|
هضربه من استراح الى العيد سبيلا ...!
|
دق المنبه ...
الساعه السادسه و 45 دقيقه بتوقيت الخرطوم ...
بروده الجو حولي جعلتني التف على نفسي لدقائق ... المكيف دا بالجد بارد .. قلت لنفسي .
حاولت استيعاب ما يجري هنا ...
طق طق طق ... يا دكتوره داليا عايزنك شويه ...!!
ندهت الممرضه من خارج الغرفه ...
نظرت الى الموبايل , 4 مسجس ...
(كل سنه وانتي طيبه يا وهم والسنه الجايه عروس في بيتك ..) صديقتي منى ..
(كل سنه وانتي طيبه يا داليا والسنه الجايه اكثر ازدهارا ونجاحا في مجالك) بابا .. كم عظيم هذا الرجل .. رغم حزنه في بعده يحاول دوما تهدئه اشواقنا له ..
(داليا كيف اصبحتي انتي جايه الساعه كم؟؟ جيبي معاكي زياده خبيز ) ماما .. الحاجه دي ما عنده موضوع .. هو العيد بتين جا لمن كملوا داك ؟؟؟
(وبعدين يا حياتي , حاولت اتصل بيكي كتير لكن الشبكه كعبه , انا مساهر لحدي الساعه 4 صباحا , كل سنه وانتي طيبه وتصبحي على خير يا عمري .. بحبك ) ايوه .. استوعبت الان .. لقد حاول مرارا وتكرارا الاتصال .. رداءه الشبكه ليله العيد لا تجاريها رداءه ...
لربما ارثي لحالي وانا استقبل العيد وانا اون كول في مستشفى ,
لكني ارثي لقلبه وهو يستقبل العيد (المسيخ) (حق الغربه) ... اصعب ما فيه اجترار الشريط الدماغي ...
بسببه تتحول في لحظات الى كائن غير موجود .. مش كائن شفاف , لا ... ما موجود عديل ...
تعود في بعده انا يتحايل على (يوم العيد الصباح) ,
يسهر حتى ساعه متأخره من الليل .. يحاتي التلفزيون .. تزعجه مقطوعات العيد الكئيبه ....
يقبل على الحيطه .. يشخبت فيها ...
يرسم اشياء يراها هو وحده ... يستمع لتكتكه الساعه ...
يحتضن الموبايل .. يعافر ازراره ... Error in connection يرسل رساله ... يعود الى صمته ...
يلتفت يمينا .. يعتصر (الشال) المعبق برائحتي .. بقايا رائحه الوطن , بعض روائح ناس بيتم .. غير موجوده ... لكن خيالهو المشتاق يستحضرها ..
يفلته (بخلعه ) .. لا يريد ان تنفد الرائحه ... الزاد والمستزاد ...
نغمه الموبايل .. الليل الهادي ... شرحبيل ....
الو ...
الو د. ماجد صباح الخير .. كل سنه وانت طيب .. معليش بس دايره استعجلك عشان اسلم النبطشيه ..
ايوه ... الساعه اسي 12 ونص ... طيب ما في مشكله .. مستنياك ...
رقم اخر ...
الو ... كل سنه وانت طيب يا بابا ... مكالمه سريعه ... زوغه من جرسه مفضوحه بكلمات منمقه ... تدقف رسميات شديده , الحاج دا والله كفاهو ... النزوح واجب وطني ...!!
انت يا البتقرا كلامي دا ...
مستنيني اضرب ليهو صاح ؟؟؟
اعرف ماذا يفعل الان ...
يستحلب النوم ... يزوغ من صلاه العيد ... انها فوق احتماله .. او جمبو بشويه ..
سعره امس اتعبته ..
قال لي مره .. يوم العيد الصباح بحن على روحي.. بلقى نفسي شاحب, مرهق , في احساس غمه مخلوطه بي جوع في بطني ... بنوم لحدي تاني يوم ..
حاله الزوغه اللااراديه تدفعه للنوم .. او ان شئت (لدوخه ) ... اشبه باخذ حقنه منومه .. احساس الخدر المصاحب لها سرعان ما يسحبك لبئر نوم عميق ...
