء اكتر من كلمه العداله دي يعني البجي اسي في الفيمنيزم يقول مساواة equality ده، بيدوهو في راسه، و يقولو ليهو المساواة الخلت المراه تشتغل دوامين بره و جوه البيت و ظلمت النساء دي ما كويسه، نطالب بالعدل equity |
دة الكلام :)
بعدين يا وليد فى معارك كدة الواحدة بتتعفف تخوضا
تعفف النفس الكبيرة عن غنائم صغيرة يا صديقي
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: أيزابيلا)
|
سلامات ياوليد
المحلة دي المفروض تكون محلة مبهجة الناس تجي تلاقي بنات وابناء وطنها يعني ذي نادي ابناء مورا ولا ابناء القولد
لكن تحول لزقاق يلبت فيه المرضى والمأفونين
بعدين لوي يد الناس بامور العرض والذمم في مجتمع يؤمن ايمان قاطع العود المافيه شق ما بقول طق حتى لو الشق دا عاملو زول معروف قدا الناس تلقاهم يردوو في القصة وهم عارفنها كذب فقط للاغاظة والفرملة مثل قة سرقتنا لاموال الشعب والعيش عليها اتنجرت هنا قدام الناس دي وبسرعة اتوذعت.
كل النساء هنا محترمات مبادرات قويات ومقدرات في الحياة الحققية
مشكلتهم الاساسية انهن سلبيات جدا في شجب ما يحدث للاخريات حتى اكلن يوم اكل الثور الابيض..
الاسبوع الفات القريب دا في مناقشة موضوع البركس جا واحد كتب لي تلميحات بطالة اسمو خالد جا الترجمان ابو ساندرا فسرها تفسير غير مقبول
الموضوع مشى عادي..
وين نساء المنبر من ذلك
واقوليك حاجة مرة واحد كنت متشاكلة معاه حيث تعدى علي ثم اعتذر لي لاحقا قالي الغربية غالبية الماسنجرات البتتعاطف معاه رغم تعديه من نساء في هذا المنبر يدعن صداقتي في الامام ولا يتوانن في التحريض من الخلف...
تبقى موضوع النساء السودانيات بقاطبة هو عدم فهمهن الموضوعي للامور ودا بجي من قلة تجاربهن في الحياة لان الاسر تركب لهن الحزاء الصيني في عقولهن الا من رحم ربي..ويبقى فهمهن فطير جدا لكثير من الامور
العمل العام قطعةمن جهنم في القطر الاسمو السودان اذكى النساء حرمن من افادة البلد بسبب ما يسمى بالسمعة الكتابة في البوردات السودانية ذي المشي في الالغام.. لا تعرف متى حتعفص الغم المدفون .
من قبل كنت امارسها بكل محبة ومتعة اسع فقط حتى لا اتعلم الانسحاب.. واتمنى الا تنسحب اي اخت هنا..
ويجب ان ننظر الى مجتمعنا وتربيتنا ونمارس النقد الذاتي,, ونتعلم نكون موضوعين نهتم بالقضايا وليس الشخوص الشر شر على اطلاقه بقض النظر اتى ممن..والخبر خبر على اطلاقه بقض النظر من فاعله
بجيك صادة
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: سارة علي)
|
Quote: تتخيلي انتي مسكتي مربط الفرس.. دة بالجد الحاصل يا دكتورة نجاة.. والكلام دة انا باكد فيه ما من فراغ |
ياخي واحدات هنا بدعوا انهم يعرفوك وهم لو وقفتا جنبهم ما يعرفوني عشان يعضدوا قصصهم ونجرهم. الرجال مقدور عليهم لكن العدو المننا وفينا دا نسوي ليه شنو حصان طروادة ديل الله يدينا خيرهم ويكفينا شرهن
Quote: عشان كدة انا حرصت جدا جدا جدا اني ما اكون صداقات في المنبر دة..البعرفهم واديتم مساحة يعرفوني ما بيفوتو التلاتة.. |
عاقلة والله...
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: د.نجاة محمود)
|
سلامات يا دكتور نجاة
Quote: من قبل كنت امارسها بكل محبة ومتعة اسع فقط حتى لا اتعلم الانسحاب.. واتمنى الا تنسحب اي اخت هنا..
