|
|
 مذيعات النيل الازرق بنات التبخ
|
بت التبخ
عرائس ودمى منتشرة كانت فى السودان
وحتى وصلت لنسخة باربى
بت التبخ لونها برتقالى والعيون زرقاء والشعر اصفر
ما بتشبه بنات السودان لكن اهو بقت الدمى الوحيدة
زمان فى حلتنا فى بت لونا برتقالى كدا لقبوها ببت التبخ
اها
مذيعات النيل الازرق
بى لونن الاصفر بعدالبدر والكريمات
وبى مكياجن خاتف الالوان
بيذكرنى بنات التبخ
|
|
 
|
|
|
|
|
|
|
|
Re: مذيعات النيل الازرق بنات التبخ (Re: mohmmed said ahmed)
|
Quote: بت التبخ
عرائس ودمى منتشرة كانت فى السودان
وحتى وصلت لنسخة باربى
بت التبخ لونها برتقالى والعيون زرقاء والشعر اصفر
ما بتشبه بنات السودان لكن اهو بقت الدمى الوحيدة
زمان فى حلتنا فى بت لونا برتقالى كدا لقبوها ببت التبخ
اها
مذيعات النيل الازرق
بى لونن الاصفر بعدالبدر والكريمات
وبى مكياجن خاتف الالوان
بيذكرنى بنات التبخ |
.
العزيز محمد سيداحمد
والله لم تقل إلا الحق..وبصراحة كرهننا القناة ذاتها..وللأسف إدارة القناة تشوفهن جميلات ونحن المشاهدين نرى غير ذلك، قمة السخف والعباطة..والهبالة..قد فترة كنت قد قاطعت القنوات الفضائية لمدة ست أشهر وبقت صحتي عال العال ولمن رجعت تاني لمشاهدة هذا السخف رجع الوجع والألم..
حليل المذيعة السودانية المثقفة المحترمة لذاتها ولمشاهديها..حليل الإدارة التلفزيونية الحكيمة المتخصصة الفنانة التي تعرف مكان الجمال..حليل الادارات التلفزيونية التي ترى بعيون المشاهدين لا بعيون المذيعات بنات ام لعاب وفي روايتك بنات التبخ.
لم يسمع كلامنا هذا يا اخوي محمد..
من يقراء ..من يقيم الأداء..
قروش تضيع هباءً منثوراً.
تصدق هذه القناة لولا هذا السخف لكانت ملجأ لكل السودانيين..لكن للأسف..!!.
| |
|
|
|
|
|
|
|
|
|
Re: مذيعات النيل الازرق بنات التبخ (Re: khalid abuahmed)
|
سميرة إبراهيم
معادلة حب بين مصر والسودان هي ضفاف النيل التي قادت هذه الثمرة لتتفتح في بيروت وتحط في باريس وتكبر على حب الشرق وروائعه.
بعد دراسات عليا في معهد دراسات لغات وحضارات الشرق في باريس حازت على ماستر في الدراسات القانونية حول الشرق الأوسط في جامعة السوربون.
إلى جانب حبها للثقافة العربية هي مهتمة بالاتصال والعلاقات الدولية وقد عملت في قناة
Canal + Horizons في باريس وفي مجلة الأهرام الأسبوعية في القاهرة، كما عملت في مكتب الاتصال في وزارة البيئة الفرنسية إلى جانب الوزيرة تقيّة صيفي، وكصحفية في إذاعة الشرق في باريس.
سميرة إبراهيم تعمل اليوم صحفية في وكالة رويتر للأنباء وبعد تجربة لم تنسها مع فريق
مر الكلام ها هي تعود مجددا إلى راديو مونت كارلو لتقدم برنامجا يشارك فيه أصوات آسرة من أسرة الإذاعة.
| |
|
|
|
|
|
|
|
|
|
Re: مذيعات النيل الازرق بنات التبخ (Re: محمد الأمين موسى)
|
سلامات
دي مشكلة عويصة مداها ابعد بكثير من حدود المذيعات وغيرهن من النسوة
هذه حالة احتراب يخوضها البني ادم السوداني تجاه ذاته في سياق نشدانه لصورة
يعتقدها افضل من صورته,النساء السودانيات علي اختلاف مستوياتهن ظللن افضل
من يعبر هذا الصراع الماساوي للانسان مع نفسه ,انها حساسية مفرطة تجاه الذات
وللاسف دي من نوع العقد الماعندها حل الا تتقطع بالسيف.
| |
|
|
|
|
|
|
|
|
 Re: أسمر جميل فناااان .. (Re: عبداللطيف محجوب)
|
ازيكم و رمضان كريم
امس شاهدت صدفة جزء من سهرة فى النيل الازرق و كانت تسابيح و رشا الرشيد الاتنين عبارة عن "مسخ مشوه" ما اكتر .......عدسات ملوووووونة و كميييييييييية اصابغ على الوجوه تنافس اجدع بلياتشو فى اجدع سيرك!
