|
فى شارعنا اسفلت ...تعيش الانقاذ .؟؟؟؟
|
عند قدوم اسرتى الى رياض الخير سكنت فى حى العود غبيرا ,العمارة جديدة كل شوارع مسفلة الا شارعنا,,وكل عربة داخلة ممرنا يتطاير معها الغبار,,قلت امشى اكلم البلدية ما عرفت مكانهم وين,,لا بعرف معتمد,,لا عمدة لا حتى امير عادى ,,لاننا من سكننا مافى زول جاء وسالنا من عتب او قطعان او ضريبة, امورنا كلها ماشة عن طريق مكتب العقار,مرة قلنا ليه الشارع دا صار كله حفر لو كسرت ماسورة بتملى تلك الحفر,,قال لينا حلو مشكلتكم مع البلدية,,نحن16 سودانى فى تلك العمائر التى تفتح على ذاك الشارع,,تعارفنا عندما نتقابل فى الشارع ,,تطايب كلمات وابتسامات ومرات عن طريق البورى ,هكذا مرت تلك السنون الاربعة,ليلة امس وانا قادم من صلاة القيام وجدت شارعنا خالى من السيارات,ياربى الناس ديل رحلو, فوجدت اعلان معلق على مدخلنا يوم الاحد والاتنين لا تتركو السيارات فى الشارع,,لاننا نريد ان نسفلت الشارع ,على طول وقوفت سيارتى بعيدا,وانا اردد فى نفسى معقولة الناس دى بكرة بتجى,ولا يكون اعلان لمكسب انتخابى اها الليلة صحيت من النوم ولقيت كراعات وشيولات وعربات كبيرة, كلها فى الشارع وعمال يشتغلون بهمة ونشاط,,معقولة يكون هنالك صاحب سمو سوف يمر بجنبنا,, اسى ونحن جالية سودانية عاوزين لينا مسئول يجى يكبر لينا ويرفع اصبعو لى فوووووووووق , فى هذا الشارع المسفلت ,,وجمعيعا نهتف انجاز انجاز تحى الانقاذ
|
|
|
|
|
|