ماجد ازيك كل سنه وانت طيب .. مافي حاجه الاحوال مستقره .. المرضى كويسين .. يلا سلام نبطشيه سعيده ..
لملمت اللابتوب والورق ... اختطفت البالطو سريعا وخرجت ...
الجو في الخارج حار جدا ... كئيب جدا ... وعيد جدا ...
ركبت اول امجاد قابلتني ... صاحبها (داخل) في جلباب نظيف .. وطاقيه (قيافه) .. يدخن بشراهه ..
(الناس دي ما صدقت رمضان انتهى ) قلت لنفسي ..
لو سمحت ماشه الجريف شرق ..
اتفضلي يا دكتوره ... بعد ان القى في وجهي تهنئه عابره ..
تقطعت بي العربه .. تمخر سبل الطريق ..
الشوارع خاليه .. الا من بعض العربات الفارهه .. الناس ديل بيمشوا وين يوم العيد الصباح ..؟؟
كم امجاد ..ورقشه ... صاحبها (تاكلا) في (ضل) شجره ...
شكرا جزيلا ...
ناولته ورقه العشره جنيهات .. (يا رب ما يفتح خشمو ويشيلها ويمشي ... انا ما ناقصه اي زول اسي ) ...
شكرا يا دكتوره ...
الحمد لله .. يبدو ان (حبوبه) كلامها صاح ,, الدعوه يوم العيد الصباح مسموعه ..
(والله كويس) .. هلا يستجاب دعائي ..
دايراهو يرجع سريع ياخ ....!!!
الباب مفتوح .. كعاده ناس بيتنا ... عجله عاصم اتسرقت بسبب الحركه دي ..
داليا كل ثنه وانتي طيبه .... قابلني حمودي ... بهجه هذا البيت هذا (الشافع) ...
احتضنته بقوه ... احتضنت فيه بواقي الغائب .. جرت على خدي دمعه (سغيله) ...
دسست في جيب حمودي ورقه عشرين الف ... دي اسمها عيديه يا حمدي .. تدي عمار عشره الف كويس ..
كويث ... والله شكلا يا داليا .. والله انتي (موعلمه عديل) ...
ضحكت .. مسحت وجهي ...
دلفت الى الهول الداخلي بخطى مثاقله .. زكمتني رائحه البخور ..
و (قدت) (اضاني ) اصوات الموسيقى المتعاليه من التلفزيون ... نفس مقطوعات العيد الكئيبه ...
يا ربي ما بطلع فوق القاهو قاعد اسي ..؟؟ اشفقت على دماغي ودخلت ..
واذا بالمفاجأه تخلع قلبي من (لغاليغو) ...
امي (غازه) يدينها في نصها وتنظر الي شزرا ...!!!
طبعا نسيتي الخبيز ...!!!
اخخخخخخ ....!!!!
|
|
|
|
|
|
|
العنوان |
الكاتب |
Date |
هضربه من استراح الى العيد سبيلا ...! | داليا الكباشى | 09-27-09, 08:04 AM |
Re: هضربه من استراح الى العيد سبيلا ...! | سارة علي | 09-27-09, 08:11 AM |
Re: هضربه من استراح الى العيد سبيلا ...! | داليا الكباشى | 09-27-09, 08:24 AM |
Re: هضربه من استراح الى العيد سبيلا ...! | داليا الكباشى | 09-27-09, 09:18 AM |
Re: هضربه من استراح الى العيد سبيلا ...! | محمد كابيلا | 09-27-09, 09:23 AM |
Re: هضربه من استراح الى العيد سبيلا ...! | داليا الكباشى | 09-27-09, 09:29 AM |
Re: هضربه من استراح الى العيد سبيلا ...! | فادية اليمني | 09-27-09, 09:35 AM |
Re: هضربه من استراح الى العيد سبيلا ...! | داليا الكباشى | 09-27-09, 09:47 AM |
Re: هضربه من استراح الى العيد سبيلا ...! | احمد العمار | 09-27-09, 09:47 AM |
Re: هضربه من استراح الى العيد سبيلا ...! | داليا الكباشى | 09-27-09, 09:59 AM |
Re: هضربه من استراح الى العيد سبيلا ...! | جلال جبريل | 09-27-09, 10:10 AM |