و العجب ندى القلعة فى برنامج عفاف امين مناظر تجيب القشعريرة اللهم احفظنا!
| |
|
|
|
|
|
|
|
|
|
Re: أسمر جميل فناااان .. (Re: mohmmed said ahmed)
|
اخى هشام
نشدان صورة يعتقد انهاافضل من صورته
دا لب الماساة
قضية عامرة بجدل البساطة والتعقيد
زول صورتو جميلة
يعتقد انها قبيحة
يختلق صورة جديدة
صورته الاصل هلى الاجمل والابسط
لكنه يتماهى مع الصورة المزيفة
| |
|
|
|
|
|
|
|
|
|
Re: أسمر جميل فناااان .. (Re: mohmmed said ahmed)
|
يا قريبي هنالك من يقوم بادخال البنيات في قالب من التبخ .. فحتي المستجدات منهن تجدهن في قالب التبخ .. ولقد اثرن في غيرهن من اللاتي تتم استضافتهن فياتين متبخات ... هل هذه "مؤامرة " "خارجية" تستهدف تشويه بناتنا ومحاربة منتجاتنا الوطنية الموروثة من دلكة ودخان وحناء في باطن الكف وليس في اليدين ( ماركة ندي القلعة ) ؟؟ تاثرت كثيرا وانا اري اكاديمية باحثة في مجال علمي وهي كانت ضيفة علي برنامج علمي ولكنها متبخة ؟؟؟ الواحد طول كتير بالحيل من البلد كدة يعني عمر واحد شغال ليهو عشرة سنوات بعد التخرج ويمكن ما عارف الحاصل شنو بس الحكاية ما لابقة كما تقول العرب ...
| |
|
|
|
|
|
|
|
|
|
Re: أسمر جميل فناااان .. (Re: james)
|
يا استاذي
عادة الاسر السودانية لا تسمح لبناتها بالعمل في التلفزيون
والحمد لله لقينا اسر متفهمة سحمت لبنات حلوات بالعمل في التلفزيون
المذيعات في كل الدنيا يتجملن ايش معني لما بناتنا يتجملن
التحية للمذيعات النيل الازرق والي الامام
| |
|
|
|
|
|
|
|
|
|
Re: أسمر جميل فناااان .. (Re: khaleel)
|
أحد أطفالي سألني قبل ايام
:
- يا بابا ليه مذيعات القنوات الأجنبية زي البي بي سي الانجليزية ما بعملن زي المذيعات السودانيات يعني يضربن الوش بالألوان ومرات تلقى لون اليد أسمر ولون الوش أبيض..؟؟.
قلت ليه يا أبني لأننا عندنا عقدة لون..+ الجهل + شواطين التلفزيون من الأنس الذين يزينوا لهن الميك أب بدون علم ولا دراية، عشان كده ما بتلقى في الشاشات الاوربية او الغريبة هذه البشتنة البتشوفها في شاشاتنا.
وأضفت:
لو كان هذه الجهود تبذل في التدريب والتأهيل وزيادة المعرفة لكان افضل كثير جدا من (سماحة جمل الطين).
| |
|
|
|
|
|
|
|
|
|
Re: أسمر جميل فناااان .. (Re: وليد الطيب قسم السيد)
|
سلام ورمضان كريم عليكم كلكم...
والله زي الميكياج ده لا شفناهو في هوليوود لا في بيلوود لكن ممكن
خبيرة التجميل دي تكون "مصرية" لانو زي ده بشوفو كتير هنا في مصر خصوصا ظلال العيون والوانها
المتنافرة الصارخة...
والله فعلا عقدة اللون دي بشتنتنا بشتنة شديدة..في بقية العالم "المنفتح"" والنحن بنحاول نقلدوا
بحاولوا دايما يعكسوا ملامح الجمال الطبيعي مش يطمسوا ملامحه زينا..