ويجب ان ننظر الى مجتمعنا وتربيتنا ونمارس النقد الذاتي,, ونتعلم نكون موضوعين نهتم بالقضايا وليس الشخوص الشر شر على اطلاقه بقض النظر اتى ممن..والخبر خبر على اطلاقه بقض النظر من فاعله |
يديك العافية يا دكتور ده مربط الفرس مجتمعنا عاوز اعادة تقييم كدي قول لي منو من مشاهيرنا ذكرا كان او انثى لم تحم حوليه اشاعة جنسية فاعلا كان او مفعول به او تكون الاشاعة في درجة قرابة قريبة جدا منو
فتش وشوفي كان لقيتي زول مشهور استثنى ؟
زول يختلف مع زول في السياسة التاني قول ليك داك ود حرام ود حرام علاقتها بالسياسة شنو ؟
زول يختلف مع زول في الرياضة التاني يقول ليه انت (.......) دي علاقتها بالرياضة شنو ؟
حقيقي عاوزين اعادة تقييم
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: أيزابيلا)
|
Quote: بعدين يا وليد فى معارك كدة الواحدة بتتعفف تخوضا
تعفف النفس الكبيرة عن غنائم صغيرة يا صديقي |
ده كلام سليم يا ايزابيلا تتعففي عن الخوض في الترهات وتواصلي مسيرتك نحو هدفك تنشري مشروعك بوعي وثبات
اصلا ما قلنا يقابلن البذاءات بمثلها - لو عملن كده ما بنقبلها منهن - لكن ما يخلن المكان ، ده مكان لنشر الوعي ما نشر البذاءة
الهروب ده ما حل
ولا كيف يا صديقة ؟
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: تيسير عووضة)
|
مرحب تيسير عووضة
حبابك يمه
Quote: لقد ثبت بالتجربة أن محاولة الإصلاح في هذا المكان كمن يحرث في البحر هنالك أماكن أخرى أولى بوقتهن ومجهودهن ونجاحاتهن وحتماً سيجدن فيها كل التقدير |
طيب ممكن اسالك سؤال ؟ انت قاعده ليه ؟ طالما قاعده معناتا انه لايزال في عشم في المكان ده ، والا كان انت زاتك شلتي عدتك واتخارجتي
Quote: ويمكن أن نعتبر توقفهن عن الكتابة وإن كان محزناً لنا بمثابة إحتجاج راقي جداً ووسيلة متحضرة لقول (لا) .. |
وجهة نظر برضو
Quote: عزاز وحنين من أقوى وأصلب البنات الأنا شفتهم في حياتي وعزاز تحديداً "بحكم معرفتي الشخصية بيها" البتعمل فيهو في حياتها الواقعية رجال بي شنباتهم"مع كامل إحترامي" ما قاعدين يعملوهو بنت مثابرة ومجتهدة وعصامية ومستعدة تنحت الصخر عشان تحقق أهدافها لو ذهبن فالمنبر هو الخاسر ولو أتين - وأتمنى ذلك - فالمنبر حتماً هو الكسبان |
صورة مشرفة جدا وربنا يوفقهم في حياتهم الفيزيائية والاسفيرية لكن يا تيسير بكل احترام لن يخسر الموقع بذهاب احد المشو كتااااااااار د.نجات بولا حسن موسى عثمان واليييييييييييييييييييييييييييك
والحردو اكتر
ومواقع كتيره انشطرت من الموقع ده بسبب الزعل اون لاين ضوت اورغ ، اوف لاين ، فور اول ... الخ
لن يتاثر كثيرا المنبر بذهاب احد في الاخر من يذهب بظل فرد وعملية المشاركة في المنبر عملية جماعية وبمشوا ناس وبسجلوا ناس ... وحواء ولاده
نحن عاوزين وجود حنين وعزاز بحكم المعرفة الاتكونت بيناتنا في المنبر وبحكم انهن بنات واعيات ومؤثرات
لكن ما عشان المنبر حا يخسر
ذهابهم ممكن ياثر فينا نحن كمشاركين بحكم الالفة لكن لن ياثر في المنبر
Quote: مطالبتهن بالمساواة وسعيهن بجدية وإلتزام لتحقيق ذلك الهدف لا يجب أن يكون مبرراً لسحلهن وإمتهان كرامتهن وجعلهن هدفاً مشروعاً للغاشي والماشي |
دي حالة عامة لم يسلم منها مشارك في المنبر يعني المطاعنة والنبذ ما كان حكرا على عزاز وحنين ياما في نسوان نابزوهم هنا في المنبر وياما في رجال كمان فيهم الطلعوه خايب وفيهم الطلعوه حرامي وفيهم الطلعوه متسلق والخ
عموما القرار قراهن بخصوص ذهابهن المنبر لا احد يبت فيه سواهن ورائي انهن هشات قياسا على انسحابهن ده رائي الخاص ولازلت عنده
خالص الموده
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: شادية عبد المنعم)
|
يا وليد,,,
سلامات يا صاحب,,,
عندما نعجز عن مجاراة عدو أو محاور لا لقوته ولكن لقذارة أسلحته لا يعنى هذا ضعفا,, فإذا كان ما ما يجمعك بشخص ما فقط هو هذا الإسفير الكبير وتخلى هذا الشخص عن أبسط قواعد الأخلاق والأدب فلن ينصحك أحدا بمجاراته وقد لا يوقفك أحد أيضا,,,
