|
|
 من بعدك ..!!
|
من بعدِك ..
من بعدِما أبحرتِ بـ قاربِك ..
تسابقى الموجة من تحتِك ..
تحاكى الريح ..
رحلتِ بعيد !!
صبحتَ وحيد !
سالت عليكِ كل الناس ..
أفتش ليكِ فى الإنفاس ..
وأسأل عنك الأطفال ..
أفتش ليكِ فى الأطلال ..
سألت الّّليل ..
سألت الّنّيل ..
سألت كتير !
تعبت كتير ..
وإستسلمت ….
وإستسلمت للأوهام ..
أحارب بيها فى الأوهام ..
أملى رئاى بالأنفاس ..
وأشرب من دموعى الكاس !
وأشرد من عيون النّاس ..
مُدمن نواح على شوقك !
مُثخن جراح على فراقك !
وا شوقى ..
وا شوقى إتشّرب دمّى !
وا شوقى إتشّحب لونى !
بقيت باهت ..
بقيت مسلول ..
بقيت ما زول ..
بقيت متل عصفور ..
يحلّق بى جناح مكسور ..
مهاجر من وطن مقهور ..
وبعد ما طار ..
وسافر عبر أنهار ..
وقف محتار ..
نفس النخلة والأشجار ..
نفس الوردة والأزهار ..
أول مكان ما طار ..
أول يكون ما طار ؟؟
|
|
 
|
|
|
|
|
| العنوان |
الكاتب |
Date |
| من بعدك ..!! | صلاح أبودية | 07-06-09, 08:24 AM |
 Re: من بعدك ..!! | صلاح أبودية | 07-06-09, 09:50 AM |
| Re: من بعدك ..!! | هند محمد | 07-06-09, 10:23 AM |
| Re: من بعدك ..!! | صلاح أبودية | 07-06-09, 11:46 AM |
| Re: من بعدك ..!! | صلاح أبودية | 07-20-09, 08:16 AM |
| Re: من بعدك ..!! | شمس الدين ساتى | 07-20-09, 09:23 AM |
| Re: من بعدك ..!! | طارق جبريل | 07-20-09, 09:30 AM |
| Re: من بعدك ..!! | SHIBKA | 07-20-09, 09:57 AM |
| Re: من بعدك ..!! | صلاح أبودية | 07-20-09, 11:46 AM |
| Re: من بعدك ..!! | صلاح أبودية | 07-20-09, 10:16 AM |
| Re: من بعدك ..!! | صلاح أبودية | 07-20-09, 09:55 AM |
|
| |
صلاح أبودية
فيس بوك
تويتر
انستقرام
يوتيوب
بنتيريست