لديهم الجمال الاسود والاسمر والقمحي والاحمر والاصفر,,واللون لا يقلل من الجمال في شيئ لكن
نحن شايلين عقد متتلتلة ولم نجد من يقوي فينا أن نحب انفسنا كما نحن وليس كما تصور لناعقدنا
واستلابنا الثقافي,,,
بلد ماعندها وجيع,,,
وينا ""الخلاسية""
""غابة الابنوس عيونها""..
وينها..""البت الزيتونة""..
وينها""أسمر..حبيبي يا اسمر ياااا""
.
.
.
.
| |
|
|
|
|
|
|
|
|
|
Re: أسمر جميل فناااان .. (Re: mohmmed said ahmed)
|
كترتوها شديد على البنيات ديل
خلونا من المكياج و الما مكياج كان في عادة مفروض السودانيين يقلعوا عنها: المفروض تكون عادة
الشنيف الشديد ده , لا بعجبكم العجب و للا الصيام في رجب , مذيعات النيل الازرق جميلات و راقيات
و فاهمات و حتى مكياجن راقي و تيابن راقية شديد يعني جمال و فهم مافي كلام
اسه كان كانوا معشكبين و مغبشين كان جيتو سبيتوا و لعنتوا
| |
|
|
|
|
|
|
|
|
|
Re: أسمر جميل فناااان .. (Re: سناء عبد السيد)
|
Quote: خلونا من المكياج و الما مكياج كان في عادة مفروض السودانيين يقلعوا عنها: المفروض تكون عادة
الشنيف الشديد ده , لا بعجبكم العجب و للا الصيام في رجب , مذيعات النيل الازرق جميلات و راقيات
و فاهمات و حتى مكياجن راقي و تيابن راقية شديد يعني جمال و فهم مافي كلام |
استاذة سنـــــــــــــــاء
جميلات مافي كلام
تيابن حلوة وشديد كمان
لكن والحق يقال"اما شخصيا"" شايفة مكياجن شين شديد
وده ماشناف ..ولا يضير انه عايزين نعتز بجمال بلدنا
وانا شخصيا مكياج زي دي والله مالاقني خالص ولا شفته لا حفلات نجوم امريكان لا اوروبيين ولا حتى افارقة
لكن التبايت الصارخ ده وتنافر الالوان شفته في مصر دي.
وعموما في النهاية دي وجهة نظري الشخصية.
رمضان كريم يا عزيزتي.
| |
|
|
|
|
|
|
|
|
 Re: أسمر جميل فناااان .. (Re: Hussein Mallasi)
|
Quote: ماتستبعد يامحمدسيد احمد
يمكن بعد شوية يحفروا حفرة دخان فى التلفزيون
عشان الواحدة تاخد بوخة قبل البرنامج ب10 دقائق |
يا عوض يعقوب ياخ ده بالغت فيهو
برلوم مسلط ... الف مرحب بيك ياخ فى الحوش الكبير ويديك العافية
Quote: لو فتحت ندى القلعة أو عفاف حسن أمين بلاغ ضد لابس العمامة أعلاه؛
و تم تحويل البلاغ للمحكمة؛ فالراجح أن يحكم عليه بالجلد. |
| |
|
|
|
|
|
|
|
|
|
Re: أسمر جميل فناااان .. (Re: شول اشوانق دينق)
|
استفهامات
[email protected] هذا البريد الالكتروني محمى من المتطفلين , يجب عليك تفعيل الجافا سكر يبت لرؤيته
التلفزيون بخيره وشره لن يخلو منه بيت - إلا من أبا – ومن هنا تكمن خطورته وتجب رعايته وان يقوده رجال - أو نساء - يعرفون أثره واستخدامه الأمثل.
سبب هذه المقدمة إني سأتطرق إلى جزئية بسيطة من أجزائه وخوفي من أن يكون سبباً في نشر العادات السيئة شعر بذلك القائمون عليه أو لم يشعروا.يختلف الناس في تقييمهم للجمال ولكن قطعا هناك حد أدنى من الاتفاق .
ظاهرة انتشرت في القنوات السودانية – دون أن احدد لا أريد أن اذكر القنوات بالأسماء لأني اكره واحدة منها كراهية التحريم ولا أقف عندها لحظة أتريدون حرفها الأول س سؤال؟ الظاهرة هي ظهور مذيعات وضيوفهن من النساء بمنظر مقزز من أين جاءت لا أدري وهي طلاء الحاجب الأعلى بلون الثوب الذي ترتديه اعتقاداً منهن أن هذا شيء جميل وبعمل matching تجانس. غير أن الفطرة السليمة تنكر أن تصبح المرأة ملونة كما السيارة تبدو عيونها في شكل غريب على الفطرة صراحة من قال لهذه النسوة أن هذا شيء جميل، قد لعب عليهن. لا أريد أن أقف عند هابط قول بعضهن ولا هابط غناءهن ولكن فقط هذا المنظر البشع الذي أخشى من انتشاره إذ قد تحسب بعض المغفلات أن كل ما يظهر بالتلفزيون هو موضة ومقبول.