Re: هضربه من استراح الى العيد سبيلا ...! | داليا الكباشى | 09-27-09, 11:52 AM |
Re: هضربه من استراح الى العيد سبيلا ...! | tmbis | 09-27-09, 10:19 AM |
Re: هضربه من استراح الى العيد سبيلا ...! | Dalal Ezzaldin | 09-27-09, 10:48 AM |
Re: هضربه من استراح الى العيد سبيلا ...! | داليا الكباشى | 09-27-09, 11:44 AM |
Re: هضربه من استراح الى العيد سبيلا ...! | مريم بنت الحسين | 09-27-09, 10:59 AM |
Re: هضربه من استراح الى العيد سبيلا ...! | داليا الكباشى | 09-27-09, 11:55 AM |
Re: هضربه من استراح الى العيد سبيلا ...! | محمد عبد الماجد الصايم | 09-27-09, 11:37 AM |
Re: هضربه من استراح الى العيد سبيلا ...! | داليا الكباشى | 09-27-09, 12:03 PM |
Re: هضربه من استراح الى العيد سبيلا ...! | داليا الكباشى | 09-27-09, 07:14 PM |
Re: هضربه من استراح الى العيد سبيلا ...! | عاطف عمر | 09-27-09, 12:10 PM |
Re: هضربه من استراح الى العيد سبيلا ...! | داليا الكباشى | 09-27-09, 05:45 PM |
Re: هضربه من استراح الى العيد سبيلا ...! | صديق الموج | 09-27-09, 06:50 PM |
Re: هضربه من استراح الى العيد سبيلا ...! | داليا الكباشى | 09-27-09, 07:36 PM |
Re: هضربه من استراح الى العيد سبيلا ...! | Dalal Ezzaldin | 09-27-09, 09:54 PM |
Re: هضربه من استراح الى العيد سبيلا ...! | ombadda | 09-27-09, 10:58 PM |
Re: هضربه من استراح الى العيد سبيلا ...! | داليا الكباشى | 09-28-09, 11:24 AM |
Re: هضربه من استراح الى العيد سبيلا ...! | داليا الكباشى | 09-28-09, 11:27 AM |
Re: هضربه من استراح الى العيد سبيلا ...! | تاج السر محمد حامد | 09-28-09, 12:45 PM |
Re: هضربه من استراح الى العيد سبيلا ...! | داليا الكباشى | 09-28-09, 12:58 PM |
Re: هضربه من استراح الى العيد سبيلا ...! | الصادق صديق سلمان | 09-28-09, 01:16 PM |
Re: هضربه من استراح الى العيد سبيلا ...! | ombadda | 09-28-09, 01:50 PM |
Re: هضربه من استراح الى العيد سبيلا ...! | Elawad Eltayeb | 09-28-09, 02:55 PM |
Re: هضربه من استراح الى العيد سبيلا ...! | جمال السنوسي | 09-28-09, 03:07 PM |
Re: هضربه من استراح الى العيد سبيلا ...! | Dalal Ezzaldin | 09-28-09, 04:50 PM |
Re: هضربه من استراح الى العيد سبيلا ...! | abubakr | 09-28-09, 04:54 PM |
Re: هضربه من استراح الى العيد سبيلا ...! | عاطف عمر | 09-28-09, 07:59 PM |
Re: هضربه من استراح الى العيد سبيلا ...! | سارة علي | 09-28-09, 09:32 PM |
Re: هضربه من استراح الى العيد سبيلا ...! | ombadda | 09-29-09, 07:39 AM |
Re: هضربه من استراح الى العيد سبيلا ...! | عاطف عمر | 09-29-09, 08:52 AM |
Re: هضربه من استراح الى العيد سبيلا ...! | ombadda | 09-29-09, 11:12 AM |
Re: هضربه من استراح الى العيد سبيلا ...! | عاطف عمر | 09-29-09, 04:31 PM |
Re: هضربه من استراح الى العيد سبيلا ...! | وليد محمد المبارك | 09-30-09, 06:20 AM |
Re: هضربه من استراح الى العيد سبيلا ...! | ombadda | 09-30-09, 08:23 AM |
|
|
|