|
|
|
 Re: شواطين البورد ............................... (Re: عبدالكريم الامين احمد)
|
Quote: حددي يا زولة الشواطين اشكال والوان
1-شيطان ظريفوني
2- شيطان جنو كلكي
3- شيطان اسفيري
4- شيطان نص كم
5-شيطان شرير رعديد
المهم حددي لي عشان ارشح شواطيني |
كيكى يا شيطان اول ..
سلام...
مافى تحديد دى دراسة جديدة ومافى مراجع نعتمد عليها فبالتالى
خلينا نعتبر تصنيفاتك الفوق فرضيات الدراسة بتاعتنا,,,,ونبنى عليها
بمعنى تخت شيطانك وتخن الكاتوقرى بتاعو ولو بقى مافى نشوف لينا
طريقة نفصل ليهو كاتقورى ...
بس على مسؤليتك ونحن علينا ابداء الملاحظات ..وحيكون عندنا اساتذة زائرين وكدا
| |
 
|
|
|
|
|
|
|
 Re: شواطين البورد ............................... (Re: سيف الدولة كامل)
|
بسم الله الرحمن الرحيم,,,
ملايكة يا رسول الله,,
أكيد أميرة قاصده العكس تماما!!!
قمة فى الذكاء إنت يا أميرة,,
شكرا بحجم أمطار الخريف,,
بوباى صاحبى لسه محبوس
والأمطار تحاصر مدينتهم,,,
بعد ما نخارجو بنجيك سوا,,
وبنبقى فى مقولتك الشهيرة,,,
الليلة وووووووووووووووك,,
رمضان خش العضم شكلو كدا
قوموا إلى صيامكم يرحمكم الله,,
مساء الخير,,
| |
|
|
|
|
|
|
|
|
|
Re: شواطين البورد ............................... (Re: GamarBoBa)
|
Quote: اكتمي نفس يا اميرة..خلينا نسمع ريماز بالاخضر والاسود وافراح عصام لابسة زي مارس شوكليت
ياريت كمان يربطوا لينا العجوز الاسمه السر قدور ونادر خدر ده معاكم |
المتهم الاول .. سيدنا قمر وزوجاته التلاتة والهوادة بتاعتهم
رمضان كريم....
افراح وريماز ونادر وعصام ديل الذى منو بتاع بعد
الافطار بتاعنا.
انى وى انت واحد من الشياطين الهنا تجى انصاص الليالى
تجدع ليك مداخلات وتمشى..الناس دى ماجايبة خبر
انت قايل البورد دا مافيهو نظام عام ولاشنو.. ..؟
فى الفترة الاخيرة شايفاك بقيت تفتح بوستات نهارا جهارا
ولا شغال باى زول....
اها ماشى امتداد ناصر متين؟
| |
|
|
|
|
|
|
|
|
|
Re: شواطين البورد ............................... (Re: أيمن الطيب)
|
Quote: رمضان خش العضم شكلو كدا
قوموا إلى صيامكم يرحمكم الله,, |
ايمنوف .. اركز للبجيبها الريح
واستخدم كل المستندات بطرفك واذا ما كفت استعين
بصديق .. انشاءالله موسى (قرقرقر)
المهم السؤال..
انت حسب وجة نظرك المابعرفها كويس انو البورد دا
الاسكليتون حقو مش كلو شواطين..
مشكلتى بفتى ومالك فى المدينة...
| |
|
|
|
|
|
|
|
|
|
Re: شواطين البورد ............................... (Re: GamarBoBa)
|
Quote: يامنسى...
طلعتو كلكم جبانيين ...
البوست دا اهم شروط المشاركة الوضوح ثم الوضوح...
مشاركتك مامعتمدة وغير مستوفية للشروط |
عرفتي تحركي النزعة الجعلية فيّا
ودشيوق
دي دايرا ليها درس عصر
مفكوك وكل الشواطين مربوطة
تحياتي للناس الحلوين ديل
إنعام وبوبا وأيمن والبقية
تحيات رمضانية بريحة الحلو مر ودعش المطر الزانق بوبا
| |
|
|
|
|
|
|
|
|
|
Re: شواطين البورد ............................... (Re: GamarBoBa)
|
Quote: يامنسى...
طلعتو كلكم جبانيين ...