بالله تخيل عيون (مجلبطة) باللون الأزرق لأن التوب ازرق !!ما هذا البؤس أليس لهذه القنوات فنانون يحسبون الجماليات على الأقل في حدها المتفق عليه؟؟
أليس لهذه القنوات إداريون ذوي غيرة ولهم كلمة رجل مثل: ارجعي يا كديسة وغسلي وشك دا وتعالى وكان ما عجبك ما تجي.
فنيي الديكور أليس لهم كلمة بأن يقولوا الديكور للخشب الحيطان وليس لجسم الإنسان الذي أحسن خلقه الله.أسال الله أن لا ينتشر هذا المنظر البشع هذه العادة او التقليعة السودانية ونسال الله أن يعين القائمين على أمر القنوات لأن يرتفعوا بالذوق ولا يسقطوا به ويكونوا سبباً في انتشار العادات السيئة .
بالله النسوان أمات بوهية ديل ما ناقصات مخ كيف تلون جسمها على لون القماش حيث يصبح المخلوق تابعاً لمصنوع؟؟؟
رب قائل كل المسألة لفت نظر وها قد تحقق.التفت نظري ولكن اضطررت لأبحث عن ليمونة لما أصابني من غثيان.
صحيفة الحرة يوم 15/9/2009 م
| |
|
|
|
|
|
|
|
|
|
Re: أسمر جميل فناااان .. (Re: mohmmed said ahmed)
|
قبل قليل
شاهدت سهرة فى النيل الازرق
الفنان الرائع الهادى حامد
الحوارحول المثقف
والكلمة السخيفة المثقفاتى
ومحاولة السخرية من المثقف
حتى نجح يحيى فضل الله والسرالسيد
فى الحديث عن المثقف الايجابى
والاشارة الى الارهاب المضاد
بالسخرية من المثقف
اسقطت فكرة البرنامج بالسخرية من المثقف
وبهتتا
بنتى التخب
حتى اعاد لهن عوض شكسبيرالنفس
بالسخرية من المثقف
الغريبة شكسبيرهو ذاتو مدعى ثقافة وعامل بيسخرمن الادعياء
هادية
ماعارف باقى الاسم
لكن كلام مليان
ومثقفة حقيقية
| |
|
|
|
|
|
|
|
|
|
Re: أسمر جميل فناااان .. (Re: احمد العربي)
|
العربى الفنان
يازول وقعت لى العيناوى
زى مصطلح الشوف وشواف يا ناس كلية الفنون
شوفتا كيف بنات التبخ اتجهجهن بكلام يحيى والسر
هن طبعامليانات ومعبئات باسئلة الاعداد
وفكرتهاالمحورية بالسخريةمن المثقف استخدام المفردة المبتذلة مثقفاتى
| |
|
|
|
|
|
|
|
|
|
Re: أسمر جميل فناااان .. (Re: mohmmed said ahmed)
|
سخريتنا من المذيعات
لانقصد بها الاستهداف الشخصى
فلهن كل التقديروالاحترام على المستوى الشخصى
ولكننا نحاول السخرية
من النموذج ومن النمط
نسخر من محاولة حصرمفاهيم الجمال
فى اللون الاصفروالعيون الزرق والشعرالحرير
مذيعات التلفزيون لهن تاثيرخطير
لذا نحن نسخرمن النموذج والعقلية
وندعو لتذوق جمال التعدد فى السودان الجميل
| |
|
|
|
|
|
|
| |
mohmmed said ahmed
محمد الامين محمد
khalid abuahmed
محمد الأمين موسى
Hisham Osman
ابو يسرا
عبداللطيف محجوب
abubakr
Hussein Mallasi
عوض يعقوب
james
khaleel
saif massad ali
Mamoun Ahmed
محمد ابو القاسم
وليد الطيب قسم السيد
Omayma Alfargony
سناء عبد السيد
شول اشوانق دينق
احمد العربي
فيس بوك
تويتر
انستقرام
يوتيوب
بنتيريست