|
Re: شبابيك ... (Re: حبيب نورة)
|
شبابيك ...................
راس خيط لي ضو ! مروق من كتمة بتسكن جوة شُباك برمي شِباك النور مفتوح بفضح زول مجروح مكتول مقفول في عتمة
شبابيك يا دنيا ...............
شباك شمعة بفرتق ليل الهم والكتمة شباك نجمة بيمطريسقي العتمة شباك في الضلمة وشباك نسمة
شبابيك......................
شباك مفتوح للغيم بابين مطرة شباك في شُرفة خاطر كايس للضي والقمرة
شبابيك ....................
عفواً هذه النوافذ تُشرع شبابيك وعدها المسرج ألقاً وتنتهك حرمة جميع الشوارع التي تُفضي إلي الفراغ
عذراً فأنا أتحرّي رؤية هلال عينيك ولن أكلم اليوم إنسياً
إلا هذا المُطِل من شبابيك إنتظاري للمطر
شبابيك .....................
شبّاك فاتح بتمرق منوا بنية قصيدة بتقول للشارع الدنيا كلها شبابيك والسهر والحكاية والحواديت مارقة دافية من شباك منير المتوهط بلكونة الروح ....
وشرفة طعومة اللقيا وما بين مرارة رجاي وخيبة أمل هذه الشبابيك التي تحاصر فشفاشي بالأكسجين
ثمة نوافذ
وشبابيك أخري
تنتظر إطلالتك من ضلفة سماحا !
شبابيك ......................
| |
|
|
|
|
|
|
Re: شبابيك ... (Re: حبيب نورة)
|
شبابيك ...........
بتدق بي نبض الزول
دق دق دق دق ...
دق !
شباك في الدم شباك بسرق منك الخوف والهم
نطّيت من شوقك بالحيطة جيت بي الشباك تاوقت عليك في نص النيل شفتك بتّاوقي من الشباك
شبابيك ...............
بين حلمين يا معاين من الشباك يا أحلا زول شفناك
حكمة العدد!
شابيك ................
| |
|
|
|
|
|
|
Re: شبابيك ... (Re: حبيب نورة)
|
شباك نفّاج درّاج لي مرقة مصباح ضوّاي شباك تاواق لي ضو رقراق شباك في دماي
شبابيك........ سرقت لي عيون الشمس التشرق ديك شبابيك بتجيك شبابيك في شارعك باب شبابيك أصحاب شادِّين الحيل في دنيا صعاب
شبابيك...........
| |
|
|
|
|
|
|
Re: شبابيك ... (Re: حبيب نورة)
|
شبابيك من حب الناس ليك. شبابيك مفتوحه للعالم و الناس..مشرعة للحب و الخير و التفاؤل.. شبابيك...للانسانية و الرحمة و المودة يا حبيب كل سنة وانت و نورة في اسعد الايام و اللحظات... لك عاطر ودي..
| |
|
|
|
|
|
|
Re: شبابيك ... (Re: هواري نمر)
|
حبيب نورة ممكن اتاوق من الشباك والطاقة؟
شباك فاتح على حوش الريد والنيل والالفة لامى الفرقةوضامى الشوق بالاوان ولحون مختلفة ليك من المحنة بحور والامنيات العيديه مطامير فرح كل سنة وانت حبيب نورة لانه طلتك يا الحبيب مهمه لينا زى العيد ربى يحقق كل امنياتك ويديك الفى مرادك
تحياتى اسماء الجنيد/ مسقط
| |
|
|
|
|
|
|
يا سوما .. شكرن كتيرن! (Re: soma)
|
Quote: ممكن اتاوق من الشباك والطاقة؟
شباك فاتح على حوش الريد والنيل والالفة لامى الفرقةوضامى الشوق بالاوان ولحون مختلفة ليك من المحنة بحور والامنيات العيديه مطامير فرح كل سنة وانت حبيب نورة لانه طلتك يا الحبيب مهمه لينا زى العيد |
الأخت الجميلة سوما
مافي أجمل من شبابيكك بتدخل منها المطرة و بتمد الضو علي الخاطر شبابيك سارحة في الشارع تفتش في حلم بكرة
ربنا يخليكي والله
شكرن كتيرن!
| |
|
|
|
|
|
|
Re: شبابيك ... (Re: هواري نمر)
|
Quote: كل سنة وانت و نورة في اسعد الايام و اللحظات |
الحبيب هواري الجميل
ياخي ربنا يجبر بي خاطرك حروفك مليانة حنية
خش بي شباك روحي وسيب الحيطة!
شكرن كتيرن!
| |
|
|
|
|
|
|
Re: شبابيك ... (Re: abubakr)
|
هذه الشبابيك يا أبو بكر
أدمنت الإنتظار
وتتحرق ضلفها إشتياقاً
يا لهُ من بؤس!!!
تسلم علي المرور يا جميل وكل سنة وانت حبيبي
شكرن كتيرن!
| |
|
|
|
|
|
|
Re: شبابيك ... (Re: طلال عفيفي)
|
الجميل عفيفي
ياخي ربنا يخليك لينا يا رب
وانشاء الله شبابيكك دايماً مسرجة الضياء
انت زول سمح
ربنا يخليك يا رب
ومنتظر عودة محتملة منك
ومعاك شوية شبابيك
شكرن كتيرن!
| |
|
|
|
|
|
|
Re: شبابيك ... (Re: حبيب نورة)
|
حبيبنا البحبها هي
طليت من شباكك لقيتك شابك في شبابيك طلال و الحب شابك و مشبك كل البوست و مضمخ جنباتو عفة و عفاف وزايد عليهو جمال عفيفي الانسان العالي
دي كمية من التنأنق و الالق تناسب عيد مجيد . .