البوست دا اهم شروط المشاركة الوضوح ثم الوضوح...
مشاركتك مامعتمدة وغير مستوفية للشروط |
عرفتي تحركي النزعة الجعلية فيّا
ودشيوق
دي دايرا ليها درس عصر
مفكوك وكل الشواطين مربوطة
تحياتي للناس الحلوين ديل
إنعام وبوبا وأيمن والبقية
تحيات رمضانية بريحة الحلو مر ودعش المطر الزانق بوبا
| |
|
|
|
|
|
|
|
|
|
Re: شواطين البورد ............................... (Re: طارق جبريل)
|
Quote: كلكم دايرين تقولوا صديق الموج و خايفين
انا شخصيا ما بقول |
محمد الشيخ .....كتر خيرك
انا عارفك بتبرى ساحتى من الاوغاد الختفتها من خشمهم ديل...
وانا بصراحه داير اقول اميرة الشيخ ووجن ودانيا المكى وود الصائم
فاذا ابليس يقول لى:
ود الموج بالغت !!لما نسبت لى ديل شعرت جلدى لما كلبت..
اها سكت اقول شنو؟؟
| |
|
|
|
|
|
|
|
|
|
Re: شواطين البورد ............................... (Re: صديق الموج)
|
وانا بصراحه داير اقول اميرة الشيخ ووجن ودانيا المكى وود الصائم
أميرة الشيخ وود الصائم عرفناهم
نحنا ديل مالنا
آآآآآآآآآآآآآآآ
ماتقول لي لسه بايتة معاك
انا ماخليتك عشان تفطر لرؤيتها
أكتر ن كده أعمل شنو
الا أرسل ليها فيزا
بعدين يا أميرة أنا ماشة أنادي
أمين محمد سليمان
وهو بقول ليك
أبوهم الذي علمهم السحر
| |
|
|
|
|
|
|
|
|
|
Re: شواطين البورد ............................... (Re: وجن)
|
وشنو يعنى بصموك؟؟
انت اعمليها وكان قبضوك ماكلها تزوير تاخدى عليه عشرة
سنه سجن زى الحلاوة وتمرقى..
والشهر هنا زى ما انت عارفه بس اربعه مصارعات ومسلسل ويخلص..
يخسى عليك يعنى كتار على افراح العشرة سنه دى؟
وين الايثار الايثار....
بالغتى والله ما قايلك كده،،،
| |
|
|
|
|
|
|
|
|
|
Re: شواطين البورد ............................... (Re: moaz elsir)
|
Quote: نعم هنالك بعض الاعضاء يهتمون بمواضيع تجرح الصيام مثال على ذلك البوستات الخاصة (بالغناء ، والاعجاب ببعض المغنيات وتحريك اشياء اخري تاثرنا على صيامنا، وقيامنا) .
|
معاذ
معاذ
بطل الارهاب الفكري الانت فيه ده
افراح عصام اي مالك...
وبعدين صيامك عرفناه من متين كمان كان ليك قيام ؟
| |
|
|
|
|
|
|
|
|
|
Re: شواطين البورد ............................... (Re: GamarBoBa)
|
| Quote: بطل الارهاب الفكري الانت فيه ده |
يا قمر بوبا
o قولنا نجمع لينا شوية حسنات خلال هذا الشهر الفضيل
Quote: افراح عصام اي مالك...
|
o لها صوت جميل جداً ومختلف عن البقية ( افراح عصام ، عافية ، فهيمة) متابعهم طوالي لان اصواتهم غير عادية.
o لكن اخاف عليهم من مجتمع الفن فهو مرعب !!
| |
|
|
|
|
|
|
|
|
|
Re: شواطين البورد ............................... (Re: Amira Elsheikh)
|
| Quote: وباقى الاجابة عند الشيطان قمر بوبا |
يا بت الشيخ
لك الاحترام و التقدير ،،،
o موسي دا ود شـــيوخ!
o ما كنا عاوزين ندخل فى المعمعة ، لكن عزانا راح نمشي الحرام ندعوا ربنا يتقبل منا.
o بس ما قدمتوا لينا الدعوة فى افطار رمضان "بورداب الدوحة" ، نحنا ضيوف لسه فى الدوحة (ثلاث سنوات فقط)، يعني ما ممكن نجي (طفاشه) لازم دعوة مسبقة.