لا أحد ينصح إنسانا بالبقاء حيث توجه له الإساءآت والشتائم وهو غير قادر على رد ذلك!!! وليس كفؤا له أيضا,,فهنا يكون الترفع وتوجيه الزمن لما يفيد أكثر ألما لعدو عاجز عن أن يريك وجهه حتى تبصق عليه,,, معارك الإنترنت تختلف تماما عن أى نوع آخر من المواحهات خاصة إذا كان عدوك وهميا وخفيا!! الكل يتمنى أن يكون عدوه أو من يقف بمواجهته فى موقف ما واضحا ومكشوفا حتى يكون النزال مهما كان نوعه عادلا ,,,
عندما يكون المكان محكوما باللوائح ومحميا من مثل ما نراه هنا أحيانا وإحترام كل فرد محفوظ ومصان وعرضه خط أحمر رغم أنه لا يسلم الشرف الرفيع من الأذى فسيكون الوضع مختلفا,,,
فقط أنظر حولك وشوف كم النساء اللائى لا تملك غير أن تحترمهن وتقف لهن إجلالا وتقدير وإكبارا,, ما يحدث لأخواتنا هنا لا نرضاه لإخواتنا هناك ولكن الفرق أن فى هذا المكان وغيره يفترض بعض الجبناء أن من جاءت هنا بما تكتب فلتتحمل ما تخرج به المخيلات المريضة وحقارات من لا يملك غير أن يتخفى وراء باسوورد أو كلام يحتمل أكثر من معنى ليكون له مخرجا حينما يتضح له حجم وفظاعة سقطته مهما ساق لها من تبريرات,,,
المنبر يحتاج إلى عمليات تجميل وإستئصال لكل نبت مؤذ لغيره من الناس وفوق كل ذلك درجة حمايةأكبر حتى تقطع الطريق على اللصوص والدخلاء,,,
مودتى,,
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: وليد محمد المبارك)
|
صباح الخير يا وليد، وشكرا كتير على حسن الظن يا اخوي ... ___ هشات يا وليد؟ هشّات عديل؟ بسكويت ويفر ؟ تخيل، انا ما حردانة ، ولا كلام الهكر الوقفني الشعور العندي (قرف و طمام) من طريقة ادارة سودانيس اون لاين اها ... الفيل زات نفسو سبب آذاي ... اديت ضل الفيل اجازة و جيتك بالدرب عديل بوستات الشتيمة يا وليد بتقعد ساعات و ساعات و بوستات التعبير عن الرأي بتتحذف في دقيقة بوستات الشرف و السمعة بكري يخليها شغالة و عدادها مليون و بوستات الحق يسحبها زي فيش كهربا المكنسة لمن تخلص من الكنس ... طق ... كررررررررركررررر .. طق ده باعتبار انو مكنستكم الكهربائية شبه مكنستنا لتقريب التشبيه
يخت قوانين والقوانين القديمة قاعدة متكية فوق زي لوحة (الشرطة في خدمة الشعب) في مكتب ضابط مرتشي ولا شعار (امرهم شورى) و الحكاية شمولية معطونة ديكتاتورية ولا اللوحة المذهبة التي تطالعني في بيت احدهم (بشر الصابرين) و هو اكثر نفس بشرية هلوعة عرفتها في حياتي ...
يعني القوانين دي تشريفية و كمان فيها صفوية في سنّها، حتقولو لي البورد حقو؟ سمحة المقدرة ... عاد انا شغل المزاجات ده و الاستعباد ورقّ الاسفير ده ما واقع لي ولاني قبلانة بطوق حديد في رقبتي ..ولاني صالبة نفسي في صليب ورق ما يقدر حتى يشيل جثماني لو مت
و سوادنيس اون لاين ما هي السودان ولا كل السودان الكضب خيبة .. السودان احسن من كده بكتير .. معليش .. معليش قولو مجنونة حالمة ما عارفة صليحها خلّوني في وهمتي دي ما تنفسو لي كورتي البمبية ...
و الرسالة ياخوي الدايرين نوصلها لو بقينا على سودانيس اون لاين ياها الما وصلت و ما اتعدت اضنين الكمبيوترات وما صنعت المصانع من لابتوبات و آي فونات
المنبر وسيلة من ضمن الوسائل ما هي النهاية ولا منتهى الامل، في بوستات الختان سألتو لو النسوان البيطهرو بناتهن بيقرو سودانيس اون لاين، و السؤال منطقي، وما كل الشريحة المستهدفة بتقرأ المنبر اواصلا بتعرف تقرأ علشان كده البورد وسيلة لنشر الفكرة ...و بنقسم معاكم المسؤلية تواصلو تشيلو الفكرة بس ما بنركن و نقول خلاص ...
وعلشان كده ونساتنا في الزيارات عن الختان، و في مباركة المواليد بنرمي الكلام في نص الونسة و بنجيب سيرة الالتهابات و الالم في نص الحدث ... الضرب المتواصل يفل الحديد يا وليد ...
و بعدين يا وليد يا اخوي في صراعات تستحق و في صراعات ما جايبة همها ... يعني انا اقيف اصارع لي زول عوير دلاهة بيقول اني مكسره البورد؟ دفاعي عن نفسي في تقليل من قيمتي اولا و تقليل من قيمة اعضاء المنبر و عمل جسم و هيكل لكائن هلامي ..
النجيضة يا قولة ود الصايم هي انو بكري ابو بكر بقى بيبالغ و كتر المحلبية و الطناش خليني انا و كلام الهكر البيستوجب الضحك أكتر من الغضب ، كدي اخد ليك لفة في البوستات و شوف الكلام السفيه الي بيتقال و حافظاهو الاضابير للزمن .. قريت بوست طارق المكي؟ اها ... افتوني في نوع ده؟ و البوست قاعد يحمد الله و قراهو الف و نيف و مازال اها ... فارش خدار سمعتنا ولم يرف له جفن ...
