|
ود بيوت الطين
|
أنا ود بيوت .. ما فيها زولاً صاري وشو البت صبي .. والجاره أم .. الأم أبو .. كالبدر تم .. الخاله عم .. والعم أبو إتعالا رشو واجب الضيوف حافضنو تب ما اتغابو دربو ومره طشو بيتنا طين مفروش حنين وجريد نخلنا الرامي عرشو شايلين مخالينا ومناجل زي حماماً قالو زاجل الخبير الجانا عاجل : البلح الليله حشو هيصة بطان زي روب هناك وواصلني خشو تالا البحر جارين سريع واحداً نصيح شايل كسيح شافع صغير شايل رضيع سابق الرضيه علي الهدية علي الفريع ينشاف رهاب خايف الكبار لا يبقوا غشو لاحق العجيوه الفي الجريد خايف القوي والعاصي قرشو أصلو السنينات فننه راجي الغزال يديهُ ضرسو بين التناقيش منحشر لاهمَّ شوك لا عقرب أو دابي بيقرصو داك الجني كان أنا قبل الزمن .. ما ينخر العود والقنا قبل الهموم .. ما ترمي ساسه والبنا ،،، ،،، وأنا ود بيوت .. فيهن سماحأً ما اتوجد.. إن كان روكّب أو صريف.. يسعن يمين حلم البلد.. غيرن وحات المولي جد.. دنيايا زي ود اللحد.. وأيه غير محنتنا البكون أطول من الهامات إذاً دافرين قلوبنا علي الوطن.. والفي العيون لا بد يكون.. شوفاً ينسينا الحزن.. يا صاحبي الهطال سألتك بالذي سواك.. تسلِّم لي علي الحلاّل.. من ملاحة الزينين.. ولاعند نسري والشلال.. ناساً زي عشا الفقرا.. سماح سمحين .. كرام طيبين .. ومستورين حال. والشوق كمان .. لي شُلة الحله.. رفاقة الصحبة والأيام.. ولي زولاً مشي أندلي علي جرفاً ندي وسالام يقابلك بي بشاشة الأم وبي عافية شذي النسام سلام للسمحه تتبسم.. ترد حالي السلام قوّام.. ممتن يا وطن يمين ممتن .. علي القول السمح. علي الغيمات .. وحسن الظن بنرجع يا أخو الترحال.. إن قصر الزمن أو طال. تروق الروح من الساساق.. ويبرد جرحنا البتاق.. يفارق دربنا الحراق زماناً عنجهي وبطال رغم انتظارك يا دعاش رغم المسافات .. الطشاش.. الشوق أكيد .. نيلين .. وقاش.. بين الغمامات سايقنا ماش فوق المسافات ارتعاش وأنا ود بيوت.. ما صابحت جواي غباش.
|
|
|
|
|
|
|
العنوان |
الكاتب |
Date |
ود بيوت الطين | فاروق أبوحوه | 07-04-09, 10:06 AM |
Re: ود بيوت الطين | فاروق أبوحوه | 07-06-09, 08:51 PM |
Re: ود بيوت الطين | حافظ حسن ابراهيم | 07-06-09, 09:03 PM |
Re: ود بيوت الطين | فاروق أبوحوه | 07-08-09, 09:29 AM |
Re: ود بيوت الطين | Gafar Bashir | 07-08-09, 12:29 PM |
Re: ود بيوت الطين | فاروق أبوحوه | 07-11-09, 05:48 PM |
Re: ود بيوت الطين | فاروق أبوحوه | 07-16-09, 09:02 PM |
Re: ود بيوت الطين | فاروق أبوحوه | 07-21-09, 08:45 PM |
Re: ود بيوت الطين | فاروق أبوحوه | 09-03-09, 02:46 PM |
Re: ود بيوت الطين | الطيب شيقوق | 09-03-09, 06:29 PM |
Re: ود بيوت الطين | mohmed khalail | 09-03-09, 11:30 PM |
Re: ود بيوت الطين | فاروق أبوحوه | 09-05-09, 01:46 AM |
Re: ود بيوت الطين | فاروق أبوحوه | 09-05-09, 01:42 AM |
|
|
|