| |
|
|
|
|
|
|
|
|
|
Re: شواطين البورد ............................... (Re: الطيب شيقوق)
|
| Quote: وحيكون عندنا اساتذة زائرين وكدا |
قمت بالزياره ولم أجدك ,, عليه أوصى بالآتى :
إنت تتحدثين عن شواطين وليس شيطانات البورد
وبما أن أحدهم قد تحدث عن شيطانه هنا فى هذا
البوست الشئ الذى يتعارض وعنوان البوست فإننى
وكأستاذ زائر أرجوك بأن تلتزمى بالنصوص والقوانين
والمشاعر .
| |
|
|
|
|
|
|
|
|
|
Re: شواطين البورد ............................... (Re: عماد الشبلي)
|
كدي النكوت الكلام لانو الكلام بقي متداخل في بعضه -بكره الكوت شديد انا-
Quote: المتهم الاول .. سيدنا قمر وزوجاته التلاتة والهوادة بتاعتهم
رمضان كريم....
افراح وريماز ونادر وعصام ديل الذى منو بتاع بعد
الافطار بتاعنا.
انى وى انت واحد من الشياطين الهنا تجى انصاص الليالى
تجدع ليك مداخلات وتمشى..الناس دى ماجايبة خبر
انت قايل البورد دا مافيهو نظام عام ولاشنو.. ..؟
فى الفترة الاخيرة شايفاك بقيت تفتح بوستات نهارا جهارا
ولا شغال باى زول....
اها ماشى امتداد ناصر متين؟
طالع
|
طيعا يا اميرة كلامك صاح
الفترة الاخيرة انا حاسي انو بقيت بتكلم كتير خلاس مقارنة بالسابق زمن المداخلة زاتها كانت بتلتلة خليك من بوست
وده ما مني من العلي والله
يعني زمان الزول كان بجي بلقي ليه كتابة سمحة وموضوع سمح ونادرا ما يشارك
اما رفع البوستات يعلم الله مجبر اخاك لا بطل
بعض مرات الزول بكون (Unconscious) بفعل الصيام أوماخد جرعة حلو مر منشط زياده وعدم الشغلة وهكذا
بالنسبة لموضوع النظام العام طبعا مافي لا نظام عام ولا بتاع مرور ينظم الترافيك الحاصل الدليل
50 شخص عندهم خمسين كاميرا + موبايلات بالاضافة للرامات الخارجية واي زول عايز يصور ويرفع ويجي يقول - يوجد صور-
في ناس تنزل نقطة مطرة يرفعوا بوست
طعمية حرقت يرفعوا بوست
رقاق مافي يرفعوا بوست
خضر حسين قبل يومين مصور شارع ومنزل قصيدة باقي ليه يزرع لوبيا
ده كلو كوم والكهربا الزايدة عند اخوانا الجدد كوم تاني وصلاح غريبة وفعالياته
قال ايه:منزل صورة السفرة طايرة وبنثبتها بيدينا
الله يثبت ايمانا نحن ديل ويقلل الزمن المتوفر في رمضان ده عشان نتخارج
خلاصة القول البورد ده ما فيه اي Creation يخلي الزول يتفرج ..يقرا ويستمتع بالعكس بقي يعلم الزول عادة بايخة انو الزول يخرمج مع المخرمجين
لما سبق يا اميرة اصبروا لينا رمضان ده نقضي شوية زمن فايض في الفارغة هنا والتزم بكل قواي العقلية ان اقلل رفع البوستات والكلام الكتير (الا) لاحظي الا دي جوا قوسين في حالة التعرض الي استفزاز شديد ومفاجئ اكرر مفاجئ
___
امتداد ناصر مالها..مافهمت والله..الموضوع لو فيه لغم خليه في الخاص او خليني ادفع فاتورتي واشد ليك سلك
فكوا لينا ايمن الطيب فالشياطين علي قفا من يشيل ...اقلاه شيطان عاقل احسن من شيطان بعولق الزول ويعوقه
وشكرا
| |
|
|
|
|
|
|
|
|
|
Re: شواطين البورد ............................... (Re: GamarBoBa)
|
Quote: ايمنوف .. اركز للبجيبها الريح
واستخدم كل المستندات بطرفك واذا ما كفت استعين
بصديق .. انشاءالله موسى (قرقرقر)