سمحة المقدرة تاني ...
بالله ده نوع كتاب نقدمو بيمينا يوم الحساب؟ ولا نقول نصحنا ولم يكونوا من الذاكرين يا رب العالمين؟
___________
ابقى طيب و عافية يا هميم ...
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: عزاز شامي)
|
سلام يا وليد...... سلامة العوده يا عزوز...افتقدت قلمك النبيه!!
هشات مره واحده يا وليد؟؟؟
من زمان ما سمعت الكلمه دى... آخر مره فى العيد الفات فى وصف الكعك حق خالتى عواطف!!
الهشاشه يا عزيزي بتكون فى ان تفلس فكريا وينضب المنطق عندك وتختنق بالأفق الضيق الذى تحمله كنعش.. فتهرب الى ما تحت الحزام......وتضرب!!! لأنها أهش حته فى الجسم(طبيا وكده).... لكن أصلب حته ....الجمجمه التى تحمى بداخلها المخ....لا تستطيع ضربها... فقبضتك اللينه عندئذ حتتكسر حته حته!!... الهشاشه يا عزيزي ان تفقد أدب الحوار فجأه ولا تحتمل الإعتراف بالتراجع الفكرى أمام خصومك ....فتقرر أن تردح وتدق الصفائح....
.....وطبعا ما حألوم اى زول "يسمو" و"يتعفف" عن مثل هذا الخصام الفاجر والأسلوب الرجعى بإثبات الرجوله .... زى الكلب"عفوا" لمن يبول فى حته مثبتا ملكيتها....!!! ...الغريبه يا وليد الزول قايل نفسو خلى جنس الأساليب الصبيانيه دى وراهو أيام الأركان ووصول الكيزان الى الدرك الأسفل عشان يكرهوك ويخوفوك.... تفتح ركن عن السكن والإعاشه يجى واحد ناطى يقول ليك....انت كافر واللا مسلم؟؟ تفتح ركن احتفالا بيوم المرأه يجيك شيخ يقول ليك الاباحيه والدعاره وعرس الأخوات وكلام الطير فى الباقير.... تتكلم سته ساعات متواصله عن التاريخ السياسي للجامعه وتدلف على قانون الجامعه وقضايا الطلاب وتاخد ليك جكه كمان فى أحداث الشارع وتعرق وتخر مويه وتعطش.. يجى زول يقول ليك والله سمعناك سماحه ساي!!!!!
لكن يبدو انو رغم تطور الصراع الاجتماعى والسياسي ونضوج الصراع الثقافى فى السودان الا ان أساليب قيادة الصراع ما زالت فى نفس المربع الأول المتخلف ...بالنسبه للبعض على الأقل!!... وعموما.......... ما تخاف عليهم...(معليش جنى وجن نون النسوه دى يا وليد!!) سودانيات من كل فج...يسدون عين الشمس...وفى الطريق الى الشمس يلجمون كل الأفواه التى تجعجع بالتفاهات حجرا مع كل خطوه يخطونها الى الأمام (او فى الحقيقه لفوق!) وعزاز...وحنين...ورحاب...وفاطنه وعشه...وشذي بله.... باقيات يصارعن من كل المنابر وكل الجبهات..... المنبر ليس آخر الكلام كما لم يكن أوله..... البيوت الما بخشها المنبر ولا النت ولا حتى الكهربا كتييييييره فى هذا البلد القاره..... وديل هدفنا.....!!! ...... لكن ...والحق يقال.... استفدت كثيرا من الصراع فى هذا الحوش الضيق لإثبات كثير من التنظير الذى طالما قرأنا عنه وطالعناه فى صفحات كتب السيكولوجى فى تحليل نفسية التخلف والقهر...... فنبوغ أى امرأه فى أى مجال ....فكرى أو فيزيولوجى...يجعل المجتمع المحيط بها بما فى ذلك النساء...يسارع لنعتها بالصفات الرجوليه.... ...شكرا كان أو نقدا....(تختلف النظره باختلاف العلاقه ربما؟).......... ففى نظر البعض هى مره راجله والله ....والرجاله عندها....كده الرجاله واللا بلاش....!! وكأن النبوغ صفه ملازمه للرجل! وفى نظر الآخرين.......... فهى مسترجله....ومعضله....وقايله روحها راجل....بل وتصل الى(عفوا تانى) سحاقيه!!!!! أما اذا كانت تلك المرأه نابغه وتفوقت على نفسها ومجتمعها بتقدمها فى مجال معين.... وفى نفس الوقت.....تخرس الألسن بقلم ولسان حادين ومنطق قوى....وإصرار وتفانى.... فاللجؤ اذا يكون الى السلاح الأزلى....... ...