يابا انت لا تفوت لا تموت ان شاء الله . . قول يامين ؟ كل سنة انت رئة و مسام بغالطن الكتمة و العتمة. . و طاقة حب و شباك ريد مطل على القلب مباشرةً
ينعاد عليكم بالخير ياالحبيب
-------- برة الخط ------------ قأل لحبيبو : بقيت ما زي زمان كنت بتدورنا و تزورنا و تسعدنا يا أمل
| |
|
|
|
|
|
|
Re: شبابيك ... (Re: قيقراوي)
|
Quote: حبيبنا البحبها هي
طليت من شباكك لقيتك شابك في شبابيك طلال و الحب شابك و مشبك كل البوست و مضمخ جنباتو عفة و عفاف وزايد عليهو جمال عفيفي الانسان العالي |
قيقرة طاقتك فتحت نفّاج جوة روحي
ياخي انت زول جميل وشبابيكك فاتحة ناصية
يديك العافية
وتعال لي بالباب الأكسجين
تسلم انت ويسلم طلال
Quote: يابا انت لا تفوت لا تموت ان شاء الله . . قول يامين ؟ كل سنة انت رئة و مسام بغالطن الكتمة و العتمة. . و طاقة حب و شباك ريد مطل على القلب مباشرةً
ينعاد عليكم بالخير ياالحبيب |
!!!!!!!!
شكرن كتيرن!
| |
|
|
|
|
|
|
Re: شبابيك ... (Re: حبيب نورة)
|
Quote: وتعال لي بالباب الأكسجين |
جيناك
هو نحنا متين كنا طلعنا منك ؟
-------------------- مع مراعاة فروق ؟ عن دي ! . . و تفاصيل الشوق و طقوس المحنّة
اترع الكأس نديأً يا نديم
| |
|
|
|
|
|
|
Re: شبابيك ... (Re: قيقراوي)
|
شباك نفّاج درّاج لي مرقة مصباح ضوّاي شباك تاواق لي ضو رقراق شباك في دماي
كل سنة وانت طيب ياحبيبها وربنا يحقق الاماني شبابيكك ترد الروح كل سنة وحرفك أنضر عيد مبارك
| |
|
|
|
|
|
|
Re: شبابيك ... (Re: هند محمد)
|
Quote: شباك نفّاج درّاج لي مرقة مصباح ضوّاي شباك تاواق لي ضو رقراق شباك في دماي
كل سنة وانت طيب ياحبيبها وربنا يحقق الاماني شبابيكك ترد الروح كل سنة وحرفك أنضر عيد مبارك |
هندة
الله يخدر قلمك أنتي زولة جميلة ياخ وانا مكتول في حوشك
الله عليك يا غالية شكرن كتيرن
| |
|
|
|
|
|
|
Re: شبابيك ... (Re: قيقراوي)
|
القيقرة قيقرة قيقرة قيقرة
ياخي بحبك والله
جيتك دي بالدنيا
تسلم و بفتح ليك مليون شباك
خش بي حنينك اليمين
| |
|
|
|
|
|
|
Re: شبابيك ... (Re: حبيب نورة)
|
Quote: شباك شمعة بفرتق ليل الهم والكتمة شباك نجمة بيمطريسقي العتمة شباك في الضلمة وشباك نسمة
|
جننتني عديل كدا ! حسيت بي كلكلة ... اتذكرت اني شارب شاي بي لبن.
سعيد بمحادثتك في ذاك المساء و انت ترتاد المترو
ان شاء الله يا رب تتفتح كل شبابيكك المغلقة في يوم ماطر و نسيمو يراري
| |
|
|
|
|
|
|
Re: شبابيك ... (Re: ناصر احمد الامين)
|
ناصر الجميل ما أجمل شبابيكك يا عسل والله فرحت بي جيتك زي ما فرحت بي إتصالك و أنا أرتاد مترو الأنفاق في رحلتي التأريخية التي لا تلجمها إلا محطة المرج
Quote: ان شاء الله يا رب تتفتح كل شبابيكك المغلقة في يوم ماطر و نسيمو يراري |
آآآآآآمين ياخ فيك الخير وشكرن كتيرن!
| |
|
|
|
|
|
|
Re: شبابيك ... (Re: حبيب نورة)
|
Quote: ياخي دة أحلا شباك الزول يعاين من خلالو تسلم يا جميل صديق الشبابيك
المطلة علي روحنا
|
حبيب نورة يا صاحب الذوق الرفيع..
كلماتك الظريفة هذه لا ترد إلا بمزيد من الورود!!
فلك مني كل الود.. أقصد كل الورد..
| |
|
|
|
|
|
|
Re: شبابيك ... (Re: Abdlaziz Eisa)
|
وانا بهدي ليك المطرة لما تضم حجاوي السنسنة الحمرا و يا قمرا شوفي أبوي ليه ما جا
تسلم والله ورودك فيها شي من رحيقك
وشئ لله
شكرن كتيرن!
| |
|
|
|
|
|
|
|