المهم السؤال..انت حسب وجة نظرك المابعرفها كويس انو البورد دا
الاسكليتون حقو مش كلو شواطين..مشكلتى بفتى ومالك فى المدينة... |
أبقى جاهزة سعادة المفتئ والقصة مامحتاجة مستندات ولا صديق ,,, الموضوع محسوم بنظرية الContradictions وأحيانا بالConspiracy ,,,,, يا أميرة الشيخ ,,, الفيك إنعرفت,,,ومحمد معانا ما تغشانا!!!| Quote: امتداد ناصر مالها..مافهمت والله..الموضوع لو فيه لغم خليه في الخاص او خليني ادفع فاتورتي واشد ليك سلك |
يا بوبا إمتداد ناصر مع الخريف العنيف دا إلا تكون سايق رفاس,,واللغم قام خلاص وهو بالمناسبة لغم Disposable ولا يصلح للإستخدام أكثر من مرة واحدة وقريبتك دى كركبتا كترت تكون مالا يا ربى وأشك شكا كبيرا أن للأمر علاقة بإنعام عبدالحفيظ وبرى  !!!!!| Quote: فكوا لينا ايمن الطيب فالشياطين علي قفا من يشيل ...اقلاه شيطان عاقل احسن من شيطان بعولق الزول ويعوقه وشكرا |
قريب قريب بس جهز الكشوفات لفك التسجيلات,,,
* نقطة نظام:
ليك يوم يا ظالم,,
| |
|
|
|
|
|
|
|
|
 Re: شواطين البورد ............................... (Re: أيمن الطيب)
|
| Quote: أبقى جاهزة سعادة المفتئ والقصة مامحتاجة مستندات ولا صديق ,,, الموضوع محسوم بنظرية الContradictions وأحيانا بالConspiracy ,,,,, يا أميرة الشيخ ,,, الفيك إنعرفت,,,ومحمد معانا ما تغشانا!!! |
ايمن ... سلام..
الكونتراديكشن دى زولة صاحبتنا وبت ناس ومسالمة شدييييد حسب اخر ورشة عمل كانت
واتحولت المسالة للانفيريرتى كومبلكس وخليك صاحى قبل احلام النوم تشتغل ونبقى فى
ناس بيت المال الكلام دا مابرضووشنو كدا ماعاعارفة ...
محمد معاك بى وين يافردة وانت مصنف فى هذا الشهر من ضمن الشواطين اجارك الله
| Quote: ولا يصلح للإستخدام أكثر من مرة واحدة وقريبتك دى كركبتا كترت تكون مالا يا ربى وأشك شكا كبيرا أن للأمر علاقة بإنعام عبدالحفيظ وبرى |
بوبا دا لو اتكلت عليهو بتدق الدلجة لانو مداخلة والتانية بقول ليك انا ماشة الكلاكلة ولا ناصر
وبالميت نمرة 2 .. جارك القريب احسن ..(جارك دا تحددو انت)
وانعام شكلها نايمة وماجايبة خبر
| |
|
|
|
|
|
|
|
|
|
Re: شواطين البورد ............................... (Re: GamarBoBa)
|
Quote: كدي النكوت الكلام لانو الكلام بقي متداخل في بعضه -بكره الكوت شديد انا-
|
Quote: سيدنا قمر وزوجاته التلاتة والهوادة بتاعتهم
رمضان كريم....
|
قلت لى بتكره الكوتات
Quote: 0 شخص عندهم خمسين كاميرا + موبايلات بالاضافة للرامات الخارجية واي زول عايز يصور ويرفع ويجي يقول - يوجد صور-
في ناس تنزل نقطة مطرة يرفعوا بوست
طعمية حرقت يرفعوا بوست
رقاق مافي يرفعوا بوست
|
غايتو انا تانى كان زول ضرب لى تلفون برفع بوست
Quote: لما سبق يا اميرة اصبروا لينا رمضان ده نقضي شوية زمن فايض في الفارغة هنا والتزم بكل قواي العقلية ان اقلل رفع البوستات والكلام الكتير (الا) لاحظي الا دي جوا قوسين في حالة التعرض الي استفزاز شديد ومفاجئ اكرر مفاجئ
|
لا عليك الله والفارغة والمقدودة حقت غريبة البحددها لينا منو
دا تخصصك .. لو مشيت بحصل شورت وماعندنا قروش لاساتذة زائرين وكدا
امتداد ناصر نفر...