الإيحاءات الجنسيه والأخلاقيه..... وتانى جينا لسيرة الكلب!!!!!.... والمجتمعات المتخلفه عموما صعب أن تقبل بندية أو تفوق امرأه ( حتى لو كان أمثال وليد وغيره من الزملاء الكرام فى المنبر ينادونا للنزال فى هذه الساحه بنديه.....) ولكن النظره الغالبه والسائده هى التى لا تستطيع ان تنسي ذلك الجسد الأنثوى فى أشد حالات النزال الفكرى وتلجأ لتذكيرنا "بالسماحه" و"الدعاره"و كل ما من شأنه أن يشتت الصراع!! ... ثم أن هناك وجه آخر لوصف هذا الصراع المتخلف يا وليد..... وهوdear old العنف ضد المرأه.... فهذا السلوك هو أيضا نوع م انواع الترهيب والعنف الفكري والنفسي ضد المرأه... فالعنف هو لحظة إنفجار الحقيقه الكامنه فى بنية التخلف وممارسته هو نوع من فرض الجبروت والسيطره ...يعنى قانون الغاب يا عزيزي.... يللا كل زول يشيل ليهو عضمه وخشبه فيها كرضمه ويجر ليهو مره من كراعها لفرض قوته وإثبات جبروته!!! .... وده كلو سببو شنو؟؟؟ قهر السلطه يا وليد... قهر المجتمع بقوانينو الأقرب الى الشرع فى قدسيتها....قهر "الرجل العالم"بفتح اللام أى عجلة الأقتصاد العالمى التى تقهر الكل..... "يعنى تانى رجعنا لسيرة البحر" فأنتو ونحن أطراف فى هذا العالم المقهور الذى تدور مفرمته لتفرم الكل رجلا كان أو امرأه ....صراع من اجل السلطه والقوه...والمال....وكلنا محركات تعمل لإرضاء هذه العجله...لا غير.... وفى الطريق نقهر بعضنا ونمارس ما نمارس من إسقاطات وهفوات ويضيع العمر والجهد فى نزالات فارغه ...وكده!!
....عزوز... ...حنين.... ...رحاب.... ..شذى.... ..سمريه.. وكل زميلاتى هنا... أتابعك كتابتكم بشغف.... وأطرب لصوت السيوف تنازل فى مسيرة التقدم والنهوض....والتحرر.... زملائنا هنا يحتاجون جدا لهذه الأقلام الرائعه والعقول المستنيره...والصراعات الهادفه.... ويحتاجونا أمامهم نقود المسيره لوطن لا مكان فيه لقهر أو تسلط.... ...فيا جماعه...الناس تكتب بعرقها كلو.....وماشين فى السكه نمد!!!
...شكرا يا وليد..
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: Shiraz Abdelhai)
|
دا منو الجاب سيرتنا
________________________________________________________________ معليش يا جماعة اخوكم زي الاطرش الفي الزفة شاركت بعد غيبة في بوستات احتفالات ناس بروكسل ... تاني غبت لي يومين جيت لقيتم قالو كان في هكر و مشاكل و قيامة رابطة .... غايتو الله يهدينا و يهديكم ... بس ما تجيبو سيرتنا تاني تحياتي يا الشفت و د. بيان و البقية
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: وليد محمد المبارك)
|
وليد ازيك.. وتحية
المرأة ضعيفة جسدياً.. ده صحيح.. احنا ما بنقول ساوونا بيكم.. عشان نبقى زيكم.. نشاكل شكلكم.. ونضرب ضربكم.. احنا عايزينكم انتو ترتقوا وتبقوا كويسين.. لما نلغي العنف، الراجل والمرا بتساووا بالعقل.. جيب (اضعف) واحدة هنا، وناقشوها بأدب واحترام وبدون ألفاظ نابية، ولا كلمات سوقية، ولا إيحاءات غير لائقة.. وشوفها تركز كيف .... انا طبعا ما قصدي بالكلام ده انت.. انا بخاطب الرجل العايز المرا تجي تتحمل كلام انا بفتكر انه حتى في حق الرجل، غلط كبير.... انا شخصيا ببعد لما ألقى لغة الحوار بقت ماشه في اتجاه غير لائق.. وانت سيد العارفين بالطرق المرات الراجل بحاول بيها يكسر المرا.. وصدقني.. حتى البتقيف ليه وتشاكله، الناس البقرأوا قد يحترموها في الظاهر، لكن جووووووه بكون في احساس ما سليم تجاهها....
كان انتو كده، ما عايزين نبقى زيكم.. وندعوكم من هنا انكم تبقوا زينا...
بنت الحسين
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: عبدالعزيز الفاضلابى)
|
ولي يا مبارك : غايتو النصيييييحة عزاز شامي دي هشة ..زولة اكلها كلللللو الاستربوري بي الباني والاسكلوب بي الشوكولا والاسباغتي بي الكرسبي(يا جماعة الاكلات دي كده صاح ؟ )
دينا خالد ابشششرك الزولة دي انا متأكد عنب ساااي في حياتا ما شافتو بتديني احساس انها ممكن تاكل الشبشب والجمكسين فهي خارج حساباتي اللهم الا اذا ممكن يكون عندها هشاشة عظام ..
