|
على فكرة
|
منو القال ليك جرح الريدة ما ببرا يناتق لمدى الايام وينزف كل ما نطرا وانا من يوم ما بديت الريد بداوى جروحى بالخبرة على فكرة انا وكل البنات دول قبيل لجونا بالفطرة وضل راجل يسند الحيل عشا البايتات وضيف الهجعة بنزل لتلايت الليل ونتقاشر على قدرتنا ونتقاسم رهيف كسرة دى ما الفطرة حصل جربت رهق الريح وقت ما تقاوم المطرة حصل جربت وانت جريح نخت فى جرحك الجمرة؟ وكيف شوق الارض والنيل وقت يتلاقو فى الدمرة وهدى الفطرة انا وكل البنات شالوك فى حدقات عيونهن ديل وحجنك حجا القمرة انا الشترة ولانى وقت يجينى الليل اكوس درب السهيل وابرا واعض اصبع ندامتك حيل واعد ايامى فى حسرة بتعرف يعنى ايه حسرة؟ جربت خاطر القرات وقت تسدها العبرة قدر ما تمد حبال الالفة تمشى الضفة منحسرة وتتحايل على المجداف جبيرة الموية منكسرة وهدى الفطرة قسم بالله لا بتستاهلن دمعاتى لا بتنزل عليك قطرة وقايل يعنى ما بتعرف خطاى بعد الوهن جبرة؟ وشقيق ما الدروب عرجن خطاى بتصلحن عترة ولا عمر الزمن واقف ولا بظل الجرح نازف واااااااااااكيد ببرا ومنو القال ليك جرح الريدة ماببرا
|
|
![Edit](https://sudaneseonline.com/db/blank.gif)
|
|
|
|
|
|
Re: على فكرة (Re: اناهيد كمال)
|
Quote: قسم بالله لا بتستاهلن دمعاتى لا بتنزل عليك قطرة وقايل يعنى ما بتعرف خطاى بعد الوهن جبرة؟ وشقيق ما الدروب عرجن خطاى بتصلحن عترة ولا عمر الزمن واقف ولا بظل الجرح نازف واااااااااااكيد ببرا ومنو القال ليك جرح الريدة ماببرا |
ايوا كدا .. اديلو .. عفيت منك يا اناهيد كلام حقيقي حرج الريده ببرا والريده زاتها بتتبتر
حبابك يا زوله وكل سنه طيبه
| |
![Edit](https://sudaneseonline.com/db/blank.gif)
|
|
|
|
|
|
Re: على فكرة (Re: اناهيد كمال)
|
Quote: ولا عمر الزمن واقف ولا بظل الجرح نازف واااااااااااكيد ببرا ومنو القال ليك جرح الريدة ماببرا |
أنا هيد تحايا وعيدية .... حابب اقول سلااااام وبس
قاسم المهداوى
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: على فكرة (Re: محمد ادم الحسن)
|
اناهيد هل انت زاتك القابلتك في مصر
غايتو الاسم ياهو وكمان بورداب القاهرة ديل خلوني شبه متاكده
على العموم لو انتي اناهيد زاتك استاذ مدثر وخالتي خديجة بسلموا عليكي
منال
| |
![Edit](https://sudaneseonline.com/db/blank.gif)
|
|
|
|
|
|
Re: على فكرة (Re: شول اشوانق دينق)
|
شكرا يا مدثر والبقية سعادة عبدالرحمن شاعرة مجيدة وفى راى لم تجد حظها فى الاعلام كما يجب لاسباب عديدة اولها استقلالها السياسى ورفضها الانجراف وراء حزب معين لمساندتها التحية للاستاذة
| |
![Edit](https://sudaneseonline.com/db/blank.gif)
|
|
|
|
|
|
|