| |
|
|
|
|
|
|
|
|
 Re: شواطين البورد ............................... (Re: كمال سالم)
|
Quote: قمت بالزياره ولم أجدك ,, عليه أوصى بالآتى :
إنت تتحدثين عن شواطين وليس شيطانات البورد
وبما أن أحدهم قد تحدث عن شيطانه هنا فى هذا
البوست الشئ الذى يتعارض وعنوان البوست فإننى
وكأستاذ زائر أرجوك بأن تلتزمى بالنصوص والقوانين
والمشاعر . |
والله دى اكتر تسمية بيرفكت ..
الزول الختاها زول مفتح وناقش البورد دا كويس
ودا اكتر ترشيح قريب وممكن ينال كل الاصوات يا سالم
بس انت خليك متابع ..وماتتضايق
| |
|
|
|
|
|
|
|
|
|
Re: شواطين البورد ............................... (Re: Amira Elsheikh)
|
الأمورة!
في واحد ما داير يعرِس لسبب ما لا يعلمه إلا الله ثم هو -الزول المابي العِرِس-، أي زول شابكو ليك: يا فلان إنت مالك ما داير تعرِس؟ أمو إتضايقت من كترة أسألتها ليهو وإتضايقت أكتر من سؤال الناس ليهو، يوم جاتو قالت ليهو: ياولدي إنت مالك داير تعرِس، أنا أمّك كلمني، الزول سكت طويلاً وأمو تعاين ليهو، لما شاف أمو دميعاتها نزلت، قال ليها يا يُمّة، أنا معرِس، قالت ليهو يا ولدي عرست متين ووين؟ وإنت ما فارقتني يوم من ما ولِدتك؟ قال ليها: يا أمي أنا معرِس لي جنيَّة وعندي منها أولاد، وكان عرست فوقها بتكتلني؟
الأم إحتارت، قالت ليهو الجنيَّة دي مسلمة ولا مسيحيَّة؟ قال ليها: مسلمة، الأم هنا إرتاحت، قالت ليهو طيب وكتين الجنيَّة مسلمة أكيد بتعرِف إنو الراجل محللات ليهو أربعة، ثم أضافت، عليك الله ياولدي عرِس تاني عشان بس تقطّع كلام الناس ده..
___
قال ليها: لكن يا أمي الجنيَّة دي تقدميَّة وعضوة في منظمة حقوق المرأة العالميَّة
تن
تن
تن
تااااااااا
| |
|
|
|
|
|
|
|
|
|
Re: شواطين البورد ............................... (Re: Amira Elsheikh)
|
Quote: قال ليها: لكن يا أمي الجنيَّة دي تقدميَّة وعضوة في منظمة حقوق المرأة العالميَّة
|
لبسنى فنيلتك الحمرا غابت الشمس طلعت القمرة *
سايق سوق .
ترلم ترلم ترلم
نننننننن
مظاهرات ...
ستاااااااااااااااااااار ...
_________________________________________________________-_________
دى اغنية من اغنيات التسعينات بتكون ما جايب خبرهاوهذا ما لزم توضيحه
| |
|
|
|
|
|
|
| |
عبدالكريم الامين احمد
khaleel
waleed dawash
Kostawi
علاء الدين صالح
خالد علي محجوب المنسي
Abdlaziz Eisa
سيف الدولة كامل
Dalal Ezzaldin
أيمن الطيب
حيدر حسن ميرغني
GamarBoBa
حبيب نورة
انعام عبد الحفيظ
انور التكينة
MOHAMMED ELSHEIKH
الطيب عثمان يوسف
عمار محمد ادم
الطيب شيقوق
طارق جبريل
صديق الموج
وجن
معاوية المدير
moaz elsir
كمال سالم
عماد الشبلي
رأفت ميلاد
نوفل عبد الرحيم حسن
Yassir Tayfour
فيس بوك
تويتر
انستقرام
يوتيوب
بنتيريست