سارة علي دي ياخ من شدة ما لئيمة لممممن هرشتني وهرشت علاء الدين والمصباح السحري صاحبي وقالت لينا هوووووي اسمعو هنا :) وانا متأكد تماما سارة علي دي النوع الكان بيشيل قروش من ناس الشلة في الجامعة عشان يعمل ليهم الفطور فتقوم ما تدفع معاهم الشيرنق وبعد ده كلو توفر من شيرنق الشباب للمواصلات ومصاريف بكرة .. رحاب دي النصييييحة شكلها حنكووووشة وممكن عااادي لو قلت ليها بتعرفي الغنماية تقول ليك لالالالالا لييي هي قالت بتعرفني؟؟ :)
بت قضيم اسمها براهو بيعمل للزول ارتكاريا في الضمير وانا متأكد الزولة دي لو لاقيتا حا اديها بونية في كيانا .. ياخ زولة يكفي انها مكسرة في كرعين ندى القلعة الحمد لله الما صحت بي ليلها داك ووقعت في يدها مجلة سيدتي ..
بالمناسبة والحق يقال داليا حافظ ديك كمان اووووووو ياخ انا متاكد انها قبل كده قطعت الاشارة سبعة مرات وهرشت ليها بتاع مرور ستة مرات وكم اعور كده لاقتهم في شارع بدووون سبب وقفتهم وقالت ليهم انت اعور فيي عينو ..
اما الكوامر في المنبر ده فممكن عاااادي الواحدة منهم تقطع فيك كف تاكلو في حنانك وتتبسم وتقول ليها والله بس لو ما مرا كان فهممتك حاجة :)
يا قريبك فرق ما بين الترفع والهروب وما بين الحردان وترك المكان السيئ.. يعني يا وليد حنين دي اححححسن حاجة عملتا انها مشت ويا ريت اصصصصصلو ما تجي تاني عشان الزولة دي الاتقال ليها ما عندو رد ولا حل عشان تقعد تبررو ولا تصادم عشانو ..
تخريمة : سارة علي ياخ ماف امل تخليهم اربعة ؟؟؟ احب ركوب الخيل والسباحة وجمع الطوابع والمراسلة اقدس المرأة واهوى التسفار بس ما بكضب عليك ملللللللللللك القطيعة والنمييييمة وبحبببببببب القوالات ..
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: عمر الفاروق)
|
Quote: رحاب دي النصييييحة شكلها حنكووووشة وممكن عااادي لو قلت ليها بتعرفي الغنماية تقول ليك لالالالالا لييي هي قالت بتعرفني؟؟ :) عمر الفاروق
|
عمر الفاروق؟ اللهم لا تسلط علينا بذنوبنا من لا يرحمنا!
الغنماية ده شنو؟
بمناسبه الغنماية دي، ذكرتني قصة ناس بيتنا لي يوم الليلة بيضحكو فيها، كنا ساكنين في مدني، و في سكة المدرسة في كوشة، كنت بكرهها جدا، مش الشياطين بيسكنو في الكوش؟ انسي قصه المنظر الكرية و الريحه الكعبه، يا قول ابوي انتو جيل متعوديين علي شوفه الكوش في الشوارع، ما شفتو البلد و هي نضيفه، حاجتين كانو بيسمروني، المغارب و الكوش، ابوي عارفني بحب لبن البدره و بكره اللبن الحليب، قام قال لي عارفة يا رحاب في نوع غنم، بياكل الحديد و الخشب و الوساخه الفي الكوش دي كلها و يطلع لبن بدرة، والله انا فرحت فرحه في الدنيا دي، يا زول اظني سنه كامله و انا بوفر في مصروفي عشان اشتري غنمايه من النوع ده طبعا اسي ابوي نكر القصه و قال لي يا بت انا بكضب؟
الحنكشه شرف لا ادعيه و تهمه لا انفيها يا ولدي
لكن بيني و بينك، كان رابط الحنشكه بالهشاشه تكون داقس
كله منك يا الفيس بوك!
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: omar alhag)
|
رحاب خليفة : والله ضحكتييني ضحك في الدنيا دي.. حولاااااااااااااااااااااااااااااااااااااااااااا من الغنماية الامنيتيك تشتريها :) لكن انا عااااارفك كنتي مفلسة ويادووووبك قروشك اللميتيها تجيب ليك سخلة :) بعدين غنمنا ديلك كانوا بيطلعو فورموست وكاني وخلاااص الغنماية الفي العمارات ممكن تديك نيدو .. اها عاد ناس موودي ولدي ديل مع السيميلاك ده الا نشوف ليهم غنماية وارد استكهولم .. النبي فيك يا رحاب شوفي لي غنماية من فرجيينيا ولا ديتروييت وبي الميييت كده غنمايةمن بيفيرلي هيلز (دي وين دي؟)
اها يا رحاب مش فيسي ده ؟ حا اقطعو بيي بكككو ..
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: عمر الفاروق)
|
شيراز يا شيراز
شكرا يا ستي علي الكلمات الجميله في حق اخواتك، و اكيد انت جزء من العقد ده، الكعب ما الناس تفتر يا شيراز او تستجمع قواها، الكعب الناس يستسلمو، و لحدي الان ماشين كويس
--------------------------------------------- عمر الفاروق ياخ اسي دي فكره ما بتتصدق؟ غنمايه الله تكون واقفه في الكوشه اليوم كله و تاكل حاجات عجيبه و تطلع لبن حليب، يعني بتاعه لبن البدره دي بعيده؟
لا النبي، خليك بي بوكك، اهو يكون اسمنا لاقينا المشاهير و كده، و لمن يجينا ايميل مدور من كتاباتك زي حق اوباما داك، اقول ليهم هسسسي كنت بتكلم معاهو والله الزول ده، فرده بس..
---------------------------------------------
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: Rihab Khalifa)
|
الاخ وليد المبارك
تحية طيبة
شكرا لكلماتك ان طيبه او غيرها وهي تبرهن عن حماة القيم الاسلامية
ومبشرين الدولة الدينية ويعرف الانبياء بثمارهم
سؤالي هل يا تري الهشاشه وعدم الاستحمال هي مدعاة للتقليل من عدم المساواة ؟؟
ام هل يا تري صادفت ما تؤمن به من عدم مساواة نتيجة الدين الذي تفهمه ؟؟
سوف اعمل مع الجماهير من نساء ورجال علي انتزاع حقوق المراة من الذهنية التي تدعو للهوان والاذلال
المراة اليوم قادرة علي خوض الصراع لاعلي مراحله
وها قد تحققت حقوق لهن ولا زال الامنيات موجوده بانتزاع كافة الحقوق
اشكرك كثيرا واتمني الا تكون مبشرا للدين الاسلامي بالمعكوس يعني انت قلبك علي الدين لكن لفظك ينفر منه
اتمني رؤية حرفك اولا
تحياتي الطيبه
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: Sabri Elshareef)
|
يا زول روح داهية تاخدك بلا اخ وليد بلا وهمة معاك انا لا اخوك ولا عاوز اكون اخوك شوفت جنس الدبايب امثالك ديل ، الناعمين المتلصقين في النساء لاغراض بعرفوها هم .. ياهم السيماهم في وجههم وشك الظريف اللابسو ده ما بساوي عندي مثقال قشة كبريت
كدي في الاول بطل السرقة من الاسافير واكتب كلام حقت بعدين تعال اعمل فيها مهذب
الدين البفهمو انا يا ماسوني لن تنجح محاولات امثالك من الماجروين لضربه اسفيرا او فيزيائيا
قوم بلا يخمك دبيب املس
حقوق المرأة عندنا نحن محفوظة يا ماسوني .. المشكلة في الزيك العاوز يشيع الفاحشة وكمان بصوت عليها .. لشي في نفسه ومرض يعترية
اسالك سؤال شخصي انت متزوج ؟
ولك حق الاجابة من عدمه مع اني ما اظنك تجاوب
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: عمر الفاروق)
|
عمر الفروق يا فرده
Quote: اما الكوامر في المنبر ده فممكن عاااادي الواحدة منهم تقطع فيك كف تاكلو في حنانك وتتبسم وتقول ليها والله بس لو ما مرا كان فهممتك حاجة :) |
هاهاهاهاهاهاهاهاهاهاهاهاها
قطعوه وحاتك واكلناه في حنانا عااااااااااادي
هاهاهاهاهاهاهاهاهاهاهاهاهاها
المنبر ده فيه سمكرجية عمروا ليك الكوامر دي ودخلوها شارع الظلط دقشت ليك الفستوهات الحايمة في المنبر لحقتها امات طه
اهو قدامك حنين
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: مريم بنت الحسين)
|
مريم بت الحسن سلامت واحترمات
مالك مختفية ؟
Quote: انا شخصيا ببعد لما ألقى لغة الحوار بقت ماشه في اتجاه غير لائق |
نعم يا مريم تبعدي من الحوار غير اللائق لكن ما بتبعدي من المنبر .. وبتواصلي كتابتك في المنبر في بوستات الحوار اللائق
ده المطلوب
لحدي ما يرتفع بعض الرجال ووالنساء للمستوى او على الاقل يبطلوا يحشروا التنابذ الجنسي في مواضع خلاف فكري
خالص الود
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: AnwarKing)
|
Quote: حقوق المرأة عندنا نحن محفوظة يا ماسوني .. المشكلة في الزيك العاوز يشيع الفاحشة وكمان بصوت عليها .. لشي في نفسه ومرض يعترية
اسالك سؤال شخصي انت متزوج ؟
ولك حق الاجابة من عدمه مع اني ما اظنك تجاوب |
الاخ وليد المبارك
تحية طيبة
الحقيقه اسئلتك الاجابة او عدمها لا تفيدك
لانك طالما تقدم خطابا اسلاميا وانت تبشر به وتدعو لاقامته بطريقتك هذه
الحوار يكون مستصعب معك خاصة في معرفة الاجتماعيات
انا بالنسبة لي اتعامل معك كزميل منبر نتفق ونختلف
اما وضعك الاجتماعي او رغباتك او اهلك او اسرتك هم في العين والراس وبالنسبة لي اشقق ما تحمله من افكار
هنا المقام للمراة ويسعدني الالتصاق بها دفاعا عن انتزاع حقها وحريتها وكافة حقوقها في الاسفير
او خارج عنه
عموما اتمني المعرفة هل الشاشه واللين هما اسباب تدعو لعدم المساواة؟؟
عن نفسي اسامحك في لغتك الغير عادية تجاهي واتمني لك جادة الحوار مع من تتفق او تختلف
لان للاديان رب يحميها وهي لك ولي وللاخرين
تحياتي الطيبه
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: Sabri Elshareef)
|
Quote: انت الما تنفعل يا شول
Quote: صبرى الشريف له كامل الحرية يجى يقول العايز يقولها هنا ويدلى برايه دون حجر.
طيب يا شول وكت انت عارف كده عاوز تحجر كلامي على كلامي انا ليه ؟
منو الادى صبري الشريف كامل الحق وشالوا مني انا
؟
انا زاتي بقول العاوز اقوله من ضمن ذلك السوال الوجهتو ليه
طالما انه اي زول بقول العاوزه بدون حجر |
ابداً انا ما حجرت على كلامك يا مان. بس لو تتذكر اليومين ديل قايمين ونازلين فى صلاح البندر عشان ما فارز بين ا لعام والخاص. سؤالك عن زواجو من عدمو هو الإستفزانى لانو ده أمر خاص لا يحق ليك تسألوا السؤال ده. اما باقى كلامك ما عندى معاهو أى شكلة.
انا سالتك فوق هناك: علاقة الزواج شنو بالفتوة على دروب بوستك المولع نار ده شنو؟
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: وليد محمد المبارك)
|
الاخ وليد المبارك
تحية طيبة
تجدني مدافعا عن حق الانسان هنا وهناك
وعنوانك هو الذي جعلني اكتب وانا اعرف انك ضد مساواة المراة بالرجل من فهم ديني
ومن حقي هنا ان اكتب والاساءة ليس شيمتي لان لي رسالة وهي العمل من اجل الانسان
وانت تدخل في زمرة من اعمل من اجلهم \ن
واسئلتي لك هل الهشاشه واللين والضعف اسباب تجعل ان تستحقر المراة
وان يظهر بوست لعدم المساواة فقط لانها هشه او لينه او بسكويت
في شخصك احترمك وفي فكرك انت محل الحوار والسجال
واخد راحتك بما تريد كتابته فقط اشير اليك انت الاسلاموي صاحب الخطاب الديني
تحتاج ان تسوق بضاعتك بمفرده تحبب الناس فيك
مثلا السلام هو مدخل لفتح العقول والقلوب
وهب انني من الضالين ربما اهتدي علي يديك
وانت القابض علي دينك الان
لك التحية والاجلال
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: Sabri Elshareef)
|
Quote: وانت تدخل في زمرة من اعمل من اجلهم \ن |
يا معععععععععلم ...
Quote: تحتاج ان تسوق بضاعتك بمفرده تحبب الناس فيك |
بس ياهو ده زي ما بتعمل انت بتسوق في بضاعة فاسده بابتسامه ومفرده ظريفة
اخي وليد والذي منو
Quote: مثلا السلام هو مدخل لفتح العقول والقلوب |
السلام معنى ما مفرده وانا لا حاسي تجاهك بسلام ولا امان
Quote: وهب انني من الضالين ربما اهتدي علي يديك
وانت القابض علي دينك الان |
ما تنابذ وتهامز بس تنابذ تتنبذ
دي معادلة صعبة
انت جيت خاشي وقصدك سيئ وكلامك سيئ عاوزني اقول ليك شنو ؟
كان تسأل اسئلتك ديك في الاول بدل الغمز السويته كان تشوف ارد ليك ولا لا
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: وليد محمد المبارك)
|
ياولّى يا حليو,,Quote: المفروض كان نجيب دكين المجنون دا من قولة تيت,, |
Quote: خُد.... يعني جبتوه دكين يا اولاد الدوحة عليك الله الحق لي دكين بتلفون قول لي لفت لفت لفت وجاتك راجعة |
قف.....حاول مرة أخرى يا قون,,, أو إستعين بصديق لكن دى جلّت والله,,ولا حتى جنب العراضة,,الراجل رايو كان واضح ومن بنات بنات أفكارو
ورجاءا ابعدنى من الزول ابوكدايس دا ,,,,وكلم بكرى يفصلنا زاتو
| |
|
|
|
|
|
|
Re: هن هشات ولا يستطعن التحمل فلا تاتينا امرأة وتطالب بالمساواة (Re: وليد محمد المبارك)
|
ياخ الفينا مشهودة,,,
نتلاقى بهناك ,,,
بالمناسبة أقع الرملة ما تقع البكان الهش,,, دى الممطورة ما بتبالى من الرش,,, ,,,,,خلاص يا زول الدنيا خميس وكدا Have Anice Week End ya Man
المايك معاك يا صبرى الشريف,,,لو محتاجين لآلية فكّ نزاعات جروا سلك لدكين,,
سلام من الداخل...
| |
|
|
|
|
|
|
|